I möcht a Klausner wer'n …
Oft is mir kommen so in Sinn:
I möcht a Klausner wer'n!
Adje, du schöne Welt, fahr hin,
Will nix mehr von dir hör'n!
Wenn aber i dem Maderl so,
So recht in d' Aug'n guck,
Da bin i weg – i woaß net wo –
Dös bringt mi wieda z'ruck!
I bleib a do, 's is alles recht!
I mag ka Klausner wer'n!
Mei Klausen do is a net schlecht …
Grad nüber tuat's loschern!
Da schau i halt den ganzen Tag
So in ihr Zimmerl nein –
A oanzig Wörtl! wenn's mi mag:
Z' Micheli ziag i ein!
★