A scharfer Zeug’n
von
Karl Stieler.
Beim G’richt, da ham’s zum Zeug’n g’sagt:
„Du warst dabei!
Jetzt sag’s, wenn[192] hast an Hans begeg’nt?“
„Um halbe drei.“
„Kunnt’s nit dreiviertel g’wesen sein?
So sag’s nur frei!
Auf dös kimmt jetzt dös Ganze an!“ — —
„Um halbe drei!“
„Ja, geht dei Uhr denn so akkrat?
So b’sinn di nur!“
„Ja,“ sagt der Zeug’n, „akkrat geht’s nit,
i han koa Uhr!
„Mir hat mei Lebtag neamand nie
no koane g’schenkt.“
„Wie woaß’st denn na, daß’s halbe war?“
„I hab mir’s — denkt!“