ISTI MASKŌKI ADSHÚLAGI-TÁTI INNĀχUNÁχAT OS:
Náki Tchikílli ísti Maskō′ki Hatchapála'h Hatcháta tipā′χad ímmikut hammā′kit opunáyatīs Sawä′na talófan, o'h`lolopí 1735, mómen i-ätikóyatis móh'men yanashá`lpin uχhutsä′hudsatis.
Tchikílli ísti Maskō′ki Hatchapála Hatcháta típākad ímmikut; Ántitchi Káwitalgî î′mmiko máχit; Íllîdshî míkko; Ósta Kasíχtalgi îmmíkko; Támmidsho hú`li míkko; Wáli Apala'h`ltsuklálgi hú`li kapitáni; Puipaédshi míkko; Támhuitchi Yutchitálgi imífa míkko; Mitikáyi Okū′nalgi inhú`li míkko; Tuwidshédshi míkko; Huyáni Tchiyáhalgin Okmulgálgi tibáχad ínhu`li míkko; Stimalagué'htchi Osotsálgi immíkko; Hupí`li Sawoklálgi îmmíkko; Iwanágî míkko; Tamókmi Yufantálgî inhú`li kapitáni tún, tustanoχálgî páli-tut'tchínit apákin opunáyit ókatis:
Mómad níta ō′dshin íkana idshókuat hásî-aklatgátin ō′dshit ō′men hawáχladīs; mómof man Kasí'htalgi ikandshóχuan ā′sosa-id anákuasin inkákîda háyatis tché. Mú'mof íkanat tchapáka-ikit hopuitákin inlóχadis; ma mō′man akúyi'htchit inha'-aχlátkosin apóχadīs; mómäs apálluat isáfuli'htchit mátăwan i-apókatīs. Mómäs ísti súlgad í-upan fik'húnnatis múmaχan hí`lit-wē′tis kómākika.
Múmitu istómäs î′kana hubuitágî înlóχatid imomitchä′dshin, inhí`lîkût hási-óssātifátchan apíyatīs. (—— up!)
Mó'hmit apíyît oí-ua okû′fki tchíkfit lipákfit wággin uséχtchît, hápû háyit fígabin uhhayátgadis. Ísin háyatgi apíyît nĭ′ta hámgad yáfgadîn uíwa tsá-atid wággin u`lé'htchadīs. Móh'mît man apógît u'h`lolopí hokólin `lá`lotäs man pasátit pápit apókatis. Múmäs wi-kä′wat inhi`lágikun inhi`lagigádis. Úyuwa tchádad iyúksa fádsan apíyadīs, mómof tinī′tki ō′kin impóhatis nákitoha kó'hmet uχ'hapíadīs.
Múmad íkodshi tchátit `lánin óssît ómātit ókin hídshatis; mómad ma `laní únapan yahaíkîda ókīd pohákatīs Nágitun ómad hí'htchagīs kä′χtchid ísti uχtútatis; múmatin tótka sákid hálluin álîgapit ómātit mat yahaíkida ókit ómin hidshákatis. Í-a `láni `láni immíkkun kaítchîd hodshífatīs. Háyumäs tinítki imúngīs mō′men ísti impingalagí imúngat ō′mis.
Man istî itáloa ma`láχ`laχa tut'tchínin itihídshatis mómad ma `láni tútka óssi ō′dshan ahitídshatit isfúllin itihídshatis; mó'hmet man imáhilissua ómäs ínhītchkin náki íta-u súlkin ahupu`llinákatīs.
Hă′si-óssati fátsan átit tútka hátkîd immalā′katis, mómäs istomitchakigátis. Wahála fátsan atít tútka okulátid immalákatis, múmäs má-o istomidshikátis. Akĕlátka fátchan atít tútka lástid immalákatis, má-o istomidshikádis. Ispógi húnisa fátchan atít tútka tcháatitut lánit immalákatis. Hía tótka `láni ahî′tki ō′dshi ahitídshi ísfullatid ituχkálan; hía tótkan háyomi atíkäs ō′dshit ō′s. Má-o yahá-iki ó'mäs ódshid ómīs. `Laní únapan púkabit úχui`lit ómatît fik'hí`lkîgût istukä′idhi máhid ómatin istä′mat ísto'hmit ómatin fík'hunnīs máχäs sîgátis. Ístûdshi î′tski-súsikōn ma ítun i`lanafaíkit ilíhotchatis; mó'hmet ma púkabî í'hsit hó`li apíyatäs isfúllatis. A′tassa ómid ómatis. Háyomäs ódshīs maómid, ito-ú'h mátawat ómatis. Hiátawan nákî i-alúnga ma`láχ`laχă ō′stid yahaígit îstumítskatad i-uχki`lkuídshit ódshîn inhítchkadīs; ihatitchíska: pássa; sahokólad: míkko-huyanídsha; satot'tchínad: sawátsku'h; isústad; híshi lopútski; hayómit inhítchkadīs.
Imáhilissua inhítchkadi pō′skat pássa míkko-hoyanídsha tipákan isiafástid ómants. Hía púskita o'h`lolopí omálgan i-ilawídshit náki hóma lóktsat atígat man wéyit ómis. Ma imáhilissua inhitchékadi áyat húktagidēs ípuskīs, mómin ómad tútka ítäman i`la-itídshit apókin nĭtá tsaχgípäs, ípakäs, kulapáχäs ó`lin inhuyánad i`la-áwīd ómatis. Hían múmikun û′mad imahilíssuatäs imahopánid ómĭka; mómin hóktage-u'h tchafíndshagigō hakitáyid ómika.
Ma-ómofa máhin ísta itáluat adsuleidshítût ómit homáχ'hotit innakmágit shihóki-titáyiha kómitan itimayopóskit isihóχatis. Itáluat ō′stîga púkaben tchaktchahí'htchid: "fáki dshádin istchaditchagí'hlis; lánitût ómäsim nik`lúfat tchátit ómika mákakadis. Mumíh'tchid pónho`li ilî′tchkan apíagi`l mû′men ísta italuat-átit istigahá`lpi yaweíkit, ítu tchaktchahídshati û'hlánin ómat, mad atchúllīd óma`lis" itigä′dshadis.
Omálgat momítchita kómît, ómäsim Kasiχtálgî tá'htit yawaígit pókabi aksomidshä′χtchin hítchgigō háχadīs. Mómiga mat itállua adsúlli máhad ómis komhuyidádis. Tchikasálgit awaíhîgadis, mómen Atilámalgi i`la-aweihígadis; múmäs Abiχkágitawat u'hláni ayídshädshad isti-tó`lkua atíkusi-táyin yawaígadīs.
Ma-ómof fû′suă ok'holátid `lákid á`latis; ihádshî tchápgīd, ímpafnita lámhi imántalidshid. Níta umálgan alágît ístin pasátît pápît á`latis. Hókti ahákin háhit, hía fúsuă á`latin ihuiläidsháχadis. Hía fúsua ma nákî inhahóyadi í'hsit isayipatí′tut, hofónen i`lisaláχatīs. Ódshipin ómad nákitäs hítchkuidshi wäítis kómakatis. Hofóni hákin tchíssi tchátit hī′tchkatis mómen ma fúsuat i`lkitó-aitis kómaχatis.
Ma tchíssin itimpunayágit istumidshakátit í`lgi imilidshagitáyad itimpunäyákatis. Ma fúsuă ítcha-kuadáksin ín`li apákín ō′dshid ómatis.
Mómen ma tchî′ssit ítsa kuadáksi îfákan kalágit intádshatis istómit issi-imanäítchiko-tidáyin háyatis; mómen man ilídisháχatis. Ma fúsuă fúsuă ómal immíkkun käidsháχatis. Lamhi-u míkko `lákid ō′mís kómagid ó′mis; mómiga hú`lidäs apíyis adám hí`lka hákadäs fúllis; mómof lámhi-hádshi kó'htsaktsahídshid isfúllid ómis. Tchátad hó`lit ómin hátgātît hí`lka ahopákat ómis. Íhu`lit táfa hátkin isnihāídshit idshû′kuan hatídshit awolä′dshit lámhi ókit hákin ómat istófan ilí'htchikos.
Hía nági mú'hmōf íyupan ma apókati inkapáχkit apíyit níni hátkid wákin o`läítchatis; páhitäs nak-omálgat hátkusi-álgid ómatis. Mómen ístit fulli-hí`lit ómadin idshákadis. Ma níni itahualapíχtchit anákuasin nodshä′dshadis. Isafulíχshit nínî istómid ómad yihidsháχadīs mómitísti istómid fúllit ómati, ma nî′nîn atíχgit atchakapiyakátin isámumides ó'hmis kómit ómadīs. Man atihäígit apíyit Kolós'hatchi mágidan ak'hadapídshatis; Kolós'hatchi kédshad tchádû-álgid íkodshid ómĕka.
Ma hátsi tayíχtchit apíyît hási-óssati fátchan Kósa mágida itálluat apókin i`limu`läítchatis; hían apókin o'h`lolopî′ óstad ó`ladīs. Kósalgit ókātit isti-pápat tchátu haúkin paíkīd ístin pumpasátit omítutanks mákatis.
Kosiχtálgit ókātit illídshida kómid hídshi-is máχadis. Íkanan ku`la-ít udshi ha`lpin húyan háhid isúχ`lanatis. Mó'hmit to-lopótskin o'htalaítchatis ma isti-pápa adshakayigōtitáyin háhit u'hapíyadis, nó'hmit sá-okan ma tcháto haúkit isti-pápa paíkan i`limuhucíkatis. Ma isti-pápa tsabakihí`lit a-osā′-iyit ássidshatis afósalgat ití`laputit. Isti hámkûsit ílātin ahí`lit ómīs omálgi mahátin mónks hó'hmit, ístudshi ítski-sósikōn imawaigákatis íkan-haúkin awoläídshit át ófan. Man isti-pápa o'hlitäígit ígan-haúki inhayákatin u'hlatäíkin, tsulíkûsua ahít'hukin isnáfkit ilidsháχatis. Ifúni hayúmäs isfólli imúngat ō′mis. Palhámgad tsátitun palhámgit ok'holátid ómis.
Isti-pápa níta iskulapák' omálgan i`laágit ísti pasátit ómatis. Múnga ma ilí'htchuf mátawan fík'hunnin níta kolapágí ó`lin i`liétchatis. Ma isagi`létchkan hó`litäs apia`lánit i-ititákuitchat nĭta ípagin imapóskit iskulapákatin apíyid ómatis. Ifónin i-ahu`lkasítchid isapí-in ómad ihitskihí`lin fúllid ō′mis.
O'h`lopí ō′stad ó`lin Kósa talófa apókati ingapáχkit apíyat hátchî Nófāpi ká-etchid u`läítchatis yómad Kalasi-hátchi kä′hodshid hákitōs. Man u'h`lolopí hokólin fik'hún-nadīs. Mómid ádshidās ódshikoka náki yelúngan `lá`lun yómen humpáχatís, mómĭt itcha-kutáksi háheidshit in`li-tati itchhásua înútin `lonótutäs, yómān siyokfanfa-édshit kúha-tukáh'lin isláfka háyatis.
Hía apókati inkapáχkit apíyad hátchî Watulahági mákitan o`läítchatis. Watulaháki Hátchi käídshad wátulat tidayit látkid ómit háhokadin ahudshífît umhóyadīs; mán ni'hli hámgin nodshä′dshatis Hadám apíyad hátchi oíwa u'hlátkid odshin u`läídshatis; o-itúmkan hotchífadīs, I`lín hayátki hátchi hámgin u`läítchatis Afosafíska kĕ′dshid.
I`lín hayátki ma hátchin tayíχtchit apíyad `láni hálluit läíkin hu`läítchadin-ístit apókin hí′dshatis, níní hátki háyi fúllangid ō′mis kómatis. Mû′nga `li-hábkin háhi-it ísitch'hatis ísti hi`lágīt ómin ō′mad gí`lidan kómidut. Mómäs `lí hátki tchátakué'htchit i`lásidsh'hatis mú'hmen ímmikûn hidshé′dshaχadin hi`líkuĕdos mákatis; `lít hát'hagid i`lafulídshin ō′mad u'hapíhi-id íhaliwa ûmûsäs, hupuitági ihitchkuídshit i`lasawasa nátchkatis, múmäs tchátidûga u'hapíhiatskas käídshatīs. Mómi istómäs ísti istómid omákat hítchitan kómit u'hapíyi sásatis; mû′matin sumitchípin o`läítchatīs.
Nínit ó-i sákun akadápgid ō′min hidsháχadis mómadit má nini tabála i`lússigōd ómin hídshit má ísti úyuan isáktchiyit ómiga i`lásosa-igōs kómadis.
Mán `lánit läígid ō′mis mō′terell mágität mû′madit a`lkasatúlga nafhúgīs ma-úkid hákid ómīs, mómin máísti mán apógit ómadshŏks kúmhuid ómīs. Hú`lidäs apíyit fúllin ómofa hía inhági istamaítäs pō′χki álgīn pohágît fúllid ómis.
Má úyuan apa-idshídshit apíyit ú'hlatkīd ódshin o`läítchadin tchátu `l′āk`lagid ódshin hídshatis man itcha-χûdáksit o'hlómhin hídshadīs; mómit má ísti nînî hátki háyi fúllangid ómadshuksh kómatís.
Istófäs ístan apíyit fúllāti hóman ísti hokólin wiláko-idshit fúllid ómīs. Hía húma-wilákad `láni hálluin o'htchimhókadin talófat ódshin hídshatis, `Li-hátkin ma talófa isítch'hatis mû′mas ma ísti talófa atíχkad `lî-î tchátin asítch'hatis.
Mómof kasíh'talgi tchapák'hoχatīs mú'hmit ma itáluan isapingalídshin ómof tchókŏ isiti āipíalis kómatis. Tchádun úyuan akpalátît täígagi titáyin háhi-it u'htäyídshatis móh'mit talófa imísatis ma ísti íka tapikstagïd omáχatis umálgan pasátit hokólĕsĕn ahusitchä′tchatīs. Ássitchi isápiyad î'fa hátkin is'híh'tchit illídshatis. Hokólusi ahō′skadin assídshit isapíyad níni hátkid wággin o`läítchādin talófat odsatchúkit íkodshin íh'tchit, hía ísti hidshída kómi hopo-iyitángid ómadshoks kómatīs. Hían Palaχtchuklálgi apókitos mō′men ma oχ'huanápsīd Tamodsä′-idsi ómīs.
Kasi'htálgi imagi`läítska tcháti-palátkan i-ádshid emúnkatis; mómäs Palaχtchuklálgit ássîn iskuídshatis hî‛'lkida isahopákan mó'hmit imponáyatis: "pófigi hat'hágidōs mómin tchíme-u matapóma`lis podsû′shuădshi tcháti-algátin takuagí χtchit; istchigí`lga`li tchinátakin hat'h‛ēdshaksh!" gedshatis-ka-édshatīs.
Mómidû istómäs podshû′shuadshin ayíktchi imúnkatis mómäs Pālaχtchuklálgit isawätchítchikut imî'hsit intubá lídshan hopítaltis Palaχtchuklálgit táfatkin ímatis mó'hmit púmmikût hámgushikas käídshatīs; mú'hmati atígad istófäs itoχkálgit apóki imū′ngatatīs.
Ú-i `láko palahámgin apóki sásin apáluat tapálan apóki sásatis. Apóki há'mgad Kasíχtalgin kä′dshit; apáwan Kowitálgin kähódshid ómís; mómäs ísti hámgûsid ómis mómit Hatchapála Hatcháta tipáχad ísti Maskoki itálua homáχhotid ómis. Mómidu istómäs Kasíχtalgi taχtit íkuădshi tcháti tútka tcháti hídshatit ómit itálua tcháti-u háyatit ómika, îfîgi tchátadi wäika`lúngo imúngat ómis muntúmäs palahámgad hátkidun palahámgit tchátidut émäsim.
Hä′yomat nînî hátki mäímat isihí`lit ómati gi`lagídōs. Tamodshä‛dshi talepó`lat omídatitäs istúngun inlopä′-idshitad gi`lágitōs. Squire Oglethorpe adshákkahid míkko `lákon i`l'híχtchit oponáyat i`límpoχit i`limunáhin pohágidut akasamágid ómĕka.