Figura Octoges. secunda.
Columna Corinthia horizontaliter deformata.
Vestigium & elevatio stylobatæ, quem delineavimus figurâ duodecimâ, suppeditat mensuras pilarum hoc loco deformandarum, ut ex iis eruatur contractio columnæ. Huic autem soli suas umbras addidimus, ut clariùs appareat modus & artificium totius operationis. Ex his vides, quadrata & circulos in perspectivâ horizontali omninò retinere suam figuram, eamque dumtaxat restringi paulatim & coarctari: quicquid in contrarium & verbis & pennicillo docuerint Pictores nonnulli.