FIGURA QUADRAGESIMA.
Vestigium geometricum ædificii Ordinis Dorici.
Vt studiosorum, qui sedulò se exercuerint in praxibus hucusque traditis, & ad majora inhient, utilitati serviam, delineandam suscepi medietatem arcûs cum tribus columnis, ac totidem statuarum loculamentis. Ad vitandam autem confusionem, ea dumtaxat membra in vestigio adumbrantur, quæ recensuimus figurâ trigesimaoctavâ, & ostendunt characteres A, B, C, D, E.