FIGURA Quinquagesimanona.
Vestigia tabernaculi octangularis.
Projectiones rerum octangularium sunt quadratis difficiliores: ideò in eis explicandis diligentiæ non peperci. Moles cujus vestigia vides in A & B, convenit in multis cum eâ quam ereximus figurâ quinquagesimaoctavâ. Visualis CD recipit sectiones perpendicularium, quæ deserviunt pro elevatione figuræ sequentis, ut sæpius dictum est. Si facies interior delineanda sit seorsim à facie anteriori, illam perficies ope linearum CE, istam ope linearum FD.