Rules and Examples of Perspective proper for Painters and Architects, etc. / In English and Latin: Containing a most easie and expeditious method to delineate in perspective all designs relating to architecture

by Andrea Pozzo

FIGURA SECUNDA.

Quadratum opticè delineatum.

Postquam descripseris in papyro separata quadratum geometricum A, facies duas lineas parallelas inter se distantes altitudine, quam dederis puncto oculi; linea inferior erit linea plani, linea superior erit linea horizontalis, super quam ponuntur puncta oculi O, & distantiæ E, quod sit ex parte quam mavis: linea distantiæ non debet esse brevior magnitudine rerum describendarum. Transfer posteà circino latitudinem quadrati A in CB, unà cum visualibus ad punctum O; & similiter transfer longitudinem ipsius quadrati in DC, ducens lineam à puncto D ad punctum distantiæ E, transeuntem per visualem CO, & ubi illa secat, habebis terminum quadrati optici GFCB, ducens parallelam ad lineam plani in F.

Ut autem hoc idem citiùs absolverem, sæpius chartam complicavi, ut habes in A.