FIGURA Sexagesimaquarta.
Ædificium quadratum.
Ex deformatione vestigii & elevationis, methodo consuetâ eruitur imago totius ædificii, quæ potest esse exemplar aræ maximæ alicujus Ecclesiæ. Hanc machinam, non sine communi approbatione, aliquoties adhibui, in apparatu quadraginta horarum; locum in medio vacuum occupantibus Angelis cum nubibus, additâ figurarum aliquot copiâ in parte inferiori. Modus faciendi in telariis remotioribus ab oculo partem tholi rotundi quam hic vides, deducitur ex iis quæ tradidimus in projectione circulorum.