GUDLO XL. EXPLAINING THE ORIGIN OF A CURRENT GIPSY PROVERB OR SAYING.
Trin or shtor beshes pauli kennā yeck o’ the Petulengros dicked a boro mullo baulor adrée a bitti drum. An’ sig as he latched it, some Rommany chals welled alay an’ dicked this here Rommany chal. So Petulengro he shelled avree, “A fino baulor! saw tulloben! jāl an the sala an’ you shall have pāsh.” And they welled apopli adrée the sāla and lelled pāsh sār tacho. And ever sense dovo divvus it’s a rākkerben o’ the Rommany chals, “Sār tulloben; jāl an the sāla an’ tute shall lel your pash.”