PREFACE.
If this offend when ye peruse,
Pray, reader, let this me excuse,
Myself I only here accuse,
Who am the cause,
That e’er ye had this piece of news
To split your jaws.
For had I right the gully guided,
And wi’ a wife mysel’ provided,
To keep me frae that wae betide it,
That’s kent to a’,
I’d stay’d at hame, or near beside it;
Now that’s awa’.
Be wiser then, and do what’s right,
And mind your business wi’ might,
Lest unexpected gloomy night,
Should you surround
An’ mingle a’ your pleasure bright,
Wi’ grief profound.
And, bonny lasses, mind this rhyme,
As true as three and sax mak nine,
If ye commit ye ken what crime,
And turn unweel,
There’ll something wamble in your wame
Just like an eel.
THE
DOMINIE DEPOSED.