BONNIE GEORGE CAMPBELL
1.
Hie upon Hielands
And low upon Tay,
Bonnie George Campbell
Rade out on a day.
Saddled and bridled
And gallant rade he;
Hame came his gude horse,
But never cam he!
2.
2.4 ‘rivin’,’ tearing.
2.7 ‘Toom,’ empty.
Out cam his auld mither
Greeting fu’ sair,
And out cam his bonnie bride
Rivin’ her hair.
Saddled and bridled
And booted rade he;
Toom hame cam the saddle,
But never cam he!
3.
3.3 ‘is to big,’ remains to be built.
‘My meadow lies green,
And my corn is unshorn;
My barn is to big,
And my babie’s unborn.’
Saddled and bridled
And booted rade he;
Toom hame cam the saddle,
But never cam he!