KING ORFEO
1.
Der lived a king inta da aste,
Scowan ürla grün
Der lived a lady in da wast.
Whar giorten han grün oarlac
2.
Dis king he has a huntin’ gaen,
He’s left his Lady Isabel alane.
3.
‘Oh I wis ye’d never gaen away,
For at your hame is döl an’ wae.
4.
‘For da king o’ Ferrie we his daert,
Has pierced your lady to da hert.’
*****
5.
And aifter dem da king has gaen,
But whan he cam it was a grey stane.
6.
Dan he took oot his pipes ta play,
Bit sair his hert wi’ döl an’ wae.
7.
7.1 ‘noy,’ grief.
And first he played da notes o’ noy,
An’ dan he played da notes o’ joy.
8.
8.1 ‘The good gabber reel’ is a sprightly dance-tune.
An’ dan he played da göd gabber reel,
Dat meicht ha’ made a sick hert hale.
*****
9.
9.1,2 ‘wir,’ ‘wis,’ our, us.
‘Noo come ye in inta wir ha’,
An’ come ye in among wis a’.’
10.
Now he’s gaen in inta der ha’,
An’ he’s gaen in among dem a’.
11.
Dan he took out his pipes to play,
Bit sair his hert wi’ döl an’ wae.
12.
An’ first he played da notes o’ noy,
An’ dan he played da notes o’ joy.
13.
An’ dan he played da göd gabber reel,
Dat meicht ha’ made a sick hert hale.
14.
‘Noo tell to us what ye will hae:
What sall we gie you for your play?’
15.
‘What I will hae I will you tell,
And dat’s me Lady Isabel.’
16.
‘Yees tak your lady, an’ yees gaeng hame,
An’ yees be king ower a’ your ain.’
17.
He’s taen his lady, an’ he’s gaen hame,
An’ noo he’s king ower a’ his ain.