MR. BRYANT'S MONUMENT,
IN
CYPENHAM CHURCH.
M—S
JACOB BRYANT
Collegii Regalis apud Cantabrigienses Olim Socii
Qui in bonis quas ibi hauserat artibus
excolendis consenuit.
Erant in eo plurimæ literæ
nec eæ vulgares,
Sed exquisitæ quædam et reconditæ,
quas non minore Studio quam acumine
ad illustrandam S.S veritatem adhibuit:
Id quod testantur scripta ejus gravissima,
tam in Historiæ sacræ primordiis eruendis
quam in Gentium Mythologiâ explicandâ versata.
Libris erat adeo deditus
Ut iter vitæ secretum
iis omnino deditum;
Præmiis honoribusque
quæ illi non magis ex Patroni nobilissimi gratiâ
quam suis meritis abunde præsto erant,
usq; præposuerit.
Vitam integerrimam et verê Christianam
Non sine tristi suorum desiderio, clausit
Nov. 13. 1804.
Anno Ætatis suæ 89.