CHARTA THORLONGI.

Omnibus sanctæ matris Ecclesiæ filiis Thorlongus in Domino, salutem: Sciatis quod Edgarus Dominus meus Rex Scottorum, dedit mihi Ednaham desertam, quam ego, suo auxilio et mea propria pecunia inhabitavi, et ecclesiam in honorem Sancti Cuthberti fabricavi, quam ecclesiam cum una carrucata terræ, Deo et Sancto Cuthberto et monachis ejus in perpetuum possidendum dedi; hanc igitur donationem feci pro anima domini mei Regis Edgari, et pro animabus patris et matris illius, et pro redemptione Lefwini patris mei dilectissimi, et pro meimet ipsius tam corporis quam animæ salute, et siquis hanc meam donationem sancto predicto et monachis sibi servientibus aliqua vi vel ingenio auferre presumserit, auferat ab eo Deus omnipotens vitam Regni celestis, et cum diabolo et angelis ejus pœnas sustinet eternas. Amen.