[Price 5s. unbound.]
Quamobrem, si qua est erga Creatorem humilitas, si qua operum ejus reverentia et magnificatio, si qua charitas in homines, si erga necessitates et ærumnas humanas relevandas studium, si quis amor veritatis in naturalibus, et odium tenebrarum, et intellectus purificandi desiderium; orandi sunt homines iterum atque iterum, ut, missis philosophiis istis volaticis et preposteris, quæ theses hypothesibus anterposuerunt, et experientiam captivam duxerunt, atque de operibus dei triumpharunt, summisse, et cum veneratione quadam, ad volumen creaturarum evolvendum accedant; atque in eo moram faciant, meditentur, et ab opinionibus abluti et mundi, caste et integre versentur.——In interpretatione ejus eruenda nulli operæ parcant, sed strenue procedant, persistant, immoriantur.
Lord Bacon in Instauratione Magna.