CONVOLVULACEÆ
Calystegia Maximilianea, N. ab E. volubilis, glabra, foliis hastato-sagittatis obtusis submucronatis, pedunculis teretibus folium subæquantibus, bracteis ovali-oblongis obtusis ciliolatis calyce longioribus; calycis laciniis breviacutatis.
Species calystegiæ sepium similis, sed notis indicatis abunde diversa. Folia minora sunt, flores ejusdem fere magnitudinis (albi?) Calyx longitudine quartæ partis corollæ. Tota planta glabra, solis bracteis lanuginoso-ciliatis. Folia inferiora, ambitu ovato apice obtusissima; superiora magis triangularia, obtusiuscula cum mucronulo.