A WAUKRIFE MINNIE.
I picked up this old song and tune from a country girl in Nithsdale.—I never met with it elsewhere in Scotland.
“Whare are you gaun, my bonie lass,
Whare are you gaun, my hinnie,
She answer’d me right saucilie,
An errand for my minnie.
O whare live ye, my bonnie lass,
O whare live ye, my hinnie,
By yon burn-side, gin ye maun ken,
In a wee house wi’ my minnie.
But I foor up the glen at e’en,
To see my bonie lassie;
And lang before the gray morn cam,
She was na hauf sa sacie.
O weary fa’ the waukrife cock,
And the foumart lay his crawin!
He wauken’d the auld wife frae her sleep,
A wee blink or the dawin.
An angry wife I wat she raise,
And o’er the bed she brought her;
And wi’ a mickle hazle rung
She made her a weel pay’d dochter.
O fare thee weel, my bonie lass!
O fare thee weel, my hinnie!
Thou art a gay and a bonie lass,
But thou hast a waukrife minnie.”