LASSIE WI’ THE LINT-WHITE LOCKS.
Tune—“Rothemurche’s Rant.”
[“Conjugal love,” says the poet, “is a passion which I deeply feel and highly venerate: but somehow it does not make such a figure in poesie as that other species of the passion, where love is liberty and nature law. Musically speaking, the first is an instrument of which the gamut is scanty and confined, but the tones inexpressibly sweet, while the last has powers equal to all the intellectual modulations of the human soul.” It must be owned that the bard could render very pretty reasons for his rapture about Jean Lorimer.]
I.
Lassie wi’ the lint-white locks,
Bonnie lassie, artless lassie,
Wilt thou wi’ me tent the flocks?
Wilt thou be my dearie, O?
Now nature cleeds the flowery lea,
And a’ is young and sweet like thee;
O wilt thou share its joy wi’ me,
And say thoul’t be my dearie, O?
II.
And when the welcome simmer shower
Has cheer’d ilk drooping little flower,
We’ll to the breathing woodbine bower
At sultry noon, my dearie, O.
III.
When Cynthia lights wi’ silver ray,
The weary shearer’s hameward way;
Thro’ yellow waving fields we’ll stray,
And talk o’ love my dearie, O.
IV.
And when the howling wintry blast
Disturbs my lassie’s midnight rest;
Enclasped to my faithfu’ breast,
I’ll comfort thee, my dearie, O.
Lassie wi’ the lint-white locks,
Bonnie lassie, artless lassie,
Wilt thou wi’ me tent the flocks?
Wilt thou be my dearie, O?