AULD REEKIE
| When chitterin’ cauld the day sall daw, Loud may your bonny bugles blaw And loud your drums may beat. Hie owre the land at evenfa’ Your lamps may glitter raw by raw, Along the gowsty street. I gang nae mair where ance I gaed, By Brunston, Fairmileheid, or Braid; But far frae Kirk and Tron. O still ayont the muckle sea, Still are ye dear, and dear to me, Auld Reekie, still and on! |