HEY, WULLY WINE

Hey, Wully wine, and How, Wully wine,

I hope for hame ye'll no' incline;

Ye'll better light, and stay a' night,

And I'll gie thee a lady fine.

I maun ride hame, I maun gang hame,

And bide nae langer here;

The road is lang, the mirk soon on,

And howlets mak' me fear.

Light down, and bide wi' us a' night,

We'll choose for ye a bonnie lass,

Ye'll get your wield and pick o' them a'

And the time it soon awa' will pass.

Wha will ye gie, if I wi' ye bide,

To be my bonny bonny bride,

And lie down lovely by my side?

I'll gie thee Kate o' Dinglebell,

A bonny body like yersell.

I'll stick her high in yon pear-tree

Sweet and meek, and sae is she:

I' lo'ed her ance, but she's no' for me,

Yet I thank ye for your courtesy.

I'll gie thee Rozie o' the Cleugh,

I'm sure she'll please thee weel eneugh.

Up wi' her on the bare bane dyke,

She'll be rotten or[153] I'll be ripe:

She's made for some ither, and no' me,

Yet I thank ye for your courtesy.

Then I'll gie ye Nell o' sweet Sprinkell,

Owre Galloway she bears the bell.

I'll set her up in my bed-head,

And feed her wi' new milk and bread;

She's for nae ither, but just for me,

Sae I thank ye for your courtesy.

356