LULLY, LULLAY
Lully, lullay, lully, lullay;
The fawcon hath born my make[208] away.
He bare hym up, he bare hym down,
He bare hym in to an orchard browne.
In that orchard there was an halle
That was hangid with purpill and pall.
And in that hall there was a bede,[209]
Hit was hangid with gold so rede.
And yn that bede there lythe a knyght,
His woundis bledying day and nyght.
By that bede side kneleth a may,
And she wepeth both nyght and day.
And by that bedde side there stondith a ston,
Corpus Christi wretyn ther'on.
481