MY LUVE'S IN GERMANY
"My Luve's in Germany;
Send him hame, send him hame;
My Luve's in Germany,
Send him hame:
My Luve's in Germany,
Fighting for Royalty;
He may ne'er his Jeanie see;
Send him hame, send him hame;
He may ne'er his Jeanie see,
Send him hame.
"He's brave as brave can be,
Send him hame, send him hame;
He's brave as brave can be,
Send him hame.
He's brave as brave can be,
He wad rather fa' than flee;
But his life is dear to me,
Send him hame, send him hame;
Oh! his life is dear to me,
Send him hame.
"Our faes are ten to three,
Send him hame, send him hame;
Our faes are ten to three,
Send him hame.
Our faes are ten to three,
He maun either fa' or flee,
In the cause o' Loyalty;
Send him hame, send him hame;
In the cause o' Loyalty,
Send him hame."
"Your luve ne'er learnt to flee,
Bonnie Dame, winsome Dame;
Your luve ne'er learnt to flee,
Your luve ne'er learnt to flee,
But he fell in Germany,
Fighting brave for Loyalty,
Mournfu' Dame, bonnie Dame,
Fighting brave for Loyalty,
Mournfu' Dame!"
"He'll ne'er come owre the sea,
Willie's slain, Willie's slain;
He'll ne'er come owre the sea,
Willie's gane!
He'll ne'er come owre the sea,
To his Love and ain Countrie—
This warld's nae mair for me,
Willie's gane, Willie's gane!
This warld's nae mair for me
Willie's slain!"
194