THE BONNIE BOWER
The Lament of the Border Widow
My love he built me a bonnie bower,
And clad it a' wi' lily flower;
A brawer bower ye ne'er did see,
Than my true-love he built for me.
There came a man, by middle day,
He spied his sport, and went away;
And brought the king that very night,
Who brake my bower, and slew my knight.
He slew my knight, to me sae dear;
He slew my knight, and poin'd his gear:[194]
My servants all for life did flee,
And left me in extremitie.
I sewed his sheet, making my mane;
I watched the corpse, mysel alane;
I watched his body night and day;
No living creature came that way.
I took his body on my back,
And whiles I gaed, and whiles I sat;
I digged a grave, and laid him in,
And happed him with the sod sae green.
But think na' ye my heart was sair,
When I laid the moul' on his yellow hair?
O, think na' ye my heart was wae,
When I turned about, away to gae?
Nae living man I'll love again,
Since that my lovely knight is slain;
Wi' ae lock o' his yellow hair
I'll chain my heart for evermair.
426