A GROAN FROM A GILLIE
Lasses shouldna' gang to shoot,
Na, na!
Gillies canna' help but hoot,
Ha, ha!
Yon douce bodies arena' fittin'
Wi' the gudeman's to be pittin',
Bide at hame and mind yere knittin'!
Hoot, awa'!
"Wimmen's Rechts" is vara weel,
Ooh, aye!
For hizzies wha've nae hearts to feel;
Forbye
Wimmen's Rechts is aiblins Wrang
When nat'ral weak maun ape the strang,
An' chaney cups wi' cau'drons gang,
Auch, fie!
Hennies shouldna' try to craw
Sae fast—
Their westlin' thrapples canna' blair
Sic a blast.
Leave to men-folk bogs and ferns,
An' pairtricks, muircocks, braes, and cairns;
And lasses! ye may mind the bairns—
That's best!
Tonalt (X) his mark.
