Oppressions of the Sixteenth Century in the Islands of Orkney and Zetland / From Original Documents

by Unknown

THE COMPLAINTS of the Inhabitants of Orkney and Zetland, in the Year 1575.

Follows certain Articles and Informations of the wrangus usurpation of the King’s Majesty’s authority, and oppression committed by Lord Robert Stuart, fewar of Orkney and Zetland, as after follows—the whilk we take in hand to prove, whilk haill points and articles concernis the King’s Majestie in speciale.

In the first, the said Lord Robert, considering the manifest tyranny, wrangis and oppression done by him, his deputes and servitors, of his causing, upon the poor Inhabitants of Orkney and Zetland, and fearing sometimes God’s judgements and just punishments to be poured upon him by means of some righteous Regent of this realm, when it pleased God to send quietness within the same. For subterfuge, and to avoid punishment for his offence therefore, the said Lord Robert treasonably directed his Maister Household, Gawin Elphingstone, and Henry Sinclair his Chalmerchyld to the King of Denmark, with express commission under his Great Seal and hand writt, to render to the King the supremacy and dominion of the countreis of Orkney and Zetland, as free as they were of auld annexed to the Crown of Denmark, and that upon sic condition as in the said Commission was contained, whilk was done in the year of God 1572. According to the whilk the said Gawin passed to the King of Denmark, and by virtue of his commission foresaid, obtained to the said Lord Robert the said King’s confirmation and gift of the saids countreis, and send the same to him thereafter with Hans Corsmay, Bremer, enclosed in a bolt of Holland clayth, and als send ane Lawrence Carnes to be Lawman, according to the said King’s direction.

2. Be inbringing of new laws and consuetudes, forgit of the laws of Norway, never received of before in Orkney, and abrogation of the auld laws and statutes of the realm, viz.—as in inbringing of Lawrence Carnes, Lawman directed by the King of Denmark at the said Lord Robert’s earnest sute, of abrogating of the laws as said is, but license of our Sovereign Lord and his Majesty’s Regent; In making ane law in swyne roitting, whilk will extend to the sum of fifteen hundreth dollars in ane year, taen up in Zetland, bye Orkney; ane other law, that the sisters should not be lowsed of their heid bull, with divers others; as is notoriously known, whilk cannot be denied.

3. Be uptaking of the King’s Majesty’s customs, tolls, and victual of Zetland but commission, and not contained in his infeftment, whilk now extend yearly to five hundreth angels, whilk we tak to prove.

4. In compelling the Doggar boats and other fishers of this realm to pay to him great toll and taxis bye auld use and wont, to wit, ilk boat ane angel noble, ane hundreth fish, and twa bolls salt.

5. In usurping the office of Admiralty, in apprehending, imprisoning, adjudging, iustefeing of alleged pirates, and uptaking of their escheat goods, and sitting upon all seafaring actions: As he did in ships taken by his household men and feallis, viz.—Patrick Blackattir, Mr. John Hume, Edward Blackattir, Matthew Aikman, David Willie, James Corsby, David Cathcart, Henry Balfoure, Robert Stevenson, with others divers, pirates of Englishmen, to the number of nine great ships, laden with precious gear, which will extend mair then ane hundreth thousand punds, with twa English ships taken in Zetland—the ane of them keepit as yet to his awn commodity, the other, after she was spuilzeit of her haile goods, gear, and artaillerie, randerit again to the pirates, notwithstanding they were condemned as common pirates; as is notoriously known, and shall be proven.

6. Be partaking with the pirates, in furnishing and reking them to the sea in piracy, with men, vituals, amunition, and receiving and maintaining of their goods and gear reft in the piracy, and giving his bond of maintenance to the maist part of the persons above written, sic as Mr. John Hume, James Corsby, Edward Blackattir, Manis Moodie, with others divers, whilk is notoriously known to the haill country, and shall be proven and cannot be denied.

7. In taking of the King’s Officers of Arms and others, executors of his Majesty’s letters and charges, in taking and putting of them in prison and captivity, as he did to William Cuningham.

8. Be compelling of our Sovereign Lords free lieges to depart furth of the country where they were borne, and dwell for the present in banishment, but ony order of law, as he did to Mr. William Moodie, Manis Moodie, Johne Gifford, Walter Spence, Ola Sinclair of Brow and his bairns, William Sinclair of Voster, with many other divers, whilk cannot be denied.

9. Be directing of precepts, charges, and proclamations absolutely in his own name against the King’s Lieges, and giving sentences absolutely, but trial or judicial cognition preceding, and usurping of ane princely power in that behalf, and in all other his adois; and in special, where he alleges himself to be as free Lord and Heritor of Orkney and Zetland as the King of Scotland is in his own realm, or the Queen of England, or the King of France in France, and maks his vante, that in case he be put at by the King’s Majesty’s authority, to give the haill countrys into the King of Denmark’s hands, whilk cannot be denied.

10. In oppressing the King’s Lieges of Orkney and Zetland, in compelling them, by all order or law, to mak him and his haill household, to the number of six or seven score, bankettis and great cheer on their awin expenses, to the great hurt and wrack of the country be way of sorning and oppression; as is notoriously known, and sall be preven with the haill country.

11. Be making and setting of new takkis and gersswmes to the poor lieges, and compelling them to pay to him great soums of money, far by the auld order of the country, whilk will and sall wraik the haill commons, gif sooner remeed be not put thereto.

12. In compelling the native men of the country to discharge and quitclaim their heretage and possession, to eschew his tyranny; as he did to Margaret Sinclair, Mr. Magnus Halcra, Oliver Sinclair of Estaquhy, William Sinclair of Garsettar, Margaret Reid of Burgh, Hugh Sinclair of Strolme with others divers, whilk cannot be denied.

13. In appropriating the common muires and pastures of Orkney, common of before to the haill country, to himself in property, whereby he means to oppress the country, and be way of purpresioun to escheat the haile vuthall lands, as shall be pruven.

14. In disponing of benefices of the country, vacant at the King’s Majesty’s gift, to sic as he pleases, be his privy gift and provision, as he did in disponing the vicarage of Sanct Ola, the vicarage of Holm, Vnst, Scatsta, Nesting, Waus, with others divers.

15. In stopping the burgesses of Kirkwall, being the King’s free borough, to be free under all liberties, and to buy skin, hyde, butter, oil, and sic wares in the country but his leave, and in making all sic as he pleases to be free to use merchandise but the priviledge of the brugh.

16. In compelling beneficit men to sett their benefices to him, otherwise leave the country, and in leding their teindis and taking up their leving gif they withstand his desire, as he did to Mr. Alex^r Thomson, be striken of him be William Hwme, suldart, after he come out of the pulpit, Mr. James Maxwell, and other divers.

17. In usurping the office of Justicary but commission, he being but ane simple Sheriff, in judging of persons of auld crimes, as theft, slaughter, oppression, sic as he did William Wishart, being dead ane year afore his entres, comdempnit him in effigy, and confiscat his haill goods and gear, as it is notoriously known to the haill country of Zetland, like as he did with divers, whilk sall be proven.

18. In uptaking of the wrak and waithe of the haill country of Orkney and Zetland, but commission, not being contained in his infeftment, whilk will extend sen his entres to better nor 10,000 merks, whilk sall be proven.

19. In making of new acts and statutes be his awn authority, that nane suld bring hame boittis to Zetland, nor sell them but according to his act, whilk failzing, to be in my Lord’s will; and be reason that some of the countrymen had broken the foresaid act, as he alleged, took fra thir persons after following, xxiiii^xx of dollars, viz.—Jacob Tait, Barthill Strang, David Scott, John Vides, Henry Spence, Peter Nisbet.

20. In alteration and changing of the auld weigh of the bismyre and pondlar of Orkney, be making the same the fifth part mair nor it was of before, to the utter wreck of the commonwealth of the country; as is noterlie knawin by the haill countrie (except the beir pondler), whilk sall be proven.

21. Be taking and pursuing the King’s free lieges furth of their awne houses, under silence of night, and putting of their persons in prison, beside despoliation of their haill goods and gear, as he did to William Hacra, John Gifford, Mr. William Mowdie, Maniss Mowdie, Mr. Thomas Beanston, John Alexander, Baillie of Stirling, Edward Sinclair of Eda, with divers others.

22. In usurpation of our Sovereign Lord’s authority, be pardoning, remitting, and forgiving of condempnit and convict persons, for recent slaughter, theft, piracy, and sic capital crimes, as he did to John Sutherland, —— Strachan, John Millar, John Murray in Zetland, Thomas Boyane, wha slew ane Patrick Windren in my Lord’s awn presence, now at his last being at Zetland, the said Thomas being taken and keepit prisoner the space of six vulkis, was put to liberty, and sent to Noroway; and sic like for theft, Alexander Sinclair in Stromness, William Clowstne, with others divers; for piracy, Mr. John Hwme, James Corsby, Alexir M^cCullach, Alexir Murray, with many others pardoned for piracy.

23. Be imprisoning and warding of our Sovereign Lord’s lieges within the Castle of Kirkwell and Zairdis, but occasion or capital crime impute to them, or trial had in their demerits, proceeding as he did to Mr. William Moodie, Mr. Magnus Halcra, John Broun, John Jefert, James Bruce, Alexir Bruce, William Grote, Hutcheoun Cromarty, with many divers others, whilk cannot be denied.

24. In stopping of all ferries of the country to transport sic as he pleased to stop, and be commanding, be ane proclamation, that nane suld be suffirt to pass but his letter of licence and passport, in sic sort, that neither marcheand nor countryman might pass or repass in Orkney and Zetland but his licence and writ obtained be moyen or bribes. This Act is keepit to this hour, that no complainers may resort to thay partes.

25. In making of ane law and statute, that no man shall come out of the country of Orkney and Zetland to complain upon any wrang or oppression done in judgement, or without, under the pains of escheating of the haill lands, life, and goods, whilk shall be pruven.

26. In compelling the countrymen to pay to him their males, grassums, and rests, whilk the Comptroller had received from them in the King’s Majesty’s and his dearest Mother’s name, as Ola Sinclair and mony others, as the country will testify.

27. In using of process of forefaultor upon deid men for capital crimes, and in escheating their lands and goods after their decease, as he were King, be way of forfeiture, as he did to Sir James Sinclair of Sandey, Knicht, William Wischart in Zetland, Sir David Sinclair in Zetland, and sua usurps to him the King’s Majesty’s authority in all forfeiture and escheats of lands and goods.

28. In inbringing of Hieland men and broken men in the country of Orkney, whilks were auld enemies and oppressors of the people of before, and causing them to sorn, oppress, and spuilzie the country, specially the Isle of Gramsay, and be stopping of countrymen to pursue them and put them af the land, alleging they were his own men and fealls, as will be pruven by the countrymen, whilk cannot be denied.

29. Be giving licence to men to fight singular combats, as he did to ane Ninian Dowgall and Alex^r Bewemon, George Wallace and William Cullen, Nichol Sinclair and Stevin ——, Gawin Elphingstone and Patrick Clark.

30. Be compelling the assizemen of the country to fyle and clenge persons accused, at his pleasure; and gif they refused, be inputting of his awn household and domestic servants, and suldarts, upon their assize, and so condempnit innocent men at his private malice and desire, as he did to William Grhame, William Toddrick, William Aires, James Cowrons.

31. In compelling the countrymen of Zetland to pay great composition for the alleged resset of Matthew Sinclair, not being at the horne, attour the soume of V^c dollars, viz.—Fra Robert Wishart, Walter Hill, Manis M’Rechie, Ola Cumla, Magnus Reid.

32. In taking away suckin fra the auld vuthal mills of Orkney, whilk were observit of before inviolate.

33. Be pronounciation of wrangus and false judgement and sentences against the King’s Majesty’s lieges of the said country, and causing his deputes thereafter to reduce and retreat the same, as he did to Andrew Mowat, Mr. Robert Cheyene, and Andrew Hawick of Skatsta, and divers others, and be the receiving fra the said Andrew Mowat sewen score of angel nobles and ane chene of gold worth xl angels, and from Mr. Robert Cheyne and Andrew Hawick ane hundreth angels, and that by the way of brybrie for corrupting of justice.

As to the special points of oppression, reif, and spuilzie, eviction, and sic wrangus dealings committed be the said Lord, by order of law, against the Lieges and Inhabitants of the said countries, because the same concerns divers persons in particular, and not doubting but they will complain when as it shall please the Regent’s Grace to give them place and free passing out of Orkney and Zetland be sea and land. But the number of their complaints and        sall be very large, odious, and fearful to be read, that sic tyranny and oppression suld be used within any country. Reserving therefore the particulars thereof to be declared at length by the saids persons heavily oppressed, when it sall please the Regent’s Grace, be himself or his Commissioners, to tak trial and inquisition in their behalf.

Item, the said Lord Robert, continuand in usurpation of the King’s Majesty’s authority, and using baith of the charges of Admirality and Justiciary, caused ane Court to be holden at Skalloway Banks in Zetland, the        day of June 1574, and in the same gart call afore him Gilbert M^cReich, David Leslie, James Leslie, Normand Leslie, brether, and Robert Rotter, where they were accused and convict to the death in the said Court for the spoliation of ane ship of Endein, lying in the King’s waters within Zetland, in the parochine of Nesting, being driven in be storm of wedder for life and death, whilk ship the foresaids persons burdit under silence of night, and took furth of her 2000 Spanze ryallis or thereby, with ane dozen boltis of Holland clayth, and her haill tows, anchors, and sails, putten the same men and ship to the sea in a great storm of wedder, of whom never word was gotten thereafter; and thir persons above written being convicted of this cruel deed, the said Lord pardoned them after they were holden twa hours at the gallows foot, and ane tow about their neck, and received fra the said Gilbert M^cReich therefore I^m of the said ryallis, and seven boltis of the said Holland claith. Witnesses, Jn. Hamilton, Arthur Sinclair, Hugh Gordon, William Halcrow, Henry Sinclair.

Item, the said Lord has raised the meal of fleshe to x θ. where it was but iii ss. at his entries to Orkney, to the wrack of the haill country.

xvi December 1575.

(Signature effaced.)

THE COMPLAYNTIS
OF THE
COMMOWNIS AND INHABITANTIS OF ZETLAND
AND
PROBATIOUNIS LED THAIRUPOUN.
FEBRUARY M.D.LXXVI.

THE COMPLAYNTIS and Probatiounis led thairupoun of the Commownis and Inhabitantis of Zetland ressauit and tane up be Maister Williame Mudie of Brekness and Williame Hendersoun Dingwell pursevant, Commissionaris in that pairt specialie constitute coniunctlie, be our Souerane Lord and his Gracis Regentis commissioun direct to thame thairupoun the dayis respective vnderwritten, in the moneth of Februar, the zeir of God I^mv^clx saxtein zeiris, in Courtis the said dayis halden be thame respective at Tingwall in Zetland.

And First, The Generale Complayntis mentionat in thair commissioun, and contenit in the Bill producit and giffen in be Arthour Sinclair of Ayth befoir the Regentis Grace and Lordis of the Secreit Counsale contrair Laurence Bruce of Cultemalindie, Fowde of Zetland presentlie.

And Secundlie, Vther Complayntis, Generale and Particulare, not contenit in the said Bill, bot presentit to the saidis Commissionaris at thair cummyng in the cuntrie at thair seuerale Courtis as eftir followis—

The First Article of the Generale Complayntis, giffen in befoir the Regentis Grace and Secreit Counsale, be Arthour Sinclair of Ayth, heir eftir followis—

That quhair that eftir the cummyng of Lord Robert Stewart, fewar of Orknay and Zetland, to the dominioun of the saidis cuntries, Laurence Bruce of Cultemalindie obtenit of him the office of Fowdrie of Zetland; and schortlie eftir the said Laurence enterit to the possessioun of the said office, he himselff, his servandis and complices in his name, of his causing vsit sic diuers wrangis and extortiounis vpon ws contrair the lawis and auld custome of the said Cuntrie: And specialie it was the auld vse and custome of Zetland observit in all tymis bygane, that thair was ane discreit man of ilk paroche, by the rest, callit The Lawrichtman, quha mesurit oure dewitie, callit Wadmell, and weyit our dewitie of buttir; and now the said Laurence hes causit ane of his awin chesing to do the samyn contrair our lawis, to our grit hurt, Insamekle that the said Laurence hes continualie sen his entrie, quhilk was in the moneth of Maij or thairby, the zeir of God I^m v^c lxxj zeiris, vptaking our landmale and dewitie, callit Wadmaill, with ane wrang mesour; swa that for ilk thrie scoir cuttell quhilk we aught to have payit, he hes compellit ws to pay ffour scoir cuttell wadmell, and swa hes augmentit ws the fourt pairt of our dewitie.

The Ferd and Fyft dayis of Februar respective, 1576, the Inhabitantis and Parochinaris of Tingwale, Quhytnes, and Weisdale, was ressauit, sworne, admittit, and examinit vpoun the Article aboue specifiit, quhais names followis—

Henrie Halcro, Vnder Fowde

Henrie Halcro, Officiar

Huchoun of Brankishammersland

Johannes of Brankishammersland

Thomas of Girdilsta

Erasmus of Watbustar

Laurence of Hammersland

John of Hammersland

Thomas of Wathsettar

Jacob of Linksettar

Magnus of Linksettar

Nichole of Balzesta

Gilbert Thomassoun

Nichole of Hammersland

John Twait of Hammersland

Thomas of Laxfirthe

Nichole of South Laxfirth

Jacob Tait

Williame Tait

James Leslie

John Gudlat

John Bondissoun

Olaw Bondissoun

Stephanus of Kebustar

Walter of Strand

Nichole Gudlait

Thomas Gudlait

Erasmus of Got

Laurence of Got

John Sclaitter in Got

Magnus Halcro

Malcolme Halcro

Robert of Weisgarth

Nichole of Lie

Magnus of Lie

Laurence of Daill

Erasmus of Daill

Nichole of Daill

Olaw of Fiche

Eirick in Ansta

John Andersoun in Vennerbrek

Nichole Ramsaye

Nichole Benedickssone

James of Scalloway

Magnus of Scalloway

John Hubert

John Michell

Robert Wilsoun

John Ross

David Thomsoun

Williame of Berrie

Johne Vmphra

Johne of Berrie

Nichole of Burwik

Nichole Thomassoun

Nichole Smyth

Thomas Yrrewing

Johne Lummisdaine

Erasmus of Garth

Cast Erasmussoun

Thomas in Northsettare

Magnus Peirsoun of Vstenes

Paule Magnussoun

Johne Hammer

Magnus of Howane

Nichole of Mayneland

Olaw Smyth of Brek

Nichole of Brek

Magnus of How

Thomas Marteinsoun

Johannes of How

Magnus Olawsoun in How

Robert Petirsoun in How

Magnus Tate now in Olagarth

Nichole in Browaland

Nichole in Eistthouss

Magnus Nichole in Stromness

Magnus Magnussoun in Wormadaill

Magnus Androissoun in Hugrasta

Magnus Nichole in Hugrasta

Stephin Zowtsoun in Dessabrek

James Sinclair in Cova

Martein in Huchsettar

Nichole of Cot

Magnus of Cot

Erasmus of Sound

Magnus of Sound

Magnus of Helliabuster

Andro of Helliabuster

Nichole of Helliabuster

Johne Benedicsoun of Stenswall

Magnus Mandeissoun of Tuslavoll

Ereik Magnussoun in Scarpagarth

David Huip in Wastoiff

Laurence Smyth in Hamragarth

Johne Magnussoun thair

Olaw in Housto in Weisdaile

Sowart in How

Magnus Guthreissoun in How

Olaw Magnussoun in How

Thomas Jacobsoun in Toft

Benedick in Overbustare

Thomas Benedickssoun in Overbustare

Olaw Jacobsoun in Overbustare

Magnus Paulsoun in Setir

Boun in Kirkgar

John Thomassoun in Kirgar

Laurence Johnsoun in Kirgar

Jacob of Scarrane

Magnus of Scarrane

Quhilk persounis, examinit upoun the Article foirsaid, deponis as eftir followis all in ane voce, That thair hes not bein ane Lawrichtman in thair parochin of Quhytnes, Tingwell, and Weisdale, sen the Laird of Cultemalindeis last entres, quhilk was in the zeir of God I^m v^c lx twelff zeiris; quhilk Lawrichtman of auld vse and consuetude was ane necessar officiar in everie seuerale yle and paroche of the cuntrie, chosin with the commoun consent and electioun of the Fowde and Commownis to keip and giff attendence to the lawful and just cuttell; quhilk is thair mesour or elwand quhairwith thai mett thair clayth, callit Wadmell, quhilk is ane dewitie thai pay to the Kingis Maiestie for thair scat and landmales zeirlie. And siclyk to keip the just wecht callit the Bismeir, quhairupoun thair haill buttir, bayth of scat and landmales was weyit, togidder with ane just Can quhairwith thai mesourit thair vlie payit in scat to the King. With the quhilks cuttell, bismeir, and can, the said Lawrichtman mesurit, met, and weyit the saidis dewiteis of butter, wadmell, and vle fra the Commownis, and delyuerit the saimen to the Fowdis, swa that bayth the Fowde and Commownis gat just mesour and wecht without hurt, fraude, or gyle. And mairattour, it was ane pairt of his office, as ane speciale man chosin for his discretioun and jugement, to be Chancellar of the assyiss in all courtis, that quhair ony difficill questioun come in hand, he schew the law, vse, and practik thairupoun, and gaif the rest of the assyiss informatioun how to decerne, and pronouncit the decreits, perqueyre, in defalt of scrybis; and had ane ordinar stipende of the Commownis thairfoir, and was as ane procuratour and defendar of thair richtis and commownwelth. And sensyne thai haue had na Lawrichtman bot men of the Lairdis awin inputting to vse the said office, quha with new cuttellis, bismeiris, and cannis maid by the just met, mesour, and wecht, vsit of befoir, be the Lairdis command and causing, hes hurt the Commownis grittumlie. And nocht onlie be the saidis wrangus wechtis, mettis, and mesouris, bot alswa be the handis that weyit and mesurit the saimen, and in speciale maist be the hand, swa that of everie pact of wadmell, quhilk contenis thre scoir of cuttellis, he tuik fra thame mair nor the just ten cuttellis, swa that quhair he suld haue had bot thre scoir of cuttellis, he tuik fra thame three scoir ten cuttellis.

The Aught day of Februar, the zeir and place foirsaid, the Inhabitantis and Parochinaris of Brassay beand ressauit, sworne, and examinit vpoun the foirsaid First Article, quhais names followis—

Erasmus of Kirkbustar

Gregor of Holme

John of Holme

Christopheir of Grindiscole

Magnus of Patafirth

Jacob of Vstensta

Nichole of Vstensta

Torwald of Hoversta

Magnus in Hoversta

Nichole in Hoversta

Johne in Hoversta

Johne Smyth

Erasmus in Keldibustar

Nichole of Crowasettar

Magnus in Howane

Magnus of Bowasettar

Magnus Leslie

Andro Leslie

Nichole in Garth

Sandie of Nossound

Magnus in Nossound

Magnus Johnsoun in Burgh

Duncane Inksettar

Olaw in Burgh

Erasmus in Burgh

Johne in Grymsettar

Andro in Grymsettar

Erasmus in Watbustair

Thomas of Kirkbustar

Thir foirsaid persounis examinit vpoun the First Article befoir writtin, ar conforme to the formar deponaris anent the ressait of the wadmell be the Laird of Cultemalindeis ressavearis; and farther, giff thair was na mair tane of thame, be the cuttell and the handis, of wadmell, thair was na less. And that of ane pack quhilk was of the wadmell of Weisdaile, quhilk suld be bot thre scoir of cuttellis of just mesour, thair was thre scoir and fyftein cuttellis tane, swa thair was fyftein mair nor aneuche; as the mettar thairoff, Magnus Leslie, confessit in presence of the Commissionaris; and the said Magnus and the haill Commownis confessis that thai war compellit be the Laird and certane his servandis beand present, to met sa largelie, and durst do na vtherwyiss for feir of him; and thai afferme, that he ressauit with ane mesour fra the Commownis, and delyuerit agane with ane less mesour to the merkat.

The Nynt day of Februar, the zeir and place foirsaid, the Inhabitantis and Parochinaris of Nesting, Lunasting, Quhalsay, ressauit, sworne, and examinit upoun the foirsaid Article, quhais names followis—

Ereik in Vtrabustare

Johannes in Hamnavo

Nichole in Colafirth

Henrie Foster

Dauid in Sweining

James in Swening

Olaw in Tronasettar

Adame in Vydlaw

Robert Mackbayth thair

Magnus in Gillisbrek

Johannes thair

Laurence in Garth

Petrik thair

Olaw in Kirkabustar

Antonius thair

Magnus in Kirkabustar

Nichole of Neip

Andro in Skalberrie

Edwarde Kettill thair

Johannes in Fluagar

Gelis Kettill

Antone Laurencesoun

Johne in Grunzefirth

George Olawssoun in Laxfirth

Erasmus thair

Williame Reid

Thomas of Kirkabustar

Laurence Thomassoun

Magnus in Houssabustar

Michael in Brattabustar

Olaw Erasmussoun

Andro Olaussoun in Sheldesta

Andro Nicholsoun thair

Williame Magnussoun

Dauid Strang

Edwarde Thomassoun in Garth

Alaster Suthirland thair

Symon and Magnus his sonnis, thair

Alaster Strang in Aythiswyk

Erasmus in Aswyk

Alexr. Duff in Glaitness

Christopheir Thomassoun thair

Olaw Huchessoun thair

Magnus in Raillisburgh

William Gairoche in Vassie

Christopheir Symyonesoun in Freasetter

Henrie in Catfirth and Christopheir thair

Magnus Huchesoun in Crowne

Magnus in Flamesta

THE MEN OF QUHAILSAY

Pole in Sca

Magnus Petirsoun thair

Magnus Laurencessoun thair

Petir in Gardishouss

James Suthirland

George Work

Robert Huntar

Magnus Sandeissoun

Magnus Matheisoun

Erasmus in Hinksettar

Jacob in Levasettar

Dauid Watsoun in Clett

George and Thomas Harwode thair

Christopheir in Sandwyk

Erasmus Bothwell

Culbein of Sinbuster, sumtyme Lawrychtman

Olaw in Morasettar

Antone Culbeinsoun

John Culbeinsoun

Magnus in Neisthehouss

Henrie Work thair

Magnus Androissoun thair

Magnus Petersoun thair

Petir Thomassoun in Houle

James Williamsoun in Houle

William Huntar in Lie

Magnus Olawssoun thair

Olaw in Scheldasetter

Quhilkis persounis, inhabitaris of Nesting, Lunasting, and Quhailsay, examinit vpoun the First Article, deponis anent the Lawrichtman, the ressauing of thair wadmell, and the wrang done to thame thairintill, conforme to the formar depositionaris in all thingis.

The Ellewint day of Februar, the zeir and place foirsaid, the Inhabitantis of Goldberwyk, Quharf, Trondra, and Burray, beand ressauit, sworne, and examinit, vpoun the first foirsaid Article, quhais names followis—

Thomas of Grymbuster

Johne in Sound

Stephane in Sound

Erasmus in Sound

Robert Ballie thair

Martein in Sound

Magnus his brother, thair

Nicole of Vtrabustar

Magnus Nicholsoun in Crope

Magnus Nicholsoun in Soirtoun

Williame Swainssoun in Weyk

Johne Swainssoun thair

Andro in Satir

Swaine in Brindista

Nicholaus Magnussoun

Petrik Magnussoun

QUHARFF.

Magnus Nicholsoun in Cowasettar

Olaw Huchesoun in Eister Quharff

Olaw Nicholsoun thair

Nichole Johnsoun

Olaw Johnsoun

Olaw in Vpswall

Beriald Nicholsoun

Williame Petirsoun in Swening

William Johnsoun in Tow

Magnus in Vradale

Richart in Houle

Magnus Laurencesoun in Sound

TRONDRA.

Magnus Williamsoun

Olaw Laurencesoun

Huchoun of Trondra

Benedick Laurencessoun

BURRAY YLE.

Richart in Browsaclett

Dauid Sinclair in Hugoland

James of Northbustar

Sandie of Northbustar

Erasmus in Sinbustar

Thomas in Sinbustar

Laurence Dauidsoun in Myre

Robert in Clett

Magnus in Sandwyk

Magnus Kettill in Grunzesound

Nichole Ewmondsoun in Hugoland

Magnus of Burgh

Laurence and Gelis of Burgh

Magnus Symounesoun

Magnus Erasmussoun

Robert Nicholsoun

Laurence Magnussoun

Magnus in Brek

Olaw Magnussoun

Henrie Tailzour

Magnus Sandeissoun

Andro Jacobsoun

Erasmus Johnsoun in Papill

Thir foirsaidis persounis examinit vpon the First Article anent the Lawrichtman and the ressait of the wadmell, ar conforme to thame that hes deponit affoir; and affermis, giff thai tuik na mair of the wadmell thai tuik na less, and that be the large and wrangus gripping of the handis that mett the saimen, done at the Lairdis command; ffor quhan thai complanit of him of the wrangus mett, he said, it was na velvat, swa thai gat no vther remeid, bot quhan thai held the wadmell in thair hand to haue gottin richt mett, thay wald giff thame ane straik on the hand with the cuttell to gar thaim lat it gang.

The Tuelft day of Februar, the zeir and place foirsaid, the Inhabitantis of the Skerries, of the Ylis of Zell, Fetlar, and Vnst, ressauit, sworne, and examinit vpon the First foirsaid Article, quhais naimes followis—

SKERREIS.

Magnus in Browarie

Halbart Magnussoun

Christopheir in Gaill

Erasmus Magnussoun

Magnus Clerk

Petir Olawsoun

Petir Nichollssoun

Ever in Skerries

ZELL.

Christiane in Satir

Nicholaus in Graven

Dauid Spence

Williame Spence

Nicolaus of Culzevo

Donald Fresour

William Olawssoun

Erasmus in Brek

Sewart of Bosta

Dauid of Burgh

Magnus Hacla

Gelis of Cowasetter

Swaine of Windass

Donald of Volista

Martein of Rago

Johne of Bowasetter

Michael of Garth

Salomon Scot

James of Vralie

Robert Fresour

Johne Fresour

Erasmus Laurencesoun

Olaw in Graven

Olaw in Quyon

James of Swairasetter

Magnus Nipiebak

Thomas of Kettilsetter

Magnus of Littilasetter

Erasmus in Airisdale

Machis in Howland

Laurence of Copasetter

Magnus in Sandfre

Garth Vlsta

Petir in Bega

Olaw in Cladoun

Nicholaus in Netherhoule

John in Burgh

Dauid Randell

Thomas in Scatlandishouss

Petir Nisbet

Thomas Cowpasetter

FETLAR.

Edwarde of Odsta

Niniane in Sand

Stephane Vrie

Magnus Erasmussoun

Erasmus in Culbinstoft

Magnus in Muklagarth

Magnus Johnsoun

Magnus of Still

Sowart of Kirkhous

Williame Scot

Olaw Symonesoun

Thomas Blanx

Antonius in Ayth

Olaw in Hellyhous

Olaw in Nesthous

Olaw Suthirland

Magnus Burgar

Gavill in Toft

Nicholaus in Crocebustare

Olaw Gregoursoun

James Suthirland

VNST.

Christopheir and Williame in Sca

Olaw of Kirkatoun

Phinne of Torwall

Olaw Vnderfeald

Nicholaus of Westerhous

Erasmus in Skega

Williame Smyth

John Coupland of Ska

Andro in Burrafirth

Williame in Magneland

Andro in Gardie

James in Geo

Symon in Gardie

Johane in Clogon

Olaw in Gardoun

Vryell in Bwanes

Pole in Maill

Walter Hall

Johne Phea

Magnus Snaburg

Laurence Hill

Walter Smyth

Antone Watbustare

Olaw in Lyn

Olaw in Crocebustare

Andro in Crocebustare

Gutrum Petrasetter

Johne Mowat of Sandwyk

Henrie Hay

Olaw in Hamroun

Petir in Clovacast

Magnus Rvnon

Williame Magnussoun

Williame Makriche

Waltir Moreissoun

Barthole Strang

Siluester Frangorde

Andro Farquhar

Magnus of Cathhouss

Williame of Langhouss

Henrie of Stoiff

Thomas of Bodoun

Thir persounis immediatlie aboue writtin examinit, affermis, all in ane voce, concerning the Lawrichtman, the mesour, and the hand in the intaking of the wadmell, conforme to thame that hes deponit of befoir vpon the First Article.

The Fourteint day of Februar, zeir and place foirsaid, the Inhabitantis of the parochin of Delting and Scatsta ressauit, sworne, and examinit vpon the First foirsaid Article, quhais names followis—

Magnus of Howbinsettar

Thomas of Voxsettar

Olaw of Gonfirth

Paule of Gonfirth

Magnus in Barfensettare

Thomas of Flett

Olaw in Skewa

Petir of Kirkhouss

Angus in Voy

Nichole in Back

Nichole in Theon

Petray thair

Magnus of Clovagarth

Laurence in Lie

Johne in Sorsetter

Erasmus in Southirhouss

Elzen thair

Erasmus Youngar in Southirhouss

Magnus in Eisterscorde

Andro Hall

Erasmus of Gruting

Magnus of Sandgarth

Andro Peirsoun in Daill

Erasmus thair

Donald in Toft

Magnus of Gardoun

Laurence of Brek

Olaw of Collafirth

Olaw Cull

Symon of Outhallistoft

Thomas in Quhom

Andro Giffurde, Vnderfowde

Nichole Hardwall

Andro Hawick of Scattsta

Antonius of Grawen

Thomas Yrrewing

Thomas of Laxvo

Magnus of Laxvo

Jacob thair

Olaw of Neagarth

Erasmus of Stenswall

Williame of Bordigarth

Boun Yrrewing in Garth

Sewart in Caldbak

Nichole of Orquoy

Erasmus of Crogasetter

Andro thair

Olaw in Burgh

Melschor Culane

Petir in Neschon

John in Burness

Benedick thair

Erasmus, elder and younger, thair

Ereick in Burness

Laurence of Firth

John in Firth

Thomas in Swynasetter

Andro thair

Magnus thair

John Denone, Vicair

Thir persounis immediatlie aboue writtin, examinit vpon the First Article, concerning the Laurichtman of this parochin, thai all afferme that Nichole Hardwall was thair Laurichtman, bot in the Lairdis tyme he gat na place to use his office, nor to delyver the wadmell as he aucht to haue done, bot the Land causit vtheris of his awin chesing to met their wadmell fra the Commownis; zit nevirtheless the Commownis war compellit to pay the Laurichtman his accustomit fee zeirlie, albeit he gat na place to do his office. Thai ar conforme to the formar deponaris anent the wrang of the mettein of the wadmell, with this additioun, giff ony of thame wantit ane cuttell of wadmell of his dewitie, the Laird compellit thame to pay thairfoir twa schillingis Scottis; and giff thai had ane cuttell attour thair dett vpon the end of their wob or mair, he wad not giff that superplus of to thame, bot wald giff them twa s. for ilk cuttell that thai had owr thair dett; and sum tyme wald tak it and gif thame na thing thairfoir.

The Fyfteint day of Februar, the zeir and place foirsaid, the Parochinaris of Northmaven ressauit, sworne, and examinit vpone the First foirsaid Article, quhais names followis—

Laurence of Hagrasettare

Olaw of Ylisburgh

Magnus in Mangosettar

Olaw Nebon

Laurence of Gvnzesetter

Olaw of Hammer

Laurence of Orabustare

Antonius in Vrafirth

Magnus in Awsetter

Thomas in Over Vre

Thomas of Findeland

Turberrie thair

Olaw of Videfeild

Laurence Tulloch of Westhouss

Olaw of Sandwyk

Thomas of Tangweyk

Thomas of Stanehous

Erasmus of Brekown

Laurence thair

Erasmus in Frangorde

Magnus and Thomas of Grithouland

Henrie and Magnus of Stow

Gregorius of Lyascole

Thomas of Vigginsgarth

Androis of Vre

Nichole, eldar and youngar, thair

Johne of Awisgarth

Thomas of Bravehouland

Laurence of Mvrone

Thomas of Hamnavoy

Erasmus of Okcratoun

Olaw Northhous in Occratoun

Magnus in Sonderhous thair

Thomas of Hekzevir thair

Magnus of Vzea

Olaw of Vzea

Botulff in Vzea

Erasmus thair

Magnus, elder and younger, in Sandvo

Johne of Bratbustare

Bothwell of Sater

John of Houle

Gregorius, elder and younger, in Vsbister

Johne of Fluagarth

Johne of Burravo

Christopheir thair

James in Howland

Erasmus in Caldsta

Magnus thair

Huchoun in Skelberry

Bodwell, elder and zounger, in Houssettar

Thomas in Colafirth

Andro in Colafirth

Magnus Tulloch in Hoxnasettar

Thomas in Vnderfeald

Olaw of Voe

Nichole of Swynasettar

Alexander M’Baythsoun

Magnus in Quoyfirth

John of Lyen

Johannes of Howen

Petir of Northweyk

Magnus in Vstness

Gilbert Portuiss in Hugoland

Johne in Lunasettar

Andro Robertsoun in Fiblasettar

John Robertsoun in Nestasettar

Magnus in Turvasettar

John in Bardasettar

Laurence and Andro in Gluss

Gregorius and Olaw in Burroland

Nicholaus in Clodasetter

Olaw in Howle

Gregorius in Toft in Sowlim

Ereik and Johne in Sowlim

Thomas in Lunnasettar

Thir persounis, Parochinaris of Northmaven, examinit; thai ar conforme to the formar deponaris anent the wrangus ressait of the wadmell fra thame be the Laird and his doaris; als thai grant that thai had ane Lawrichtman, callit Dauid Tulloch, quha gat na leiff to vse his office, quharthrow thai war grittumlie hurt.

At Tingwall, the xvi day of Februar 1576. The Induellaris of the parochinaris of Wawiss, ressauit, sworne, and examinit vpon the foirsaid First Article, quhais names followis, with the pendicle thairoff callit Papa—

Laurence of Grunzevo

Magnus of Quhytisness

Olaw of Garmatwait

James Paulsoun

Magnus Erasmussoun

Symon Magnussoun

Johannes of Stennestwait

Christopheir Laurencesoun

Paule Watsoun

Magnus Watsoun

Magnus Jacobsoun

Johannes of Burroland

Nichole of Burroland

Andro Wischart

Nichole Flett

Nichole Thomassoun

Williame Voy

Christopheir Nicholsoun

Nichole Turbensoun in Brek

Johannes in Stannisland

Mr. Robert Chene

James of Swarvasettar

Nichole in Huvedigarth

Johne of Glen

Nichole Schewartsoun

Nichole Olawsoun

Jacob in Satir

Gelis and Thomas thair

Andro Fresur

Laurence in Torradaill

Laurence in Kinkavale

Andro and Johne Mudie

Nichole of Gossater

Vriale of Daill

Johannes of Hucsettar

Petir of Sunsquoy

Erasmus Andersoun

Erasmus Johnsoun

John Wischart

Magnus in Garth

PAPAY.

Nichole Johnsoun

Olaw Christopheirsoun

James Christopheirsoun

Erasmus Androissoun

Boun Olawsoun

Erasmus Zoungar

Johne Magnussounun

William Erasmusson

Olaw Knodsoun

Johannes Erasmussoun

Andro Bowhous

Olaw Boll

Olaw Andersoun

Olaw Johnsoun

John Nicholsoun

Quhilkis persounis, immediatlie befoir writtin, examinit vpon the First Article; thai ar agreeable concerning the Lawrichtman, and the vsing of his office to the formar deponaris of Delting and Scattstay; and siclyk anent the delyuering of the wadmell, in all poyntis.

The xxj day of Februar, the zeir and place foirsaid, the Parochinaris of Sandsting and Aythsting, ressauit, sworne, and examinit vpon the First foirsaid Article, quhais names followis—

Magnus in Vnzefirth

Thomas and Henrie thair

Johne Wischart

Williame in Sater

Magnus and Olaw in Closta

Petir and Olaw in Vzeasound

Thomas in Ayththisness

Erasmus and Myches in Vphous

Olaw in Papay

Patrik in Burrafirth

Magnus Mowat

Magnus Reid

Benedict and Nichole in Howasetter

Magnus and Johne of Cumming

Olaw Twait in Northous

Petir Longascole

Andro in Kirkhous

John of Brek

Magnus Bigsetter

Laurence in Trusta

Henrie Sandsound

Magnus Halcro

Williame Bairfield

Magnus Michelsoun

Olaw and Thomas in Sand

John in Sunlasetter

Magnus and Paule of Skeld

Magnus Johnsoun

Petir Wischart

Williame of Skeld

Thomas Ryssie

Johne of Cultisweyk

Christopheir in Haistensetter

Magnus and Johannes in Sellivo

Johannes of Gruting

Johne Murray

Olaw Hugonsoun in Browaland

Johne Rolland thair

Thir persounis, immediatlie preceding, examminit, vpon the First Article thai ar aggrieable in all things, conforme to the formar deponaris.

The foirsaid xxj day of Februar, the zeir and place foirsaid. The Parochinaris of Dunrostnes, ressauit, sworne, and examinit vpon the First Article, quhais names followis—

Olaw Flattabustare

Williame and Erasmus thair

Erasmus of Ocraquoy

Magnus in Howkenasettar

Johannes of Blostoiff

Olaw Magnussoun

Olaw of Hellyness

Magnus Bramer

Magnus of Cutha

Ereik and Magnus of Goird

Olaw in Sterkagar

Magnus in Tow

Symone in Culbinisgarth

Swaine Eldegar

Williame in Brind

Hectour of Brind

Nichole of Clapwall

Brownie of Scarpagarth

Magnus of Wattisgarth

Magnus in Wastano

Olaw of Maill

Magnus of Maill

James Cloustane

Williame Hog

Thomas in Leabuttin

Olaw Smyth in Sand

Magnus Mowat of Burrowland

Andro of Howland

Thomas of Culzesettar

Antone in Cumlaweyk

Magnus in Viasettar

Johne Johnstoun in Hoisweyk

Magnus Tullo

Williame and Antone of Channerweyk

Magnus thair

Laurence Lesk in Gord

Thomas Antonissoun

Nichole Segarth

Magnus Mowat in Lavenweyk

Nichole Mowat thair

Claus and Olaw Haldensoun

Niniane and George of Clumming

Gawane of Longasettar

Magnus Trosweyk

Henrie in Outvo

Magnus in Skelberrie

Magnus Symondsoun

Olaw in Vo and Johne in Vo

Henrie and Williame Lesk

Henrie Mowat and James Mowat

Laurence Lesk

Laurence Sinclair

Johne Yrrewing

Johne Torquele

John Petirsoun

Johne Sclatter

Johne Sinclair

Magnus Lesk and Laurence Lesk

Ereik of Burroiss

Magnus Thomassoun

Henrie Thomassoun

Arling Johnsoun and Williame Johnsoun

Gregorius Olawsoun

Williame Pattisoun

John Smyth and Henrie Smyth

Williame and Symone of Loball

Leonarde Coupland and Gilbert Coupland

Magnus Erlingsoun

Maguns Nicholsoun

Johne Gybsoun

James of Brek

Arling of Bw

Johne and James Sinclair in Garth

Andro Cheild

Thomas Patoun

Olaw Magnussoun out of Mo

Olaw and Alaster Sutherland

William in Eistishouss

Magnus thair

Henrie Strang

Johne Cromertie

Orme and Andro of Quendale

Nichole Flett

Robert Scartane

Edward Sinclair in Town

Robert Archbauld

Johne Hendersoun

Thomas Bernissoun

Rull of Ringista

Andro Ringista

Thomas Ormissoun

Williame in Brek

Johne of Colsettar

Magnus Beindsoun in Backasettar

Nichole in Sunlasettar

Henrie in Noss

Stewin of Forvo

Thomas of Fuktoun

Williame Sinclair in Sater

Henrie Emlay

Matho Fuktoun

Magnus Greg and his sounis

Thomas in Mawik

Thir persounis immediatlie aboue writtin, examinit vpone the First Article; thay ar conforme to the formar deponaris, with this additioun, Erling of Bw, Lawrichtman of Dinnrosness hes testifeit, in presence of the Commissionaris, that he broucht at dyuerss tymes, twa sindrie cuttellis of just mesour, to haue delyuerit the wadmell of Dunrosness thairupon, conforme to his office, bot the Laird of Cultemalindie refusit outher to lat him met, or zit to lat the wadmell be mett with his cuttell: Quhairfoir the said Lawrichtman, seing he was refusit, in sing of the disobedience and wrang that was done, in presence of the haill Commownis, he brak his cuttellis and requyrit the haill Commownis witness heiroff.

The Secund Articule of the Generale Complayntis giffen in befoir the Regentis Grace and Secreit Counsale be Arthour Sinclair of Ayth, as eftir followis—

Secundlie, The said Laurence hes compellit us to pay the dewitie of our buttir on his wecht, callit the Bismeyr, ffor ilk twelff lespund buttir quhilk was payit of auld, fyftein lespundis, swa that we ar compellit to pay the fyft pairt of our dewitie of buttir mair nor was ever payit of befoir.

The foirsaidis Parochinaris of Tingwale, Quhytness and Weisdaill, sworne and examinit befoir the Commissionaris, day, zeir, and place foirsaid, vpon the Secund Article, deponis as followis—

Thay depone, that the thrie zeiris bypast, viz., J^m V^c Lxxij, Lxxiij, and Lxxiiij zeiris, thair was tane fra thame be the Laird and his weyaris, for everie just lespund quhilk extendis to xxiiij merkis, thay tuik fra thame be wrang wechtis, and be the handis that weyit, thretty merkis. Bot this last zeir of Lxxv zeiris crope, thai depone that thai war relevit of the ane halff of the wrang wecht, swa that thai payit bot xxvij merkis this last zeir for the lespund, quhilk was bot thre merkis mair nor just of ilk lespund.

The foirsaidis Parochinaris of Brassay, sworne and examinit befoir the saidis Commissionaris, day, zeir, and place foirsaid, vpon this Secund Article, deponis as followis—

Anent the ressait of thair butter, thai are conforme to the men of Tingwall, Quhytness and Weisdale, formar deponaris vpon the said Secund Article; with this additioune, Erasmus of Kirkbustare, quha was Laurichman of Brassay in tyme of vmquhile Olaw Sinclair of Avera, Fowde of Zetlande, testifyit in presence of the Commissionaris, that he ressauit ane bismeyr, quhilk Williame Vrwing of Trondra maid, be the haill consent bayth of the Fowde and Commownis of Zetland; quhilk bismeyre he hes keipit neir xxx zeiris bypast, quhilk was haldin ane just bismeyre, ay and quhill the Laird of Cultemalindie enterit Fowde; bot sensyne the Laird hes refusit to ressaue ony buttir vpon that bismeyre, but causit ane new bismeyre to be maid, transmonting sax, sewin, or aucht merkis mair, betuixt the wecht and the hand that weyit, nor that auld just bismeyre was; and he hes continewit sen his entress to ressaue the buttir on that maner, except this last zeir, quhair in the ressait of the buttir, he diminissit ane pairt of the wrang wecht to the quantitie of twa or thre merkis of euery lespund that he had wount to tak in the zeiris befoir, bot zit he come not to the just auld wechtis be thre merkis at the leist, as the formar deponaris has declarit. And als the foirsaidis parochinaris affermis, that the Laird gart serse out the grittest bismeyre that was amang the Duchemen; and quhan he had gottin the same, the quhilk was thre or four merkis mair nor just, zit he wald not ressaue the buttir thairupoun, bot upon his awin bismeyre, quhilk he had gart mak; quhilk was twa or thre merkis mar of everie lespund nor the grittest bismeyre that was amangis the Duchemen.

The foirsaidis Parochinaris of Nesting, Lunasting, Quhailsay, Skerreiss, Burray, Trondray, Quharff, Goldberwyk, Vnst, Fetlar, Zell, Delting, and Scatsta, Northmaven, Wawiss, Sandsting and Aythsting, and Dunrostnes, sworne and examinit befoir the saidis Commissionaris, dayis, zeir, and place befoir specifiet, respectiue, vpon the Secund Article, deponis as followis—

Thay all affirmis and aggreis anent the bismeyre and the ressait of the buttir, and vpon the zeiris, conforme to the formar deponaris, wyth this aditioune of the parochinaris of Burray, Quharff, and Goldberwyk, quha affermit, that the man that weyit thair buttir durst do na vyther wayis for feir of the Laird, because he stude besyde him all the tyme of the weying: And wyth this additioune of the grittest nummer of the parochinaris of Scatstay and Delting, quha deponit, that thai gat nathing doune of the wrang wechtis the last zeir: And wyth this additioune of the haill parochinaris of Northmaven aboue specifeit, quha declarit, that Dauid Tulloch, thair Laurichtman, broucht his bismeyre wyth him to the Duchemennis buyt at Gluss, till haue weyit the buttir thairupoune to the Laird, according to the dewitie of his office, bot the Laird wald not suffer him to do the saimen; and he said to the Laird, It was ewill done that he wald not lat him wie the Commownis buttir with the just bismeyre quhilk he had broucht with him thair, and said it was not aneuche that he suld oppress the Commownis with ane wrangus bismeyre; and because he spak tha wourdis to the Laird for the rycht in favour of the Commownis, or ever the Laird wald luik on him with patience, he gart him pay to him for the said speiche fyve dolouris: And wyth this additioune of Magnus Reid of Ayth, quha producit in presence of the Commissionaris and the haill Commownis of Sandsting, Aythsting, and Dunrostness, ane letter under the commown seale of Zetland, of the electioune of Nichole Ayth of that ilk, fader to the said Magnus, to the office of Lawman-generale of all Zetland, quhilk is of the dait, In the Ting holm of Tingwale, the xxvij day of July, in the zeir of God J^m V^c xxxij zeires, togidder with ane bismeyre, quhilk the said Lawman keipit and observit as ane just bismeyre all his dayis. Lykas the said Magnus his sone, affermit, that he had keipit it sen his said faderis deceiss, and was repute and haldin as ane just and attentik wechte, and for verificatioune thairoff, the Fowdis merk and Lawmannis merk war ingravit in the same; quhilk bismeyre beand conferrit with the Lairdis bismeyre, quhilk he hes usit commounlie sen his entress, the foirsaid Lardis bismeyre transcendis and surmontis the said Lawmannis laufull bismeyre vpon the lespund wecht, aucht merkis mair nor just, quhilk extendis to the third pairt of ane lespund, swa that the Laird hes of the Commownis be hes bismeyre, of everie thre lespundis he ressavis, he hes the fourt lespund attour the just wecht wranguslie; and this was verifiit be the haill twa parochinaris aboue mentionat, befoir the saidis Commissionaris.

The Thrid Article of the Generale Complayntis, giffen in befoir the Regentis Grace and Lordis of Secreit Counsale, be Arthour Sinclair of Ayth, as eftir followis—

Thridlie, The said Laurence hes, sen hes entrie foirsaid, compellit ws to pay our restis and dettis, and to delyuer to him silver zopindales for twa gulliounis, quhair as the samyn hes commoune courss in tymes bygane, and was ressauit for thre gudlingis be all Fowdis preceiding this tua hundreth zeiris bygane.

The haill Inhabitantis of Zetland befoir mentionat, sworne and examinit befoir the saidis Commissionaris, dayis, zeir, and place respective, foirsaid, vpon this Thrid Article, deponis as followis—

Thay all in ane voce deponis, that the Laird of Cultemalindie tuik the zopindale fra thame in payment of ony rest of dettis that thay war awand to him, for twa gudlingis allanerlie, quhair as of befoir, it was ay tane for thre gudlingis; and as zit the Duchemen will not giff ane zopindaill bot for thre gudlingis wourth of wairis, and thay ar compellit to giff it to him for twa gudlingis, swa hes rasit up vpon thame the thrid mair of all detties and dewities quhilk thai haue not in wairis, ffor the quhilk thay man pay monie, quhilk is the occasioune that bayth kirkmen, merchandis, and vtheris traffeicand in the cuntrie, will ressave the said zopindaillis and vther monie in na vther maner nor the Laird ressaveis the samen; as alswa, the angell nobill, quhilk was wount to be allowit in thair dettis for sax gudlingis, is now ressauit fra thame for fyue gudlingis, quhairby thai ar gritlie opprest be the Laird continualie sen his entres to the office. And als it is deponit be the Inhabitaris of the North Yles of Zetland, viz.—of the Yles of Zell, Fetlar, and Vnst, that [the] Laird tuik the zopindale fra the Duchemen, quhilk lay within thair Yles, for tua gudlingis, and quhat wairis he tuik fra thame againe, he compellit thame to tak the zopindale, in payment thairoff, for thre gudlingis. And als it is deponit be the men of Northmaven, that the Laird compellit all thame that wantit zopindales or angel nobillis to pay thair restis with, to pay for ilk gudling xxiiij s. Scottis, swa that for the dolour st. that suld haue bein thre gudlingis, to thame allowit in dettis to thame be him bot for tua gudlingis, thai payit xxxvj s. Scottis. And affoir his entres, the gullioune was nevir bot vj s. Scottis, swa that, quhair in tymes bypast the pryce of tua gudlingis was bot xij s. Scottis (to the quhilk pryce of tua gudlingis the Laird hes put the haill dolour to quhair he ressaues monie fra thame), notwithstanding, quhair thai uant the dolour, he compellis thame to pay thairfoir xxxvj s. Scottis, quhilk is thryss als mekle as thai war wount to pay of befoir.

The Ferd Article of the Generale Complayntis, giffen in befoir the Regentis Grace and Lordis of Secreit Counsale, by Arthour Sinclair of Ayth, as eftir followis—

Ferdlie, the said Laurence hes compellit the Duchemen and vther strangeairs resortand to the cuntrie of Zetland, be quham the haill traffeck of the said cuntrie consistis, to pay him als meikle dewtie be way of brybrie and extrordinar impostis, as thay war wount to pay of befoir to our souerane Lord and his Fowdis for his Hieness toll and custome; quhairthrow the saidis strangearis, quha furnist ws all victuales, clayth, yrne, hemp, and vther necessaris, ar appeirand till abstein fra traffeck in our said cuntrie, lykas the principall men of thame hes ellis done, and that for the oppressioun committit vpon thame, till our grit skayth, without remied be maid in tyme.

The haill Inhabitaris of Zetland befoir mentionat, sworne and examint befoir the said Commissionaris, dayis, zeir, and plaice respective, foirsaid, vpon this Ferd Article, deponis as followis—

The haill Inhabitantis of Zetland befoir written, deponis concerning this Fourt Article, that thay ar ignorant quhat the Laird hes gottin fra the Duchemen attour the just toll, becaus they are not permittit to be present at the delyverance thairoff, and ar not participant of the samyn; bot in respect of the grit favor, liberteis, and permissiounis that is grantit and permittit to the Duchemen be the Laird, zeirlie, sen his entress, by auld consuetude and customes of the cuntrie, to the grit hurt and damage of the puir Commownis of the cuntrie quhilk byis all thingis necessairis concerning thair sustentatiouns fra the Duchemen, it apperis, and is presumit, that the Laird ressaveis zeirlie gains and commoditie fra thame according to the termis of the Ferd Article, and in respect of the ressounis particularlie following—

And First, Quhair as it was and is the use, affoir that ony schip be tholit, the cowp and pryce of the merchand wairis and geir is and aucht to be sett be the Fowde, and certain honest descreit men of the cuntrie quhilk knawis the lawis, consuetudes, and pryces, bayth of the cuntrimenis wairis and merchandis strangearis resortand thair; the Laird of Cultemalindie, sen his entrie to the Fowdrie, hes not observit the auld order thairoff, bot hes alterit and brokin the cowp and pryces as followis: that is to say, The pryces of the Duchemen and strangearis geir is rasit hiear, contrair the auld use and custome; for the auld lawfull pryce of the barrell of drinking beir was and suld be for thre gudlingis of cuntrie wairis, sic as of fische, buttir, wadmell, or uther cuntrie wairis; and the barrell of rymeill brannes of twelff lesspond wecht, of the same pryce; bott sen the Laird enterit, the barrell of beir is sett to four gudlingis, and the warst beir that they bring is sett to three gudlingis and ane half; the barrale of branner meil, quhilk was thre gudlingis of auld, now they gar thame pay thairfoir thre gudlingis and ane half, and sumetyme four gudlingis: and zet the scayth is not sa grit of the cowp setteing to the Commownis, as is the hurt that thai have of the exorbitant gilding of the wairis; for quhair as twelff gild keling and aucht gild ling suld mak the gudling, and was evir in use to be tane fra thame for ane gudling, the Duchemen will not ressaive fra thame less nor fourteen, fifteen, or saxteen gild keling, and ten, elleven, or twelff gild ling for the gudling, and this is continewalie usit sen the Lairdis entress, and for na complaynt that thai can mak to him thai can have remeid thairoff, bot the Duchemen ar ouirsein, and the cuntriemen opprest in maner foresaid, for lack of justice.

Secundlie, The Commownis of the haill cuntrie complainis upon the Duchemen, quhair as thai ar hevelie opprest be thair messuris and wechtis; for the Duchemenis can that they tax the beir with, is litill mair nor ane Scottis chappin, for the full of the quhilk they tak fra the Commownis ane Dens schilling, quhilk is ane gild keling, bot the can that they ressaive the ulie fra the Commownis with, is neir weill ane Scottis quart, albeit they aucht bayth to be equal and alike of messour.

Thridlie, The Commownis ar hevelie opprest be the said Duchemen, as thai affirme and deponis, be the bismeiris wrangusslie maid and markit, swa that xxx merkis upon the small wechtis will scantlie mak furth ane lesspund of the bismeire quhairupone the Commownis ressavis fra the Duchemen; bot they ressave the Commownis wairis upon the grit wecht in haill gudlingis, quhilk hinderis the Commownis of ilk gudling twelff merkis; quhilk diminisses the fyft part of thair dewitie, quhairroff they suld have allowance, be the wrang wecht; and thairby they pay the fyft part attour thair dewities mair nor just.

Ferdlie, It is affirmit and deponit be the Inhabitantis of the North Yles of Zetland, viz.—of Zell, Fetlair, and Unst, before mentionat, that thai are extorsit be the Duchemen be the rasing of the pryces of thair wairis, and diminissing of the pryces of the cuntrie wairis onlie in defalt of the Laird, for the Commownis was wont to get in all tymes of befoir the Lairdis entress, aucht cuttell of vnblicht carrott (?) for ane gudling, bot now, sen his entress, thai gett bot sax cuttellis for the gudling; lykwyiss the merk of copper of auld was sauld for twa schillingis of wairis, and now thai tak four schillingis thairfoir; and siclyk hes agmented the pryces of thair hemp and uther grayth: In respect of the quhilk, it is supponit and presumit that the Laird gettis gains fra the strangearis, to suffer and permit thame to use the Commownis on this maner; for thai declair, that the shippis that lyis in the Yles delyvirit to the Lairdis doaris, ilk schip halff ane last of beir and meill certane zeiris, bot thai knaw not quhidder he maid payment to the Duchemen or not thairfoir. Bot thai affirme that thai hard the Duchemen say, that the Laird payit thame nathing thairfoir. And als affermis, that the Duchemen schow thame that the Laird tuk the zopindaill fra thame bot for twa gudlings, yet in payment of thair wairis that he bought fra thame, he compellit thame to tak it again fra him for thre gudlings.

The Fyft Article of the Generale Complayntis, giffin in Bill befoir the Regentis Grace and Lordis of Secreit Counsale, be Arthour Sinclair of Ayth, upon Laurence Bruce of Cultemalindie, as eftir followis—

Fyftlie, The said Laurence, in his accustomit manner, efter his arryvale in Zetland with fyfteen or saxteen armit men, comis to the housses of us the inhabitantis of the said cuntrie, and remains thairintill quhill our victuales and provisioun be spendit; compelling us to furnish him and his cumpanie, for feir of grittar oppressioun, and swa depairtis bot payment of ony expenss and chargeis maid be him and his dependaris to us or ony of us, and that in manner of sorning and skafrie, to our uttar wrak and heirschip, we beand for the maist pairt all lawboraris and fischaris.

The haill Inhabitaris of Zetland before mentionat, sworne and examinit befoir the saidis Commissionaris, dayis, zeir, and place respectivé foirsaid, upon the Fyft Article, deponis as followis—

Thay all depone in ane voce, That the Laird was never fewer nor twelff personnis, by strangearis, boyis, and uthers, that convoyit his caryage, quhilk was sustenit be the honest men of the cuntrie into thair housses, quhen as he past athort the cuntrie; and was bankittit, and gat sic cheir as thai micht furniss, and payit nevar any price for it; and ofttymes the gudman of the houss, at thair departing, behuvit to propyne the maister houshald, the cuik, and stewart, with sum gift; with this additioun of the parochynairis of Nesting, that in Hervist was ane zeir, the Laird with his companie beand in Margrat Reidis houss in Burgh, quhen they had drukkin furth hir provisioun, thair was half ane barrell of beir in Thomas of Kirkabustar’s hous quhilk pertenit to Johne Magnussoun in Gounzefirth, and was put thair to keip be him, the Laird gettand wit thairoff, send and gart bring the same to Margrat Reidis houss to his provisioun, and gart publiss throw the parochin, that quhatever he was that had ony dreinking beir, and heild and conselit the same fra him, thair haill guiddis and geir suld be escheit, giff knawlege might be had thairoff in ony tyme eftir. As for the halff barrell that was tane, the awnar as zet has gottin na payment thairfoir. And wyth this additioun of the parochinairis of Northmaven, that in sum mennis housses, the Laird, with his companie, wald remane quhill he wald dreink halff ane last of beir, and sumtyme mair; lyk as he did in Andro Robertsoun’s, John Robertsoun’s, Magnus in Gluss, and Laurence in Glusses housses, and wald repair to thame thre or four tymes in the zeir. And the gudwyffes of the housse, nor thair servandis, gat na entress in thair awin sellaris sa lang as he remanit.

The Saxt Article of the Generale Complaintis, giffin in befoir the Regentis Grace and Lordis of the Secreit Counsale, be Arthour Sinclair of Ayth, upon Laurence Bruce of Cultemalindie, as followis—

Saxtlie, The said Laurence, contrair the custome of our said cuntrie and lawis of this realme, hes at all tymes, sen his entrie, causit courtis to be fensit and haldin within the feriat and cloiss tyme of hervist and vacanis for his particular proffitt, quhairthrow we micht [not] wait upon our hervist for winning of our cornis, hay, and vther necessars to sustein us in tyme of winter. And lyikwyiss causit dyverss of his servandis and suddartis, quhilk ar not natives nor indwelland men in our cuntrie, to pass upone our assyses and inquestis, contrair our lawis and customes, perverting thairthrow our haill lawis to his particulair comoditie.

The haill Inhabitaris of Zetland befoir mentionat, sworne and examinit befoir the saidis Commissionaris, dayis, zeir, and place respectivé foirsaid, upon this Saxt Article, deponis as followis—

And first, The men of Quhytnes and Weisdale anent this Saxt Article, deponis, That the Laird held courtis alsweill in tyme of hervist as ony uther tyme; and in speciale betuixt the Mariemessis, and at everie court, he had twa or thre of his awin men, quha votit and decernit all decreits at thair plessure, and wald gif the Commownis na place to vote bot conforme to thame: Quhairas na men suld sit upon thair decreits bot cuntriemen that kennis thair awin lawis, quhairthrow thair law was wreistit to the Lairdis particular proffit, to the grit hurt of the inhabitaris of the cuntrie; amang quham James Bruce sat upon the assyses this last zeir in mony of all the courtis haldin in Zetland be the Laird, notwithstanding, as thai wer informit, [he] was at the Kingis horne and unrelaxit.

The men of Brassay ar conforme to the formar deponaris upon this Saxt Article, with this additioun: At the last Lawting haldin in Scalloway, quhilk is the heid court of the cuntrie, thai affirme that thair was scarslie the ane halff of the assyiss cuntriemen, and thai gat na vote in the decreits giffin furth; quhairfoir thai war on purpoiss to have tane act that thai gaif na consent to the decreits decernit in that court, bot for feir of the Laird thai stayit and durst not.

The men of Nesting, Lunasting, Quhailsay, and Skerreis, examinit upon this Saxt Article, ar conform to the formar deponaris of Quhytnes and Weisdale, with this additioun: Efter that my Lord Robert had past throwout the parochinis of the cuntrie, and haldin his courtis, the thing that my Lord had remittit and forgiffin, the Laird thaireftir callit thame, and held courtis in Tingwall and Scalloway, and thair sett his awin servandis and utheris of his chosin upon the assysses, sic as James Bruce, Harie Bruce, and Thomas Boyne, sa lang as he was in his service; and thair wald convict thame in sic sowmes as he thoucht gude, haveand na respect to the lawis of the cuntrie nor gude conscience, bot ony voit of the cuntriemen; and also decernit faltis that was giffin up in Grandrie (quhilk is ane dittay giffin and tane up be ane privy inquest), without any preiff led thairupon: and thai that gaiff up the grandrie sat upon the assyiss, and in speciale Harie Bruce and Thomas Boyne, quha was bayth the upgiffaris of the faltis, and but preiff or witness sat upon the assyiss, and decernit upone the same. And for ane tuilzie that Johne Smyth, officiar, maid in Williame Garyochis houss, Edwarde of Garth, Williame Magnussoun in Beinsta, and the said Williame Garryouche, war ilkane decernit in sax dolouris, quhilk thai war compellit to pay to the Laird with rigor; and quhen thai requyrit the clerk for ane copie of the decreit, and bad him ane zopindale and ane halff for thair extract of the same, zet he wuld not draw it furth to thame. And thai affirme all, that for na payment nor requeist that thai can mak, the Lairdis clerk will not giff forth the extractis of the decreitis, nor zet can thai have executioun thairupon, except it be for the Lairdis awin particular proffit.

The men of Vnst, examinit upon this Saxt Article, agreis with Quhytnes and Weisdale, with this additioun: Harie Bruce and Thomas Boyne beand procurators, sumtyme efteir that thai have pursewit in ane actioun, hes been permittit to sit upon the assyiss, and to decerne in the same actioun that thai procurit in of befoir. And in speciale, in ane actioun quhair Harie Bruce stude up and procurit for Barthole Strangis wyff, the said Barthole beand furth of the cuntrie, and sche compellit to answer, for na exceptioun of the law that sche culd propone thai wald desist, bot procedit aganis her; quhairas of the law her husband suld have bein callit, and not sche. And the said Harie unrequyrit of hir, takkand hir procuratioun upon him, sat down agane upon the assyiss, and gaiff vote contrair the actioun, for the quhilk he procurit; this proven be certaine honest men of Vnst, viz.—Walter Smyth, Johne Coupland, Magnus Cowhouse, Paule of Maill, with vtheris dyuerss.

The Sewint Articule of the Generalle Complaintis, giffin in in Bill befoir the Regentis Grace and Lordis of the Secret Counsale, be Arthour Sinclair of Ayth, aganis Laurence Bruce of Cultemalindie, as followis—

Sewentlie, The said Laurence, under pretence and cullour of nichtborhood, quhair the use was that the haill parochin, callit ane Scathald, payit for the vnlaw of swyne worting, callit Swyne Ruting, xl s., he hes compellit ilk man in the parochin to pay to him thairfoir thre zowpundaleis throw the haill mayneland; quhilk extendit in ane zeir in the mayneland by the Yles to thre hundreth zopindales, to our vttar heirschip and wraik.

The Inhabitaris of Zell, Fetlair, and Unst, befoir specifiit, sworne and examinit upon this Sewint Article, deponis as followis, that is to say—

In Unst there is xxi scatlandis, vtherwayis callit Scathaldis. The Laird, haldand Court at Sca, in Unst, inquirit giff thair was ony swyne ruting in that Yle. The ordour of punissing of swyne ruting be the law of the cuntrie is this; Quhen ony man compleins upon hes nichtbor for ruting up of his corne or his medo with the swyne, the assyiss, after the probatioune and tryale tane of the scayth that is done to the complenar, decernis him in amendis, outher of corne or gerss, according to gude conscience, sa far as the scayth is provin; and giff it be the Kingis land that is ruted, the unlaw of the law that fallis to the sheriff is thre merkis Zetland payment, viz.—ane dolor; and gif it pertain to the kirk or outhale men, the Kingis unlaw is the less. And giff na man compleins upon swyne ruting, it aucht not to be tane up be way of Granderie. Zet nevartheless, the Laird, contrair the law and practik of the cuntrie, put it up as ane article of the Granderie. And quhen the assyiss was requyrit to sit and decern thairupon, the haill honest men of the Yle refusit and past of the assyiss; zet notwithstanding, Thomas Boyne, the Lairdis awin man, with his clerk and strangearis that was placit on the assyiss, maid furth ane decreit thairupon, and decernit ilk scathald within the said Yle to pay to the Laird thre dolors for the swyne ruting, quhilk the Laird gart poynd fra the Commownis. For payment of the quhilk the puir Commownis was compellit to sell thair ky to the Duchemen for half pryce, becaus thai had na reddie silver. The soum that the Laird gat wranguslie thairthrow in the said Yle, extendit to thre scoir thre dolors; quhilk scaythit the Yle, be ressoun of the small pryce that thai gat for thair guddis to the valor of ane hundreth dollors and mair, as thai tuik upon thair conscience. And sic as had not ky to sell, war constranit to sell their land out at the grund, to get silver to outred the said unlaw.

The Inhabitaris of Fetlar foirsaid ar conforme to the depositioun of Unst; and thai grant and confessis that thai have payit for ten scatlandis contenit in their Yle, in the same maner as Unst hes done, to the Laird for the swyne ruting, but dome or law xxx dolors; and for lack of reddie monie was constranit to sell thair guddis and landis far within the worth, lyk as the men of Unst hes deponit.

The Inhabitaris of Zell, knawand that the Laird wald have had ane dome of thaim of swyne ruting at his Court haldin thair, supponit to be na better handlit nor the other twa Yles was, they war faine to aggrie with him, in case he suld have put thame to ane grittar Intendment; swa that for ellevin scathaldis that is within that Yle, thai payit him xxxii dolors: And giff the Laird causit ony dome to be maid thairupoun, the men of the Yle that sat upon the assyiss affirmis, that thai consentit nevar thairto.

The Parochinaris of Dunrosnes, sworne and examinit upon this Sewint Article, deponis, That thair was not ane in that parochin, puir nor riche, that had samikle as ane gryiss, and culd not quyt the samen of swyne ruting, bot he was poyndit for thre zopindalis; quhairas thai allege, that thai ar grittumlie wrangit by the rest of Zetland, for in uther parochinis and yles he tuik bot for everie scathald thre dolors, bot in this parochin he gart everie man particularlie pay thre dolors; and for payment thairoff their gudis and geir war comprysit, meikle inwith the avale, quhilk was to thair double hurt; and the sowme that the Laird gat furth of the said parochin, for this unlaw of swyne ruting, is calculat amangis thame to extend to ane hundreth and four dolors.

The Parochinaris of Delting and Scatstay, Burray, Trondray, Quharff, and Godberwyk, sworne and examinit upon this Sewint Article, deponis, That becaus thai hard wourd of the exorbitent unlawis that was tane up in utheris parochinis, sic as Unst, Zell, Fetlar, and Dunrostnes, foir feir thairoff thai slew thair haill swyne, quhen thai war out of ply, that they suld not be unlawit thairfoir; quhilk has done them grait scayth.

The Parochinaris of Tingwale, sworne and examinit heirupon, deponis, That thair was na swyne haldin with thame, except Erasmus of Watbustar, and Laurence of Hammersland, quha for twa gryseis that they had, componit and payit betwixt thame ane dolor thairfoir to the Laird.

The Inhabitaris of Brassay, sworne and examinit thairupon, deponis, That for feir of the rigorus handling that thai hard tell was usit upon their nichtbouris be the Laird, thai had slain doune all thair swyne; except Nichole Johnstoun of Congasettar, quha for ane swyne quhilk he had that did na harme to any nichtbour, his kow was tane, at comand of the Laird, be Andro Giffurde, and sald, and the pryce thairoff delyvirit to the Laird, na dome nor law passand thairupon.

The Aucht Article of the Generale Complayntis, giffin in in Bill befoir the Regentis Grace and Lordis of the Secreit Counsale, be Arthour Sinclair of Ayth, aganis Laurence Bruce of Cultemalindie, as followis—

Auchtlie, The said Laurence continuand in his oppressioun, quhairas be the auld custome of our said cuntrie that for breiking of nichtbourheid, the haill parochin, callit the Scattald, payit fyve gudlingis, now he compellit ilk man in the parochin to pay for the said unlaw, fyve gudlingis, quhilk will extend to grit sowmes, to the grit hurt of us, the Inhabitantis of the cuntrie.

The Parochinaris of Quhytnes and Weisdale, Nesting, Lunasting, and Quhailsay, examinit and sworne upon this Aucht Article, deponis—

That the ordor is, amangis nichtbouris that dwellis within ane scathald, gif ane brute be rasit upon thame, and the faltor cannot be found out, quhen thai ar all put to acquittance, and quha that failzeis to be quyt, becummis convict in ane domeraw, to be payit amang sa mony as is unquyt coniunctlie, ilk man his pairt; neuirtheless, thir parochinaris deponis, That the Laird in his last Court, haldin at Quhytnes, chargit ten houshaldis for scoulding, that is to say, for ane sclander and brute that was rasit upon sum of the town, quham thai culd not get knawlege off, to quyt thame of scheip that wantit. Quhilk acquittance was ordanit be Olaw Sinclair, Fowde of Zetland for the tyme, and lay deid and sleipit, quhill now in Hervest 1576; at quhilk tyme the Laird of Cultemalindie waknit the samyn, and tuik fra everilk ane of the ten houshaldis fyve gudlingis, quhilk is the haill sowme of ane domeraw, extending in the haill to fiftie gudlingis; quhairas the haill ten houshaldis aucht and suld have payit bot fyve gudlingis amangis thame all, giff thai had failzied acquittance: Off quham sum was on lyve, and sum was deid, zet he gart the airis of thame that was deid mak payment. The names of the ten houshaldis are—Jacob in Scairane, Thomas of Girdilsta, Hutchain of Branxhammersland, Erasmus of Watbustar, Nichole of Catfirth, Henrie of Catfirth, Magnus of Crown, Ereik of Strandfurde, Magnus Andersoun, Erasmus of Wathsettar. The men of Nesting, anent this Article, deponis, That the officiar pundit everie ane of thir foirsaid persounis for ane domeraw, and tuik of thame attour that to himselff of ilk man, ij s. Scottis. And thai affirme that thair is twa of the ten lyand under the danger of punding, and not poyndit as zett for this unlaw.

The Last Article of the Generale Complayntis giffen in befoir the Regentis Grace, and Lordis of the Secreit Counsale, be Arthour Sinclair of Ayth, aganis Laurence Bruce of Cultemalindie, as followis—

Last of all, the said Laurence hes continewalie, sen hes entrie in our said cuntrie, zeirlie, and ilk zeir, usit to tak up dittayis, usit justice courtis, callit be us Grandraiffes, quhilk was never usit of befoir, bot ilk sewin zeir, thairthrow oppressing us with all kynd of tyranie and wrang, and compelling us to giff and delyver to him our gudis and substance in grit quantitie, in sic sort, that we ar altogidder put to grit povertie and heirschip; swa that thair is na natioun under grittar slaverie and oppressioun be the meins foirsaid nor we ar, and will be compellit to leiff our cuntrie desolat of the pepill and laboraris, to seik our habitatioun in sum forane natioun, without your Grace and Lordships provyd sum haistie remeid.

All the Inhabitaris of Zetland foirsaid, ressauit and sworne, and examinit befoir the Commissionaris, deponis all in ane voce upon this Last and Nynt Article, That the same is trew, and affirmis, that not onlie the Laird tuik up the Granderie zeirlie, bot at ilk Court that he held, bayth in the Mayneland and Yles. And for the better understanding of this terme of Granderie, thai defyne the samyn to be ane law, quhairby ane previe dittay of all faltis and crymes committit or done contrair the comown law, quhilk suld be tane up be ane generale inqueist of the maist honest men of ilk paroche and yle ans in the sewin zeir, giff neid be, and na oftar. Bott the Laird, sen hes entres, hes abusit this law be the continewale and daylie using thairoff at everie Court haldin be him; be the quhilk not onlie is the criminale persounis punissit, bot alswa the innocent are grivouslie wrangit and opprest thairby—

First, Be the frequent using of the samyn, contra the custome and consuetude of the cuntrie.

Secundlie, That the said previe dittay beand tane, he will permit na probatioun to be led thairupon, but the parteis indytit ar haldin convict, ewin as probatioun had bein led and ressauit thairupon.

Thridlie, The dittay quhilk suld have been giffin up be ane generale inqueist of honest men, is tane up be him and his clerkis in previe maner, of the parteis enemeis and ewilwillaris; quhairthrow sum are spulzeit of thair haill gudis and geir, and of thair honestie and fame, and vther sum componis with him, for feir of thair lyff, at his plessur.

Ferdlie, Thair is ane branche of this law of Granderie, callit Sculding, that is to say, ane brute or sclander of thift, pykrie, or sic uther crymes, rasit by the deid of ane single persoun in ane parochin or yle, quhairoff na probatioun can be had quha is the committar thairoff, in that case the haill nichtbouris within that pairt of the parochin or yle are generalie put under acquittance of the said brute; and swa quhen they cum to offer thair acquittance, it is ofter refusit nor resavit be the Laird; and giff this first acquittance beis not admittit nor ressavit be the Laird, thai pay thair unlaw thairfoir to him, and than ar thai put to the second hiear acquittance. Quhilk seindill or never is ressavit be the Laird, be ressoun the first less acquittance was not ressavit nor admittit, and swa ar thai pundit for falzeing of the second acquittance in the tripill of the first unlaw, and syn put to the hieast and last acquittance; quhairin, giff thai failzie and beis not quyt, thair haill guddis and geir ar confiscat, or ellis thai man compone thairfoir with him, and swa the multitude of innocent persounis ar punist wranguslie for the offense of ane trespasser; and becaus this law of Granderie is ane meins and way to spulzie honist men of thair substance, thairfoir he usis it the ofter at everie Court zeirlie haldin be him in the cuntrie.

Heir endis the Generale Complayntis, giffin in in Bill befoir the Regentis Grace and Secreit Counsale, be Arthour Sinclair of Ayth, aganis Laurence Bruce of Cultemalindie, and the Probatiounis led thairupon: And heirefter followis the uthir Complayntis, Generale and Particular, not contenit in the said Bill, bot giffin up to the foirsaid Commissionaris be the Inhabitaris of Zetland within specifeit, efter thair arryving in Zetland; with thair probatiounis led thairupon, place, zeir, month, and dayis respectivé above specifiit.

In the first, Thair is ane dewitie, callit Leanger, quhilk the Comownis of Zetland payis zeirlie, followand thair wadmell, quhilk extendis to four Dence quhytis, or ane calff skin, with everie xxiiij cutteill of wadmell. Bot the Laird, sen his entress, hes compellit thame to pay to him, throw the haill cuntrie, for everie Dence quhyt, quhilk is thre halfpennies Scottis, ane babie, or ellis ane calff skin, quhilk is four tymes alsmikle as they war in use to pay befoir his entress: Quhilk thing, be ressoun of the uniuersalitie and pretendit perpetuitie, is ane intollerable oppressioun.

The quhilk new impost and oppressioun, the haill number of the Inhabitaris of Zetland within specifiit, ressauit and sworne the dayis respectivé befoir rehersit, hes testifiit, deponit, and verifiit to be of treuth, and ar all in ane voce thairupon conforme.

Secundlie, The haill Comownis within specifiit, ressauit, sworne, and admittit upon the complaynt of the wrangus ressait of the ule, proponit be the auld Lawrichtmen of the cuntrie, deponis, That according to the use and consuetude of the cuntrie, ane just Bramer barrell, quhairin thair ulie is ressavit, suld contain na less nor xlviii cannis of ulie: Quhilk can suld be largear of quantitie nor the content of liquor that is put thairin, and suld be markit with ane plowk on ilk syde, within the superior part, under the mouth thairoff: Quhilk plowkis is the just messor of the can that the ulie suld be fild to, and not transcend the samyn; and quhen thai fill it to be put in the barrell, it suld stand upon ane just ewin erd, and fild quhill the plowkis swome equalie, and na hiear. Bot now, sen the Lairdis entress, he hes maid his can sa grit with the quhilk he ressavis the ulie, swa that xxxiv cannis, or xxxvi at the maist, fillis the barrell, and that be ressoun his can wantand plowkis, quhen it is fild is not set ewin upon the erd, as it suld be, bot in ane tummell standand in the bung of the barrell; and swa they fill the can at ilk tyme, quhill it rin our neir ane copfull or thairby, quhilk passis in the barrell with the canfull; and swa be the wrang messor and wrangus hand ressavand, thai ar opprest and spulzeit attour the ferd part of thair righteous ulie dett, or thairby.

Thridlie, The auld Lawrichtmen of the cuntrie compleinit, quhair the Fowdis of the cuntrie furnist, in tymes bygane, the barrales that ressavit the butter and ulie quhilk the Comownis payit, or ellis, quhen thai causit the Comownis furniss any barrales of thair awin to that effect, the Fowdis gaiff thame allowance and payit thame thairfoir. Bot now the Laird of Cultemalindie, sen his cumming to the office of Fowdrie, hes compellit thame zeirlie to furniss barrales upon thair awin expenss, without ony maner of allowance, or payment of the haill butter and ulie that thai pay in dewitie to the King zeirlie; quhairintill the Comownis ar gritlie hurt and opprest as affoir. The haill Comownis of Zetland within contenit, ressauit and sworne the dayis respectivé befoir rehersit, hes testifiit, verifiit, and deponit this Complaynt and Article to be of trewth, all in ane voce.

Ferdlie, It was hevelie lamentit and complenit be the said auld Lawrichtmen of the cuntrie of Zetland, that quhair the Laird of Cultemalindie, sen his entres, hes rasit ane new exactioun upon the cuntrie, quhilk was never tane of befoir be na Fowde, of certane oxin and scheip zeirlie furth of ilk parochin at the tyme of the haldin of the lawting. The Inhabitaris of the cuntrie within contenit, ressauit and sworne the dayis respectivé before rehersit, examinit upon this Article, deponis as followis—

And first, The Parochinaris of Quhytnes and Weisdale testifiis, that the Laird compellit the men of this parochin to pay ilk zeir of twa zeiris to him, quhen he com to Tingwall or Scalloway, ane ox and twelff scheip, and the uther twa last zeiris thai payit bot sax scheip; quhilk wrang custome is broucht up be him upon thame of new, and was never upon thame of befoir.

The Parochinaris of Brassay, concerning this Article, testifiis, that the Laird causit thame to pay to him ilk zeir, sen hes entres, ane ox and twelff scheip, by geiss, hennis, fische, buttir, and eggis, but ony payment or allowance thairfoir, except this last zeir, quhairintill he requyrit na sic thing of thame for nocht; quhilk was never ane dewitie of befoir, but rasit be him, and gart poyind thair gudis for payment of the samyn.

The Parochinaris foirsaid of Nesting, Lunasting, Quhailsay, and Skerreis, declaris, that the Laird compellit thame to pay ilk zeir, sen his entres (except this last zeir), ane ox and xxiiii scheip, quhilk is ane wrang custome and ane grit oppressioun, for thai gat na payment thairfoir; and that it was never in use in ony tyme preceding to be payit, nowthir to Fowdis nor vtheris, that had charge and care our the cuntrie of Zetland.

The Parochinaris of Burray, Quharff, Trondra, and Godberwyk, affirmis, that the Laird tuik of thame, ilk zeir of twa zeir, ane ox and twelff scheip, quhilk was ane wrang custome, and was never in use to be tane affoir in ony mannis tyme.

The Inhabitaris of Zell affirmis, that ilk zeir of thre zeiris the Laird hes causit thame pay to him ane ox and twelff scheip; and Unst affirmis thai payit in lykwyiss as Zell. And Fetlair testifiis, that the first zeir of the Lairdis entres, thai payit to him ane ox and twelff scheip; the second zeir, ane kow and twelff scheip; and the third zeir, becaus the deid come amang the gudis of the Yle, he relevit thame of the ox, and tuik bot twelff scheip: Quhilk extortioun and wrangus custome the Laird layde doun this last zeir, feirand giff he continewit in it, that he wald be complenit upon.

The Inhabitaris of Delting and Scatsta affirmis, that the Laird causit thame, ilk zeir of thre zeiris, to pay him ane ox and twelff scheip furth of their parochin, quhilk was never in use to be tane of thame of befoir. Northmaven affirmis, thai payit conforme to Delting of oxin and scheip. Wawis testifiis, thai payit in thre zeir thre oxin and thre doissoun of scheip. Sandsting and Aythsting testifiis, that in twa zeiris, the Laird causit thame to pay to him, ilk zeir thairoff, ane ox and twelff scheip; the third zeir, becaus thai had not ane ox to giff him, he tuik xxiiii scheip of thame; and the last zeir, he tuik certain scheip of thame, to the number of sax, sevin, or aucht, and promisit payment thairfoir, bot as zet is unpayit.

The Inhabitaris of Dunrosnes declaris, that the Laird tuik fra thame ilk zeir of thre zeiris, ane ox and twelff scheip, bot the last zeir he tuik nathing thairoff fra thame.

Fyftlie, It was complenit be the said auld Lawrichtmen, that the Laird had compellit the haill countrie of Zetland to pay to him ane taxatioun in the first zeir of his last entres, allegeand that it was to sustein his suddartis upon. And thai that wuld not pay the samyn, he poyndit thair gudis and geir thairfoir, and giff thai maid obstacle, thai war dung be the officiaris, and thair geir tane fra thame thairfoir; amang quhom ane honest man, callit Andro Michelsoun, dwelland in Hollibustar, tennent to the Kingis Grace, was dung be the officiar, Harie Bruce, becaus he wald have stayit his geir fra poynding for the said taxatioun.

The haill Inhabitaris of Zetland within mentionat, ressauit, sworne, and admittit, zeir, place, and dayis respectivé before said, hes testifiit upon this Article of the Taxatioun, as followis—

Quhytnes and Weisdale, being bot puir fischarmen, payit in the said taxatioun twelff dolouris and ane halff. Brassay, beand bot to the number of xxx puir fischaris, payit contrair thair will, in the said taxatioun, twelff dolouris. Nesting, Lunasting, Quhailsay, and Skerreis, payit in this taxatioun threttie dolors, nevertheless thai war constrenit, as thai affirme, to feid the Lairdis suddartis all the tyme thai war in the said cuntrie. Tingwall affermis, that the Laird and his servand Harie Bruce, tuik in this parochin for this taxatioun, fiftie dolouris. Burray, Trondra, Quharff and Goldberwyk, affermis, that the Laird gart this puir parochin pay in this taxatioun, twentie dolouris; and war nocht David Clerk of the Brintyland and vtheris, merchandis, lent and fristit thame the dolouris, thair ky and oxin had been poyndit thairfoir, to thair utter wrak. Zell payit in this taxatioun to the Laird thre scoir of dolouris. Unst payit to the Laird, be the handis of Barthole Strang and Thomas Cowtis, in this taxatioun, fyve scoir of dolouris. Fetlair payit heirintill be the handis of James Sutherland, till Andro Mowat, quha ressavit in the Lardis name twentie dolouris. Delting and Scatsta payit in this taxt to the Laird, elewin pund Scottis. Northmaven, this parochin hes giffen up particularlie, be ilk man in our name, quhat thai payit, quhilk beand calculat befoir the Commissionaris, extendit that this parochin payit to thre scoir four dolouris. Wawis affermis, that thai payit to the Laird in this taxation, threttie dolouris. Sandsting and Aythsting declaris, that the Laird had fra thame in this taxatioun, threttie-four dolouris. Dunrosnes affermis, that thai payit to the Laird in this taxatioun, thre scoir of dolouris.

Saxtlie, It was complenit be the said auld Lawrichtmen, that quhair for ilk thre zeiris gerssowme of ane last of land, thai war wont to pay fyve dolouris, quhilk is callit the Eistercowp and Landsettertoun; but now sen the Laird began to be Chamberlaine, he has tane for ilk last of land sewin dolouris and ane halff, quhilk is of everie last of land within Zetland, in thre zeiris, twa dolouris and ane halff dolour mair nor richt, or ever was payit of befoir, quhilk extendis everie thre zeir to thre hundreth dolouris and better, of new augmentatiounis of gerssowmes.

The haill Inhabitaris of Zetland befoir mentionat, sworne and examinit upon this Article, zeir, place, and dayis respectivé affoirsaid, hes testifiit this Article to be of trewth; and notwithstanding of this new augmentatioun of gerssowmes, thai got not the takkis kepit and observit quhill all zeiris that thai haue payit for be outrun. For quhair as thai haue payit twa gerssowmes in maner foirsaid, for sax zeir takkis, he will not suffer thame to bruik the last saxt zeir, bot compellis thame at the begynning thairoff, to tak new takkis agane, and pay new gerssowmes, and swa makkis the last zeir of the formar assedatioun to be the first zeir of thair new assedatioun; and swa thai pay dowbill gerssowmes for ane zeir, togedder with the wrangus augmentatioun foirsaid.

Sewintlie, It was complenit be the saidis auld Lawrichtmen, that quhair it is the use and consuetude of the cuntrie quhen ony man or woman deceissis, haveand landis, gudis, or geir, to be divydit amangis the airis, the Underfowde (quhilk is the baillie of the parochin or yle), accumpanyt with certane honest nichtboris, cummand to the principall houss quhair the persoun deceissit, callit the Heidbull, for making of the divisioun of the said airschip, callit ane Scheind, gat for his fee of the haill gudis nyne schilling Dense, quhilk is sax schilling Scottis, or thairby. But now sen the Lairdis entres, he hes dischargit the Underfowdis of thair offices and fee in that case, and hes tane in place of the said nyne schillingis Dense, ane sax schilling ox, quhilk is the maist sufficient ox that can be had, to him selff of everie persounis gudis that deceissis.

The haill Inhabitaris of Zetland above specifiit, sworne and examinit upon this Article, all in ane voce deponis the same to be trew; and in particular, Laurence of Air, personalie present befoir the Commissionaris, testifiit be his haill nichtboris, that quhen his fader Olaw of Eister Scail deceissit, the Laird compellit him to pay ane ox pryce, viz.—thre dolouris, for his scheind fee.

Auchtlie, It is lamentit and complenit be the auld Lawrichtmen of the cuntrie, that quhair the Inhabitaris of the cuntrie are hevelie and exorbitantlie opprest sen the Lairdis entres to the office of Fowdrie, in wrangus taking up of unlawis of the absentis fra courtis, not beand summound nor dempt thairto, bot onlie callit upon the stembirth, thair lawfull sonzeis oft tymes repellit; for of the law and practik of the cuntrie, the absent fra the Lawting, aucht and suld be unlawit in xl s., quhilk was payit in Olaw Sinclair’s tyme with twa dolouris. This Lawting is the principall court haldin in the cuntrie in the haill zeir, to the quhilk all men aucht to cum, bayth Mayneland and Yles, that hes land and heritage or grit takkis of the King. Bot the Laird in his tyme hes tane up, without respect of persounis, of all absentis fra the Lawting, for the said xl s. thre dolouris and ane gudling. And quhair currant courtis was haldin be the Fowde in ony parochin or yle, the absentis therefra war unlawit in four merk Zetland payment, quhilk was payit with saxteen shillings Scottis in Olaw Sinclair’s tyme. Bot now the Laird compellis thame to pay twa dolouris thairfoir. The haill Inhabitantis aboue specifiit, ressauit, sworne, and examinit upon this Article, deponis the same to be of veritie.

Nyntlie, It is hevelie lamentit be the said auld Lawrichtmen, that quhair the Laird of Cultemalindie, sen his cuming in the cuntrie, hes grevouslie opprest thame be flitting and furing his servandis and gudis, bayth be see and land, throu his our frequent travelling, and pairtlie throw transporting of him, his servandis and gudis be see, in langar distance and space nor use and wount was befoir, with the perill of thair lyveis, and without meit and drink, or payment thairfoir.

The haill Inhabitaris above specifiit, ressauit, sworne, and admittit, zeir, place, and dayis respectivé beforesaid, deponis and testifiis this Article to be trew, as particularlie followis—

First, The men of Brassay foresaid, deponis, quhen the Laird passis in threw the cuntrie (quhilk he dois our oft) he causis warne all the Parochinaris to cum with thair horss and boitis to fure him. And albeit that thair cum horss and botis sufficient to staik him and his cumpanie, zet gif ony man beis absent with thair horss or boit, he causis poynd thame for xl s. Zetland payment, for the quhilk he takis up thre dolouris, but dome or law. And this Yle of Brassay complenis that the Laird compellit thame this last zeir to transpoirt his gudis, extending to thre lastis of butter and vther geir, fra the Yle of Brassay to Swounburgh, quhilk is twentie myles of seagait, upon thair awin expensis, but ony allowance or payment; quhilk thai never war in use to do of befoir to ony Fowde, and was in danger of thair lyveis in thair passage.

The Parochinaris beneith Tingwall, that is to say, betwixt Tingwall and Scalloway, ar complaynters on the Laird: Quhair as he compellis thame to fure him, his servandis, gudis, and geir, ferdar be twelff myle of see, nor ever thai war wount in uther Fowdis tyme to do; and quhair as thai war bot thrysse in the zeir wount with flitting and furing, and gat allowance and payment thairfoir, now he compellis thame continewalie to flit and fure him and his geir as he hes ado, but ony payment or allowance; quhairthrow thair boitis ar brokin and thame selffis put to uttar wrak. And sicklyk thir Parochinaris of Tingwall complenis upon the Laird, quha compellis thame to flit the haill gudis, baith of King and Bishop, of the North Yles, that cummis to Laxfurde fra the same, to Scalloway; Quhair as thai war never chargit thairwith of befoir, bot was weill payit for the same. But now giff thai refuse to carie ane barrell, thai ar compellit to pay xl s. to the Laird, quhilk is tane up fra thame in thre zopindales and ane halff.

Burray, Quharff, and Goldberwyk, and Trondray, deponis, anent the furing of the Laird, his cumpanie and gudis, and unlawis uptaking thairfoir, thai ar conforme to Brassay; affirmand, that thai ar compellit till leiff thair lynes in the sey, and to flit and fure by use and wount, but ony maner of allowance, or meit or drink, giff they suld die for hungar. And mairattour, thai complein upon the Laird and his doaris, that at ane tyme quhen certane boitis of Burray, Goldberwyk, Quhairff and Trondra, war lyand at Havera at fisching, the Laird send his servandis fra Scalloway to thame, and tuik fra everie boit, but payment making, twa fisches, ane keilling and ane ling, quhilk was done upon ane Tysday, and upon Setterday thairafter, they cummand with thair fische to Scalloway to thair merchandis, the Lairdis servandis tuik agane fra ilk boit twa fische, keilling and ling, and wald giff nathing thairfoir, the number of the boitis that the fische was tane fra, war ten or twelff. And the boitis of Burray and Trondray, at sundrie vther tymes, cumand to Scalloway, war spulzeit of thair fische be thame. And giff thair had bein bot twa fische in the boit, thai wuld have ane of thame.

Delting and Scatsta declaris, that quhair thai war in use and wount of befoir to pay thair scatt and landmales of butter and ulie at Laxfurde, bot thir twa or thre zeiris sen the Lairdis entress, he hes causit this parochin to bring thair butter and ulie to Northmaven; and thair ressavis and packis, and thairefter compellis thame to transpoirt the same, or samekle vther mens gudis thairfra to Laxfurde, quilk is xxx myles or thairby of dangerus passage of seis, and gettis nether payment, allowance, meit nor dreink thairfoir. And the Commownis desyris to be relevit of this oppressioun for Goddis saik.

Northmaven concerning this Article, deponis, That the Laird causit ane croce pass throw thair parochin to warne boitis to flit him and his companie our to Zell fra Collafirth; and becaus the boitis come not sa sone as he desyrit, he directit furth his precept, but ony tryale taking, or dome or law passand thairupon, and causit poynd thair persounis following, viz.—Laurence of Gluss ane angell nobill, ane curchie quhilk cost twa gudlings, with ane pair of wovin hoiss; not the less this man was present thair, reddie to flit and fuir upon his nichtbouris boit, as his nichtbouris testifiit. Lykwyis, Johne in Barrasettar had his boit present to serve, zet he was poyndit, and payit twa zopindales to the Laird. Gregorius in Burrowland had his ox prysit thairfoir, and to releiff him, payit twa dolouris to the Laird. Williame in Clodasettar for the same, payit alsmikle wadmell of gud clayth, quhilk suld have bein his wyff ane kirtill, with hir curchie, because he had na vther geir. Olaw in Houle for the same payit ane horss. Into the grund betwixt Collafirth and Lyen, thair is fyve sindrie houshaldis, quhairoff thair was twa widois quha had thair hussbandis perissit upon the see aucht or nyne dayis of befoir, quha wantit servandis; zet the Laird gart poynd thame, the ane wantit her kow, and the vther wantit alsmekle clayth as extendit to ane kowis pryce: Quhilk twa women for povertie scalit thair housses, and had never ane houss of thair awin sensyn. Magnus in Quyfirth, quha flittit the Laird and his servandis twyiss that day our the firth, becaus he was not sa sone reddie in the morning as thai wald, or he was cummit hame fra the last flitting, his kow was tane, and to freith her, he behuvit to pay twa dolouris. Johne in Lyen, quha had his horss and his boy flittand the Laird that day, zit neuirtheles his kow was tane for ever away be the Lairdis servandis. Nichol in Swynasettar haveand his horss and boy with the Laird that day in lykwyiss, zet his kow was tane fra him for ever. Johne Oxnasettar, for the same, was compellit to pay twa dolouris to the Laird. Thomas in Colafirth, for the same, had his kow poyndit be the Lairdis officiars, and wantit her for evir. Andro in Colafirth siclyk wantit his kow thairfoir.

The Parochinaris of Wais, concerning this Article, deponis, that quhen the Laird come throw thair parochin, giff the werst boy that was in his companie gat not ane horss to ryde upon, the Laird wald gar thame that refusit pay xl s. thairfoir of Zetland payment. And the Lairdis boyis that buir gunnis or vther grayth, compellit the honest mennis servandis, and giff thai had na servandis, compellit thame selffis to beir the gunnis and grayth, sa far as thai had to pass. Magnus Erasmussoun in Kirkagairth, and James Bie in Stopness, complenis upon the Laird, quhairas he causit thame to fuire frae Wais to Papay at Burray, certane lammis, quhairoff twa deit be the way, for the quhilk the Laird gart thame pay twa lammis agane. And becaus thai zeid not at the first charge, he poyndit fra ilk ane of thame ane kow.

Dunrosnes deponis anent the unlawis for flitting and fuiring with horss and boitis, within thair parochin, that the Laird causit poynd thir men following, albeit at thair horss was ridden with his companie, viz.—Magnus of Watbustar was poyndit and payit thre dolouris and halff ane gudling. Olaw in Clapwall was poyndit and payit thre dolouris and halff ane gudling. Magnus in Wastous was poyndit and payit twa dolouris and halff ane gudling. Erasmus of Flattabustar was poyndit and payit thre dolouris and halff ane gudling. Olaw of Flattabustar was poyndit and payit thre dolours and half ane gudling.

Tenthlie, It is complenit be the foirsaidis auld Lawrichtmen, that quhair affoir the Lairdis entres, be the law and consuetude of the cuntrie, the unlaw of blude, efter the quantitie of the hurt, was dempt be the discretioun of the assyiss, the twa part to the pairtie, and the thrid to the sheriff. But sen the Laird was Fowde, he hes gart decerne the unlaw to the sheriff, and nathing to the partie. And giff ony thing be dempt to the partie for the blude, thai get na payment thairoff, nor can get out the decretis to obtein the same be, for na payment fra his clerkis. nowther in actiounnis of blude nor na vther actiounis ciuile or criminaile, without grit difficultie. And attour, it is hevelie compleint be the said Lawrichtmen, that quhen and how oft the Laird depairtis furth of the cuntrie toward the south, he leiffis na depute nor deputis behind him to minister justice in the cuntrie, and to keip gude rewill and ordor thairin till his returning, bot dischargeis all underfowdis in thair particular parochinis, of executioun of thair offices, until his returning, as said is. The quhilk Article and Complaynt the haill multitude of the Commownis above specifiit, ressauit, sworne, and examinit, deponis to be of veritie.

Ellewintlie, It is lamentit be the said auld Lawrichtmen, that quhairas of the law and consuetude of the cuntrie in all tyme precedand the Lairdis entres, the Comownis payit thair dewities, callit Wattill, upone thair Lawrichtmanis bismeyre, be ane nummer and calculatioun callit merkis. Quhairas the Laird now compellis thame to pay the same in gudlin-taill upon the Dutche bismeyre, quhilk is thre or four merkis mair nor just; and swa of everie sewin merkis of wattill that thai pay in dewitie, thair is nyne schillings Dense mair tane fra thame nor thai aucht to pay. Quhilk alswa provin be the foirsaid Comownis.

Twelftlie, It is lamentit be the said Lawrichtmen, that quhairas befoir the Lairdis entres in the office of Fowdrie, gif the Duchemen lay upon ony grund, and held buyth thairon, the man that aucht the grund, or had the same for dewitie paying, was wount to gett for the grundleiff ane barrell of beir, or ellis ane barrell of meill. But sen the Lairdis cumming, he has tane the same to him selff, and will giff thame na recompenss thairfoir. And siclyk, quhair affoir the Lairdis cumming, at the cowp settein of everie schip and merchannis wairis thairoff, it was the use that the Comownis of that pairt or yle gat ane cowp barrell of beir at the said cowpsetting. Bot the Laird, sen his entres, at dyvers places and tymes, hes dispenst with the Duchemen thairfoir, and causit the Comownis to want the said cowp barrell. And how oft that ever thai have gottin it, quhen the beir was drunkin, the Laird tuik the tume tre to him selff, quhilk was ay the Comownis awin of befoir. Quhilk compleint the Comownis foirsaid hes proven to be of trouth.

Item, Quhair as the haill Comownis of the cuntrie, quhair thai wantit servandis, and culd get nane to fee in the yle or parochin quhair thai dwelt, throw derth and scarssness thairoff, in that case thai had libertie to pass to vther yles and parochinis of the cuntrie quhair aboundance and sufficient number of servandis was, and fee servandis to thair lawbour all tyme befoir the Lairdis cumming thair. Notwithstanding, sen his cumming to the office, he has inhibit thame, under pecuniare panes, to do the same, to thair grit hurt and scayth. And quhair thai contraveine his said inhibitioun, he takkis up the said pane with all rigor; lyk as he did to James Spence, indwellar in Zell, becaus he past furth of Zell to Fetlair, and feit ane servand thair, and broucht him hame with him, and fra tyme the work come in hand, the servand was tane fra him, and he compellit to pay to the Laird thre dolouris thairfoir. This provin be Edwarde Odsta in Fetlair, Williame Magnusson in Unst, Williame Spence, and David Spence in Zell, quha affirmes that thai saw the silver delyverit in Magnus Nubiebakis zairde in Zell.

Item, It is complenit be the maist part of the Comownis of Zetland, that thai ar oppressit and wranguslie handilit be the Kirkmen and thair factoris, and specialie in the paying of thair corne teynd; that quhair thai wount of auld use and custome to pay for thair corne teynt, equivalent thairoff in fresche fische or hard butter, ulie, or sic vther mony wourthis as thai might furniss, because of the scarsitie of cornis, quhilk thai payit zeirlie in maner foirsaid. Quhill laitlie that new vicaris and factoris are placit in the cuntrie, sic as James Hay, Mr. William Lauder, Barthol Strang, Andro Giffart, quha hes abolesit and put away the auld use and consuetude of payment in maner foirsaid, and compellis thame now to pay butter and ulie allenarly upoun the grit and new augmentit weyis and messouris, or ellis pryces according to thair plessure, quairthrow thai ar hevely hurt and dammageit zeirlie. Thairfoir thai desyir that thai be brocht to the former use of payment, or ellis to ressaive fra thaim zeirlie, at dew tyme, thair corne teynd itself in the scheiff. And gif thai refuse to do that, that thai may have libertie to teynd thair cornis be honest men, and sett it aseid, and intromitt with their awin stok.

Heireftir the Particular Compleintis followis, giffin in befoir the Commissionaris, place, zeir, and dayis respective before specifiit—

In the first, the Comownis of Fetlair—to wit, Nicholaus Patersoun in Crocebustare, Magnus Spailman, Olaw Gregoriussoun, John Patersoun—complenis upon the Laird, qua tuik fra thame for ane pece of see-drewin tre, of twa faddoumis lenth, estemit be estimatioun and valour of nyne s. allanerlie, the sowmes respective following, quhai nowther summond, callit, nor dempt. First, Nicholaus Patersoun foirsaid, was poyndit and compellit to pay fyve dolouris to the Laird; his brother Johne in Crocebustare was compellit to pay aucht dolouris. Magnus Spailman was compellit to pay aucht dolouris. Olaw Gregorsoun and his twa brotheris war compellit to pay amang thame nyne dolouris. This cleirlie provin be the haill rest of the nichtbors of the Yle foirsaid.

Item, The Comownis of Fetlair efter following, hevelie menis and complenis, that quhair thair haill sustentatiounis and lyvis fude (specialie in the tyme of winter, quhen thai dar not travell to far seis in fisching, for storms of weder upon thair small scaffis) consistis on thair fisching within the bayis and soundis adjacent to the said Yle; and quhair thai had libertie in all tymes precedand the Lairdis entres to the office of Fowdrie, to fisch thair but interruptioun or impediment of all Fowdis, his predecessoris, with small lyne, gritlyne, or handlyne, at thair electioun and plessour. Notwithstanding the Laird of Cultemalindie, in this present zeir of 1576 zeir of God, hes tane fra the persounis following, the sowmis of monie respective heirefter specifeit, because thai usit thair auld use and consuetude of fisching in the places foirsaid in the tyme of winter, quhen thai micht not travell to far seis. That is to say, fra Magnus Burgar and his boitmen fyve gudlinis, Magnus Gregorsoun and his cumpanie fyve gudlings, Johne of Northdaill and his boitmen fyve gudlinis, Thomas of Vailzie and his companie fyve gudlinis; Thomas Navar and his mairow fyve gudlinis, Ninian of Sandis boit fyve gudlinis, John of Burghis boit fyve gudlinis, Nichole Scot in Snaburgh fyve gudlinis, Edwarde of Odstais boit fyve gudlinis, David Frakasettaris boit fyve gudlinis, Stephane in Ureis boit fyve gudlinis, and Patrik of Ureis boit fyve gudlinis; quhilk fyve gudlinis is ay payit be twa dolouris and ane halff, or than ane angell nobill, and bot twa or thre puire men at the maist in ilk boit that payit the said unlawis. And hes maid ane new statute for all tyme cumming, that nane sall fische thair in tyme of winter, with small lyne or grit lyne, under the pane of pecuniar sowmes. And swa sen the makking of the said act, na man dar fische thair, and it stud thame on thair lyveis fude. This provin be the residew of the said Yle befoir specifeit.

Item, It is complenit anent ane unlawful inovation and custome raisit up be the Laird, sen his cumming in the cuntrie, upon certane the inhabitaris of Zetland, quha had schippis of thair awin, and travalit thairwith to Noroway, and broucht hame tymber and boitis to furneis the cuntrie for the payment; the Laird allegeand that thair was ane act maid that nane suld sell boitis nor tymber bot upone ane certifeit pryce, and allegeand that thai had brokin the said act in selling deirar thair boitis and tymber to the Comownis nor the said allegit act proportit. And the persounis heirefter following affirmis, that thair was never ane act maid, at the leist was never intimeit to thame. Notwithstanding the Laird compellit thame to pay to him, in name of penaltie and transgressioun of his said allegit act, the sowmes of monie following, without dome or law—to wit, fra Peter Neisbett twelff dolouris, fra Henrie Spence nyne dolouris, and fra Johne of Windeis ane barrell of buttir, pryce thre angell nobillis and ane halff. This provin be the haill nichtbors foirsaid of the saidis thre Yles of Fetlair, Unst and Zell, to be of veritie.

Item, Johne Fresser, indwellar in ane litill yle, callit Hoscasay, appropriat to the Fowdrie of Zell, haveand twa merkland in heritage in the Yle of Fetlair, and becaus he was absent fra ane court haldin be the Laird in Fetlair, and gat na warning thairto, nor zet was he in use to anssuer thair, bot at the court of Zell. Nevertheless the Laird tuik his ox fra him thairfoir, na dome or law giffin furth thairupoun. This confessit and affirmit to be of trouth be the haill inhabitantis of Fetlair and Zell foirsaid, before the Commissionaris.

Item, Henrie Spence in Zell, had ane servand, quhat at his masteris comand past to his masteris scheip cruiff, and markit his masteris lambis upon his merk. And of eventime thair was ane lamb of the vicaris in the cruiff, quhilk lamb the servand unwittandlie markit upon his masteris merk; and immediatlie thairefter he perseiveand that it was the vicaris lamb, schow him thairoff, and offert to the vicair ane unmarkit lamb thairfoir; and this was done xxx zeirs syn or thairby, quhen Olaw Sinclair was Fowde; the said Olaw thairefter cummand to the Yle, gettand knowlege of the same, tuik tryale thairoff, and fand that it was done of negligence ignorantlie, and thairfoir remittit it. Nevertheless the Laird enterand to the Fowdrie, and gettand knawlege thairoff, compellit the said Henrie to giff to him thairfoir, threttie dolouris, but dome or law. This provin to be trew be the haill Comownis foirsaid of the Yle of Zell, present befoir the Commissionaris.

Item, Nicholaus of Culzevo, and Garth of Ulsta, complenis upon the Laird, that at his first entrie, he compellit thame to tak the office of Underfowdrie of Zell upon thame conjointlie, and gart the said Nicholaus giff him thairfoir sax dolouris, and the said Garth ane silver spune quhilk coist him aucht gudlinis; notwithstanding, quhen ever thai held court or decreit in executioun of thair office, thai war dischargit by my Lord of the office; and immediatlie efter thair discharge, thai past to the Laird, and desyrit to have had thair zopindaleis and silver spune agane, quhilk he refusit. Bot the zeiris thaireftir, be offerit to mak thame Underfowdis, quhilk thai refusit, because of the first discharge, swa that thai want the silver and spune as zet, and can get na recompense thairoff.

Item, lykwyiss Edwarde of Odsta, indwellaire in Fetlair, complenis upon the Laird, that he wald have compellit him till have acceptit the office of Underfowdrie of Fetlair upon him, quhilk he refusit, becaus he was not qualifeit thairfoir; and to eschew the Lairdis yre in refusing of the same, till have his favor, and be relevit of the said office, he gart the said Edward giff him ane ox. Thir twa concerning the office of Underfowdrie provin befoir the saidis Commissionaris be the nichtboris of the saidis Yles befoir specifeit.

Item, Olaw in Hellzness, indwellar in Fetlair, haiffand licence of his nichtbouris to pasture his gudis in his gerss, tedderit sum gudis of his thairintill; and the Underfowde cummand by upon accident, persavit his gudis in his nichtbouris grund, maid arreistment upon thame, na intimatioun thairoff maid to the said Olaw that aucht the gudis, nor zet to his servandis that kepit thame; and the Laird gettand knawlege that thair was arreistment maid, but calling or pursewing of the said Olaw thairfoir, and na dome nor law passand thairupoun, poyndit him, and compellit him to pay fyve dolouris for the said pretendit arreistment.

Item, Magnus Johnsoun in Uredaill, Williame Johnsoun in Tow, Erasmus in Sinbustar, Gelis in Burgh, Magnus Erasmussoun, indwellaris in Burray, and Margrett Yirewing, ane puir wedo, indwellare in Trondra, complenis upon the Laird and his officiar, James Espline, quhay at his cumand hes chargit ilk ane of thame to pay thre dolouris to the Laird, becaus thai came not to cast peitis, till ane rewme callit Papill. And they allegeand that thai war never in use of sic service, nor was not callit ordorlie, nor dempt in the said pane, thairfoir refusit to anssuer the said officiar thairoff. Nevertheless, by order of law, the said James Espline, at the Lairdis comand, has poyndit fra the said Magnus Johnsoun, Williame Johnsoun, and Erasmus in Sinbuster, fra ilk ane of thame, thre zopindales, and the vther thre ar lyand under the daunger of poynding for alsmekle, ilk person. And the foirsaid persounis hes provin be the rest of the nichtbouris of the said Yle of Burray within written, that thai ar poyndit in maner foirsaid, and als hes causit to call certaine of the assyiss that the Laird had upon his Court to declair giff sic thingis was dempt be thame or not, befoir the Commissionaris, viz.—Swaine in Brindista, Marten in Sound, Magnus in Sound, John Thomassoun in Sound, Nichole Hutchissoun in Eister Quhairff, Nichole Swainsoun in Utrabustar, Magnus in Uradaill, Olaw Yirewing in Troindra, David Sinclair in Hugoland, James Sinclair in Northbustar, Robert in Clett, Richart Sinclair in Branxaclett, Magnus Symoundsoun in Burgh, and Magnus in Brek: Quha beand sworne upon thair grit aythis, deponit, that thai never voted anent the unlaw foirsaid of peitis casting, nor had never decreit, pronouncit, nor red thairupon.

Item, Christopheir Johnsoun beand giffin up in ane Granderie in Northmaven, for the allegeit uptaking of ane pece see-drewin tre, he beand than, at the upgiffin thairoff, dwelland in Delting, ane vther parochin: For the quhilk causs it was referred to the Court haldin in Delting be the Laird. And at the Lairdis cumming thair, the said Christopheir beand callit thairfoir in Court, was decernit to quyt him thairoff with the Lawricht ayth. The maner quhairoff is, the sheriff sall chois ane honest nichtbour that knawis his lyff, and him selff ane vther to stand on ilk hand of him; and first, he sall quyt him selff be his ayth, and than the vther twa ar requyrit giff thai will sweir that it is ane trew ayth that he has maid: Giff thai afferme it trew, than is he quyt. Bot giff thai or any of thame refuiss, than of the law for samonie as refusis him, he man pay ane merk Zetland payment, quhilk is the third part of ane dolour. And becaus this Christopheir was furth of his awin parochin, quhair the allegeit deid was done, and culd get na acquittance in the parochin quhair he thair dwelt, desyrit to be refferrit hame to Northmaven quhair he dwelt of befoir, to the quhilk the Laird wuld not condescend. And giff he had failzit acquittance, and had had na excuiss thairfoir, zet he suld have payit na mair bot twa gudlingis of the law, quhilk at the hieast is xvi s. Scottis. Bot the Laird by all ordor of justice, compellit him to pay sax dolouris thairfoir. And this provin be the nichtbouris foirsaid of Delting.

Item, Olaw in Yllisburgh, being on the sei in his boit, fand ane fische callit ane Homeir, quhilk he drew to the land upon his awin heritable grund, and tuik furth the liver thairoff, and made it in ulie, for the fische thairoff ganis for naething. The Laird gettand wit thairoff, he callit him in the Court thairoff in Nesting, in this present zeir of [God] 1576 zeiris, and layde him to the law thair; and siclyk at ane vther Court thairefter, haldin in Nesting; and in bayth the Courtis he was decernit free, and nathing dempt to the Laird thairfoir, as thai that sat upon the assyiss declarit. Zet nevertheless the Laird causit his officiar, James Espline, to poynd sewin ky of the said Olawis thairfoir, and for releiff of thame, he was constreinit to giff to the Laird four angell nobillis, or ellis to have wantit his ky. This provin be the haill number of the thre parochinis foirsaid.

Item, Nicholaus Johnsoun beand upon the assyiss in ane Court haldin at Sandness this last zeir efter Lammess, said to Harie Bruce, that quhen he votit upon the assyiss, he had mair mynd to wyn geir nor he had of his saull. And Harie Bruce takand witness of his speiking, summound him to the Varding, to underlie the law for the same, and pursewit the man, swa that he was glayde to aggrie with him, and be quyt of his cummar, and gaif him sax gudlinis. And swa the honest men of the cuntrie that is upon the assyiss dar not voit bot as the Lairdis men requyris thame. And this provin be the haill nichtbouris of Papay.

Item, Anent the complaynt giffin in be Magnus in Quhytnes in Wawiss, upon the Laird of Cultemalindie, that quhair he compellit him to tak certane land agains his will, efter that his takkis was run furth, and becaus he wuld not wone the land, the said Laird causit Laurence of Grunzevo cum till hous, and poynd fra him twa oxin and ane kow. Quhilk oxen war prysit to nyne dolouris and the kow to ane dolour. And becaus he was indigent of silver (except ane dolour that he had, quhairwith he lousit the kow), the oxen was tane fra him for ever, swa he wantit at that tyme the sowme of ten dolouris be plaine oppressioun, this present zeir 1576 zeiris. And this provin be the haill parochin of Wawiss within specifiit.

Item, It is hevelie lamentit and complenit be Magnus Leslie of Ayth, upon Laurence Bruce of Cultemalindie, his servandis and complices, that quhair thai come to his houss of Ayth in Brassay, in the month of Januar, the zeir of God I^m V^ct lx        zeiris, he beand in his awin houss with his wyff, servandis and bairnis, under sylence of nicht, his wyff beand bot aucht dayis efter her delyverance lyand in chyldbed lair, and thair put him selff, his wyff, bairnis, and servandis furth of the houss and biggingis; and placit his servandis and suddartis thairin under his principall captain, Thomas Boyne, quha was the slaar of Alexander Duff in Strabogie, and of Patrik Wynrahame in Zetland, to the number of xv or xvi suddartis and boyis, quha remanit still at the said houss als lang as the Laird was in the cuntrie, be the space of nyne or ten dayis; and in the meyntyme speindit and waistit his meit, dreink, fische and flesche, buttir and cheis, and all vther provisioun that was within his houss. And at thair depairting, spulzeit and away tuik with thame fra his houss and feildis that was thairin, or that thai culd appreheind, that is to say, twa barralis of new aill, and ane half barrell of auld aill, ane barrell of malt of nyne setteins wecht, ane barrell of ait meill, and ane hogheid of beir meill, foir lesspundis of butter ryndit with hinnie, two coigges full with vther four lesspundis of salt butter, aucht lesspundis of talloun, fyve scoir of maid candill, extending to twa lesspundis of talloun, sewin reistit muttounis, ane reistit swyne, that coist twa lesspundis of butter, tane and spulzeit furth of his ness be thame xv wedderis, sax gryiss, sax or sewin foulis that was gangand about the houss, ane ox quhilk thai slew, quhilk coist foir dolouris, ane barrell of salt beiff, with certane hard fische, xvi elnis of keltar, ane pair of dowbill blankettis, ane covering of ane bed, ane dublitt of cramesie of the said Magnus, ane black cowal quhilk coist ane crowne of the Sonne, thre cristale stains set in silver, of the Dutch fassoun, ane kettill of copper, ane cag with twelff pundis of saip, with thre flahattis of came, certain tyn cannis and tiem stoupis, half ane barkit hyde, ane cag with certane hunnie in it, and this by crusis, piggis, stalis, coppis and bikkaris, togidder with all his servandis clothing, sic as cassies, breikis, doublatis. And attour all this, or ever the Laird wuld suffer him to returne hame agane to his awin houss, he compellit him to borrow fra his nichtbouris twentie dolouris, quhilk Harie Bruce ressavit fra him at the Lairdis comand. And quhen he, his wyff, barnis, and servandis returnit to thair awin house, thair was na maner of meit, dreink, clothing, nor vther geir left to sustein thame, quhill he behovit to borrow fra his nichtbouris wyff ane lesspund of meill to sustain his wyff and barnis on. Mairattour, the said Magnus complenis upon the said Laird, that quhair he had ane steding, callit Sater, lying in Brassay, of four merk and ane half land perteining to the Kingis Grace, quhilk he possessit xxiv zeirs or thairby, for the quhilk he had payit males, gerssowmes, and all dewities, conforme to the rentale thairfoir, lykas he had payit for the gerssowm thairoff to the Laird in the lxxii zeiris of God, for the thre zeiris thairefter to rin, twa dolouris: nevertheless, quhen he had gottin bot ane zeiris crope thairoff, he put him furth of the same, and tuik new gerssowm fra his broder, Andro Leslie, thairfoir, ejectand the said Magnus and enterand his said brother thairto, quhilk he hes wantit sensyne, to his grit dammage and scayth; desyris that the Regentis Grace and Lordis of Secreit Counsale wuld causs him be recompensit of his scaythis above writtin.

This complaynt is provin to be of treuth in all pointes, be John Smyth, Magnus Lawrencesoun, Christopheir in Grindiscall, Thomas in Kirkbustar, Duncane Inksettar, Erasmus Robertsoun, and John Robertsoun, with the rest of the inhabitaris of Brassay. Bot thai ar incertane of the geir and quantitie thairoff befoir specifeit, contenit in his houss the tyme foirsaid, bot thai knaw perfytlie, that thai usit all that was thairin at thair plessure, and at thair depairting, left nathing thairin but bair wallis.

Item, Ane Bill of Complaynt giffin in be Andro Hawyk of Scatstay, upon the said Laurence Bruce, as the particulair thairoff beiris in it selff.

Item, Ane Bill of Complaynt giffin in be Barthole Strang of Voisgarth, aganis the Laird, as the tennour of the same beirs in it selff.

Item, Ane Complaynt giffin in be Andro Fairlie upon the Laird, as the Bill thairoff proportis in it selff.

Item, Ane Complaynt giffin in be Gawane Gadie, as his Bill maid thairupon proportis.

Item, . . . . . . . . . . . . . . . . . .