A Man’s a Man for a’ That
By Robert Burns
(Scotland’s most popular poet, 1759-1796)
Is there, for honest poverty,
That hangs his head, and a’ that?
The coward slave, we pass him by,
We daur be puir, for a’ that!
For a’ that, and a’ that,
Our toils obscure and a’ that,
The rank is but the guinea’s stamp—
The man’s the gowd for a’ that.
What though on hamely fare we dine,
Wear hoddin-grey and a’ that;
Gie fools their silks, and knaves their wine—
A man’s a man for a’ that.
For a’ that, and a’ that,
Their tinsel show and a’ that,
The honest man, though e’er sae puir,
Is king o’ men for a’ that.
Ye see yon birkie, ca’ed a lord,
Wha struts, and stares, and a’ that;
Though hundreds worship at his word,
He’s but a coof for a’ that:
For a’ that, and a’ that,
His riband, star, and a’ that;
The man of independent mind,
He looks and laughs at a’ that.
A king can make a belted knight,
A marquis, duke, and a’ that;
But an honest man’s aboon his might,
Gude faith, he maunna fa’ that!
For a’ that, and a’ that,
Their dignities and a’ that,
The pith o’ sense and pride o’ worth
Are higher rank than a’ that.
Then let us pray that come it may,
(As come it will for a’ that)
That sense and worth, o’er a’ the earth,
May bear the gree and a’ that.
For a’ that, and a’ that—
It’s coming yet, for a’ that,
When man to man, the warld o’er,
Shall brithers be for a’ that.
By Thomas Jefferson
(President of the United States and author of the Declaration of Independence, 1743-1826)
All eyes are opened or opening to the rights of man. The general spread of the light of science has already laid open to every view the palpable truth, that the mass of mankind has not been born with saddles on their backs, nor a favored few booted and spurred, ready to ride them legitimately, by the grace of God.