My ain Fireside.
Copied by permission of Firth, Pond & Co., 547 Broadway, publishers of the music.
Oh! I hae seen great anes, and sat in great ha’as,
’Mang Lords and mang Ladies, a’ cover’d wi’ braws,
At feasts made for Princes wi’ Princes I’ve been,
Whar the grand shine o’ splendor has dazzled my een,
CHORUS.
But a sight sae delightful I trow, I ne’er spied,
As the bonnie blithe blink o’ my ain fireside,
My ain fireside, my ain fireside, oh! sweet is the blink o’ my ain fireside.
Ance mair, Heaven be praised, round my ain heart-some ingle,
Wi’ the friends o’ my youth, I cordially mingle;
Nae force now upon me to seem wae or glad,
I may laugh when I’m merry, and sigh when I’m sad.
Chorus.—My ain fireside. &c.
Nae falsehood to dread, nae malice to fear,
But truth to delight me, and kindness to cheer;
O’ a’ the roads to pleasure that ever were tried,
There’s nane half so sure as ain’s ain fireside.
Chorus.—My ain fireside. &c.