Beadle's Dime Song Book No. 5 / A Collection of New and Popular Comic and Sentimental Songs

by Various

Comin’ thro’ the Rye.

Gin a body meet a body,

Comin’ thro’ the rye;

Gin a body kiss a body,

Need a body cry?

Ilka lassie has her laddie,

Nane they say ha’e I;

Yet a’ the lads they smile at me,

And what the waur am I?

Gin a body meet a body

Comin’ frae the well,

Gin a body kiss a body,

Need a body tell?

Ilka lassie has her laddie,

Ne’er a ane ha’e I;

But a’ the lads they smile on me,

And what the waur am I?

Gin a body meet a body,

Comin’ frae the town;

Gin a body greet a body,

Need a body frown?

Ilka lassie has her laddie,

Nane, they say, ha’e I;

But a’ the lads they lo’e me weel,

And what the waur am I?