Dumbarton’s Bonnie Dell.
There’s no a nook in a the land,
By mountain, moss or fell,
There’s naething half sae canty, grand
As blithe Dumbarton’s dell.
And wou’d you speir the reason why,
The truth I’ll fairly tell.
A winsome lassie lives hard by
Dumbarton’s bonnie dell.
Up by yon glen Loch Lomond laves,
And bold Macgregors dwell,
Where bogles dance o’er heroe’s graves,
There lives Dumbarton’s belle.
She’s blest with every charm in life,
And this I know full well,
I’ll ne’er be happy, till my wife,
Is blithe Dumbarton’s belle.