THE SAX SCOTCH PIPERS.
["The present Government is eminently a Scottish Government. You must remember that there are in the present Cabinet no less than five Scotch members of the House of Commons ... and we have also a member of the House of Lords who is one of the most eminent Scotchmen—I mean Lord Rosebery."—Mr. Asquith in Glasgow.]
"A Sassenach chief may be bonily built,
He may purchase a sporran, a bonnet, a kilt;
Stick a skeän in his hose—wear an acre of stripes—
But he cannot assume an affection for pipes."
—Bab Ballads.
Air—"The Hundred Pipers."
Wi' sax stalwart pipers an' a', an' a',
Wi' sax Scotch pipers an' a', an' a',
We'll up an' gie them a blaw, a blaw,
Wi' sax stout Scotch pipers an' a', an' a',
Oh! it's Sassenach bummlers awa', awa'!
Our Wullie's a Scotsman sae braw, sae braw,
We'll on an' we'll march to St. Stephen's ha',
Wi' its seats an' its salaries an' a', an' a'!
Wi' sax Scotch pipers an' a', an' a', &c.
Oh! wha' is formaist o' a', o' a'?
Oh! wha' does follow the blaw, the blaw?
Bonnie Wullie, the king o' us a', hurrah!
Wi' his five stout pipers an' a', an' a'!
His bonnet an' feather he's wavin' high.
His bagpipes wheeze, an' his ribbons fly;
The nor' win' plays wi' his thin white hair,
While the pipers blaw wi' an unco' flare.
Wi' sax Scotch pipers an' a', an' a', &c.
Primrose, an' Campbell, sae dink an' sae deep,
Shouther to shouther wi' Marjoribanks they keep,
Robertson, Balfour, an' Asher a' round
Dance themselves dry to the pibroch's sound.
Dumfoundered the English saw, they saw,
Dumfoundered they heard the blaw, the blaw
Hath a Southron ae chance ava' ava',
Wi' these sax Scotch pipers an' a', an' a'?
Wi' the sax Scotch pipers an' a', an' a',
The Saxon must go to the wa', the wa'!
Wullie's up an' gies them a blaw, a blaw
Wi' his sax Scotch pipers an' a', an' a'!
