XL.
Sur l’ayre, “Quand je me leve le matin.”
L’AN mil siés cens quaranto cinc,
Repassen per nostro memorio,
Coussi Jousép en paure trinc
Acoumpaignée le Réy de Glorio,
Quand demourabo dins les réns
De Mario la piucélo préns.
Jousép é Mario maridats
En Béthléhen sén ban amaço,
Nou soun pas fort amounedats.
Més bé soun de Rouyalo raço,
E l’efan és Rey dins les réns,
Sense gran argen al paquét
N’an pas un trinc de grand parado,
Non menoun que le bourriquét
Dambé le bioou soun camarado,
Diu mentretan és dins les réns,
De Mario la piucélo préns.
Aprép un penible cami
Sant Jousép é la santo méro,
Que nou saben pas oun dourmi,
Ban beilha dins uno feignéro,
Oun l’efan que Diu sort des réns
Nou laysso plus sa méro préns.
Aqui la paillo lour fa liéyt
Sense cousseno ni courtino,
Oun las estelos de la néyt
Bezen ajayre lour Regino,
E’ naysse l’efan de sous réns
Piucélo toutjour é nou préns.