XXXVI.
Per le jour des Reys.
Un Pastou ben de Hiérusalém & dits a sons Coumpaignons.
DE noubélos Efans, en benen de la bilo
E’ bist passá, tres Reys d’uno faysso gentilo,
E’ demandon per tout l’hostalet benazit
Que le Rey d’Israel per palays a cauzit.
Qualqu’un a decelat que porton per estrenos,
Tres Brustietos d’Encens, d’Or, é de Myrro plenos
Que li ban humblomen ufri, digomendiu,
Que confesson deja qu’el es Rey, home, Diu.
Elis parlon sampa de l’Efantet aymable
Que nous aus l’autre jour troubeguen à l’estable,
A qui Peyret dounéc un Aignelet pla fayt,
E’ jou sense reprochi, un picharrou de layt.
Posco dounc oüey metis uno ta bélo troupo
Hurousomen trouba le bél efan de poupo,
Mentre que de nous aus quadun le pregara
De nous salba l’esprit quand le cos mourira.