LIVRE PREMIER.
[1] § 181. Vous avés bien entendu en l’ystore chà
par devant comment li rois d’Engleterre avoit grans
guerres en pluiseurs marces et pays et par tout ses
gens et ses garnisons à grans coustages, c’est à
5savoir en Pikardie, en Normendie, en Gascongne,
en Saintonge, en Poito, en Bretagne, en Escoce. Si
avés bien entendu ossi comment il avoit si ardamment
enamé par amours la belle et noble dame
ma dame Aelis, contesse de Sallebrin, qu’il ne s’en
10pooit astenir, car amours l’en amonnestoit nuit et
jour telement et li representoit le biauté et le frice
arroi de li, si qu’il ne s’en savoit consillier. Et n’i
savoit que penser, comment que li contes de Salbrin
fust li plus privés de son conseil et li uns de chiaus
15d’Engleterre qui plus loyaument l’avoit servi. Si
avint que, pour l’amour de la ditte dame et pour le
[2] grant desirier que il avoit de li veoir, il avoit fait
criier unes grandes festes de joustes à le moiienné
del mois d’aoust à estre en le bonne cité de Londres.
Et l’avoit fait criier et à savoir par deça le mer
5en Flandres, en Haynau, en Braibant et en France,
et donnoit à tous chevaliers et escuiers, de quel pays
qu’il fuissent, sauf alant et sauf revenant. Et avoit
mandet par tout son royaume, si acertes comme il
pooit, que tout signeur, baron, chevalier et escuier,
10dames et damoiselles y venissent, si chier qu’il
avoient l’amour de lui sans nulle escusance. Et commanda
especialment au dit conte de Sallebrin qu’il
ne laissast nullement que ma dame sa femme y fust
et [qu’elle[248]] amenast toutes les dames et damoiselles
15que elle pooit avoir entour li. Li contes li ottria
moult volentiers, car il n’i pensa nulle villonnie; et
la bonne dame ne l’osa escondire, mès elle y vint
moult à envis, car elle pensoit bien pour quoi c’estoit,
et si ne l’osoit descouvrir à son mari, car elle
20se sentoit bien si avisée et si attemprée que pour
oster le roy de ceste oppinion. Et devés savoir que
là fu la contesse de Montfort, car jà estoit arrivée et
venue en Engleterre, et avoit fait sa complainte au
roy moult destroitement. Et li rois li avoit couvent
25de renforcier son confort, et le faisoit sejourner
dalès ma dame la royne sa femme, pour attendre le
feste et le parlement qui seroit à Londres.
§ 182. Ceste feste fu grande et noble, ossi noble
que on n’avoit mies en devant veu plus noble en
[3] Engleterre. Et y furent li contes Guillaumes de Haynau
et messires Jehans de Haynau ses oncles et grant
fuison de baronnie et chevalerie de Haynau. Et eut
à le ditte feste douze contes, huit cens chevaliers,
5cinq cens dames et pucelles, toutes de hault linage;
et fu bien dansée et bien joustée par l’espasse de
quinze jours, sauf tant que uns moult gentilz nobles
et jones bacelers y fu tués à jouster, qui eut grant
plainte: che fu messires Jehans, ainnés filz à monsigneur
10Henri, visconte de Byaumont d’Engleterre,
biau chevalier, jone et hardi, et portoit d’asur [semet
de fleurs de lis d’or[249],] à un lyon d’or rampant à un
baston de geules parmi l’escut. Toutes les dames et
les damoiselles furent de si rice atour que estre
15pooient, cescune selonch son estat, excepté ma dame
Aelis, la contesse de Salebrin. Celle y vint et fu le
plus simplement atournée que elle peut, par tant
que elle ne voloit que li rois s’abandonnast trop de
li regarder, car elle n’avoit pensée ne volenté de
20obeir au roy en nul villain cas qui peuist tourner à
le deshonneur de lui ne de son mari. Or vous nommerai
les contes d’Engleterre qui furent à ceste feste:
premierement messires Henris au Tors Col, conte
de Lancastre, messires Henris ses filz contes Derbi,
25messires Robers d’Artois contes de Richemont, li
contes de Norenton et de Clocestre, li contes de
Warvich, li contes de Sallebrin, li contes de Pennebruch,
li contes de Herfort, li contes d’Arondiel,
li contes de Cornuaille, li contes de Kenfort, li contes
30de Sufforch, le baron de Stanfort et moult d’autres
[4] barons et chevaliers que je ne puis mies tous
nommer.
Ançois que ceste grande et noble feste fust departie,
li rois Edowars eut et rechut pluiseurs lettres
5qui venoient de pluiseurs seigneurs et de divers pays
de Gascongne, de Bayone, de Bretagne, de Flandres
de par d’Artevelle son grant ami; et des marces
d’Escoce, dou signeur de Ros et dou signeur de
Persi et de monsigneur Edowart de Bailluel, capitaine
10de Bervich, qui li segnefioient que li Escoçois tenoient
assés foiblement les triewes qui acordées avoient esté
l’anée passée entre yaulz et les Englès et faisoient
une grande assamblée et semonse, mais il ne savoient
pour ù c’estoit à traire de certain. Ossi li saudoiier
15qu’il tenoit en Poito, en Saintonge, en le Rocelle
et en Bourdelois si escrisoient que li François
s’apparilloient durement de guerriier, car les triewes
devoient fallir entre France et Engleterre, qui avoient
esté données à Arras apriès le departement dou
20siège de Tournay. Ensi eut li rois mestier d’avoir
bon avis et conseil, car moult de guerres li apparoient
de tous lès. Si en respondi as dis messages
bien et à point, et voloit briefment, toutes aultres
coses mises jus, secourir et conforter la contesse de
25Montfort.
Si pria à son chier cousin monsigneur Robert
d’Artois qu’il presist à se volenté des gens d’armes
et des arciers, et se partesist d’Engleterre et se mesist
en mer pour retourner en Bretagne avoech la ditte
30contesse de Montfort. Messires Robers li acorda
liement, et se apparilla au plus tost qu’il peut, et fist
se carge de gens d’armes et d’arciers; et s’en vinrent
[5] assambler en le ville de Hantonne sus mer. Et furent
là un grant temps, ançois qu’il euissent vent à leur
volenté. Si se partirent environ Paskes, et entrèrent
en leurs vaissiaus et montèrent en mer. Avoech
5monsigneur Robert d’Artois estoient des barons
d’Engleterre li contes de Sallebrin, li contes de Sufforch,
li contes de Pennebruc, li contes de Kenfort,
le baron de Stanfort, le signeur Despensier, le signeur
de Boursier et pluiseur aultre. Or lairons un
10petit à parler d’yaus, et parlerons dou roy englès qui
fist un grant mandement parmi son royaume pour
estre à Paskes en le cité de Evruich ou pays de
Northombreland, sus l’intention que pour aler en
Escoce et tout destruire le pays, je vous dirai pour
15quel raison.
§ 183. En ce temps que li parlement estoient à
Londres des barons et signeurs d’Engleterre dessus
dis sus l’estat que vous avés oy, consillièrent li
prince au roy en bonne foy, consideret les grosses
20besongnes qu’il avoit à faire, qu’il envoiast l’evesque
de Lincolle à son serourge le roy d’Escoce pour
acorder une triewe ferme et estable, se il pooit, à
durer deux ans ou trois. Li rois à ce conseil s’acorda
moult à envis. Et li sambla grans blasmes de requerre
25son adversaire de triewes, selonch ce que on
li avoit fait de nouviel. Li signeur d’Engleterre li
disent, sauve sa grasce, que non estoit, selonch che
qu’il avoit tout gasté le royaume d’Escoce, et selonch
che qu’il avoit à faire en tant de fors [et divers[250]] pays.
[6] Et disent que on tenoit à grant sens d’un signeur,
quant il a pluiseurs guerres en un temps, et il en poet
l’une atriewer, l’autre apaisier et le tierce guerroiier.
Tant li moustrèrent de raisons qu’il s’i acorda et pria
5au prelat dessus dit qu’il y volsist aler. Li evesques
ne li volt mies escondire, ains se mist au chemin et
en ala celle part, mais il perdi sa voie et revint en arrière
sans riens faire. Si raporta au roy d’Engleterre
que li rois David d’Escoce n’avoit point de conseil
10de donner triewes ne souffrance, ne de faire pais ne
acord, sans le gret et le consent dou roy Phelippe de
France. De ce raport eut li rois englès plus grant
despit que devant; si dist tout hault que ce seroit
amendet temprement, et qu’i[l] atourroit telement le
15royaume d’Escoce que jamais ne seroit recouvret. Si
manda par tout son royaume que cescuns fust à
Evruich à le feste de Paskes, apparilliés d’aler là où
il les vorroit mener, excepté chiaus qui s’en devoient
aler en Bretagne avoecques monsigneur Robert d’Artois
20et la contesse de Montfort.
§ 184. Li jours de le Paske et li termes vint. Li
rois Edowars tint une grant court à Evruic. Tout li
prince et li signeur et li chevalier d’Engleterre, qui
pour le temps y estoient, y furent et ossi grant fuison
25de le communauté dou pays. Et furent là par l’espasse
de trois sepmainnes sans chevaucier plus
avant, car bonnes gens s’ensonniièrent entre le roy
englès et le roy d’Escoce, par quoi il n’i ot adonc
point de guerre. Et fu une triewe prise, jurée et
30acordée à tenir deux ans, et le fisent li Escot contremer
deu roy de France. Par ensi se deffist ceste
[7] grosse chevaucie, et departi li rois englès ses gens et
leur donna congiet de raler en leurs hostelz. Et il
meismes s’en revint à Windesore et envoia adonc
monsigneur Thumas de Hollandes et monsigneur
5Jehan de Hartecelle à Bayone à tout deux cens armeures
de fer et quatre cens arciers, pour garder les
frontières contre les François.
Or vous parlerons de l’armée monsigneur Robert
d’Artois [et de sa compaignie[251]], et comment il arrivèrent
10en Bretagne. En ce temps escheirent les Paskes
si hault que, environ closes Paskes, on eut l’entrée
dou mois de may. De quoi, en le moiiené de ce mois,
la triewe de monsigneur Charles de Blois et de la contesse
de Montfort devoit fallir. Si estoit bien messires
15Charles de Blois enfourmés dou pourcach que la contesse
de Montfort avoit fait en Engleterre et de l’ayde
et confort que li rois li devoit faire. Dont messires
Loeis d’Espagne, messires Charles Grimaus, messires
Othon Doriie estoient establi sus le mer à l’encontre
20de Grenesie, à trois mille Geneuois et mille hommes
d’armes en trente deus gros vaissiaulz espagnolz tous
armés et tous fretés, et waucroient sus le mer attendans
leur revenue. D’autre part, messires Gautiers
de Mauni et li signeur de Bretagne et d’Engleterre,
25qui dedens Hembon se tenoient, estoient durement
esmervilliet de leur contesse de ce que elle demoroit
tant, et si n’en ooient nulles certainnes nouvelles.
Nompourquant moult bien supposoient que elle ne
sejournoit mies trop bien à se grant aise, et ne se
30doubtoient de aultre cose que elle n’euist aucun dur
[8] encontre sus mer de ses ennemis; se n’en savoient
que penser.
§ 185. Ensi que messires Robers d’Artois, li
contes de Pennebruc, li contes de Salebrin et li
5aultre signeur et chevalier d’Engleterre et leurs gens,
avoech la contesse de Montfort, nagoient par mer au
lès devers Bretagne et avoient vent à souhet, au departement
de l’isle de Grenesie, à l’eure de relevée,
il perchurent le grosse navie des Geneuois dont
10messires Loeis d’Espagne estoit chiés. Dont disent
leur maronnier: «Signeur, armés vous et ordenés,
car veci Geneuois et Espagnolz qui viennent et qui
vous approcent.» Lors sonnèrent li Englès leurs
trompètes et misent leurs pennons et leurs estramières
15armoiies de leurs armes et de Saint Jorge.
Et s’ordonnèrent bien et sagement et s’encloirent de
leurs arciers; et puis nagièrent à plain voile, ensi
que li tamps l’aportoit. Et pooient estre environ quarante
six vaissiaus, que grans que petis. Mais [nuls[252]]
20si grans ne si fors de trop n’en y avoit que messires
Loeis d’Espagne en avoit neuf; et entre ces neuf
avoit trois galées qui se remoustroient dessus tous les
aultres. Et en cescune de ces trois galées qui se remoustroient
dessus tous les aultres estoient li troi
25corps des signeurs, messires Loeis, messires Charles
et messires Othes.
Si s’approcièrent li vaissiel, et commencièrent Geneuois
à traire de leurs arbalestres à grant randon,
et li arcier d’Engleterre ossi sus eulz. Là eut grant
[9] tret des uns as aultres, et qui longement dura, et
maint homme navret et bleciet. Et quant li signeur,
li baron, li chevalier et li escuier s’approcièrent, et
qu’il peurent des lances et des espées venir ensamble,
5adonc y eut dure bataille et crueuse, et trop bien s’i
portèrent et esprouvèrent li un et li aultre. Là estoit
messires Robers d’Artois qui y fu très bons chevaliers,
et la contesse de Montfort meismement armée, qui
bien valoit un homme, car elle avoit coer de lyon, et
10tenoit un glave moult roide et bien trençant, et trop
bien s’en combatoit et de grant corage.
Là estoit messires Loeis d’Espagne en une galée,
comme bons chevaliers, qui moult vaillamment et
de grant volenté requeroit ses ennemis et se combatoit
15as Englès, car moult les desiroit à desconfire,
pour li contrevengier dou damage qu’il avoit eu et
receu ceste propre anée, assés priès de là, ou camp de
Camperli. Et y fist li dis messires Loeis grant fuison
de belles apertises d’armes. Et jettoient li Espagnol
20et li Geneuois, qui estoient en ces gros vaissiaus, d’amont
gros barriaus [de fer[253]], et archigaies dont il
travilloient moult les Englès. Là eurent li baron et
li chevalier d’Engleterre moult à faire et un dur rencontre,
et trouvèrent l’armée des Espagnols et des
25Geneuois moult forte et gens de grant volenté.
Si commença ceste bataille moult tart et environ
vespres, et les departi li nuis, car il fist moult obscur
sus le vesprée; et se couvri li airs moult espès, si
ques à painnes pooient il recognoistre l’un l’autre.
30Si se retraisent cescuns et se misent à l’ancre, et
[10] entendirent [à] appareillier les bleciés et les navrés et
remettre à point; mais point ne se desarmèrent, car
il cuidièrent de rechief avoir le bataille.
§ 186. Un petit devant mienuit s’esleva uns vens,
5uns orages et uns tempestes si très grans et si très
horribles que il sambloit proprement que li mondes
deuist finer. Et n’i avoit si hardi ne si oultrageus, de
l’une part ne de l’autre, qui ne volsist estre bien à
terre, car ces barges et ces naves hurtoient les unes
10as aultres telement que ce sambloit proprement que
elles deuissent ouvrir et fendre. Si demandèrent
conseil li signeur d’Engleterre à leurs maronniers,
quel cose leur estoit bon à faire. Il respondirent que
d’yaus traire [à terre[254]] au plus tost qu’il poroient,§
15car la fortune estoit si grande sus mer que, se li vens
les y boutoit, il seroient tout en peril d’estre noiiet.
Dont entendirent il generalment à traire les aultres
amont, et misent les singles ensi qu’à demi-quartier;
et tantost eslongièrent il le place où il avoient jeu à
20l’ancre.
D’autre part, li Espagnol et li Geneuois n’estoient
mies bien assegur de leurs vies; ançois se desancrèrent
ensi que li Englès, mais il prisent le parfont,
car il avoient plus grans vaissiaus et plus fors que li
25Englès n’euissent; si pooient mieulz souffrir et attendre
[le hustin et[255]] le fortune de le mer que li Englès
ne fesissent. Et ossi, se leur gros vaissiel euissent froté
à terre, il euissent esté en peril d’estre brisiet et
[11] romput. Pour tant, par grant sens et avis, il se boutèrent
avant ou parfont. Mès, à leur departement,
il trouvèrent quatre nefs englesces cargies de pourveances
et de chevaus, qui s’estoient tenu en sus de
5le bataille. Si eurent bien conscience, [quel tamps
ne[256]] quel tempès qu’il fesist, de prendre ces quatre
vaissiaus et d’atachier as leurs et emmener après
yaus. Et saciés que li vens et li fortune qui estoit si
grande les bouta, avant qu’il fust jours, plus de cent
10liewes en sus dou lieu où il s’estoient combatu. Et
les nefs monsigneur Robert d’Artois prisent terre à
un petit port assés priès de le cité de Vennes, dont
il furent tout resjoy, quant il se trouvèrent à terre.
§ 187. Ensi et par ceste grant fortune se desrompi
15la bataille sus mer de monsigneur Robert d’Artois et
de se route à l’encontre de monsigneur Loeis d’Espagne
et de ses gens. Si n’en scet on à qui bonnement
donner l’onneur, car il se partirent tout maugret
yaus et par le diverseté dou temps. Toutes voies,
20li Englès prisent terre assés priès de Vennes, et issirent
hors des vaissiaus et misent leurs chevaus sus
le sabelon et toutes leurs armeures et leurs pourveances;
et puis eurent conseil et avis dou sourplus,
comment il se maintenroient. Si ordonnèrent à
25traire leur navie devers Hembon, et yaus aler devant
Vennes, car assés estoient gens pour le assegier; si
s’esmurent et chevaucièrent tout ordeneement celle
part, et n’avoient mies grant fuison à aler, quant il
s’i trouvèrent.
[12] Adonc estoient dedens le cité de Vennes, [pour
monsigneur Charlon de Blois[257]] messires Hervis de
Lyon et messires Oliviers de Cliçon, doi vaillant
chevalier durement, comme chapitainne; et ossi y
5estoient li sires de Tournemine et li sires de Lohiac.
Quant cil chevalier de Bretagne veirent venus les
Englès, et qu’il s’ordonnoient pour yaus assegier,
si n’en furent mies trop effraet, mès entendirent au
chastiel premierement et puis as garites et as portes.
10Et misent à çascune porte un chevalier et dix hommes
d’armes et vingt [archiers parmi les[258]] arbalestriers,
et s’aprestèrent bien pour tenir et garder le
cité contre tous venans.
Or, vous parlerons de monsigneur Loeis d’Espagne
15et de se route.
§ 188. Saciés que, quant cilz grans tourmens et
ceste fortune eurent pris et eslevet et boutet en mer
le dessus dit monsigneur Loeis, il furent toute ceste
nuit et l’endemain tant c’à nonne moult tourmenté
20et en grant aventure de leurs vies. Et perdirent par
le tourment deux de leurs vaissiaus et les gens qui
ens estoient. Quant ce vint au tierc jour environ
prime, li temps cessa, li mers s’aquoisa. Si demandèrent
li chevalier as maronniers de quel par il
25estoient plus priès de terre, et il respondirent: «dou
royaume de Navare.» Lors furent li patron moult
esmervilliet, et disent que li vens les avoit eslongiés
ensus de Bretagne plus de six vingt liewes. Si se misent
[13] là à l’ancre et attendirent le marée: si ques,
quant li flos de le mer revint, il eurent assés bon
vent pour retourner vers le Rocelle, et costiièrent
Bay[o]ne, mais point ne l’approcièrent. Et trouvèrent
5quatre nefs de Bayonois qui venoient de Flandres;
si les assallirent et prisent tantos, et misent à
bort tous chiaus qui dedens estoient. Et puis nagièrent
vers le Rocelle, et fisent tant en briefs jours
qu’il arrivèrent à Garlande, et là se misent il à terre.
10Si entendirent des nouvelles que messires Robers
d’Artois et ses gens estoient à siège devant le cité de
Vennes. Si envoiièrent devers monsigneur Charlon
de Blois qui se tenoit à Rennes, à savoir quel cose il
voloit qu’il fesissent. Or lairons nous un petit à parler
15François, et parlerons de chiaus qui estoient au siège
devant Vennes.
§ 189. Messires Robers d’Artois, si com vous poés
oïr, avoit assegiet le citet de Vennes à mille hommes
d’armes, et trois mille arciers, et couroit tout le pays
20environ et l’ardoit, exilloit et destruisoit tout jusques
à Dinant [en Bretaigne[259]] et jusques à le Roce Periot
et jusques à Ghoy le Forest. Et n’osoit nulz demorer
sus le plat pays, s’il ne voloit le sien mettre en aventure,
tout jusques au Souseniot et le Roce Bernart.
25Le siège durant devant Vennes, il y eut as bailles
de le ville tamainte escarmuce et maint assaut et
tamaint grant fait d’armes fait. Li chevalier qui dedens
estoient, li sires de Cliçon et messires Hervis de
Lyon et leur compagnon s’i portoient vaillamment,
[14] et moult y acqueroient grant grasce, car bien estoient
songneus de deffendre et garder le cité de leurs ennemis.
Et toutdis se tenoit la contesse de Montfort
au siège de Vennes avoech monsigneur Robert d’Artois.
5Ossi messires Gautiers de Mauni, qui s’estoit
tenus en Hembon un grant temps, recarga le ditte
ville et le chastiel à monsigneur [Guillaume] de Quadudal
et as deux frères de Pennefort, puis prist
avoech lui monsigneur Yvon de Tigri et cent hommes
10d’armes et deux cens arciers. Et vinrent en l’ost devant
Vennes, et leur fisent messires Robers d’Artois
et li chevalier d’Engleterre grant feste.
Assés tost apriès que messires Gautiers de Mauni
fu là venus, se fist uns assaus devant Vennes moult
15grans et moult fors. Et assallirent la cité, cil qui assegiet
l’avoient, en trois lieus et tout à une fois. Et trop
donnèrent à faire à chiaus de dedens, car li archier
d’Engleterre traioient si ouniement et si espessement
c’à painnes s’osoient cil qui deffendoient amoustrer
20as garittes. Et dura cilz assaulz un jour tout entier.
Si y eut pluiseurs bleciés d’un lès et de l’autre. Quant
ce vint sus le soir, li Englès se retraisent à leurs
logeis, et cil de Vennes as hostelz, tous lassés et moult
travilliet; si se desarmèrent. Mais chil de l’host ne
25fisent mies ensi; ançois se tinrent en leurs armeures
et ostèrent tant seulement leurs bacinès, et burent
un cop cescuns et se rafreschirent.
Or avint que là presentement et tantost, par l’avis
de monsigneur Robert d’Artois, qui fu uns grans et
30sages guerriières, ilz s’ordonnèrent de rechief en
trois batailles, et envoiièrent les deux as portes là où
il faisoit le plus fort assallir, et la tierce fisent tenir
[15] toute quoie couvertement. Et ordonnèrent que, si
tretost comme li aultre aroient assalli une longe espasse,
et que cil de Vennes entenderoient à yaus
deffendre, il se trairoient avant sus ce plus foible lès,
5et seroient tout pourveu d’eschelles cordées à grawès
de fier, pour jetter sus les dis murs et atachier as garittes,
et assaieroient se par ceste voie il le poroient
jamais conquerre. Tout ensi comme li dis messires
Robers l’ordonna et avisa, il le fisent. Et s’en vint li
10dis messires Robers en le première bataille assallir et
escarmucier à le baille de le porte, et li contes de
Salebrin ensi à l’autre. Et pour ce qu’il faisoit tart, et
afin ossi que cil de dedens en fuissent plus esbahi, il
alumèrent grans feus, si ques li claretés en respondoit
15dedens le cité de Vennes. Dont il avint que li
homme de le ville et cil dou chastiel cuidièrent
soubdainnement que leurs maisons ardissent; si criièrent:
«Trahi! Trahi! Armés vous, armés vous!» Jà estoient
li pluiseur retret et couchiet pour yaus reposer, car
20moult avoient eu grant traveil le jour devant. Si se
levèrent soudainnement et s’en vinrent cescuns qui
mieulz mieulz, sans arroi et sans ordenance, et sans
parler à leurs chapitainnes, celle part où li feus estoit.
Et ossi li signeur, qui en leurs hostelz estoient,
25s’armoient.
Endementrues que ensi il estoient entouelliet et
empeeciet, li contes de Kenfort, messires Gautiers
de Mauni et leurs routes, qui estoient ordonné pour
l’eschellement, entendirent à faire leur emprise. Et
30vinrent de ce costé où nulz n’entendoit ne gardoit,
et drecièrent leurs eschelles, et montèrent amont,
les targes sus lors testes, et entrèrent par les dis murs
[16] tout paisievlement en le cité. Ne onques ne s’en
donnèrent garde li François et li Breton qui ens estoient;
si veirent leurs ennemis sus le rue et yaus
assallir devant et derrière. Dont n’i eut si hardit ne
5si aviset qui ne fust tous esbahis, et tournèrent en
fuites cescuns pour lui sauver. Et cuidièrent encores
de premiers que li meschiés fust plus grans qu’il
n’estoit. Car se il se fuissent retourné et deffendu
de bonne volenté, il euissent bien mis hors les Englès
10qui entret estoient dedens. Et pour ce que riens
n’en fu fait, perdirent il meschamment leur ville. Et
n’eurent mies li chevalier chapitainne loisir de retraire
ou chastiel, mès montèrent tantost à cheval et
partirent par une posterne et prisent les camps pour
15yaus sauver, et furent tout cil ewireus qui issir
porent. Toutes fois, li sires de Cliçon, messires Hervis
de Lyon, li sires de Tournemine et li sires de
Lohiac se sauvèrent et une partie de leurs gens. Et
tout cil qui furent trouvet et attaint des Englès furent
20mort ou pris. Et fu la cité de Vennes toute courue
et robée. Et y entrèrent ens toutes manières de gens,
et meismement la contesse de Montfort dalès monsigneur
Robert d’Artois qui en eut grant joie.
§ 190. Ensi que je vous compte, fu la cité de
25Vennes à ce temps prise par l’emprise de monsigneur
Robert d’Artois, dont tous li pays d’environ
fu durement esmervilliés. Et en murmurèrent grandement
sus le partie des chevaliers qui dedens estoient
au jour que elle fu prise, comment que je
30cuide bien que ce fust à grant tort, car il y perdirent
plus que tout li aultre. Et de l’anoi qu’il en eurent,
[17] il le demonstrèrent assés tost apriès, si com vous
orés avant en l’ystore.
Au cinquième jour que la cité de Vennes eut esté
prise, s’en retourna la contesse de Montfort dedens
5Hembon, et messires Gautiers de Mauni avoech li, et
messires Yves de Tigri et pluiseur aultre chevalier
d’Engleterre et de Bretagne, pour le doubtance des
rencontres.
Et se partirent encores de monsigneur Robert
10d’Artois li contes de Sallebrin, li contes de Pennebruch,
li contes de Sufforch et li contes de Cornuaille,
à bien mille hommes d’armes et trois mille arciers,
et s’en vinrent assegier le cité de Rennes. Si s’en
estoient parti, quatre jours devant, messires Charles
15de Blois et ma dame sa femme et venu à Nante;
mais il avoient laissiet en le cité de Rennes grant
garnison, chevaliers et escuiers a plenté.
Et tout dis se tenoit messires Loeis d’Espagne sus
le mer à tout ses Espagnols et ses Geneuois. Et gardoit
20si près et si songneusement les frontières d’Engleterre
que nulz ne pooit aler ne venir d’Engleterre
en Bretagne qu’il ne fust en grant peril. Et fist celle
saison as Englès moult de contraires et de damages.
§ 191. Pour le prise et le perte de le cité de Vennes
25fu li pays durement esmeus et courouciés, car bien
cuidoient que li dessus dit signeur et chapitainne,
qui dedens estoient quant elle fu prise, le deuissent
deffendre et garder un [grant[260]] temps contre tout
le monde, car elle estoit forte assés et bien pourveue
[18] de toute artillerie et d’autres pourveances et bien
garnie de gens d’armes. Si en estoient pour le mesavenue
tout honteus li sires de Cliçon et messires
Hervis de Lyon, car ossi li envieus[261] en parloit
5villainnement sus leur partie. De quoi li doi seigneur
ne vorrent mies plenté sejourner, ne yaus endormir
en le renommée des mesdisans; ains cueillièrent
grant fuison de bons compagnons, chevaliers et escuiers
de Bretagne, et priièrent à ces chapitainnes
10des forterèces qu’il vosissent estre à ce jour, que ordonné
et nommé entre yaus avoient, sus les camps, à
tel quantité de gens qu’il poroient. Tout y obeirent
de grant volenté, et s’esmurent telement toutes manières
de gens de Bretagne qu’il furent sus un jour
15par devant le cité de Vennes plus de douze mille
hommes, que frans, que villains, et tous armés. Et là
vint bien estoffeement messires Robers de Biaumanoir,
mareschaus de Bretagne. Et assegièrent le cité
de Vennes de tous costés, et puis le commencièrent
20fortement à assallir.
§ 192. Quant messires Robers d’Artois se vei assegiés
dedens Vennes, si ne fu mies trop esbahis de
lui tenir vassaument et de deffendre le cité. Li Breton,
qui devant estoient comme tout foursenet de
25chou, che leur sambloit, que perdu l’avoient si simplement,
s’aventuroient à l’assallir durement et corageusement,
et se hastoient d’yaus aventurer, par quoi
cil qui se tenoient devant Rennes et cil qui estoient
ossi dedens Hembon ne leur venissent pour yaus
[19] brisier leur emprise. Dont il avint que li Breton qui
là seoient fisent et livrèrent à le ditte cité un assaut
si dur et si bien ordonné, et si corageusement s’i
esprouvèrent li assallant, chevalier et escuier, et
5meismement li bon homme dou pays, et tant donnèrent
à faire à chiaus de dedens, qu’il conquisent les bailles
dou bourch et puis les portes de le cité. Et entrèrent
ens par force et par proèce, vosissent ou non li
Englès, et furent mis en cace; et moult en y eut adonc
10grant fuison de mors et de navrés. Et par especial
messires Robers d’Artois y fu durement navrés; et à
grant mescief fu il sauvés et gardés d’estre pris. Et se
parti par une posterne derrière, et messires Richars
de Stanfort avoecques lui, et cil qui escaper peurent;
15et chevaucièrent devers Hembon. Et là fu pris et
fianciés prisons de monsigneur Hervi de Lyon li sires
Despensiers d’Engleterre, filz à monsigneur Huon le
Despensier de jadis, dont cilz livres fait mention ens
ou commencement; mais il fu si dur blechiés à cel
20assaut qu’il ne vesqui depuis que trois jours.
Ensi eurent li François et reconquisent le ville et
le cité de Vennes, et misent hors tous leurs ennemis
par sens et par proèce. De quoi li signeur d’Engleterre,
qui seoient devant Rennes, furent durement
25courouciet. Et ossi fu la contesse de Montfort, qui se
tenoit en Hembon; mais amender ne le peut, tant
c’à celle fois. Si demora messires Robers d’Artois un
temps bleciés et navrés, si com vous avés oy. En le
fin, il li fu consilliet et dit, pour le mieulz mediciner
30et garir, qu’il s’en repairast en Engleterre, car là
trouveroit il surgiiens et medecins à volenté. Si crut
ce conseil, dont il fist folie; car au retourner en
[20] Engleterre il fu durement grevés et appressés de le
marée. Et s’en esmurent telement ses plaies que,
quant il fu venus et aportés à Londres, il ne vesqui
point longuement depuis; ançois moru de ceste maladie:
5dont ce fu damages, car il estoit courtois chevaliers,
preus et hardis, et dou plus noble sanch dou
monde. Si fu ensepelis à Saint Pol à Londres. Et li
fist li rois englès faire son obsèque ossi solennelment
comme c’euist esté pour son cousin germain le conte
10Derbi. Et fu li dis messires Robers moult durement
plains dou roy, de ma dame la royne, des signeurs
et des dames d’Engleterre.
Si tretost que messires Robers d’Artois fu trespassés
de ce siècle, et que li rois englès en seut les nouvelles,
15il en fu si courouciés qu’il jura et dist, oiant
tous chiaus qui oïr le porent, que jamais n’entenderoit
à aultre cose si aroit vengiet le mort de lui, et
iroit meismement en Bretagne, et atourroit tel le pays
que dedens quarante ans apriès il ne seroit point
20recouvret. Si fist li rois englès tantost escrire lettres
et mander par tout son royaume, que cescuns, nobles
et non nobles, fust appareilliés pour mouvoir
avoecques lui au chief dou mois. Et fist faire tantos
grant amas de naves et de vaissiaus, et bien pourveir
25et estofer de ce qu’il apertenoit. Au chief dou mois,
il se mist en mer à grant pourveance de navie et de
gens d’armes, et vint prendre port assés priès de
Vennes, là où messires Robers d’Artois et se compagnie
arrivèrent, quant il vinrent en Bretagne. Si descendirent
30à terre, et misent par trois jours hors leurs
chevaus et leurs pourveances. Et puis au quatrime
jour, il chevaucièrent par devers Vennes. Et toutdis
[21] se tenoit li sièges dou conte de Salebrin et dou conte
de Pennebruch et des Englès dessus dis, devant
Rennes.
§ 193. Tant esploita li rois englès, depuis qu’il
5eut pris terre en Bretagne, qu’il vint à toute son
host par devant le cité de Vennes, et le assega de tous
poins. A ce donc estoient dedens messires Oliviers
de Cliçon, messires Hervis de Lyon, li sires de Tournemine,
messires Joffrois de Malatrait et messires
10Guis de Lohiac. Si pensoient bien cil chevalier et
avoient supposé de lonch temps que li rois englès
venroit moult efforciement en Bretagne, si comme il
fist. Pour quoi il avoient le cité et le chastiel de
Vennes pourveu très grossement de toutes pourveances
15necessaires, et ossi de bonnes gens d’armes
pour le deffendre. Et bien leur besongnoit, car si
tost que li rois englès fu venus et logiés par devant,
il les fist assallir moult asprement, et venir les arciers
par devant et traire de grant randon à chiaus de le
20cité très fortement. Et dura cilz assaus bien demi
jour, mais riens n’i fisent fors yaus lasser et travillier,
tant fu la cité bien deffendue. Adonc se retraisent li
Englès en leurs logeis. Si tost que la contesse de
Montfort sceut la venue dou roy englès, elle fu
25moult resjoye et se parti de Hembon, acompagnie
de monsigneur Gautier de Mauni et de pluiseurs
aultres chevaliers et escuiers; [et s’en vint devant
Vennes[262]] conjoïr et festiier le roy d’Engleterre et les
[22] barons de l’host. Li rois recueilla la dame moult
liement, et adonc eut entre yaus là pluiseurs parolles
qui toutes ne poeent mies estre escrites. Et quant la
contesse ot là esté devant Vennes avoech le roy ne
5sçai trois jours ou quatre, elle s’en parti et retourna
en Hembon avoecques ses gens.
Or vous parlerons de monsigneur Charlon de Blois
qui se tenoit dedens le cité de Nantes. Si tost qu’il
sceut que li rois englès estoit arrivés en Bretagne, il
10le segnefia au roy de France son oncle, et y envoia
devers lui grans messages de Bretagne, pour mieulz
esploitier et pour priier qu’il fust aidiés et confortés
à l’encontre des Englès, car il estoient venu en son
pays à grant poissance. Li rois oy et reçut les messages
15moult liement, et en respondi courtoisement, et
dist qu’il envoieroit à son neveut si grant confort
que pour bien resister contre ses ennemis, et yaus
bouter hors de Bretagne. Voirement y envoia il depuis
le duch de Normendie son fil à grant poissance,
20mais ce ne fu mies si tretost. Ançois eurent li Englès
moult adamagiet et destruit le bon pays de Bretagne,
si com vous orés avant en l’ystore.
§ 194. Quant li rois englès, qui seoit devant
Vennes, vit la cité si forte et si bien furnie de gens
25d’armes, et entendi par ses gens que li pays de là
environ estoit si povres et si gastés qu’il ne savoient
où fourer ne avoir vivres pour yaus ne pour leurs
chevaus, tant estoient il grant nombre, si s’avisa qu’il
en lairoit là une partie pour tenir le siège, et à tout
30le remanant de son host il se trairoit devant Rennes,
et veroit ses gens qui là seoient, qu’il n’avoit veus
[23] de grant temps. Si ordonna le conte de Warvich, le
conte d’Arondel, le baron de Stanfort, monsigneur
Gautier de Mauni, monsigneur Yvon de Tigri et les
deux frères de Pennefort, à cinq cens hommes d’armes
5et mille arciers, à tenir le siège devant Vennes.
Puis s’en parti li rois à tout le remanant de son
host, où bien avoit quinze cens hommes d’armes et
six mille arciers. Et chevauça tout ardant et essillant
le pays d’un lès et d’autre, et fist tant qu’il vint
10devant Rennes, où il fu moult liement veus et receus
de ses gens qui là seoient et avoient sis un grant
temps. Et quant il ot là esté environ cinq jours, il
entendi que messires Charles de Blois estoit dedens
la cité de Nantes et faisoit là son amas de gens d’armes;
15si dist qu’il se trairoit celle part.
Et se parti dou siège de Rennes, et y laissa chiaus
que trouvés y avoit; et chevauça tant qu’il parvint à
toute son host devant Nantes: si l’assega si avant
qu’il peut, car toute environner ne le peuist mies,
20tant est grande et estendue. Si coururent li mareschal
et ses gens environ, et gastèrent et essillièrent durement
le plat pays; et prendoient vivres et pourveances
par tout où il les pooient avoir. Et furent li
rois d’Engleterre et toutes ses gens ordonné sus une
25montagne au dehors de le cité de Nantes un jour,
dou matin jusques à nonne, par manière de bataille.
Et cuidoient bien li Englès que messires Charles de
Blois et ses gens deuissent issir, mès non fisent.
Quant li Englès veirent ce, si se retraisent à leur
30logeis; mès li coureur le roy d’Engleterre coururent
adonc jusques as barrières de le cité, et à leur retour
il ardirent les fourbours.
[24] § 195. Ensi se tint li rois d’Engleterre par devant
Nantes. Et messires Charles de Blois estoit dedens,
qui souvent escrisoit et envoioit lettres et messages
et l’estat des Englès, devers le roy de France, son
5oncle, et le duch de Normendie, son cousin, qui le
devoit conforter, car il en estoit cargiés. Et estoit jà
trais et venus li dus de Normendie en le cité d’Angiers,
et là faisoit son amas de toutes manières de
gens d’armes qui li venoient de tous costés. Entrues
10que ces assemblées se faisoient, se tenoit li rois d’Engleterre
devant Nantes, et le avoit assegie à l’un des
costés, et y faisoit souvent assallir et escarmucier et
esprouver ses gens. Mès en tous assaus petit y conquist;
ançois y perdi par pluiseurs fois de ses hommes,
15dont moult li anoia.
Quant il vei et considera que par assaut il n’i pooit
riens faire, et que messires Charles de Blois n’isteroit
point as camps pour lui combatre, si s’avisa qu’il
lairoit là le plus grant partie de ses gens à siège, et se
20trairoit aultre part tout dis, en gastant et essillant le
pays. Si ordonna le conte de Kenfort, monsigneur
Henri visconte de Byaumont, le signeur de Persi, le
signeur de Ros, le signeur de Montbrai, le signeur de
le Ware, monsigneur Renault de Gobehen et monsigneur
25Jehan de Lille à là demorer et tenir le siège
à six cens armeures de fier et deux mille arciers; et
puis si chevauça o le demorant de ses gens. Si
pooient estre environ quatre cens lances et deux
mille arciers, tout ardant et essillant le bon pays de
30Bretagne par devant lui, de l’un lès et d’autre, tant
qu’il vinrent devant le bonne ville de Dignant dont
messires Pières Portebuef estoit chapitainne. Quant
[25] il parfu venus devant Dignant, il mist le siège tout
environ, et le fist fortement assallir. Et cil qui dedens
estoient entendirent ossi à yaus deffendre. Ensi assega
li rois d’Engleterre tout en une saison, et en un
5jour, [luy et[263]] ses gens, trois cités en Bretagne et une
bonne ville.
§ 196. Entrues que li rois d’Engleterre aloit et
venoit et chevauçoit le pays de Bretagne, ses gens
qui seoient devant le cité de Vennes y faisoient et
10livroient tous les jours tamaint assaut, car durement
le convoitoient à gaegnier par fait d’armes, pour
tant que li chevalier qui dedens estoient l’avoient
reconquis sus yaus en celle meisme saison. Dont il
avint un jour, le siège pendant, que, à l’une des
15portes, uns très grans assaus se fist. Et se traisent de
celle part toutes les bonnes gens d’armes, de l’un
costé et de l’autre. Et là eut tamainte belle apertise
d’armes fait. Car cil dedens Vennes avoient, comme
bon chevalier et hardi, ouvert leur porte et se tenoient
20à le barrière, pour le cause de ce qu’il
veoient le banière le conte de Warvich et ceste dou
conte d’Arondiel et dou baron de Stanfort et de
monsigneur Gautier de Mauni qui s’abandonnoient,
ce leur sambloit, assés folement. De quoi li sires de
25Cliçon et messires Hervis de Lyon et li aultre chevalier
plus corageusement s’en aventuroient. Là y eut
fait tant de belles apertises d’armes que merveilles
seroit à recorder. Car li Englès, qui veoient le porte
ouverte, le tenoient en grant despit, et li aucun le
[26] reputoient à vaillance. Là eut lanciet et estechiet d’un
lès et de l’autre moult longement. Finablement, cilz
assaus se porta telement que [de premiers[264]] li Englès
furent reboutet et reculet moult arrière des barrières.
5Et à ce qu’il reculèrent, li chevalier de Bretagne s’avancièrent
et ouvrirent leur baille, cescuns son glave en
son poing, et laissièrent six chevaliers des leurs pour
garder le baille, avoec grant fuison d’autres gens. Et
puis tout à piet, en lançant et escarmuchant, il
10poursievirent les chevaliers englès qui tout en reculant
se combatoient. Là eut très bon puigneis et fort
bouteis de glaves, et mainte belle apertise d’armes
faite. Toutefois, li Englès montepliièrent et fortefiièrent
telement qu’il couvint les Bretons reculer, et
15non pas si rieuleement qu’il estoient avalet. Là eut
grant luite et dur encauch. Et remontoient li chevalier
de Bretagne, li sires de Cliçon et messires Hervis
de Lyon, à grant malaise. Si y eut maint homme mort
et blecié. Quant cil qui gardoient le barrière veirent
20leurs gens cacier et reculer, il retraisent leurs bailles
avant, et si mal à point qu’il couvint le signeur de
Cliçon demorer dehors, [et fu pris devant le barrière;
et ossi fu messires Hervis de Lion[265]]. D’autre part, li
Englès qui estoient monté vistement, et tous premiers
25li barons de Stanfort, furent enclos et se
banière entre les bailles et le porte. Là eut grant
touellement et dur hustin. Et fu pris et retenus li
sires de Stanfort, onques nulz ne l’en peut aidier; et
ossi furent pluiseur des siens qui estoient dalès lui:
[27] [Oncques[266]] nulz n’en escapa qu’il ne fuissent ou mort
ou pris. Si se departi ceste estourmie atant, et se
retraisent li Englès à leurs logeis, et li [Breton[267]] à
leurs hostelz par dedens le cité de Vennes.
5§ 197. Par tel manière que vous avés oy compter
furent pris li chevalier dessus nommé. Et euissent fait
li Englès grant feste de leurs prisonniers, se li sires
de Stanfort n’euist esté pris. Depuis cest assaut, n’en
y eut [fait[268]] nul si grant ne si renommé d’armes que
10cilz fu, car cescuns se tenoit sus se garde. Or parlerons
dou roy d’Engleterre qui avoit assegiet le ville
de Dinant. Quant il eut là sis jusques à trois jours là
en dedens, il avisa et ymagina comment il le poroit
avoir. Si regarda que elle estoit bien prendable,
15car elle n’estoit fremée fors que de palis. Si fist
querre et pourveir grant fuison de nacelles, et entrer
dedens arciers, et puis nagier jusques à ces palis, et
yaus venu jusques à là, assallir fortement à ceulz qui
les deffendoient, et traire si ouniement que à painnes
20osoit nuls apparoir as deffenses pour le deffendre.
Entre ces arciers y avoit autres assallans qui portoient
cuignies grandes et bien trençans, dont, entrues
que li arcier ensonnioient chiaus de dedens, il copoient
les palis; et les eurent en brief temps grandement
25adamagiés, et tant qu’il en gettèrent un grant
pan par terre, et entrèrent ens efforciement. Quant
cil de le ville veirent leurs palis rompus et Englès
entrer ens à grant randon, si furent tout effraet. Et
[28] commencièrent à fuir vers le marchiet: mais petite
ralloiance se fist entre yaus, car cil qui estoient entré
ens par les nacelles vinrent à le porte et l’ouvrirent.
Si entrèrent ens toutes manières d’autres gens qui
5entrer y vorrent. Ensi fu prise li ville de Dinant en
Bretagne, toute courue et robée, et messires Pières
Portebuef qui capitainne en estoit. Si prisent li Englès
des quelz qu’il veirent[269], et gaegnièrent grant
avoir dedens, car elle estoit adonc durement riche
10et plainne et bien marchande.
§ 198. Quant li rois d’Engleterre eut fait sen emprise
et sa volenté de le ville de Dinant en Bretagne,
il s’en parti, et le laissa toute vaghe, et n’eut mies
conseil dou tenir; si s’en achemina vers Vennes. En
15chevauçant celle part, les nouvelles li vinrent de le
prise le signeur de Cliçon et de monsigneur Hervi de
Lyon. Si en fu grandement joians, et tant chevauça
qu’il vint devant Vennes, et là se loga.
Or vous parlerons un petit de monsigneur Loeis
20d’Espagne, de messire Charle Grimau, de monsigneur
Othon Doriie, qui estoient pour le temps amiral de
le mer, à huit galées, treize barges et trente nefs cargies
de Geneuois et d’Espagnols. Si se tenoient sus
mer entre Bretagne et Engleterre; et portèrent par
25pluiseurs fois grans damages as Englès qui venoient
rafreschir leurs gens de pourveances devant Vennes.
Et une fois entre les aultres, il vinrent courir sus le
navie dou roy d’Engleterre qui gisoit à l’ancre sus
un petit port dalès Vennes, et n’estoit mies adonc
[29] trop bien gardée. Si occirent le plus grant partie de
chiaus qui le gardoient; et y euissent porté trop
grant damage, se li Englès, qui seoient devant Vennes,
n’i fuissent acouru. Mais quant les nouvelles vinrent
5en l’ost, cescuns y ala qui mieulz mieus. Toutes fois,
on ne se peut onques si haster que li dis messires
Loeis et se route n’en menassent quatre nefs cargies
de pourveances; et en effondrèrent trois, et perirent
chiaus qui dedens estoient. Adonc fu consilliet au roy
10que il fesist traire se navie ou havene de Hembon;
si le fist, si comme il li fu consilliet. Et toutdis se
tenoit li sièges devant Vennes et ossi devant Nantes
et devant Rennes.
§ 199. Nous retourrons à le chevaucie que li dus
15de Normendie fist en celle saison en Bretagne pour
conforter son cousin monsigneur Charle de Blois. Li
dus, qui avoit fait sen assamblée [et son amas[270]] de
gens d’armes en le cité d’Angiers, se hasta ce qu’il
peut, car il entendi que li rois d’Engleterre travilloit
20durement le pays de Bretagne, et avoit assegiet trois
cités et pris le bonne ville de Dinant. Si se parti de
Angiers moult estoffeement, à plus de quatre mille
hommes d’armes et trente mille d’aultres gens. Si
s’arrouta tous li charois le grant chemin de Nantes.
25Et le conduisoient li doi mareschal de France, li sires
de Montmorensi et li sires de Saint Venant. Apriès
chevauçoit li dus et li contes d’Alençon ses oncles, et
li contes de Blois ses cousins. Là estoient li dus de
Bourbon, messires Jakemes de Bourbon, contes de
[30] Pontieu, li contes de Boulongne, li contes de Vendome,
li contes de Dammartin, li sires de Crain, li
sires de Couci, li sires de Sulli, li sires de Fiennes,
li sires de Roie, et tant de barons et de chevaliers
5de Normendie, d’Auvergne, de Berri, de Limozin,
d’Anjou, du Mainne, de Poito et de Saintonge, que
jamais je ne les aroie tous nommés. Et encores croissoient
il tous les jours, car li rois de France reconfortoit
son mandement, pour ce qu’il avoit entendu
10que li rois d’Engleterre estoit si efforciement venus
en Bretagne.
Ces nouvelles vinrent en l’ost des signeurs d’Engleterre
qui seoient devant Nantes, que li rois y avoit
laissiés, que li dus de Normendie venoit là pour lever
15le siège, ensi que on l’esperoit, et avoit bien en se
compagnie quarante mille hommes. Cil signeur englès
le segnefiièrent hasteement au roy d’Engleterre,
à savoir quel cose il voloit qu’il fesissent, ou se il
attenderoient, ou se il se retrairoient. Quant li rois
20d’Engleterre entendi ces nouvelles, il fu moult pensieus,
et eut une espasse imagination et pourpos de
brisier son siège et ossi celui de Rennes, et de lui traire
devant Nantes. Depuis fu il consilliés aultrement. Et
li fu ensi dit que il estoit en bonne place et forte et
25priès de se navie, et qu’il se tenist là et attendesist
ses ennemis, et mandast chiaus de Nantes, et laissast
encores le siège devant Rennes. Il ne li estoient mies
si lointain qu’il ne les confortast ou reuist bien tost,
se il besongnoit. A ce conseil se tint et acorda li rois
30d’Engleterre. Et furent remandé cil qui seoient devant
Nantes, et s’en revinrent au siège à Vennes. Et li dus
de Normendie et son host et li baron de France
[31] esploitièrent tant qu’il vinrent en le cité de Nantes où
messires Charles de Blois et fuison de le chevalerie
de Bretagne estoient, qui les rechurent à grant joie.
Si se logièrent li signeur en le cité et leurs gens environ
5sus le pays, car tout ne se peuissent mies logier
dedens le ville ne ens es fourbours.
§ 200. Entrues que li dus de Normendie sejournoit
à Nantes, fisent li chevalier d’Engleterre, qui
seoient devant le cité de Rennes, un assaut très grant
10et très bien ordonné. Et avoient un grant temps en
avant apparilliés aournemens et instrumens pour assallir.
Et dura li dis assaus un jour tout entier, mais
ilz n’i conquisent noient; ançois y perdirent des
leurs. Dont il y eut des mors et des blechiés grant
15fuison, car il y avoit dedens des bons chevaliers et
escuiers de Bretagne, le baron d’Ansenis, le signeur
dou Pont, messire Jehan de Malatrait, Yewain Charuiel
et Bertran de Claikin, escuiers. Chil ensongnièrent
si vaillamment, avoecques l’evesque de le ditte
20cité, qu’il n’i prisent point de damage. Non obstant
ce, si se tinrent là toutdis li Englès, et gastèrent tout
le pays d’environ.
Adonc se departi de Nantes li dus de Normendie à
tout son grant host, et eut conseil qu’il se trairoit
25devant Vennes pour plus tost trouver ses ennemis;
car bien [avoit[271]] entendu que cil de Vennes estoient
plus astraint que cil de Rennes, et en plus grant peril
d’estre perdu. Si s’arroutèrent ces gens d’armes et
chevaucièrent en bon arroy et en grant couvenant,
[32] quant il furent partit de Nantes. Si les conduisoient
li doi mareschal et messires Joffrois de Chargni; et li
contes de Ghines, connestables de France, faisoit
[l’arrieregarde[272]]. Tant s’esploitièrent ces gens d’armes,
5dont li dus de Normendie et messires Charles de Blois
estoient chiés, qu’il vinrent assés priès de Vennes,
d’autre part où li rois d’Engleterre estoit logiés. Si se
logièrent erramment li François tout contreval uns
biaus prés grans et amples, et tendirent tentes, trés
10et pavillons et toutes manières de logeis. Et fisent
faire li François biaus fossés et grans entour lor host,
par quoi on ne leur peuist porter damage. Si chevauçoient
à le fois li mareschal, et messires Robers de
Biaumanoir, mareschaus pour le temps de Bretagne;
15et aloient souvent [escarmouchier[273]] en l’ost des Englès,
et li Englès ossi sus yaus; s’en y avoit souvent
des rués jus, d’une part et d’autre. Quant li rois
d’Engleterre vei venu contre lui le duch de Normendie
à si grant poissance, si remanda le conte de Sallebrin
20et le conte de Pennebruch et les aultres chevaliers
et leurs gens qui se tenoient à siège devant
Rennes, par quoi il fuissent plus fort et mieus ensamble,
se combatre les couvenoit. Si pooient estre
li Englès et li Breton de Montfort environ vingt cinq
25cens hommes d’armes et six mille arciers et quatre
mille hommes de piet. Li François estoient [en plus
grant nombre, quatre foiz plus[274]], et toutes gens de
bonne estoffe.
[33] § 201. Moult furent ces deux hos devant Vennes
belles et grans. Et avoit li rois d’Engleterre basti son
siège par tel manière que li François ne pooient
venir à lui par nul avantage. Depuis que li dus de
5Normendie fu là venus, ne fist li rois d’Engleterre
point assallir à le cité de Vennes, car il voloit espargnier
ses gens et sen artillerie. Ensi furent il l’un
devant l’autre un grant temps, et bien avant en
l’ivier. Si y envoia li papes Clemens VIe, qui regnoit
10pour le temps, deux cardinaus en legation, le cardinal
de Penestre et le cardinal de Clermont qui souvent
chevaucièrent de l’un [host[275]] à l’autre, pour accorder
ces parties. Mais il les trouvoient si durs et si
mal descendans à acord qu’il ne les pooient approcier
15de nulle pais.
Ces trettiés durant, il y avoit souvent des escarmuces
et des puigneis l’un sus l’autre, ensi que li
foureur se trouvoient; si en y avoit des pris et des
rués jus. Et n’osoient li Englès par especial aler en
20fuerre fors en grant compagnie; car, toutes les fois
qu’il chevauçoient, il estoient en grant peril pour
les embusches c’on mettoit sus yaus. Avoech tout ce,
messires Loeis d’Espagne et se route gardoient si
songneusement les pas de le mer que à trop grant dur
25venoit riens en l’ost des Englès; si y eurent moult
de disètes. Et estoit li intentions dou duch de Normendie
et de ses gens qu’il tenoient là pour tous assegiés
le roy d’Engleterre et son host, car bien savoient
qu’il avoient grant neccessité de vivres. Et les
30ewissent tenus voirement en grant dangier, mais il
[34] estoient ossi si constraint dou frès temps, car nuit et
jour il plouvoit que ce leur fist moult de painne. Et
perdirent le plus grant partie de leurs chevaus, et
les couvint deslogier et traire sus les camps, pour le
5grant fuison d’yawe qui estoit en leurs logeis.
Si regardèrent li signeur qu’il ne pooient longement
souffrir celle painne. Si commencièrent li cardinal
à trettier sus avoir triewes à durer trois ans.
Cilz trettiés passa. Et furent les triewes là données
10et accordées entre ces parties, à durer trois ans tous
acomplis. Et les jurèrent li rois d’Engleterre et li dus
de Normendie à non enfraindre.
§ 202. Ensi se deffist ceste grande assamblée, et
se leva li sièges de Vennes. Et se retrest li dus de
15Normendie devers Nantes et emmena les deux cardinaulz
avoech lui, et li rois d’Engleterre devers Hembon,
où la contesse de Montfort se tenoit. Encores fu
là fais uns escanges dou baron de Stanfort et dou signeur
de Cliçon. Et demora messires Hervis de Lyon
20en prison devers le roy d’Engleterre, dont si ami ne
furent mies plus liet. Et euist eu adonc trop plus
chier le delivrance de monsigneur Hervi, messires
Charles de Blois, que dou signeur de Cliçon; mais li
rois d’Engleterre ne le volt adonc faire altrement.
25Quant li rois d’Engleterre eut esté une espasse en
Hembon avoech la contesse de Montfort, et entendu
à ses besongnes, il prist congiet, et le recarga as chevaliers
de Bretagne qui faisoient partie pour lui à
l’encontre de monsigneur Charlon de Blois, as deux
30frères de Pennefort, à monsigneur Guillaume de Quadudal
et as aultres, et puis se retrest en mer. Et enmena
[35] toute se chevalerie, dont il avoit grant fuison;
et revint en Engleterre environ le Noel. Et ossi li
dus de Normendie se retraist en France, et donna
congiet à toutes manières de gens d’armes. Si s’en
5rala cescuns en son lieu.
Assés tost apriès se revenue en France, et le departie
des hos dessus dittes, fu pris li sires de Cliçon et
soupeçonnés de traison. A tout le mains grant fame
en courut, je ne sçai se il en estoit coupables ou non.
10Mais je creroie moult à envis que uns si nobles et si
gentilz chevaliers comme il estoit, et si rices homs,
deuist penser ne pourcacier fausseté ne trahison.
Toutes fois, fu il, pour ce villain fame, pris et tantost
mis en prison en Chastelet à Paris. De quoi tout cil
15qui parler en ooient en estoient moult esmervilliet, et
n’en savoient que supposer. Et en parloient li un à
l’autre li baron et li chevalier de France, en disant:
«Que poet on ores demander au signeur de Cliçon?»
Mais nuls n’en [savoit[276]] à rendre vraie ne certainne
20response, fors tant que on imaginoit que li hayne
venoit de se prise et de se delivrance. Car vrai estoit
que li rois d’Engleterre l’eut plus chier à delivrer,
pour le baron de Stanfort, que monsigneur Hervi de
Lyon. Et li avoit fait li dis rois plus d’amour et de
25courtoisie en prison, qu’il n’euist fait au dit monsigneur
Hervi, espoir pour ce que li dis messires Hervis
avoit esté plus contraires à lui et à ses gens et à
le contesse de Montfort, que nulz aultres, et non pour
aultre cose: si ques, pour cel avantage que li rois
[36] d’Engleterre fist adonc au signeur de Cliçon, et non
à monsigneur Hervi de Lyon, pensoit li envieus
aultre cose qu’il n’i euist par aventure. Et si en
sourdi tèle li suspicions dont li dessus dis messires
5Oliviers de Cliçon fu encouppés et amis de trahison,
et decolés à Paris où il eut grant plainte, ne onques
ne s’en peut excuser.
Assés tost apriès, furent encoupet de [samblable[277]]
cas pluiseur signeur et gentil chevalier de Bretagne et
10de Normendie, et decolé en le cité de Paris, dont il fu
grant nouvelle en pluiseurs pays, à savoir sont: li
sires de Malatrait et ses filz, li sires d’Avaugor et
messires Thiebaus de Morillon et pluiseur signeur de
Bretagne, jusques à dix chevaliers et escuiers. Encores
15assés tost après furent mis à mort par fame, je ne
sçai mies se elle fu vraie ou aultre, quatre chevalier
moult gentil homme de Normendie, loist à savoir:
messires Henris de Malatrait, messires Guillaumes
Bacon, li sires de Roce Tison et messires Richars de
20Persi. Des quèles mors il despleut grandement as
linages de ceulz. Et en sourdirent depuis tamaint
grant meschief en Bretagne et en Normendie, si com
vous orés recorder avant en l’ystore. Li sires de
Cliçon avoit un jone damoisiel à fil, qui s’appelloit
25Oliviers ensi que ses pères. Chilz se trest tantost ens
ou chastiel de Hembon avoecques le contesse de
Montfort et Jehan de Montfort son fil, qui estoit
auques de son eage, et sans père, car voirement estoit
mors ou Louvre à Paris en prison li contes de
30Montfort.
[37] § 203. En ce temps vint en pourpos et en volenté
au roy Edouwart d’Engleterre que il feroit refaire
et reedefiier le grant chastiel de Windesore, que
li rois Artus fist jadis faire et fonder, là où premierement
5fu commencie et estorée la noble Table Reonde,
dont tant de bons et vaillans chevaliers issirent et
travillièrent en armes et en proèce par le monde; et
feroit li dis rois une ordenance de chevaliers, de lui
et de ses enfans et des plus preus de sa terre; et seroient
10en somme jusques à quarante, et les nommeroit
on les chevaliers dou Bleu Gartier, et la feste à
tenir et à durer d’an en an et à solennisier ou chastiel
de Windesore, le jour Saint George. Et pour
ceste feste commencier, li rois d’Engleterre assambla
15de tout son pays contes, barons et chevaliers; et leur
dist sen intention et le grant desir qu’il avoit de la
feste entreprendre. Se li accordèrent liement, pour
tant que ce leur sambloit une cose honnourable, et
où toute amour se nouriroit. Adonc furent esleu quarante
20chevalier, par avis et par renommée les plus
preus de tous les aultres. Et seelèrent et se oblegièrent,
sus foy et par sierement, avoech le roy à tenir et à
poursievir la feste et les ordenances, tèles que elles
estoient acordées et devisées. Et fist li rois fonder et
25edefiier une capelle de Saint Jorge ou dit chastiel de
Windesore. Et y establi et mist canonnes pour Dieu
servir, et les arrenta et aprouvenda bien et largement.
Et pour ce que la feste fust sceue et cogneue en
toutes marces, li rois d’Engleterre l’envoia publiier
30et denoncier par ses hiraus en France, en Escoce, en
Bourgongne, en Haynau, en Flandres et en Braibant,
et ossi en l’empire d’Alemagne. Et donnoit à tous
[38] chevaliers et escuiers qui venir y voloient, quinze
jours de saufconduit après le feste. Et devoient estre
à ceste feste unes joustes de quarante chevaliers de
par dedens, attendans tous aultres, et de quarante
5[ossi[278]] escuiers. Et devoit seoir ceste feste le jour Saint
Gorge proçain venant, que on compteroit l’an de
grasce mil trois cens quarante quatre, ens ou chastiel
de Windesore. Et devoit estre la royne d’Engleterre
acompagnie de trois cens dames et damoiselles, toutes
10nobles et gentilz dames, et parées d’uns paremens
[semblables[279]].
§ 204. Entrues que li rois d’Engleterre faisoit son
grant appareil pour rechevoir les signeurs, dames et
damoiselles qui à sa feste venroient, li vinrent les
15certainnes nouvelles de la mort le signeur de Cliçon
et des aultres chevaliers dessus nommés, encoupés
de fausseté et de trahison. De ces nouvelles fu li rois
d’Engleterre durement courouciés, et li sambla que
li rois de France l’euist fait en son despit. Et tint
20que parmi ce fait les triewes acordées en Bretagne
estoient enfraintes et brisies. Si eut empensé de faire
le samblant[280] fait dou corps monsigneur Hervi de
Lyon que il tenoit pour son prisonnier. Et fait l’euist
en son irour et tantost, se n’euist esté ses cousins li
25contes Derbi qui l’en reprist durement et li remoustra
devant son conseil tant de belles raisons, pour
son honneur garder et son corage affrener; et li
[39] disoit: «Monsigneur, se li rois Phelippes a fait se
hastieveté et se felonnie de mettre à mort si vaillans
chevaliers que cil estoient, n’en voelliés mies pour
ce blecier vostre corage, car, au voir considerer,
5vostre prisonnier n’a que faire de comparer cel oultrage.
Mais voelliés le mettre à raençon raisonnable,
ensi que vous vorriés que on fesist l’un des vostres.»
Li rois d’Engleterre senti et conçut que ses cousins
li disoit verité; si se apaisa et rafrena son mautalent,
10et fist le chevalier de Bretagne venir par devant lui.
Quant li rois le vei devant lui, se li dist: «Ha!
messire Hervi, messire Hervi, mon adversaire Phelippe
de Valois a moustré sa felonnie trop crueusement,
quant il a fait morir villainnement telz chevaliers
15que [le] signeur de Cliçon, le signeur d’Avagor
le signeur de Malatrait et son fil messire Henri de
Malatrait, messire Thiebaut de Montmorillon, le signeur
de Roce Tison et pluiseurs aultres, dont il me
desplaist grandement. Et samble à aucuns de nostre
20partie que il l’ait fait en mon despit. Et se je voloie
regarder à se felonnie, je feroie orendroit de vous le
samblable cas. Car vous m’avés fais plus de contraires
en Bretagne et à mes gens que nulz aultres.
Mès je me soufferrai, et li lairai faire ses volentés, et
25garderai men honneur à mon pooir. Et vous lairai
venir à raençon legière et gracieuse, selonch vostre
estat, pour l’amour de mon cousin le conte Derbi,
qui chi est, qui en a priiet; mais que vous voelliés
faire ce que je dirai.»
30Li chevaliers eut grant joie, quant il entendi qu’il
n’aroit garde de mort; si respondi, en lui moult humeliant:
«Chiers sires, je ferai à mon pooir loyaument
[40] tout ce que vous me commanderés.» Lors dist
li rois à messire Hervi: «Je sçai bien que vous estes
uns des riches chevaliers de Bretagne, et que, se je
vous voloie presser, vous paieriés bien trente mille
5ou quarante mille escus. Je vous dirai que vous
ferés. Vous irés devers mon adversaire Phelippe de
Valois, et li dirés de par moy que, pour tant qu’il a
mis à mort villainne si vaillans chevaliers et si gentilz
que cil estoient de Bretagne et de Normendie,
10en mon despit, je di et voel porter oultre qu’il a enfraint
et brisiet les triewes que nous avions ensamble.
Si y renonce de mon costé, et le deffie de ce jour en
avant. Et parmi tant que vous ferés ce message, je vous
laisserai passer sur dix mil escus que vous paierés [ou
15envoyerés[281]] à Bruges dedens cinq mois apriès ce que
vous arés [re]passé le mer. Et encores dirés vous à
tous chevaliers et escuiers de par delà que pour ce il
ne laissent mies à venir à nostre feste, car nous les y
verons moult volentiers; et aront sauf alant et sauf
20venant et quinze jours après le feste.»—«Monsigneur,
ce dist lors messires Hervis, je furnirai vostre
message à mon pooir. Et Di[e]x vous voelle merir le
courtoisie que vous me faites, et à monsigneur le
conte Derbi ossi!»
25Depuis ceste ordenance, ne demora gaires en
Engleterre li dis messires Hervis de Lyon, mès eut
congiet, et se parti dou roy et des barons, et vint à
Hantonne. Là entra il en un vaissiel en mer, et avoit
intention d’ariver à Harflues; mais uns tourmens le
30prist et cueilla sus mer, qui leur dura dix jours et
[41] plus. Et furent perdu tout leur cheval et jetté en le
mer, et li dis messires Hervis si tourmentés que
onques depuis il n’eut santé. Toutes fois à grant
meschief, au quinzime jour, li maronnier prisent terre
5au Crotoi. Si vinrent tout à piet li dis messires Hervis
et ses gens jusques à Abbeville. Là se montèrent
il, mès li dis messires Hervis estoit si travilliés qu’il
ne pooit souffrir le chevaucier; et se mist en littière,
et vint à Paris devers le roy Phelippe, et fist son
10message bien et à point. Depuis, si com jou ay oy
recorder, ne vesqui il point longuement, mès morut,
en ralant en son pays, en le cité d’Angiers.
§ 205. Et approça li jours Saint Jorge que ceste
grant feste se devoit tenir ou chastiel de Windesore,
15et y fist li rois grant appareil. Et y furent dou royaume
d’Engleterre conte, baron et chevalier, dames et
damoiselles. Et fu la feste moult grande et moult
noble, bien festée et bien joustée, et dura par le
terme de quinze jours. Et y vinrent pluiseur chevalier
20de deça le mer, de Flandres, de Haynau et de
Braibant, mès de France n’en y eut nulz.
La feste durant et seant, pluiseur nouvelles vinrent
au roy de pluiseurs pays. Et par especial il y vinrent
chevalier de Gascongne, li sires de Lespare, li sires
25de Chaumont et li sires de Muchident, envoiiés de
par les aultres barons et chevaliers qui pour le temps
de lors se tenoient englès, telz que le signeur de Labreth,
le signeur de Pumiers [le seigneur de Monferant[282]],
le signeur de Landuras, le signeur de Courton,
[42] le signeur de Longerem, le signeur de Graili et pluiseur
aultres, tout en l’obeissance le roy d’Engleterre,
et ossi de par le cité de Bourdiaus et ceste de Bayone.
Si furent li dessus dit messagier moult bien venu, bien
5recuelliet et conjoy dou roy d’Engleterre et de son
conseil. Si remoustrèrent li dessus dit au roy comment
petitement et foiblement ses bons pays de Gascongne
et si bon ami et sa bonne cité de Bourdiaus estoient
conforté et secouru. Se li prioient li dessus dit
10qu’il y volsist envoiier un tel chapitainne et tant de
bonnes gens d’armes avoech lui, qu’il fuissent fort
assés et poissant de resister à l’encontre des François
qui y tenoient les camps, avoecques ceulz qu’il trouveroient
ens ou pays. Li rois respondi moult liement
15et leur dist que ossi feroit il.
Assés tost apriès, ordonna li dis rois son cousin
le conte Derbi, et le fist chapitainne et souverain de
tous ceulz qui iroient avoecques li en ce voiage, et
nomma les chevaliers qui il voloit qu’il fuissent desous
20lui et de se carge. Premierement il y mist le
conte de Pennebruch, le conte de Kenfort, le baron
de Stanfort, monsigneur Gautier de Mauni, monsigneur
Franke de Halle, monsigneur Jehan de Lille,
monsigneur Jehan de Grea, monsigneur Jehan de la
25Souce, monsigneur Thumas Kok, le signeur de Ferrières,
les deux frères de Lindehalle, le Lièvre de
Braibant, monsigneur Aymon dou Fort, messire
Hues de Hastinges, messire Estievenes de Tonrby, le
signeur de Manne, monsigneur Richart de Hebedon,
30monsigneur Normant de Finefroide, monsigneur Robert
d’Eltem, monsigneur Jehan de Norvich, monsigneur
Richart de Rocleve, monsigneur Robert de
[43] Quantonne et pluiseurs aultres. Et furent bien trois
cens chevaliers et escuiers et six cens hommes d’armes
et deux mille arciers. Et dist li rois d’Engleterre
à son cousin le conte Derbi qu’il presist assés or et
5argent, et le donnast et departesist largement as chevaliers
et escuiers, par quoi il euist le grasce et l’amour
d’yaus, car on l’en deliveroit assés.
Encores ordonna li rois, celle feste durant, monsigneur
Thumas d’Augourne, pour aler en Bretagne
10devers le contesse de Montfort, pour lui aidier à
garder son pays, comment que les triewes y fuissent,
car il se doubtoit que li rois Phelippes ne fesist
guerre, sus les parolles qu’il li avoit remandées par
monsigneur Hervi de Lyon. Pour tant y envoia il le
15dit monsigneur Thumas, à cent hommes d’armes et
deux cens arciers.
Encores ordonna il monsigneur Guillaume de
Montagut, conte de Sallebrin, à aler en le conté de
Dulnestre, car li Irois estoient durement revelé
20contre lui, et avoient ars en Cornuaille bien avant et
courut jusques à Bristo, et avoient assegiet le ville de
Dulnestre. Pour tant y envoia li rois le conte de
Salebrin, à trois cens hommes d’armes et six cens
arciers.
25 § 206. Ensi que vous poés oïr, departi li rois
d’Engleterre ses gens, [ceulx[283]] qui iroient en Gascongne,
[ceulx[284]] qui iroient en Bretagne, et chiaus
qui iroient en Irlande. Et fist delivrer par ses tresoriers
[44] as chapitainnes assés or et argent, pour tenir
leur estat et paiier les compagnons de leurs gages.
Cil se partirent, ensi que ordonné fu.
Or parlerons premierement dou conte Derbi, car
5il eut le plus grant carge, et ossi les plus belles aventures
d’armes. Quant toutes ses besongnes furent
pourveues et ordonnées, et ses gens [venus[285]] et si
vaissiel freté et appareilliet, il prist congiet dou roy
et s’en vint à Hantonne o[ù] toute se navie estoit, et
10là monta en mer avoecques le carge dessus ditte. Et
singlèrent tant au vent et as estoilles qu’il arrivèrent
ou havene de Bayone, une bonne cité et forte, seant
[sus] le mer, qui toutdis s’est tenue englesce. Là prisent
il terre et descargièrent toutes leurs pourveances, le
15cinquime jour de jun, l’an mil trois cens quarante
quatre. Et furent liement receu et recueilliet des bourgois
de Bayone. Si y sejournèrent et rafreschirent yaus
et leurs chevaux sept jours. Au huitime jour, li contes
Derbi et toutes ses gens s’en partirent, et chevaucièrent
20viers Bourdiaus; si fisent tant qu’il y parvinrent.
Et alèrent cil de Bourdiaus contre le dit conte à
grant pourcession, tant amoient il sa venue. Et fu
adonc li contes herbegiés en l’abbeye de Saint Andrieu.
Et toutes ses gens se logièrent en le cité, car
25il y a bien ville pour herbergier et recueillier otant
de gens ou plus.
Les nouvelles vinrent au conte de [Lille[286]], qui se
tenoit en Bregerach à quatre liewes d’illuech, que li
contes Derbi estoit venus à Bourdiaus, et avoit moult
[45] grant fuison de gens d’armes et d’arciers, et estoit
fors assés pour tenir les camps et de assegier chastiaus
et bonnes villes. Si tretost que li contes de [Lille] oy
ces nouvelles, il manda le conte de Commignes,
5le conte de Piregorch, le [visconte[287]] de Carmaing,
les visconte de Villemur, le conte de Valentinois, le
conte de Murendon, le signeur de Duras, le signeur
de Taride, le signeur de la Barde, le signeur de Pincornet,
le visconte de Chastielbon, le signeur de Chastielnuef,
10le signeur de [Lescun[288]] et l’abbet de Saint
Silvier, et tous les signeurs qui se tenoient en l’obeissance
dou roy de France. Quant il furent tout venu,
il leur remoustra la venue dou conte Derbi et sa poissance,
par oïr dire. Si en demanda à avoir conseil. Et
15cil [seigneur[289]] respondirent franchement qu’il estoient
fort assés pour garder le passage de le rivière de Garone
à Bregerach contre les Englès. Ceste response
plaisi grandement au conte de [Lille], qui pour le
temps d’adonc estoit en Gascongne comme rois. Si
20se renforcièrent li dessus dit [seigneur[290]] de Gascongne,
et mandèrent hasteement gens de tous lés,
et se boutèrent ens ès fourbours de Bregerach, qui
sont grant et fors assés et enclos de le rivière de Garone;
et attraisent ens ès dis fourbours le plus grant
25partie de leurs pourveances.
§ 207. Quant li contes Derbi eut séjourné en le
[46] cité de Bourdiaus environ quinze jours, il entendi
que cil baron et chevalier de Gascongne se tenoient
en Bregerach; si dist qu’il se trairoit de celle part.
Si ordonna ses besongnes au partir le matin, et fist
5mareschaus de son host monsigneur Gautier de
Mauni et messire Franke de Halle. Si chevaucièrent
li Englès celle matinée tant seulement trois liewes à
un chastiel qui se tenoit pour yaus, que on claime
Montkuk, seans à une petite liewe de Bregerach. Là
10se tinrent li Englès tout le jour et la nuit ossi. A l’endemain,
leur coureur alèrent courir jusques ès bailles
de Bregerach. Et raportèrent chil coureur à leur retour
à monsigneur Gautier de Mauni, qu’il avoient
veu et considéré une partie dou couvenant des François;
15mais il leur sambloit assés simples.
Ce propre jour, disnèrent li Englès assés matin.
Dont il avint que, à table seant, messires Gautiers
de Mauni regarda dessus le conte Derbi, et jà avoit
oyes les parolles que li coureur de leur costé avoient
20raportées; si dist: «Monsigneur, se nous estions
droites gens d’armes et bien apert, nous buverions
à ce souper des vins ces signeurs de France qui se
tiènent en garnison en Bregerach.» Si respondi li
contes Derbi tant seulement: «Jà pour moy ne demorra.»
25Li compagnon, qui oïrent le conte et le signeur
de Mauni ensi parler, misent leurs testes ensamble,
et disent li un à l’autre: «Alons nous armer:
nous chevaucerons tantost devant Bregerach.» Il n’i
eut plus fait ne plus dit. Tout furent armet et li cheval
30ensellet et tout montet. Et quant li contes Derbi
vei ses gens de si bonne volenté, si en fu tous joians
et dist: «Or chevauçons, ou nom de Dieu et de
[47] saint Gorge, devers nos ennemis!» Donc s’arroutèrent
toutes manières de gens, et chevaucièrent, banières
desploiies, en le plus grant caleur dou jour. Et
fisent tant qu’il vinrent devant les bailles de Bregerach,
5qui n’estoient mies legières à prendre, car une
partie de le rivière de Garonne les environne.
§ 208. Ces gens d’armes et cil dit signeur de
France, qui estoient dedens le ville de Bregerach,
entendirent que li Englès les venoient assallir. Si en
10eurent grant joie, et disent entre yaus qu’il seroient
recueilliet, et se misent au dehors de leur ville assés
en bonne ordenance. Là avoit grant fuison de bidaus
et de gens dou pays moult mal armés. Li Englès,
qui venoient tout serré et tout rengiet, approcièrent
15tant que cil de le ville les veirent, et que leur
arcier commencièrent à traire fortement et despertement.
Lors que ces gens de piet sentirent ces
saiettes, et veirent ces banières et ces pennons, qu’il
n’avoient point acoustumé à veoir, si furent tout
20effraé, et commencièrent à reculer parmi les gens
d’armes; et arcier à traire sus yaus à grant randon,
et à mettre en grant meschief. Lors approcièrent li
signeur d’Engleterre, les glaves abaissies, et montés
sus bons coursiers fors et appers, et se ferirent en ces
25bidaus par grant manière: si les abatoient d’un costé
et d’autre, et occioient à volenté. Les gens d’armes,
de leur costé, ne pooient aler avant pour yaus, car
les gens de piet reculoient sans nul arroi, et leur brisoient
le chemin. Là eut grant touel et dur hustin
30et tamaint homme à terre, car li arcier d’Engleterre
estoient sus costé à deux lés dou chemin, et traioient
[48] si ouniement que nulz n’osoit issir. Ensi furent rebouté
dedens leurs fourbours chil de Bregerach, mès
ce fu à tel meschief pour yaus que li premiers pons
et les bailles furent gaegnies de force, et entrèrent
5li Englès dedens avoech yaus. Et là sus le pavement
y eut maint chevalier et escuier mort et bleciet et
fianciet prison, de ceulz qui se mettoient au devant
pour deffendre le passage, et qui s’en voloient acquitter
loyaument à leur pooir. Et là fu occis li sires de
10Mirepois, desous le banière monsigneur Gautier de
Mauni, qui toute première entra ens ès fourbours.
Quant li contes de [Lille], li contes de Commignes,
li contes de Quarmaing et li baron de Gascongne
qui là estoient veirent le meschief, et comment li
15Englès de force estoient entré ens ès fourbours, et
occioient et abatoient gens sans merchi, si se traisent
bellement devers le ville, et passèrent le pont, à quel
meschief que ce fust. Là y eut devant le pont faite
une très bonne escarmuce et qui longement dura.
20Et y furent, de le partie des Gascons, li contes de
[Lille], li contes de Commigne, li [viscontes[291]] de Quarmaing,
li contes de Pieregorth, li sires de Duras, li
viscontes de Villemur, li sires de Taride, très bon
chevalier; et dou lés des Englès, li contes Derbi, li
25contes de Pennebruch, messires Gautiers de Mauni,
messires Franke de Halle, messires Hue de Hastinges,
li sires de Ferrières, messires Richars de Stanfort.
Et se combatoient cil chevalier main à main, par
grant vaillance. Et là eut fait mainte belle apertise
30d’armes, mainte prise et mainte rescousse. Là ne se
[49] pooit chevalerie et bacelerie celer. Et par especial li
sires de Mauni s’avançoit moult souvent si avant
entre ses ennemis que à grant painne l’en pooit on
5ravoir. Là furent pris, dou lés des François, li viscontes
de Boskentin, li sires de Chastielnuef, li viscontes
de Chastielbon et li sires de [Lescun]. Et se retraisent
tout li aultre dedens le fort et fremèrent
leur porte, et avalèrent le restel, et puis montèrent
as garites d’amont, et commencièrent à jetter et à
10lancier et à reculer leurs ennemis. Cilz assaus, cilz
enchaus et ceste escarmuce dura jusques au vespre,
que li Englès se retraisent tout lasset et tout travilliet;
et se boutèrent ens ès fourbours qu’il avoient
gaegniés, où il trouvèrent vins et viandes à grant
15fuison, pour yaus et pour toute leur host vivre largement
deux mois, se il besongnast. Si passèrent
celle nuit en grant reviel et en grant aise, et burent
de ces bons vins assés, qui peu leur coustoient, ce
leur sambloit.
20§ 209. Quant ce vint à l’endemain, li contes
Derbi fist sonner ses trompètes et armer toutes
ses gens et mettre en ordenance, et approcier le ville
pour assallir, et dist qu’il n’estoit mies là venus pour
sejourner. Donc s’arroutèrent banières et pennons
25par devant les fossés, et vinrent jusques au pont. Si
commencièrent à assallir fortement de traire, car
d’aultre assault ne les pooit on approcier. Et dura
cilz assaulz jusques à nonne. Petit y fisent li Englès,
car il avoit adonc dedens Bregerach bonnes gens
30d’armes qui se deffendoient de grant volenté. Adonc
sus l’eure de nonne se retraisent il arrière et
[50] laissièrent l’assaut, car il veirent bien qu’il perdoient
leur painne. Si alèrent li signeur à conseil ensamble,
et consillièrent qu’il envoieroient querre sus le rivière
de Geronde des nefs et des batiaus, et assaurroient
5Bregerach par l’aigue, car elle n’estoit fremée
que de palis; si y envoiièrent tantost. Li maires de
Bourdiaus obei au commandement dou conte Derbi,
ce fu raisons; et envoia tantost par le rivière plus de
quarante, que barges que nefs, qui là gisoient à l’ancre
10ou havene devant Bourdiaus. Et vint l’endemain
au soir ceste navie devant Bregerach. De quoi li Englès
furent tout resjoy; si ordonnèrent leur besongne
celle nuitie pour assallir à l’endemain.
§ 210. Droit à heure de soleil levant, furent li
15Englès, qui ordonné estoient pour assallir par aigue
en leur navie, tout apparillé. Et en estoient chapitainne
li contes de Pennebruch et li contes de Kenfort.
Là avoit avoecques eulz pluiseurs jones chevaliers
et escuiers qui s’i estoient trait de grant volenté,
20pour leurs corps avancier. En celle navie avoit grant
fuison d’arciers. Si approcièrent vistement, et vinrent
jusques à un grant roulleis qui estoit devant les palis,
li quelz fu tantost rompus et jettés par terre.
Li homme de Bregerach et li communaultés de le
25ville regardèrent que nullement il ne pooient durer
contre cel assaut; si se commencièrent à esbahir, et
vinrent au conte de [Lille] et as chevaliers qui là
estoient, et leur disent: «Signeur, regardés que vous
volés faire: nous sommes en aventure de estre tout
30perdu. Se ceste ville est prise, nous perderons le
nostre et nos vies ossi. Si vaurroit mieus que nous
[51] le rendissions au conte Derbi que donc que nous
euissions plus grant damage.» Adonc respondi li
contes de [Lille] et dist: «Alons, alons celle part
où vous dittes que li perilz est, car nous ne le renderons
5pas ensi.» Lors s’en vinrent li chevalier et
li escuier de Gascongne qui là estoient, contre ces
pallis, et se misent tout au deffendre de grant corage.
Li arcier, qui estoient en leurs barges, traioient si
ouniement et si roit que à painnes se pooit nulz apparoir,
10se il ne se voloit mettre en aventure d’estre
mors ou trop malement bleciés. Par dedens le ville,
avoech les Gascons, avoit bien deux cens arbalestriers
geneuois, qui trop grant pourfit leur fisent; car il
estoient bien paveschiet contre le tret des Englès,
15et ensonnièrent tout ce jour grandement les arciers
d’Engleterre. Si en y eut pluiseurs bleciés, d’une part
et d’aultre. Finablement li Englès, qui estoient en
leur navie, s’esploitièrent telement qu’il rompirent
un grant pan dou palis. Quant cil de Bregerach veirent
20le meschief, il se traisent avant et requisent à
avoir respit, tant qu’il fuissent consilliet pour yaus
rendre. Il leur fu acordé le parfait dou jour et le nuit
ensievant jusques à soleil levant, sauf tant qu’il ne
se devoient de riens fortefiier. Ensi se retrest cescuns
25à son logeis.
Celle nuit furent en grant conseil li baron de Gascongne
qui là estoient, à savoir comment il se maintenroient.
Iaus bien consilliet, il fisent ensieller lors
chevaus et cargier de leur avoir, et montèrent et se
30partirent environ mienuit. Et chevaucièrent vers le
ville de le Riolle, qui n’est mies lonch de là. On leur
ouvri les portes; si entrèrent ens et se logièrent et
[52] herbergièrent parmi le ville. Or, vous dirons de
chiaus de Bregerac comment il finèrent.
§ 211. Quant ce vint au matin, li Englès qui estoient
tout conforté d’entrer en le ville de Bregerach,
5fust bellement ou aultrement, entrèrent de recief en
leur navie, et vinrent tout nagant à cel endroit où il
avoient rompu les palis. Si trouvèrent illuech grant
fuison de chiaus de le ville qui estoient tout avisé
d’yaus rendre, et priièrent as chevaliers qui là estoient
10qu’il volsissent priier au conte Derbi qu’il les
volsist prendre à merci, salve leurs corps et leurs
biens, et en avant il se metteroient en l’obeissance
dou roy d’Engleterre. Li contes de Pennebruch et li
contes de Kenfort respondirent qu’il en parleroient
15volentiers; et puis demandèrent il où li contes de
[Lille] et li aultre baron estoient. Il respondirent:
«Certainnement nous ne savons, car il cargièrent et
toursèrent très le mienuit tout le leur et se partirent,
mès point ne nous disent quel part il se trairoient.»
20Sus ces parolles, se partirent li doi conte dessus
nommet, et vinrent au conte Derbi, qui n’estoit mies
loing de là, et li moustrèrent tout ce que les gens de
Bregerach voloient faire. Li dis contes Derbi, qui fu
moult nobles et très gentilz de coer, respondi: «Qui
25merci prie, merci doit avoir. Dittes leur qu’il oevrent
leur ville et nous laissent ens: nous les assegurons
de nous et des nostres.» Adonc retournèrent li doi
signeur dessus dit, et recordèrent à chiaus de Bregerach
tout ce que vous avés oy: dont il furent moult
30joiant, quant il veirent qu’il pooient venir à pais. Si
vinrent ou le place et sonnèrent les sains, et se
[53] assamblèrent tout, hommes et femmes, et fisent ouvrir
leurs portes, et vinrent à grant pourcession et moult
humlement contre le conte Derbi et ses gens, et le
menèrent à le grant eglise. Et là li jurèrent il feaulté
5et hommage et le recogneurent à signeur, ou nom
dou roy d’Engleterre, par le vertu de le procuration
qu’il en portoit. Ensi eut en ce temps li contes Derbi
le bonne ville de Bregerach, qui se tint toutdis depuis
englesce. Or, parlerons nous des signeurs de Gascongne
10qui estoient retrait en le ville et ou chastiel
de le Riolle, et vous conterons comment il se
maintinrent.
§ 212. Celle propre nuitie et le journée ensievant
que li contes de [Lille] et li baron et chevalier, qui
15avoecques lui estoient, furent venu en le Riolle, il
regardèrent et avisèrent li un par l’autre qu’il se departiroient
et se trairoient ens ès garnisons, et guerrieroient
par forterèces, et metteroient sus les camps
entre quatre cens ou cinq cens combatans dont il
20feroient frontière: si en seroient chief et meneur li
contes de Comignes et li viscontes de Quarmaing.
Adonc se departirent il. Si se traist li contes de
Pieregorth en [Perigueux[292]], li seneschaus de Thoulouse
à Montalben, li viscontes de Villemur à Auberoce,
25messires Bertrans des Prés à Pellagrue, messires Phelippes
de Dyon à Montagrée, li sires de Montbrandon
à Maudurant, Ernaus de Dyon à [Lamongis[293]],
Bobers de Malemort à Byaumont en [Lillois], messires
[54] Charles de Poitiers à Pennes en Aginois, et ensi
les chevaliers de garnison en garnison. Si se departirent
tout li un de l’autre, et li contes de [Lille] demora
en la Riolle. Et fist remparer et rabillier le
5ville et le forterèce, telement que elle n’avoit garde
d’assaut que on y fesist sus un mois ne deux. Or,
retourrons nous au conte Derbi qui estoit en
Bregerach.
§ 213. Quant li contes Derbi eut pris le possession
10et le saisine de le ville de Bregerach, et il s’i fu
rafrescis par deux jours, il demanda au senescal de
Bourdiaus quel part il se [trairoit[294]], car mies ne voloit
sejourner. Li seneschaus respondi que ce seroit
bon d’aler devers Pieregort et en le haute Gascongne.
15Dont fist li dis contes Derbi ordonner toutes
ses besongnes et traire au chemin par devers [Perigueux[295]],
et laissa en Bregerach un chevalier à chapitainne,
qui s’appelloit messires Jehans de la Souce.
Ensi que li Englès chevauçoient, il trouvèrent en
20leur chemin un chastiel qui s’appelle Lango, dont li
vigiers de Thoulouse estoit chapitaine, une moult
aperte armeure de fier. Il s’arrestèrent là, et disent
qu’il ne lairoient pas che chastiel derrière. Si le commença
li bataille des mareschaus à assallir, et y furent
25un jour tout entier. Et là eut mervilleusement dur
et fort assaut, car li Englès assalloient de grant volenté,
et cil dou fort se deffendoient moult vassaument.
Nequedent, ce premier jour il n’i fisent riens.
[55] A l’endemain, priès que toute li hos fu devant. Et
recommencièrent à assallir telement et par si forte
manière, avoech ce que on avoit jetté ens ès fossés
grant fuison de bois et de velourdes par quoi on
5pooit bien aler jusques as murs sans dangier, que cil
de dedens se commencièrent à esbahir. Adonc leur
fu demandé de messire Franke de Halle, se il se renderoient,
et que il y poroient bien tant mettre qu’il
n’i venroient point à temps. Il requisent à avoir conseil
10de respondre. Ce leur fu acordé. Il se consillièrent;
et me samble qu’il se partirent de le forterèce
et riens n’enportèrent, et s’en alèrent devers Montsach
qui se tenoit françoise. Ensi eurent li Englès le
chastiel de Lango. Si y establi li contes Derbi un escuier
15à chapitainne, qui s’appelloit Aymon Lyon, et
laissa laiens avoecques lui jusques à trente arciers.
Si se partirent de Lango, et cheminèrent devers une
ville qui s’appelle le Lach.
§ 214. Quant cil de le ville dou Lach sentirent
20les Englès venir si efforciement, et qu’il avoient pris
Bregerach et le chastiel de Lango, si en furent si
effraet qu’il n’eurent mies conseil d’yaus tenir. Et
s’en vinrent au devant dou conte Derbi, et li aportèrent
les clefs de le ville, et le recogneurent à
25signeur, ou nom dou roy d’Engleterre. Li contes
Derbi prist le feaulté d’yaus, et puis passa oultre, et
s’en vint à Maudurant, et le gaegna d’assaut sus
chiaus dou pays. Et y fu pris uns chevaliers dou pays,
qui [s’appelloit[296]] li sires de Montbrandon. Si laissa li
[56] dis contes Derbi gens d’armes dedens le forterèce; et
puis passèrent oultre, et vinrent devant le chastiel de
[Lamongis[297]]. Si l’assallirent, et le prisent d’assaut tantost,
et le chevalier qui estoit dedens, et l’envoiièrent
5tenir prison à Bourdiaus. Puis chevaucièrent devers
Pinac et le conquisent, et en apriès le ville et le
chastiel de Laliene, et s’i rafreschirent par trois jours.
Au quatrime, il s’en partirent et vinrent à Forsach,
et le gaegnièrent assés legierement, et en apriès le
10tour de Prudaire. Et puis chevaucièrent devers une
bonne ville et grosse, que on appelle Byaumont en
[Lillois], qui se tenoit liegement dou conte de [Lille].
Si furent li Englès trois jours par devant, et y fisent
tamaint grant assaut, car elle estoit bien pourveue
15de gens d’armes et d’artillerie, qui le deffendirent
tant qu’il peurent durer. Finablement elle fu prise,
et y eut grant occision de chiaus qui dedens furent
trouvet. Et le rafreschi li contes Derbi de nouvelles
gens d’armes, et puis chevauça oultre, et vint devant
20Montagrée. Si le prist ossi d’assaut et le chevalier
qui estoit dedens, et l’envoia tenir prison à
Bourdiaus.
Et ne cessèrent li Englès de chevaucier; si vinrent
devant [Lille], la souverainne ville dou conte, dont
25messires Phelippes de Dyon et messires Ernaulz de
Dyon estoient chapitainne. Quant li contes Derbi et
ses gens furent venu par devant, si l’avironnèrent et
regardèrent que elle estoit bien prendable. Si fisent
traire leurs archiers avant, et approcier jusques as
30barrières. Cil commencièrent à traire si fortement
[57] que nulz de chiaus de le ville n’osoient apparoir
pour deffendre. Et conquisent li Englès ce premier
jour les bailles et tout jusques à le porte, et sus le
soir il se retraisent. Quant ce vint au matin, de rechief
5il commencièrent à assallir fortement et despertement
en pluiseurs lieus, et ensonniièrent si
chiaus de le ville qu’il ne savoient au quel entendre.
Li bourgois de le ville, qui doubtèrent le leur à
perdre, leurs biens, leurs femmes et leurs enfans,
10regardèrent que à le longe il ne se poroient tenir. Si
priièrent as deux chevaliers qui là estoient, qu’il
trettiassent à ces signeurs d’Engleterre, par quoi il
demorassent à pais et que li leurs fust sauvés. Li
chevalier, qui assés bien veoient le peril où il estoient,
15s’i acordèrent assés legierement. Et envoiièrent un
hiraut de par yaus au conte Derbi, pour avoir respit
un jour tant seulement et parlement de composition.
Li hiraus vint devers le dit conte qu’il trouva sus les
camps assés priès de le ville, et li remoustra ce pour
20quoi il estoit là envoiiés. Li contes s’i acorda et fist
retraire ses gens, et s’en vint jusques as barrières
parlementer à chiaus de le ville, dalés lui le baron de
Stanfort et le signeur de Mauni. Là furent il en grant
parlement ensamble, car li contes Derbi voloit qu’il
25se rendesissent simplement, et il ne l’euissent jamais
fait. Toutes fois, accors se porta que cil de [Lille] se
metteroient en l’obeissance dou roy d’Engleterre. Et
de ce envoieroient il douze de leurs plus honnourables
hommes en le bonne cité de Bourdiaus, en nom
30de crant. Et sur ce li chevalier et li escuier françois,
qui là estoient, se pooient partir et traire quel part
qu’il voloient. Ensi eut li contes Derbi en ce temps
[58] le ville de [Lille] en Gascongne; et se partirent sus
son saufconduit les gens d’armes qui dedens estoient,
et s’en alèrent devers le Riolle.
§ 215. Apriès le conquès de [Lille], et que li contes
5Derbi y eut laissiés gens d’armes et arciers de par
lui, et envoiiés douze bourgois de la ville en ostagerie,
pour plus grant seurté, en le cité de Bourdiaus, il
chevauca oultre et vint devant Bonival. Là eut grant
assaut et dur, et pluiseurs hommes bleciés dedens et
10dehors. Finablement, li Englès le prisent et le misent
à merci, et le rafreschirent de gens d’armes et de
chapitainne. Et puis chevaucièrent oultre, et entrèrent
en le conté de Pieregorth, et passèrent devant
Bourdille, mais point n’i assallirent, car il veirent
15bien qu’il euissent perdu leur painne. Si esploitièrent
tant qu’il vinrent jusques à [Perigueux[298]]. Par dedens
estoient li contes de Pieregorth et messires Rogiers
de Pieregorth ses oncles, et li sires de Duras et bien
six vingt chevaliers et escuiers dou pays, qui tout
20s’estoient là recueilliet sus le fiance dou fort liu, et
ossi li uns pour l’autre. Quant li contes Derbi et se
route parfurent venu devant, il avisèrent et imaginèrent
moult bien comment, ne par quel voie à leur
avantage il le poroient assallir. Si le veirent forte
25durement: si ques, tout, consideret, il n’eurent mies
conseil d’emploiier y leurs gens, mais se retraisent
arrière sans riens faire. Et s’en vinrent logier à deux
liewes de là, sus une petite rivière, pour venir devant
le chastiel de Pellagrue.
[59] Ces gens d’armes, qui estoient dedens le chastiel
de Perigueux, parlèrent ce soir ensamble, et disent
ensi: «Cil Englès nous sont venu veoir et aviser de
priès, et puis se sont parti sans riens faire. Ce seroit
5bon que à nuit nous les alissions resvillier, car il ne
sont pas logiet trop loing de ci.» Tout s’acordèrent
à ceste oppinion, et issirent de Perigueux environ
mienuit bien deux cens lances, montés sus fleur de
chevaus; et chevaucièrent radement, et furent devant
10le jour ou logeis des Englès. Si se ferirent dedens
baudement; si en occirent et mehagnièrent grant
fuison. Et entrèrent ou logeis le conte de Kenforth,
et le trouvèrent qu’il s’armoit. Si fu assallis vistement
et pris par force; aultrement il euist estet mors, et
15ne sçai trois ou quatre chevaliers de son hostel. Puis
se retraisent li Gascon sagement, ançois que li hos
fust trop estourmis, et prisent le chemin de [Perigueux].
Si leur fu bien besoins qu’il trouvassent les
portes ouvertes et apparillies, car il furent sievoit
20caudement et rebouté durement dedens leurs barrières.
Mais si tretost que li Gascon furent en leur
garde, il descendirent de leurs chevaus et prisent
leurs glaves, et s’en vinrent franchement combatre
main à main as Englès; et tinrent leur pas souffisamment,
25et fisent tant qu’il n’i eurent point de damage.
Adonc se retraisent li Englès tout merancolieus de
ce que li contes de Kenfort estoit pris, et vinrent à
leur logeis; si se deslogièrent bien matin, et cheminèrent
devers Pellagrue.
30§ 216. Tant chevaucièrent li Englès qu’il vinrent
devant le chastiel de Pellagrue. Si l’environnèrent
[60] de tous lés et le commencièrent à assallir fortement,
et cil de dedens à yaus deffendre comme gens de
grant volenté, car il avoient un bon chevalier à chapitainne
que on appelloit monsigneur Bertran des
5Prés. Et furent li Englès six jours devant Pellagrue,
et y fisent tamaint assaut. Là en dedens furent tretties
les delivrances dou conte de Renfort et de ses
compagnons, en escange dou visconte de Boskentin,
dou visconte de Chastielbon, dou signeur de [Lescun[299]]
10et dou signeur de Chastielnuef, parmi tant encores
que la terre dou conte de Pieregorth demorroit trois
ans en pais. Mais bien se pooient armer li chevalier
et li escuier de celle terre, sans fourfait; mès on ne
pooit prendre, ardoir ne exillier, piller ne rober
15nulle cose, le terme durant, en la ditte conté. Ensi
revinrent li contes de Kenfort et tout li prisonnier
englès qui avoient estet pris de chiaus de Pieregorth.
Et ossi li chevalier de Gascongne furent delivret
parmi le composition dessus ditte.
20Et se partirent li Englès de devant Pellagrue, car
la terre est tenue dou conte de Pieregort, et chevaucièrent
devers Auberoce, qui est uns biaus chastiaus
et fors de l’archevesquié de Thoulouse. Si trestost
que li Englès furent venu devant Auberoce, il s’i logièrent
25ossi faiticement que donc qu’il y vosissent
demorer et sejourner une saison. Et envoiièrent segnefiier
et dire à ceulz qui dedens estoient, qu’il se
rendesissent et mesissent en l’obeissance dou roy
d’Engleterre; ou aultrement, s’il estoient pris par
[61] force, il seroient tout mort sans merci. Cil de le ville
et dou chastiel d’Auberoce doubtèrent leurs biens et
leurs corps à perdre, et veirent qu’il ne leur apparoit
nul confort de nul costé. Si se rendirent, salve leurs
5corps et leurs biens, et se misent en l’obeissance
dou conte Derbi, et le recogneurent à signeur, ou nom
dou roy d’Engleterre, par le vertu d’une procuration
qu’il en avoit. Adonc s’avisa li contes Derbi qu’il se
retrairoit tout bellement devers le cité de Bourdiaus.
10Si laissa dedens Auberoce en garnison monsigneur
Franke de Halle, monsigneur Alain de Finefroide et
monsigneur Jehan de Lindehalle.
Puis s’en vint li contes à Liebrone, une bonne
ville et grosse, en son chemin de Bourdiaus, à douze
15liewes d’illuech; et l’assega, et dist bien à tous chiaus
qui oïr le vorrent, qu’il ne s’en partiroit si l’aroit.
Quant cil de Liebrone veirent assegie leur ville, et le
grant effort que li contes Derbi menoit, et comment
tous li pays se rendoit à lui, si alèrent li homme de
20le ville ensamble en conseil à savoir comment il se
maintenroient. Tout consideret [et yaulx consilliet[300]],
et peset le bien contre le mal, il se rendirent et ouvrirent
leurs portes, ne point ne se fisent assallir ne
heriier. Et jurèrent feaulté et hommage au conte
25Derbi, ou nom dou roy d’Engleterre, et à demorer
bons Englès de ce jour en avant. Ensi entra li contes
Derbi dedens Liebrone, et y fu quatre jours, et là
ordonna il de ses gens quel cose il feroient. Si ordonna
tout premierement le conte de Pennebruch
30et se route à aler à Bregerach, et messire Richart de
[62] Stanfort et messire Estievene de Tonrbi et messire
Alixandre Ansiel et leurs gens à demorer en le ville
de Liebrone. Chil li acordèrent volentiers. Dont se
partirent li contes Derbi, li contes de Kenfort, messires
5Gautiers de Mauni et li aultre, et chevaucièrent
devers Bourdiaus, et tant fisent qu’il y parvinrent.
§ 217. Au retour que li contes Derbi fist en le
cité de Bourdiaus, fu il liement recueillés et recheus
de toutes gens. Et vuidièrent li clergiés et li bourgois
10de le ville à grant pourcession contre lui, et li
fisent tout honneur et reverense à leur pooir. Et li
abandonnèrent vivres et pourveances et toutes aultres
coses, à prendre ent à sen aise et volenté. Li
contes les remercia grandement de leur courtoisie
15et de ce qu’il li offroient. Ensi se tint li contes Derbi
en le cité de Bourdiaus avoecques ses gens; si s’esbatoit
et jewoit entre les bourgois et les dames de
le ville.
Or lairons nous un petit à parler de lui, et parlerons
20dou conte de [Lille], qui se tenoit en le Riolle,
et savoit bien tout le couvenant des Englès et le conquès
que li contes Derbi avoit fait, et point n’i avoit
peut pourveir de remède. Si entendi li dis contes de
[Lille] que li contes Derbi estoit retrais au sejour en
25Bourdiaus et avoit espars ses gens et romput se chevaucie,
et n’estoit mies apparant que de le saison il
en fesist plus. Si s’avisa li dis contes qu’il feroit une
semonse et un mandement especial de gens d’armes,
et iroit mettre le siège devant Auberoce. Ensi qu’il
30l’avisa, il le fist. Si escrisi devers le conte de Pieregort,
celi de Quarmaing, celi de Commignes, celi de
[63] Brunikiel, celi de Villemur et devers tous les barons
de Gascongne, qui François se tenoient, qu’il fuissent
sus un jour qu’il leur assigna, devant Auberoce, car
il y voloit aler et mettre le siège. Li dessus dit conte,
5visconte et baron de Gascongne obeirent à lui, car
il estoit comme rois ens ès marces de Gascongne.
Et assamblèrent leurs gens et leurs hommes, et furent
tout appareilliet au jour qui assignés y fu. Et vinrent
devant Auberoce telement que li chevalier dessus
10nommé, qui le gardoient, ne s’en donnèrent de garde;
si se veirent assegiet de tous costés. Ensi que gens
de bon couvenant et de grant arroy, il ne furent de
riens esbahi, mès entendirent à leurs gardes et à
leurs deffenses. Li contes de [Lille] et li aultre baron,
15qui là estoient venu moult poissamment, se logièrent
tout à l’environ, telement que nulz ne pooit entre[r],
ne issir en le garnison, qu’il ne fust aperceus. Et envoiièrent
querre quatre grans engiens à Thoulouse,
et les fisent là achariier et puis drecier devant le forterèce.
20Et n’assalloient li François d’autre cose, fors
de ces engiens, qui nuit et jour jettoient pières de fais
ou chastiel. Che les esbahissoit plus c’autre cose, car
dedens six jours il desrompirent le plus grant partie
des combles des tours. Et ne s’osoient li chevalier
25ne cil dou chastiel tenir, fors ens ès cambres votées,
par terre. Et estoit li intentions de chiaus de l’host
qu’il les occiroient là dedens, ou il se renderoient
simplement. Bien estoient venues les nouvelles à
Bourdiaus au conte Derbi et à monsigneur Gautier
30de Mauni, que leur compagnon estoient assegiet dedens
Auberoce; mais point ne savoient qu’il fuissent
si apressé, ne si constraint qu’il estoient.
[64] § 218. Quant messires Franke de Halle et messires
Alain de Finefroide et messires Jehans de Lindehalle
veirent le oppression que li François leur faisoient,
et si ne leur apparoit confors ne ayde de nul
5costé, si se commencièrent à esbahir, et se consillièrent
entre yaus comment il se poroient maintenir.
«Il ne poet estre, disent il, que se li contes Derbi
savoit le dangier où cil François nous tiènent, qu’il
ne nous secourust, à quel meschief que ce fust. Si
10seroit bon que nous li feissiens savoir, mès que nous
peuissions trouver messag[e].» Adonc demandèrent il
entre leurs varlès se il en y avoit nul qui volsist
gaegnier et porter ceste lettre qu’il avoient escript, à
Bourdiaus, et baillier au conte Derbi. Lors s’avança
15uns varlès, et dist qu’il li porteroit bien et volentiers;
et ne le feroit mies tant, pour le convoitise de gaegnier,
que pour yaus delivrer de ce peril. Li chevalier
furent moult liet dou varlet qui s’offroit de faire le
message.
20Quant ce vint au soir par nuit, li varlés prist la
lettre que li chevalier li baillièrent, qui estoit seellée
de leurs trois seaulz; et li encousirent en ses draps,
et puis le fisent avaler ens ès fossés. Quant il fu au
fons, il monta amont et se mist à voie parmi l’ost,
25car aultrement ne pooit il passer. Et fu encontrés
dou premier get, et ala oultre, car il sçavoit bien
parler gascon, et nomma un signeur de l’host, et dist
qu’il estoit à lui. On le laissa passer par tant; et cuida
bien estre escapés, mès non fu, car il fu repris au
30dehors des tentes, d’aultres varlès, qui l’amenèrent
devant le chevalier dou ghet. Là ne peut il trouver
nulle excusance qui riens li vaulsist. Si fu tastés et
[65] exquis, et la lettre trouvée sur lui. Si fu menés en
prison et gardés jusques au matin, que li signeur de
l’host furent tout levet; si furent tantost enfourmé
de le prise dou varlet. Adonc se traisent il tout ensamble
5en le tente dou conte de [Lille]. Là fu la lettre
leute que li chevalier d’Auberoce envoioient au conte
Derbi. Si eurent tout grant joie, quant il sceurent de
vérité que li chevalier d’Auberoce et li compagnon
englès qui dedens se tenoient estoient si astraint et
10qu’il ne se pooient plus tenir: si ques, pour yaus
plus agrever, il prisent le varlet, et li pendirent les
lettres au col, et le misent tout en un mont et en le
fonde d’un engien, et puis le renvoiièrent dedens
Auberoce. Li varlès chei tous mors devant les chevaliers
15qui là estoient, et qui furent esbahi et desconforté
quant il le veirent: «Ha! disent il, nostre
messagier n’a pas fait son message. Or ne savons
nous mès que viser, ne quel conseil avoir qui nous
vaille.»
20A ces cops estoient montés à cheval li contes de
Pieregorth et messires Rogiers de Pieregorth ses oncles,
messires Charles de Poitiers, li viscontes de
Quarmaing et li sires de Duras, et passèrent devant
les murs de le forterèce au plus priès qu’il peurent.
25Si escriièrent à chiaus dedens, et leur disent en gabois:
«Signeur, signeur englès, demandés à vostre
messagier où il trouva le conte Derbi si apparilliet,
quant à nuit se parti de vostre forterèce, et jà est
retournés de son voiage.» Adonc respondi messires
30Frankes de Halle, qui ne s’en peut astenir, et dist:
«Par foy, signeur, se ceens nous sommes enclos,
nous en isterons bien, quant Diex vorra et li contes
[66] Derbi. Et pleuist à Dieu qu’il seuist en quel parti
nous sommes! Se il le savoit, il n’i aroit si avisé des
vostres qui ne ressongnast à tenir les camps. Et
se vous li volés segnefiier, li uns des nostres se mettera
5en vostre prison pour rançonner, ensi que on
rançonne un gentil homme.» Dont respondirent li
François: «Nennil, nennil! Les pareçons ne se porteront
mies ensi. Li contes Derbi le sara tout à
temps, quant par nos engiens nous arons abatu rés
10à rés terre che chastiel, et que vous, pour vos vies
sauver, vous vos serés rendu simplement.»
—«Certainnement, ce respondi messires Franke de Halle, ce
ne sera jà que ensi nous nos doions rendre, pour
estre tout mort ceens.» Adonc passèrent li chevalier
15françois oultre, et revinrent à leur logeis. Et li troi
chevalier englès demorèrent dedens Auberoce tout
esbahi, au voir dire; car ces pières d’engien leur
buskoient si grans horions, que ce sambloit effoudres
qui descendist dou ciel, quant elles frapoient contre
20les murs dou chastiel.
§ 219. Toutes le parolles et les devises et le
couvenant dou messagier, comment il avoit esté pris
devant Auberoce, et l’estat de la lettre, et le neccessité
de chiaus dou chastiel furent sceues et raportées à
25Bourdiaus au conte Derbi et à monsigneur Gautier
de Mauni, par une leur espie qu’il avoient envoiiet
en l’ost, et qui leur dist: «Mi signeur, à ce que j’ai
pout entendre, se vo chevalier ne sont conforté dedens
trois jours, il seront ou mort ou pris. Et volentiers
30se renderoient, se on les voloit prendre à merci,
mès il me samble que nennil.» De ces nouvelles ne
[67] furent mies li contes Derbi et messires Gautiers de
Mauni bien joiant, et disent entre yaus: «Ce seroit
lasqueté et villonnie, se nous [laissons[301]] perdre trois
si bons chevaliers que cil sont, qui si franchement
5se sont tenu dedens Auberoce. Nous irons ceste part
et nous esmouverons tout premièrement, et manderons
au conte de Pennebruch, qui se tient à Bregerach,
qu’il soit dalés nous à cèle heure, et ossi à monsigneur
Richart de Stanfort et à monsigneur Estievene
10de Tombi qui se tient à Liebrone.»
[Adoncques ly contes Derby se hasta durement, et
envoia ses messages et ses lettres devers le conte de
Pennebruk. Et se parti de Bourdiaux à ce qu’il avoit
de gens, et chevaucha tout couvertement devers Auberoche;
15bien avoit qui le menoit et qui congnissoit
le pais. Si vint ly contes Derby à Liebrone[302]] et là
sejourna un jour, attendans le conte de Pennebruch,
et point ne vint. Quant il vei qu’il ne venroit point,
si fu tous courouciés et se mist au chemin, pour le
20grant desir qu’il avoit de conforter ses chevaliers qui
en Auberoce se tenoient, car bien [sçavoit[303]] qu’il en
avoient grant mestier.
Si issirent de Liebrone li contes [Derbi[304]] li contes
de Renfort, messires Gautiers de Mauni, messires
25Richars de Stanfort, messires Hues de Hastinghes,
messires Estievenes de Tombi, li sires de Ferrières
et li aultre compagnon. Et chevaucièrent toute
[68] nuit, et vinrent à l’endemain à deux petites liewes
d’Auberoce. Si se boutèrent en un bois, et descendirent
de leurs chevaus; et les alloiièrent as arbres
et as foellies, et les laissièrent pasturer en l’erbe,
5toutdis attendans le conte de Pennebruch. Et furent
là toute la matinée, et jusques à nonne. Si s’esmervilloient
trop durement de ce qu’il n’ooient nulle
nouvelle dou dit conte. Quant ce vint sus l’eure de
remontière, et il veirent que point ne venoit li
10contes, si disent entre yaus: «Que ferons nous?
Irons nous assallir nos ennemis, ou nous retourons?»
Là furent en grant imagination quel cose il
en feroient, car ilz ne se veoient mies gens pour
combatre une tèle hoost qu’il y avoit devant Auberoce,
15car il n’estoient non plus de trois cens lances
et de six cens arciers. Et li François pooient estre
entre dix mille et onze mille hommes. A envis ossi
le lassoient, car bien savoient, se il se partoient sans
le siège lever, il perd[r]oient le chastiel d’Auberoce et
20les chevaliers leurs compagnons qui dedens estoient.
Finablement, tout consideret, et peset le bien contre
le mal, il s’acordèrent à ce que, ou nom de Dieu et
de saint Jorge, il iroient combatre leurs ennemis.
Or avisèrent il comment; et l’avis là où le plus il
25s’arrestèrent, il leur vint de monsigneur Gautier de
Mauni, qui dist ensi: «Signeur, nous monterons
tout à cheval, et costierons à le couverte ce bois où
nous sommes à present, tant que nous serons sus
l’autre cornée, au lés delà qui joint moult priès de
30leur host. Et quant nous serons priès, nous feri[r]ons
chevaus des esporons et escrierons nos cris hautement;
nous y enterons droit sus l’eure dou souper:
[69] vous les verés si souspris et si esbahis de nous, qu’il
se desconfiront d’eulz meismes.» Adonc respondirent
li chevalier qui furent appellet à ce conseil: «Nous
le ferons ensi que vous l’ordonnés.» Si reprist cescuns
5son cheval, et les recenglèrent estroitement; et
fisent restraindre leurs armeures, et ordonnèrent
tous leurs pages, leurs varlès et leurs malètes à là
demorer. Et puis chevaucièrent tout souef au loing
dou bois, tant qu’il vinrent sus l’autre cornée où li
10hos françoise estoit logie assés priès, en un grant val,
sus une petite rivière. Lors qu’il furent là venu, il
desvolepèrent leurs banières et leurs pennons, et ferirent
chevaus des esperons, et s’en vinrent tout de
front sus le large planter et ferir en l’ost de ces signeurs
15de Gascongne, qui furent bien souspris, et
leurs gens ossi; car de celle embusche ne se donnoient
il nulle garde, et se devoient tantos seoir au
souper. Et li pluiseur y estoient jà assis comme gent
asseguret, car il ne cuidaissent jamais que li contes
20Derbi deuist là venir ensi à tèle heure.
§ 220. Evous les Englès venant frapant en celle
host, pourveus et avisés de ce qu’il devoient faire, en
escriant: «[D]erbi[305], [D]erbi au conte!» et «Mauni,
Mauni au signeur!» Puis commencièrent à coper et à
25decoper tentes, trés et pavillons, et reverser l’un sus
l’autre, et abatre et occire et mehagnier gens, et mettre
en grant meschief; ne [les François[306]] ne savoient auquel
entendre, tant estoient il quoitiet et fort hastet. Et
[70] quant il se traioient sus les camps pour yaus recueillier
et assambler, il trouvoient arciers tous appareilliés
qui les traioient et bersoient et occioient sans
merci et sans pité. Là avint soudainnement sus ces
5chevaliers de Gascongne uns grans meschiés, car il
n’eurent nul loisir d’yaus armer ne traire sus les
camps. Mais fu li contes de [Lille] pris en son pavillon
et moult durement navrés, et li contes de Pieregorch
ossi dedens le sien, et messires Rogiers, ses oncles,
10et occis li sires de Duras et messires Aymars
de Poitiers, et pris li contes de Valentinois ses frères.
Briefment, on ne vit onques tant de bonnes gens,
chevaliers et escuiers qui là estoient, perdu à si peu
de fait, car cescuns fuioit que mieulz mieulz. Bien
15est verité que li contes de Commignes et li viscontes
de Quarmaing et cil de Villemur et cils de Brunikiel
et li sires de la Barde et li sires de Taride, qui estoient
logiet d’autre part le chastiel, se recueillièrent
et misent leurs banières hors, et se traisent vassaument
20sus les camps. Mais li Englès, qui avoient jà
desconfis le plus grant partie de l’ost, s’en vinrent
en escriant leurs cris celle part, et se boutèrent e[n]s
de plains eslais, ensi que gens tous reconfortés et
qui veoient bien, se fortune ne leur estoit trop contraire,
25que li journée estoit pour yaus. Là eut fait
mainte belle apertise d’armes, mainte prise et mainte
rescousse. Quant messires Franke de Halle et messires
Alains de Finefroide [et messires Jehans de Lindehalle[307]],
qui estoient ens ou chastiel [de Auberoche[308]],
[71] entendirent le noise et le hue, et recogneurent les
banières et les pennons de leurs gens, si s’armèrent
et fisent armer tous chiaus qui avoecques euls
estoient. Et puis montèrent à cheval, et issirent de le
5forterèce d’Auberoce, et s’en vinrent sus les camps
et se boutèrent ou plus fort de le bataille: ce rafresci
et resvigura grandement les Englès.
§ 221. Que vous feroi je lonch parlement? Chil
de le partie le conte de [Lille] furent là tout desconfi,
10et priès que tout mort et tout pris. Jà ne s’en fust
nulz escapés, se la nuis ne fust si tost venue. Là y
ot pris, que contes que viscontes, jusques à neuf, et
des barons et des chevaliers tel fuison qu’il n’i avoit
homme d’armes des Englès qui n’en euist deux ou
15trois dou mains, des quelz il eurent depuis grant
pourfit. Ceste bataille fu desous Auberoce, le nuit
Saint Laurens en aoust, l’an de grasce Nostre Signeur
mil trois cens quarante quatre.
§ 222. Apriès le desconfiture qui fu là si grande
20et si grosse pour les Gascons et si adamagable, car
il estoient là venu en grant arroi et en bonne ordenance,
mais petite songne les fist perdre ensi qu’il
apparu, li Englès, qui estoient mestre et signeur
dou camp, entendirent à leurs prisonniers, et, comme
25gens qui leur ont toutdis estet courtois, leur fisent
très bonne compagnie, et en recrurent assés sus leurs
fois à revenir dedens un certain jour à Bourdiaus ou
à Bregerach; [et] il se retraisent dedens Auberoce. Et
là donna à souper li contes Derbi le plus grant partie
30des contes, des viscontes, qui prisonnier estoient, et
[72] ossi les chevaliers de se compagnie. Si devés croire
et savoir qu’il furent celle nuit en grant reviel, et rendirent
grans grasces à Nostre Signeur de le belle journée
qu’il avoient eu, quant une puignie de gens qu’il
5estoient, environ mil combatans parmi les arciers,
uns c’autres, en avoient desconfi dix mil et plus, et
rescous le ville et le chastiel d’Auberoce, et les chevaliers
leurs compagnons qui dedens estoient moult
astraint, et qui dedens deux jours euissent esté pris
10et en le volenté de leurs ennemis.
Quant ce vint au matin, un peu apriès soleil levant,
li contes de Pennebruch vint à bien trois cens lances
et quatre cens archiers, qui jà avoit esté enfourmés
sus son chemin de l’avenue de le bataille. Si estoit
15durement courouciés de ce qu’il n’i avoit esté; et en
parla par mautalent au conte Derbi, et dist: «Certes,
cousins, il me samble que vous ne m’avés fait maintenant
point d’onneur ne de courtoisie, quant vous
avés combatus vos ennemis sans moy, qui m’aviés
20mandé si acertes. Et bien poiés savoir que je ne me
fuisse jamais souffers que je ne fuisse venus.» Donc
respondi li contes Derbi, et dist tout en riant: «Par
ma foy, cousins, nous desirions bien vostre venue.
Et nous souffresi[o]ns toutdis, en vous sourattendant
25dou matin jusques as vespres. Et quant nous veimes
que vous ne veniés point, nous en estions tout
esmervilliet. Si n’osames plus attendre que nostre
anemi ne seuissent nostre venue. Car, se il le seuissent,
il euissent eu l’avantage sur nous. Et, Dieu
30merci, nous l’avons eu sur yaus; si les nous aiderés
à garder et à conduire jusques à Bourdiaus.» Adonc
se prisent par les mains, et entrèrent en une cambre,
[73] et issirent de ce pourpos. Tantost fu heure de disner;
si se misent à table; si mengièrent et burent,
tout aise et à grant loisir, des pourveances des François
qu’il avoient amené devant le chastiel de Auberoce,
5dont il estoient bien raempli. Tout ce jour et le
nuit ensievant, se tinrent il en Auberoce, et se reposèrent
et rafreschirent grandement. Et l’endemain
au matin, il furent tout armé et tout monté. Si se
partirent de Auberoce, et y laissièrent à chapitainne
10et à gardiien un chevalier gascon, qui toutdis avoit
estet de leur partie, qui s’appelloit messires Alixandres
de Chaumont. Et chevaucièrent devers Bourdiaus,
et emmenèrent le plus grant partie de leurs
prisonniers.
15§ 223. Tant chevaucièrent li dessus dit Englès et
leurs routes qu’il vinrent en le cité de Bourdiaus où
il furent recheu à grant joie. Et ne savoient li Bourdelois
comment bien festiier le conte Derbi et monsigneur
Gautier de Mauni, car li renommée aloit que
20par leur emprise avoient esté devant Auberoce li
Gascon desconfi, et pris li contes de [Lille] et plus
de deux cens chevaliers. Si leur faisoient grant joie
et haute honneur. Ensi se passèrent il cel yvier qu’il
n’i eut nulles besongnes ens ès marces par de delà
25qui à recorder face. Si ooit souvent li rois d’Engleterre
bonnes nouvelles dou conte Derbi, son cousin,
qui se tenoit à Bourdiaus sus Gironde et là environ.
Si en estoit tous liés et à bonne cause, car li contes
Derbi faisoit tant qu’il estoit amés de tous ses amis
30et ressongniés de tous ses ennemis.
Quant ce vint apriès Paskes, que on compta l’an
[74] mil trois cens quarante cinq, environ le moiiené de
may, li contes Derbi, qui s’estoit tenus et yvrenés
tout le temps à Bourdiaus ou là priès, fist une coeilloite
et un amas de gens d’armes et d’arciers, et dist
5qu’il voloit faire une chevaucie devers le Riolle que
li François tenoient, et le assegeroit, car elle estoit
bien prendable. Quant toutes ses besongnes furent
ordenées et ses gens venus, il se partirent de Bourdiaus
en bon arroy et en grant couvenant, et vinrent
10ce premier jour en le ville de Bregerach. Là trouvèrent
il le conte de Pennebruch, qui avoit fait ossi
sen assamblée d’autre part.
Si furent cil signeur et leurs gens dedens Bregerach
trois jours; au quatrime, il s’en partirent.
15Quant il furent sus les camps, il esmèrent leurs gens
et considerèrent leur pooir, et se trouvèrent mil
combatans et deux mil archiers. Si chevaucièrent
tout ensi, et fisent tant qu’il vinrent devant un chastiel
que on claime Sainte Basille. Quant il furent
20là venu, il le assegièrent de tous lés, et fisent grant
apparant de l’assallir. Chil de Sainte Basille veirent
les Englès et leur force, comment il tenoient les
camps, et que nulz ne lor aloit au devant. Mès encores
estoient prisonnier de le bataille de Auberoce
25tout li plus grant de Gascongne, dont il deuissent
estre aidié et conforté: si ques, tout consideret, il
se misent en l’obeissance dou conte Derbi qui representoit
adonc là le personne dou roy d’Engleterre,
et li jurèrent feaulté et hommage, et le recogneurent
30à signeur.
Par ensi il passa oultre bellement, et prist le chemin
de Aiguillon; mais, ançois qu’il y parvenist, il
[75] trouva en son chemin un chastiel que on appelle le
Roce Millon, qui estoit bien pourveus de bons saudoiiers
et d’arteillerie. Non obstant ce, li contes commanda
que li chastiaus fust assallis. Donc s’avancièrent
5Englès et arcier, et le commencièrent à assallir
fortement et durement, et chil de dedens à yaus
deffendre vassaument. Et jettoient pières et baus et
grans barriaus de fier, et pos plains de cauch: de
quoi il blechièrent pluiseurs assallans qui montoient
10contremont et s’abandonnoient folement, pour leurs
corps avancier.
§ 224. Quant li contes Derbi vei que ses gens se
travilloient et tuoient sans riens faire, si les fist retraire
et revenir as logeis. A l’endemain, il fist par les
15villains dou pays achariier et aporter grant fuison de
busce et de velourdes et d’estrain, et tout jetter et
tourner ens ès fossés, et mettre ossi grant plenté de
terre. Quant une partie des fossés furent tout empli,
que on pooit bien aler seurement jusques au piet
20dou mur, il fist arouter bien trois cens arciers, et par
devant yaus passer bien deux cens brigans, tous
paveschiés, qui tenoient grans pik et haviaus de fier. Et
s’en vinrent chil hurter et piketer as murs. Entrues
qu’il piketoient et havoient, li archier qui estoient
25derrière yaus, traioient si ouniement à chiaus qui
estoient as murs, que à painnes osoit nuls apparoir à
le deffense. En cel estat furent il le plus grant partie
dou jour, et si fort assalli que li piketeur qui as murs
[estoient[309]] y fisent un grant trau et si plentiveus que
[76] bien y pooient entrer dix hommes de fronth. Dont
se commencièrent cil de le ville à esbahir et à retraire
devers l’eglise, et li aucun vuidièrent par derrière.
Ensi fu [la forteresce de Roche Millon[310]] prise,
5et toute courue et robée, et occis li plus grant partie
de ceulz qui y furent trouvet, excepté chiaus et
celles qui s’estoient retrait en l’eglise. Mais tous ceuls
fist sauver li contes Derbi, car il se rendirent simplement
à se volenté. Si rafresci li contes Derbi le
10garnison de nouvelle gent, et y establi deux escuiers
à capitainnes, qui estoient d’Engleterre, Richart Wille
et Robert l’Escot.
Et puis s’en parti li dis contes, et chevauça devers
le ville de Montsegur, sievant le rivière de Loth. Tant
15fisent li Englès qu’il vinrent devant Montsegur. Quant
il furent là venu, li contes commanda à logier toutes
manières de gens. Dont se logièrent il et establirent
mansions et logeis pour yaus et pour leurs chevaus.
Dedens le ville de Montsegur avoit un chevalier de
20Gascongne à chapitainne, que li contes de [Lille] y
avoit de jadis envoiiet, et l’appelloit on messire
Hughe de Batefol. Chilz entendi grandement et bellement
à le ville deffendre et garder, et moult avoient
li homme de le ville en li grant fiance.
25§ 225. Par devant le ville de Montsegur sist li
contes Derbi quinze jours. Et sachiés que là en dedens
il n’i eut onques jour qu’il n’i euist assaut. Et
y fist on drecier grans engiens, que on avoit amenés
[77] et achariiés de Bourdiaus et de Bregerach. Che greva
et foula durement le ville, car il jettoient pières de
fais qui rompoient tours et murs et thois de salles et
de manandries. Avoech tous ces meschiés, li contes
5Derbi leur mandoit tous les jours, se il estoient pris
ne conquis par force, il ne venroient à nulle merci
qu’il ne fuissent tout mort et exilliet sans remède et
sans merci; mès se il se voloient rendre bellement, et
yaus mettre en l’obeissance dou roy d’Engleterre, et
10lui recognoistre à signeur, il leur pardonroit son
mautalent et les tenroit pour ses bons amis. Cil de
Montsegur ooient bien les promesses, que li contes
Derbi lor offroit. Si en parlèrent pluiseurs fois ensamble,
et se doubtoient grandement que de force il
15ne fuissent pris et perdesissent corps et biens; et ne
veoient apparant de confort de nul costé. Si s’en
descouvrirent à leur capitainne, par manière de conseil,
à savoir qu’il leur en consilleroit. Messires Huges
les blasma durement, et dist qu’il s’effreoient pour
20noient, car il estoient encores fort et bien pourveu
pour yaus tenir demi an, se mestier faisoit. Quant il
oïrent ce, il ne le veurent mies desdire, et se partirent
de lui, ensi que par bon gré. Mès au vespre il
le prisent et l’emprisonnèrent bien et estroitement,
25et puis li disent que jamais ne partiroit de là, se il ne
descendoit à leur volenté. «Quèle est elle, ce dist
messires Huges de Batefol?»—«Elle est telle que
vous nous aidiés à acorder au conte Derbi et as Englès,
afin que nous demorons en pais.»
30Li chevaliers perçut bien l’affection qu’il avoient
as Englès, et comment il le tenoient en dangier; si
leur dist: «Metés moi hors, et j’en ferai mon pooir.»
[78] Adonc li fisent il jurer qu’il le feroit ensi. Il le jura;
si fu desprisonnés parmi ce couvent, et s’en vint as
barrières de le ville, et fist signe qu’il voloit parler au
conte Derbi. Messires Gautiers de Mauni estoit là
5presens qui se traist avant et vint parlementer au dit
chevalier. Li chevaliers commença à trettier et dist:
«Sire de Mauni, vous ne vos devés pas esmervillier
se nous nos cloons contre vous, car nous avons juré
feaulté et hommage au roy de France. Or veons nous
10maintenant que personne de par lui ne vous deffent
point les camps, et creons assés que vous chevaucerés
encores oultre. Pour quoi je, pour mi, et li homme
de ceste ville pour eulz, vous vorroient priier que
nous puissions demorer en composition que vous ne
15nous feissiés point de guerre, ne nous vous, le terme
d’un mois. Et, se là en dedens li rois de France ou
li dus de Normendie ses filz venoient en ce pays si
fors que pour vous combatre, nous serions quittes
et absolz de nos couvens. Et se il n’i viennent, u li uns
20d’yaus, nous nos metterons en l’obeissance dou roy
d’Engleterre.» Messires Gautiers respondi et dist:
«J’en irai volentiers parler à monsigneur le conte
Derbi.»
Lors se departi de là li sires de Mauni et vint devers
25le dit conte, qui n’estoit pas loing; se li remoustra
toutes les paroles que vous avés oyes. Li contes
Derbi busia sus un petit, et puis en respondi: «Messire
Gautier, il me plaist bien que ceste ordenance
voist ensi. Mès prendés bons plèges qu’il ne se puissent
30de riens enforcier, ce terme durant; et se il nous
besongne vivres pour nous rafrescir et nos gens,
nous en aions sans dangier pour nos denierz.»
[79] —«Sire, dist il, c’est bien li intention de mi.» Adonc
se parti li sires de Mauni dou conte Derbi, et chevauça
jusques as bailles de la ville où li chevaliers
estoit qui l’attendoit; se li remoustra toutes les raisons
5dessus dittes. Il les recorda arrière à chiaus de
le ville, qui n’estoient mies present. Chil de Montsegur
y descendirent volentiers. Et se misent tantos
douze bourgois des plus souffissans en ostagerie, pour
acomplir les couvens dessus dis et demorer la ville
10en pais: chil furent envoiiet à Bourdiaus. Ensi demora
Montsegur en composition, et fu li hos rafreschie
des pourveances de le ville. Mès point n’entrèrent
li Englès dedens, et passèrent oultre en courant
et essillant le pays; si le trouvoient plain et drut et
15grosses villes batiches où il recouvroient de tous
vivres à grant fuison.
§ 226. Tant esploita li hos au conte Derbi que il
vinrent assés priès d’Aguillon. A ce donc y avoit un
chastellain qui n’estoit mies trop vaillans homs d’armes,
20si com il le moustra. Car si tretost qu’il seut le
conte Derbi approchant, il fu si effraés et eut si grant
doubte de perdre corps et biens, que il ne se fist
point assallir; mès vint au devant dou conte Derbi
et se rendi, salve ses biens et chiaus de le ville et
25dou chastiel, qui estoit adonc uns des fors dou monde
et le mains prendable. De quoi cil dou pays environ
furent bien esmervilliet, quant il oïrent les nouvelles
que li dis chastiaus estoit sitost rendus as Englès,
especialment chil de le chité de Thoulouse, car c’est
30à sept liewes priès. Et depuis, quant li escuiers qui
Aguillon avoit rendu vint à Thoulouse, li homme de
[80] le ville le prisent, et le amisent de trahison, et le pendirent
sans merci. Quant li contes Derbi eut le saisine
de le ville et dou chastiel d’Aguillon, il en fu
si resjoïs qu’il n’euist mies esté ossi liés se li rois
5d’Engleterre euist d’autre part conquis cent mil florins,
pour le cause de ce qu’il le veoit bien seant et
en bonne marce, en le pointe de deux grosses rivières
portans navie. Et le rafreschi et rempara de tout ce
qu’il besongnoit, ensi que pour avoir y son retour
10et faire ent son garde corps. Et quant il s’en parti,
il le laissa en le garde d’un bon chevalier sage et
vaillant, qui s’appelloit messires Jehans de Gombri.
Puis chevauça oultre li dis contes à toute son host, et
vint à un chastiel que on appelle Sograt; si le conquist
15par assaut. Et furent mort tout li saudoiier estragne
qui dedens estoient. Et de là endroit il s’en
vint devant le ville de le Riolle.
§ 227. Or vint li contes Henris Derbi à tout ses
gens devant le Riolle, et le assega fortement et
20destroitement de tous costés. Et mist bastides sus les
chemins en tel manière que nulles pourveances ne
pooient venir ne entrer dedens le ville. De le ville
et dou chastiel de le Riolle estoit chapitainne pour
le temps uns chevaliers de Prouvence, qui se nommoit
25messires Agos des Baus. Et avoit desous lui et
en se carge pluiseurs bons compagnons, qui le ville
tinrent souffisamment. Si vous di que il y eut fais
pluiseurs grans assaus, car priès que tous les jours y
assalloit on. Et traioient et escarmuçoient li archier
30à chiaus de dedens. Si en y avoit souvent des blechiés
des uns et des aultres. Tant y fu li sièges que
[81] en le saison moult avant, car cil de le Riolle cuidoient
estre conforté dou roy de France et dou duch
de Normendie, mès non furent. Dont il couvint
que cil de Montsegur se mesissent en l’obeissance
5dou roy d’Engleterre, par le composition dessus ditte.
Et y envoia li contes Derbi, seant devant le Riolle, le
signeur de Mauni, pour tant qu’il avoit fait le premier
trettié de le composition, et leur remoustra sur
quoi et comment il s’estoient composé, et que de ce
10il avoient livrés ostages. Cil de Montsegur veirent
bien qu’il ne pooient plus variier; si se rendirent et
devinrent homme par feaulté et hommage au conte
Derbi, qui representoit en ces coses le roy d’Engleterre.
Et meismement messires Huges de Batefol devint
15homs ossi au dit conte avoecques chiaus de
Montsegur, et jura feaulté et hommage. Et parmi tant
il demora gardiiens et chapitainne de le ville de
Montsegur, à certains gages qu’il avoit dou conte
Derbi pour lui et pour ses compagnons.
20§ 228. Li Englès, qui seoient devant le Riolle et
qui y furent plus de neuf sepmainnes, avoient fait
ouvrer et carpenter deux berefrois de gros mairiens
à trois estages, et seant cescun berefroit sur quatre
rues. Et estoient cil berefroit, au lés devers le ville,
25tout couvert de cuir boulit, pour deffendre dou tret
et dou feu, et avoit en çascun estage cent archiers.
Si amenèrent li Englès à force de hommes ces deux
berefrois jusques as murs; car entrues que on les
avoit ouvrés et carpentés, il avoient fait remplir les
30fossés si avant que pour tout aise conduire leurs
berefrois. Si commencièrent cil qui estoient en ces
[82] estages à traire durement et fortement à chiaus qui
se tenoient as deffenses. Et traioient si roit et si
ouniement que à painnes ne s’osoit nulz apparoir ne
amoustrer, se il n’estoit trop fort armés et trop bien
5paveschiés contre le tret. Entre ces deux berefrois,
qui estoient arrestés devant les murs, avoit deux cens
compagnons à tout hauiaus et grans pilz de fer et
aultres instrumens pour effondrer le mur. Et jà en
avoient des pières assés ostées et rompues, car li
10arcier qui estoient hault ens ès estages reparoient
dessus tous les murs, et traioient si fort que nulz
n’osoit approcier pour deffendre. Par cel estat et assaut
et de force euist esté la ville de le Riolle prise
et conquise sans nul remède, quant li bourgois de
15le ville, qui tout effraet estoient, s’en vinrent à l’une
des portes, et demandèrent le signeur de Mauni ou
aucun grant signeur de l’host à qui il peussent parler.
Ces nouvelles vinrent au conte Derbi: si y envoia
le signeur de Mauni et le baron de Stanfort, pour
20savoir qu’il voloient dire ne mettre avant. Si trouvèrent
que li homme de le ville se voloient rendre,
salve leurs corps et leurs biens. Li chevalier, qui là
avoient esté envoiiet, respondirent que riens il n’en
accepteroient, sans le sceu dou conte Derbi: «Si
25irons parler à lui, et tantost nous retourrons devers
vous; si vous responderons de se intention.»
§ 229. Quant messires Agos des Baus senti que
cil de le ville se voloient rendre, il ne veult onques
estre à leur trettiet, mès se parti d’yaus et se bouta
30dedens le chastiel de le Riolle, avoech che qu’il avoit
de compagnons. Et y fist mettre et mener, entrues
[83] que cil trettiet se faisoient, grant quantité de vins et
de pourveances de le ville; et puis s’encloirent laiens,
et disent qu’il ne se renderoient mies ensi. Or vinrent
li dessus dit chevalier au conte Derbi, et li contèrent
5comment li bourgois de le Riolle se voloient
rendre, salve leurs corps et leurs biens. Li contes
demanda se li chapitainnes de laiens avoit estet à
ces trettiés. Il respondirent que nennil, fors tant
seulement li homme de le ville. «Or alés, dist li
10contes as chevaliers, veoir et savoir pour quoi il n’i
est, et comment il se voelt maintenir.» Il disent:
«Sire, volentiers.» Lors retournèrent arriere jusques
as barrières, et demandèrent à chiaus de le
ville: «Vostre chapitainne, où est il? Ne voelt il
15point estre de vostre trettié?» Il respondirent: «Nous
ne parlons que de nous meismes: il face sa volenté.
Jà s’est il boutés ou chastiel et moustre qu’il le vodra
tenir, quoi que nos devenons Englès.»
Adonc retournèrent li chevalier devers le conte
20Derbi, et li relatèrent la besongne ensi que elle aloit.
Quant li contes oy ce, si n’en fu mies mains pensieus.
Et quant il eut pensé une espasse, si dist:
«Alés, alés, prendés les à merci! Par le ville prenderons
nous le chastiel.» Lors se departirent li dessus
25dit dou dit conte, et vinrent de rechief à chiaus
de le Riolle et les rechurent à merci, parmi tant
qu’il vinrent sus les camps aporter les clés de le ville
au conte Derbi, et li presentèrent en disant: «Chiers
sires et honnerés, de che jour en avant nous recognissons
30à estre vostre feal et soubget, et nous
metons dou tout en l’obeissance dou roy d’Engleterre.»
Ensi devinrent homme cil de le Riolle en
[84] ce temps par conquès au roy d’Engleterre. Avoech
tout ce, li contes Derbi leur fist jurer sus le teste
qu’il ne conforteroient en riens chiaus dou chastiel
de le Riolle, mès leur seroient ennemit et les greveroient
5de tout leur pooir. Il le jurèrent solennelment;
par ensi vinrent il à pais. Et fist deffendre li
contes Derbi sus le hart que nulz ne fesist mal à
chiaus de le Riolle.
§ 230. Ensi eut li contes Derbi le ville de le
10Riolle, mès li chastiaus se tenoit encores, qui bien
estoit pourveus et garnis de bonnes gens, de bon
chapitainne et segur, et de grant artillerie. Si se traist
li dis contes dedens le ville de le Riolle, et y fist
traire toutes ses gens et environner le chastiel et
15drechier par devant tous ses engiens, qui nuit et jour
jettoient contre les murs dou dit chastiel; mès trop
petit l’empiroient, car il estoient hault malement, et
de pière dure et ouvrée de jadis par mains de Sarrasins,
qui faisoient les saudures si fortes et les ouvrages si
20estragnes que ce n’est point comparison à chiaus de
maintenant. Quant li contes Derbi et messires Gautiers
de Mauni veirent que il perdoient leur temps
par ces engiens, si les fisent cesser et s’avisèrent qu’il
ouveroient d’un aultre mestier. Il avoient des mineurs,
25car onques il n’en furent sevret tant qu’il
guerriassent, et leur demandèrent se on poroit miner
le chastiel de le Riolle. Il respondirent que il s’i
assaieroient vollentiers. Lors avisèrent il mine, et
commencièrent à ouvrer et à miner fort et roit, et à
30aler par desous les fossés. Se ne fu mies si tost fait.
Entrues que on seoit là et que cil mineur minoient,
[85] messires Gautiers de Mauni s’avisa de son père, qui
jadis avoit esté occis ens ou voiage de Saint Jakeme;
et avoit oy recorder en son enfance qu’il devoit estre
ensepelis en le Riolle ou là environ. Si fist à savoir
5parmi le ville de le Riolle, se il estoit nulz qui seuist
de verité à dire où il fu mis, on li menast, et il donroit
à celui cent escus. Ces nouvelles s’espardirent
par tout. Dont se traist avant uns anciiens homs durement,
qui en cuidoit savoir aucune cose; et vint à
10monsigneur Gautier de Mauni et li dist: «Certes,
sire, je vous cuide bien mener au liu, ou assés priès,
où vostre signeur de père fu jadis ensepelis.» De ces
nouvelles fu messires Gautiers de Mauni tous joians
et dist, se ses parolles estoient trouvées en vrai, qu’il
15li tenroit son couvent et encores oultre. Or vous recorderai
le matère dou père le signeur de Mauni, et
puis retourrai au fait.
§ 231. Il y eut jadis un evesque en Cambresis
qui fu gascons, de chiaus de Beu et de Mirepois, qui
20furent grant linage et fort pour le temps de lors en
Gascongne. Or avint que, dou temps cesti evesque,
uns très grans tournois se fist dehors Cambray. Et y
eut bien à ce tournoy cinq cens chevaliers tournians.
Et là eut li dis evesques de Cambray un sien neveut,
25jone chevalier richement armet et montet. Chilz
s’adreça à monsigneur le Borgne de Mauni, père au
dit monsigneur Gautier et à ses frères, qui estoit
durs chevaliers, rades et fors et bien tournians. Si
fu telement li jones chevaliers gascons maniiés et
30batus que onques depuis ce tournoy il n’eut santé
et morut. De le mort de lui fu encoupés li sires de
[86] Mauni, et demora en le hayne et mautalent dou dit
evesque de Cambray et de son linage. Environ deux
ans ou trois apriès, bonnes gens s’en ensonniièrent,
et en fu pais faite. Et, en nom d’amende et de pais,
5cilz sires de Mauni en deubt aler, ensi qu’il fist, à
Saint Jakeme de Galisse.
En ce temps qu’il fu en ce voiage, seoit devant le
ville de le Riolle messires Charles, contes de Vallois,
frères dou biau roy Phelippe, et avoit sis un grant
10temps; car elle se tenoit englesce avoech pluiseurs
aultres villes et chités qui estoient au roy d’Engleterre,
père à celui qui assega Tournay: si ques li dis
sires de Mauni, à son retour, s’en vint veoir le conte
de Vallois, car li contes Guillaumes de Haynau avoit
15à femme sa fille, et li moustra ses lettres, car il estoit
là comme rois de France. Avint que ce soir li sires
de Mauni s’en revenoit à son hostel. Si fu espiiés et
attendus dou linage de celui pour qui il avoit fait le
voiage; et droit au dehors des logeis dou conte de
20Vallois, il fu pris, occis et mourdris. Et ne peut on
onques savoir de verité qui occis l’avoit, fors tant
que li dessus dit en furent retet. Mais il estoient
adonc là si fort qu’il s’en passèrent et escusèrent;
ne nulz n’en fist partie pour le signeur de Mauni.
25Si le fist li contes de Vallois ensepelir en ce temps
en une petite capelle, qui estoit pour le temps de lors
dehors le Riolle. Et quant li contes de Vallois l’eut
conquis, ceste capelle fu mise ou clos de le ville. Et
bien souvenoit le viel homme dessus dit de toutes
30ces coses, car il avoit estet presens au dit signeur
de Mauni mettre en terre: pour ce, en parloit il si
avant.
[87] Ensi li sires [de] Mauni, avoech le preudomme, s’en
vint au propre lieu où ses pères avoit estet jadis ensepelis;
et avoit un petit tombiel de marbre desus lui
que si varlet y avoient fait mettre. Quant il furent
5venu sus le tombiel, li vielles homs dist au signeur
de Mauni: «Certes, sires, chi desous gist et fu ensepelis
messires vos pères. Encores y a escript lettres
sur le tombiel, qui tesmongneront que je di verité.»
Adonc s’abaissa messires Gautiers et regarda sus le
10tombiel, et y perchut voirement lettres escriptes en
latin, les quèles il fist [lire[311]] par un sien clerch. Si
trouvèrent que li preudons avoit voir dit. De ces
nouvelles fu li sires de Mauni moult liés, et fist oster
et lever le tombiel dedens trois jours apriès, et prendre
15les os de son père et mettre en un sarcu. Depuis
les envoia il à Valenciennes en Haynau, et de rechief
il les fist ensepelir dedens l’eglise des Frères Meneurs
moult honnourablement, assés priès dou coer dou
moustier, et li fist faire depuis son obsèque moult
20reveramment. Et encores li fait on tous les ans, car
li frère de laiens en sont bien renté.
§ 232. Or revenrons au siège de le Riolle, dou
dit chastiel où li contes Derbi sist plus de onze
sepmainnes. Tant ouvrèrent cil mineur que li contes
25Derbi avoit mis en leur mine, qu’il vinrent desous le
chastiel, et si avant qu’il abatirent une basse tour des
chaingles dou dongnon. Mès à le mestre tour dou
dongnon ne pooient il nul mal faire, car elle estoit
mâchonnée sus vive roce, dont on ne pooit trouver
[88] le fons. Bien se perchut messires Agos des Baus que
on les minoit. Si en fu en doubte, car au voir dire
c’est grans effrois pour gens qui sont en une forterèce,
quant il sentent que on les mine. Si en parla
5à ses compagnons, par manière de conseil, à savoir
comment il s’en poroient chevir. Et bien leur dist
que il estoient en grant peril, puis que on leur aloit
par ce tour. Li compagnon ne furent mies bien asseguret
de ces parolles, car nulz ne muert volentiers,
10puis qu’il poet finer par aultres gages; se li disent:
«Chiers sires, vous estes nos chapitainne et nos gardiiens;
si devons tout obeir et user par vous. Voirs
est que moult honnourablement nous nos sommes
ychi tenu, et n’arons nul blasme en avant de nous
15composer au conte Derbi. Si parlons à lui à savoir se
il nous lairoit jamais partir, salve nos corps et nos
biens, et nous li renderons le forterèce, puis c’autrement
ne poons finer.»
A ces paroles s’acorda messires Agos des Baus, et
20vint jus de le grosse tour; si bouta sa tieste hors
d’une basse fenestre qui là estoit, et fist signe qu’il
voloit parler à qui que fust de l’ost: tantost fu appareilliés
qui vint avant. On li demanda qu’il voloit
dire; il dist qu’il voloit parler au conte Derbi ou à
25monsigneur Gautier de Mauni. On li respondi que
on leur lairoit volentiers savoir. Si vinrent cil qui là
avoient esté devers le conte Derbi, et li recordèrent
ces nouvelles. Li contes, qui eut grant desir de savoir
quel cose messires Agos voloit dire, monta tantost à
30cheval et en mena avoecques lui monsigneur Gautier
de Mauni et monsigneur Richart de Stanfort, et leur
dist: «Alons veoir et savoir que li chapitainne nous
[89] voelt.» Si chevaucièrent celle part. Quant il furent là
venu, messires Agos osta chaperon tout jus, et les
salua bellement l’un apriès l’autre, et puis dist: «Signeur,
il est bien voirs que li rois de France m’a envoiiet
5en ceste ville et en che chastiel pour le garder
et deffendre à mon loyal pooir. Vous savés comment
je m’en sui acquittés, et vorroie encores faire. Mais
tous jours ne poet on pas demorer en un lieu. Je
m’en partiroie volentiers et ossi tout mi compagnon,
10se il vous plaisoit; et vodrions aler demorer aultre
part, mès que nous euissions vostre congiet. Si nous
laissiés partir, salve nos corps et nos biens, et nous
vous renderons le forterèce.»
Adonc respondi li contes Derbi et dist: «Messire
15Agos, messire Agos, vous n’en irés pas ensi. Nous
savons bien que nous vous avons si astrains et si
menés que nous vous arons quant nous vorrons,
car vostre forterèce ne gist fors que sus estançons:
si vous rendés simplement, et ensi serés vous receu.»
20Lors respondi messires Agos et dist: «Certes, sire, se
il nous couvenoit entrer en ce parti, je tieng de vous
tant d’onneur et de gentillèce que vous ne nous
feriés fors toute courtoisie, ensi que vous vorriés que
li rois de France ou li dus de Normendie fesist à vos
25chevaliers, ou à vous meismes, se vous estiés ou parti
d’armes où à present nous sommes. Si ne bleceriés
mies, s’il plaist à Dieu, le gentillèce ne le noblèce
de vous, pour un peu de saudoiiers qui ci sont, qui
ont gagniet à grant painne leurs deniers, et que j’ay
30amenet avoecques moy de Prouvence, de Savoie et
de le daufinet de Viane. Car sachiés, se je cuidoie
que li mendres des nostres ne deuist venir à merci
[90] ossi bien que li plus grans, nous nos venderions
ançois telement que onques gens [assegiés[312]] en forterèce
ne se vendirent en celle manière. Si vous pri
que vous y voelliés regarder et entendre, et nous
5faites compagnie d’armes: si vous en sarons gré.»
Adonc se traisent cil troi chevalier ensamble, et
parlèrent moult longement de pluiseurs coses. Finablement
il considerèrent le loyauté de monsigneur
Agot des Baus, et qu’il estoit uns chevaliers estragnes
10hors dou royaume de France, et ossi que moult raisonnablement
il leur avoit remoustré le droit parti
d’armes, et que encores les pooit il tenir là moult
grant temps à siège, car on ne pooit miner le mestre
tour dou chastiel. Si s’enclinèrent à se priière et li
15respondirent courtoisement: «Messire Agoth, nous
vorrions faire à tous chevaliers estragnes bonne compagnie.
Si volons, biau sire, que vous partés et tout
li vostre, mès vous n’en porterés que vos armeures
tant seulement.» Il cloy ce mot et dist: «Et ensi
20soit!» Adonc se retrest li dessus dis à ses compagnons,
et leur conta comment il avoit esploitié. De
ces nouvelles furent il tout joiant. Si ordonnèrent
leurs besongnes au plus tost qu’il peurent, et s’armèrent,
et ensiellèrent leurs chevaus che qu’il en
25avoient; mès tout par tout n’en y avoit que six. Li
aucun en acatèrent as Englès qui leur vendirent bien
et chier. Ensi se parti messires Agos des Baus dou
chastiel de le Riolle, et le rendi as Englès qui s’en
misent en saisine tantost, et s’en vint en le cité de
30Thoulouse.
[91] § 233. Apriès che que li contes Derbi eut se volenté
et fu venus à sen entente de le ville de le
Riolle et dou chastiel, où il avoit esté et sis un grant
temps, il chevauça oultre; mais il laissa en le dessus
5ditte ville un chevalier englès, sage homme et vaillant
durement, pour entendre à le refection de le
ville et dou chastiel et remettre à point et remparer
ce qui brisiet et romput estoit. Si chevauça li dis
contes à toute son host devers Montpesas. Quant il
10fu là venus, il le fist assallir durement et fortement.
Et n’avoit dedens le chastiel que bonhommes dou
pays qui s’i estoient boutet et atrait leurs biens, sus
le fiance dou fort lieu, et qui trop bien le deffendirent
tant qu’il peurent durer. Toutes fois il fu pris
15par assaut et par eschellement, mès il cousta grandement
au conte de ses arciers. Et y eut mort un
gentil homme d’Engleterre qui s’appelloit Richart de
Pennevort, et portoit le banière le signeur de Stanfort:
dont tout li signeur furent durement courouciet,
20mès amender ne le peurent. Si donna li contes
Derbi le chastiel et le chastelerie à un sien escuier,
apert homme d’armes durement, qui s’appelloit Thomas
de Baucestre, et laissa avoecques lui en le garnison
soixante arciers, et puis chevauça vers le ville
25de Mauron. Et quant il fu là venus, il fist traire ses
gens avant et ses arciers et puis assallir fortement et
durement, mais il ne l’eurent mies par leur assaut.
Si se logièrent là celle nuit, et le gaegnièrent à l’endemain
par l’engien et le sens d’un chevalier de Gascongne,
30qui là estoit, que on clamoit messire Alexandre
de Chaumont. Je vous dirai comment. Il dist au
conte Derbi: «Sire, faites samblant de deslogier et
[92] de vous traire d’autre part, et laissiés un petit de vos
gens devant le ville. Chil de laiens isteront tantost
sus. De tant les cognoi je bien. Et vos gens qui seront
demoret se feront cachier. Et nous serons en l’embusche
5desous ces oliviers, sitost qu’il nous aront
passet. Li une partie retourra sus yaus, et li aultre
chevaucera vers le ville. Ensi les arons nous et le
ville ossi: de tant me fai je fors.»
A l’ordenance dou chevalier s’acorda li contes
10Derbi, et fist demorer le conte de Kenfort derrière
à cent hommes tant seulement, et l’avisa de ce qu’il
devoit faire, et puis se parti. Et fist tout tourser et
cargier, chars et charètes et sommiers, et fist signe
que il voloit aler d’autre part, et eslonga le ville environ
15une demi liewe. Si mist une grosse embusce
en un val entre oliviers et vignes, et puis chevauça
oultre. Cil de Mauron qui veirent le conte Derbi
parti et une puignie de gens demoret derrière, disent
entre yaus: «Or tos issons hors de nostre ville et
20alons combatre ce tant d’Englès qui sont demoret
derrière: tantost les arons desconfis et mis à merci.
Si sera honneurs et pourfis pour nous très grandement.»
Tout s’acordèrent à ceste opinion et s’armèrent
vistement et issirent que mieus mieus, et
25pooient bien estre quatre cens. Quant li contes de
Kenfort et cil qui dalés lui estoient les veirent issir,
il fisent samblant de fuir, et commencièrent à reculer;
et li François apriès, qui se hastèrent durement
d’yaus encaucier; et tant les poursievirent qu’il passèrent
30oultre l’embusce qui salli vistement hors, dont
messires Gautiers de Mauni estoit chiés. Si escriièrent
clerement li Englès: «Mauni! Mauni!» Et s’en feri
[93] une partie en ces François, et li aultre partie brochièrent
devers le ville. Si y vinrent si à point qu’il
trouvèrent les bailles et les portes toutes ouvertes et
en petite garde, car il n’i avoit non plus de dix
5hommes, qui encores cuidièrent que ce fust de leurs
gens. Ensi se saisirent li premier venant de le porte
et dou pont, et furent tantost mestre et signeur de
le ville. Car cil qui estoient devant et derrière enclos
furent telement envay et assalli que onques piés n’en
10escapa qu’il ne fuissent tout mort ou pris.
Ensi eut li contes Derbi le bonne ville de Mauron
à se volenté. Et se rendirent li demorans, hommes
et femmes, à lui, et tous les rechut à merci, et respita
par gentillèce le ville d’ardoir et de pillier. Et le
15donna et toute le signourie à monsigneur Alixandre
de Chaumont, par quel avis elle avoit estet gaegnie.
Si y establi li dis chevaliers un sien frère escuier à
chapitainne, que on appelloit Anthone de Chaumont.
Et pour mieulz garder le ville, li contes Derbi li laissa
20cent arciers et soixante bidaus à tout pavais. Et puis
passa oultre et vint à Villefrance en Aginois, qui fu
prise par assaut, et li chastiaus ossi. Et y laissa à gouvreneur
et chapitainne un chevalier englès, que on
clamoit monsigneur Thumas Kok. Ensi chevauçoit
25li contes Derbi le pays d’un lés et d’aultre, ne nuls
ne li aloit au devant, et conqueroit villes, cités et
chastiaus. Et gaegnoient ses gens et conquestoient si
grant avoir par tout que merveilles seroit à penser.
§ 234. Quant li contes Derbi eut fait sa volenté
30de Villefrance, il chevauça vers Miremont, en raproçant
Bourdiaus, car onques si coureur pour celle
[94] fois ne passèrent point le port Sainte Marie. Si fu
trois jours devant Miremont; au quatrime il se rendi.
Se le donna li contes Derbi à un sien escuier qui
s’appelloit Jehan de Bristo. En apriès, ses gens prisent
5une petite ville fremée sus le Garone, que on appelle
Thoni[n]s, et en apriès le fort chastiel de Damasen.
Si le garni et rafreschi bien de bonnes gens
d’armes et d’arciers, et puis chevauça oultre devers
le cité d’Angouloime. Quant il fu venus devant, il
10l’assega de tous [poins[313]], et dist qu’il ne s’en partiroit,
se l’aroit à se volenté. Chil de le cité de Angouloime
ne furent mies bien asseguret quant il se veirent assegiet
dou conte Derbi; et n’eurent mies conseil
d’yaus tenir trop longement, car il ne veoient apparant
15nul secours de nul costé. Si se composèrent
parmi tant qu’il envoiièrent à Bourdiaus vingt quatre
des plus riches de leur cité en ostagerie, sus certain
trettiet que il demoroient en souffrance de pais un
mois. Et se dedens ce mois li rois de France envoioit
20ou pays homme si fort qu’il peuist tenir les camps
contre le conte Derbi, il ravoient leurs ostages et
estoient quitte et absolz de leur trettiet. Et se ce
n’avenoit, il se mettoient en l’obeissance dou roy
d’Engleterre. Ensi demora li cités d’Angouloime en
25pais.
Et passa li contes Derbi oultre, et vint devant
Blaives et l’assega de tous poins. Par dedens estoient
gardiien et chapitainne doi chevalier de Poito, dont
on clamoit l’un monsigneur Guichart d’Angle, jone
30chevalier pour le temps d’adonc et appert durement,
[95] et l’autre monsigneur Guillaume de Rochewart. Chil
se tinrent francement et richement, et disent qu’il
ne se renderoient à homme dou monde. Entrues que
on seoit devant Blaves, chevaucièrent li Englès devant
5Mortagne en Poito, dont messires Bouchicaus
estoit chapitainne pour le temps de lors. Et y eut là
un très grant assaut, mès riens n’i fisent; anchois y
laissièrent il fuison de leurs [gens[314]] mors et bleciés.
Si s’en retournèrent et furent ossi devant Mirabiel
10et devant Ausnay, et puis revinrent au siège de Blaves,
où priès que tous les jours il y avoit fait aucune apertise
d’armes.
§ 235. Ce siège pendant devant Blaves, li termes
dou mois vint que cil d’Angouloime se devoient rendre,
15se il n’estoient secouru. Si y envoia li contes
Derbi ses deux mareschaus, le signeur de Mauni et
le baron de Stanfort, pour remoustrer les ordenances
où il estoient obligiet. Chil d’Angouloime ne sceurent
ne ne veurent riens opposer à l’encontre. Il vinrent
20et descendirent en l’obeissance dou roy d’Engleterre,
et jurèrent feaulté et hommage as dessus dis
mareschaus dou conte, qui representoient le corps
dou roy, par le vertu de le procuration qu’il avoient.
Et ensi eurent il pais, et revinrent leur hostage. Si
25envoia li dis contes, à le requeste d’yaus, un chapitainne,
sage homme et vaillant escuier durement,
qui s’appelloit Jehan de Norvich.
Et toutdis se tenoit li sièges devant Blaves; et tant
s’i tint que li Englès en estoient tout hodé et tout
[96] lassé, car li yviers approçoit durement, et si ne conqueroient
riens sus ceulz de Blaves. Si eurent conseil,
tout consideré l’un par l’autre, qu’il se retrairoient
en le cité de Bourdiaus et se tenroient là
5jusques au printamps, que il regarderoient où il poroient
chevaucier et emploiier leur saison. Si se
deslogièrent toutes manières de gens et passèrent le
rivière de Geronde, et fisent passer tout leur harnas;
et vinrent à Bourdiaus où il furent recheu à grant
10joie et moult honnouré des bourgois et des bourgoises
de le ville. Assés tost apriès le revenue dou
conte Derbi à Bourdiaus, il departi toutes ses gens
d’armes et envoia cescun en se garnison, pour mieus
entendre as besongnes desus le frontière et estre ossi
15plus au large.
Or parlerons nous un petit d’aucunes avenues qui
avilirent ens ès mètes de Pikardie en ce temps, et
puis retourrons sus une grosse chevaucie que li dus
Jehans de Normendie, ainnés filz dou roy Phelippe,
20fist en celle saison en le langue d’och; et recouvra
sus les Englès pluiseurs villes, chités et chastiaus
qu’il avoient pris en celle meisme anée et le saison
devant.
§ 236. En ce tamps et en celle meisme saison
25eschei en le indignation et hayne trop grandement
dou roy de France uns des grans banerès de Normendie,
messires Godefrois de Harcourt, [frères au
comte de Harcourt[315]] pour le temps de lors, et sires
de Saint Salveur le Visconte et de pluiseurs villes en
[97] Normendie, et tout par amise et par envie, car un
petit en devant il estoit si bien dou roy et dou duch
qu’il voloit. Si fu banis publikement de tout le
royaume de France. Et vous di que, se li roys de
5France l’euist tenu en son aïr, il n’en euist nient
mains fait qu’il fist de monsigneur Olivier de Cliçon
et des aultres qui avoient esté l’anée devant decolé à
Paris. Si ot li dis messires Godefrois amis en voie qui
li noncièrent secretement comment li rois estoit dur
10infourmés sur lui et [mal meus[316]]. Si se parti li dis
chevaliers et vuida le royaume de France au plus
tost qu’il peut, et s’en vint en Braibant dalés le duch
Jehan de Braibant son cousin, qui le rechut liement.
Si demora là un grant temps, et despendoit sa revenue
15qu’il avoit en Braibant, car en France n’avoit il
riens; mès avoit li rois saisi toute sa terre de Constentin
et en faisoit lever les pourfis. Ensi eschei li dis
chevaliers en dangier, et ne pooit revenir en l’amour
dou roy de France, pour cose que li dus de Braibant
20en seuist ne peuist priier. Ceste hayne cousta depuis
si grossement au royaume de France et par especial
au pays de Normendie, que les traces en parurent
cent ans apriès, si com vous orés recorder avant en
l’ystore.
25§ 237. En ce temps regnoit[317] encores ou pays de
Flandres, en grant prosperité et poissance, cilz bourgois
de Gand, Jakemes d’Artevelle. Et estoit si bien
dou roy d’Engleterre qu’il voloit, car il prommetoit
[98] au dit roy qu’il le feroit signeur et hiretier de Flandres,
et en ravestiroit son fil le prince de Galles, et
feroit on de la conté de Flandres une ducé. De quoi,
sus ceste entente, li rois d’Engleterre estoit en celle
5saison, environ le Saint Jehan Baptiste l’an quarante
cinq, venus à l’Escluse à grant fuison de baronnie et
de chevalerie d’Engleterre; et avoit là amenet le jone
prince de Galles son fil, sus les promesses de ce d’Artevelle.
Si se tenoit li dis rois et toute se navie ou
10havene de l’Escluse et ossi son tinel. Et là le venoient
veoir et viseter si amit de Flandres. Et eut là pluiseurs
parlemens entre le roy d’Engleterre et d’Artevelle,
d’une part, et les consaulz des bonnes villes,
d’autre, sus l’estat dessus dit. Dont cil dou pays n’estoient
15mies bien d’acort au roy, ne à d’Artevelle qui
preeçoit de deshireter le conte Loeis leur naturel signeur
et son jone fil Loeis, et à hireter le fil dou roy
d’Engleterre: ceste cose ne feroient il jamais. Dont
au darrainier parlement qui avoit esté à l’Escluse,
20dedens le navie dou roy d’Engleterre, que on appelloit
Katherine, qui estoit si grosse et si grande que
merveilles estoit à regarder, il avoient respondu d’un
commun acord et dit ensi: «Chiers sires, vous nous
requerés d’une cose moult pesans, et qui trop ou
25temps avenir poroit touchier au pays de Flandres et
à nos hoirs. Voirs est que nous ne savons signeur au
jour d’ui ou monde de qui nous amenons tant le
pourfit et l’avancement que nous ferions de vous.
Mais ceste cose nous ne poons faire de nous tant
30seulement, se toute la communaulté de Flandres entirement
ne s’i acorde. Si se retraira cescuns devers
sa ville, et remousterons ceste besongne generalment
[99] as hommes de nostre ville. Et là où la plus sainne
partie se vorra acorder, nous l’acorderons ossi. Et
serons chi arrière dedens un mois, et vous en responderons
si à point que vous en serés bien contens.»
5Li rois d’Engleterre et d’Artevelle n’en peurent
adonc avoir aultre response; si le vosissent il
bien avoir plus brief, se il peuist estre, mès nennil.
Si respondi li rois: «A le bonne heure!» Ensi se
departi cilz parlemens, et retournèrent li consaulz
10des bonnes villes en leurs lieus.
Or demora Jakemes d’Artevelle encores un petit
dalés le roy d’Engleterre, pour le cause de ce que li
rois se descouvroit à lui fiablement de ses besongnes.
Et il li prommetoit toutdis et asseguroit qu’il le feroit
15venir à sen entente, mès non fist, si com vous orés
en avant recorder. Car il se dechut quant il demora
derrière, et qu’il ne revint à Gand ossi tost que li
bourgois qui avoient esté à l’Escluse au parlement
envoiiet, de par tout le corps de le ville.
20Quant li consaulz de Gand fu retournés en l’absence
d’Artevelle, il fisent assambler grans et petis
ens ou Marchiet. Et là remoustra li plus sages d’yaus
tous par avis sur quel estat li parlemens avoit esté à
l’Escluse, et quel cose li rois d’Engleterre requeroit,
25par l’ayde et information d’Artevelle. Dont commencièrent
toutes manières de gens à murmurer sus lui,
et ne lor vint mies bien à plaisance ceste requeste.
Et disent, se il plaisoit à Dieu, il ne seroient jà sceu
ne trouvé en tel desloyauté que de voloir deshireter
30leur naturel signeur, pour ahireter un estragne. Et
se partirent tout dou Marchiet, ensi que mal content,
et en grant hayne sus d’Artevelle.
[100] Or regardés comment les coses aviennent: car s’il
fust là ossi bien premierement venus qu’il ala à Bruges
et à Ippre remoustrer et preecier le querelle dou
roy d’Engleterre, il leur euist tant dit d’unes et d’autres,
5qu’il fuissent tout acordet à sen oppinion, ensi
que cil des dessus dittes villes estoient. Mais il s’affioit
tant en se prospérité et grandeur, que il y pensoit
bien à retourner assés à temps. Quant il eut fait
son tour, il revint à Gand et entra en le ville et toute
10se route, ensi que à heure de miedi. Chil de le ville,
qui bien savoient se revenue, estoient assamblé sus
le rue par où il devoit chevaucier à son hostel. Si
tost qu’il le veirent, il commencièrent à murmurer
et à bouter trois tiestes en un caperon, et à dire:
15«Vechi cesti qui est trop grans mestres et qui voet
ordonner de le conté de Flandres à se volenté: ce
ne fait mies à souffrir.» Encores avoech tout ce, ou
avoit semet parolles parmi le ville que le grant tresor
de Flandres, que Jakemes d’Artevelle avoit assamblé
20par l’espasse de neuf ans et plus qu’il avoit eu le regimen
et le gouvrenement de Flandres (car des rentes
dou conte il n’aleuoit nulles, mès les mettoit et avoit
mises toutdis arrière et en depos; et tenoit son estat
et avoit tenu le terme dessus dit sus l’amende des
25fourfaitures de Flandres tant seulement); ce grant
tresor où il avoit denierz sans nombre, il l’avoit envoiiet
secretement en Engleterre. Ce fu une cose qui
moult engrigni et enflama chiaus de Gand.
Ensi que Jakes d’Artevelle chevauçoit parmi le
30rue, il se perçut tantos qu’il y avoit aucune cose de
nouvel et contre lui. Car cil qui se soloient encliner
et oster leurs chaperons contre lui, li tournoient l’espaule
[101] et rentroient en leurs maisons; si se commença
à doubter. Car si tretost qu’il fu descendus
à son hostel, il fist fremer et hameder[318] portes et huis
et fenestres. A painnes eurent si varlet ce fait, quant
5toute li rue où il demoroit fu toute couverte, devant
et derrière, de gens, et especiaument de menues gens
de mestier. Là fu ses hostelz environnés et assallis
devant et derrière, et rompus par force. Bien est
voirs que cil de laiens se deffendirent moult longement,
10et en atierèrent et blecièrent pluiseurs; mès
finablement il ne peurent durer, car il estoient assalli
si roit que priès les trois pars de le ville estoient
à cel assaut. Quant Jakemars d’Artevelle vei l’effort,
et comment il estoit apressés, il vint à une fenestre
15sus les rues, et se commença moult à humeliier et à
dire par trop biau langage, et à nu chief: «Bonne
gent, que vous fault? Qui vous muet? Pour quoi estes
vous si troublé sur moy? En quel manière vous puis
je avoir couroucié? Dittes le moy: je l’amenderai
20plainnement à vostre volenté.» Donc respondirent
il tout à une vois, voire cil qui oy l’avoient: «Nous
volons avoir compte dou grant tresor de Flandres
que vous avés desvoiié sans nul title de raison.»
Donc respondi d’Artevelle moult doucement: «Certes,
25signeur, ou tresor de Flandres ne pris je onques denier.
Or vous retraiiés bellement en vos maisons,
je vous en pri, et revenés chi demain au matin. Et
je serai si pourveus de vous faire et rendre bon
compte, que par raison il vous devera souffire.»
30Donc respondirent il d’une vois: «Nennil, nennil!
[102] Nous le volons tantost avoir; vous ne nous escaperés
mies ensi. Nous savons de verité que vous l’avés
vuidiet de pieçà, et envoiiet en Engleterre, sans nostre
sceu: pour la quèle cause il vous fault morir.»
5Quant d’Artevelle oy ce mot, il joindi ses mains
et commença à plorer moult tenrement, et dist:
«Signeur, tel que je sui vous m’avés fait, et me jurastes
jadis que contre tous hommes vous me deffenderiés
et garderiés, et maintenant vous me volés occire,
10et sans raison! Faire le poés, se vous volés,
car je ne sui que uns seulz homs contre vous tous, à
point de deffense. Avisés vous pour Dieu, et retournés
au temps passé. Si considerés les grasces et les
grans courtoisies que de jadis vous ay faites. Vous
15me volés rendre petit guerredon des grans biens que
dou temps passé je vous ay fais! Ne savés vous comment
toute marchandise estoit perie en ce pays: je
le vous recouvrai. En apriès, je vous ay gouvrené
en si grant pais que vous avés eu, le temps de mon
20gouvrenement, toutes coses à volenté, blés, lainnes,
avoir et toutes marcheandises, dont vous estes recouvré
et en bon point.» Donc commencièrent il à criier
tout d’une vois: «Descendés, et ne nous sermonnés
plus de si hault, car nous volons avoir compte et
25raison tantost dou grant tresor de Flandres que vous
avés gouvrené trop longement, sans rendre compte;
ce qu’il n’apertient mies à nul officiier qu’il reçoive
les biens d’un signeur et d’un pays, sans compter.»
Quant d’Artevelle vei que point ne se refroideroient
30ne affreneroient, il recloy la fenestre, et s’avisa
qu’il wideroit par derrière, et s’en iroit en une eglise
qui joindoit priès de son hostel; mès ses hostelz estoit
[103] rompus et effondrés par derrière, et y avoit plus
de quatre cens personnes qui tout tiroient à lui
avoir. Finablement, il fu pris entre yaus, et là occis
sans merci; et li donna le cop de le mort uns teliers
5qui s’appelloit Thumas Denis. Ensi fina d’Artevelle,
qui en son temps fu si grans mestres en Flandres.
Povres gens l’amontèrent premierement, et meschans
gens le tuèrent en le parfin. Ces nouvelles
s’espardirent tantost en pluiseurs lieus: si fu plains
10des aucuns, et pluiseur en furent bien liet. A ce donc
se tenoit li contes Loeis de Flandres à Tenremonde.
Si fu moult joyans quant il oy dire que Jakemes
d’Artevelle estoit occis, car il li avoit estet moult
contraires en toutes ses besongnes. Non obstant ce,
15ne s’osa il encores affiier sus chiaus de Flandres,
pour revenir en le ville de Gand.
§ 238. Quant li rois d’Engleterre, qui se tenoit à
l’Escluse et estoit tenus tout le temps, attendans le
relation des Flamens, entendi que cil de Gand
20avoient occis Jakemon d’Artevelle, son grant ami et
son chier compère, si en fu si sancmeuçonnés[319] et
esmeus que merveilles seroit à dire. Et se parti de
l’Escluse et rentra en mer, en maneçant grandement
les Flamens et le pays de Flandres, et dist bien que
25ceste mors seroit trop chierement comparée. Li consaulz
des bonnes villes de Flandres, qui sentirent et
entendirent bien et le imaginèrent tantost que li rois
d’Engleterre estoit trop durement courouciés sus
[104] yaus, s’avisèrent que de le mort d’Artevelle il se
iroient excuser, especialment cil de Bruges, de Ippre,
de Courtray, d’Audenarde et dou Franch de Bruges.
Si envoiièrent devant en Engleterre devers le roy et
5son conseil, pour impetrer un sauf conduit, afin que
segurement il se peuissent venir excuser. Li rois, qui
un petit estoit refroidiés de son aïr, leur acorda. Et
vinrent gens d’estat de toutes les bonnes villes de
Flandres, excepté de Gand, en Engleterre devers le
10roy, environ le Saint Michiel, et se tenoit à Wesmoustier
dehors Londres. Là se excusèrent il bellement
de le mort d’Artevelle, et jurèrent solennelment que
nulle cose n’en savoient. Et se il l’euissent sceu,
c’estoient cil qui deffendu et gardé l’en euissent;
15mès estoient de le mort de lui durement couroucié
et desolé. Et le plaindoient et regretoient grandement,
car il recognissoient bien que il leur avoit esté
moult propisces et necessaires à tous leurs besoings,
et avoit regné et gouvrené le pays de Flandres bellement
20et sagement. Et se cil de Gand, par leur oultrage,
l’avoient tuet, on leur feroit amender si grossement
qu’il deveroit bien souffire. Et remoustrèrent encores
au roy et à son conseil que, se d’Artevelle estoit
mors, pour ce n’estoit il mies eslongiés de le
25grasce et de l’amour de chiaus de Flandres, sauf et
excepté qu’il n’avoit que faire de tendre à le conté
de Flandres, que il le deuissent tollir au conte leur
naturel signeur, com François qu’il fust, ne à son fil
le droit hoir, pour lui ahireter ne son fil le prince
30de Galles, car cil de Flandres ne s’i assentiroient nullement.
«Mais, chiers sires, vous avés des biaus enfans,
fils et filles. Li princes, vos ainsnés filz, ne poet
[105] fallir qu’il ne soit encores grans sires durement, sans
hiretage de Flandres. Et vous avés une damoiselle à
fille puisnée, et nous un jone damoisiel, que nous
nourissons et gardons, et qui est hiretiers de Flandres.
5Si se poroit bien encores faire uns mariages
d’yaus deux. Ensi demorroit toutdis la conté de
Flandres à l’un de vos enfans.» Ces parolles et aultres
raboinirent et adoucirent grandement le corage
dou roy d’Engleterre. Et se tint finablement assés
10bien contens des Flamens, et li Flamenc, de lui. Ensi
fu entroubliie petit à petit li mors Jakemon d’Artevelle.
Si lairons à parler de lui, des Flamens et dou
roy d’Engleterre; et parlerons un petit dou conte
Guillaume de Haynau et de monsigneur Jehan de
15Haynau son oncle.
§ 239. En ce temps et en ceste meisme saison chi
dessus ditte, seoit li contes Guillaumes de Haynau,
filz au conte qui morut en Valenchiènes, devant le
ville d’Uttré, et sist un grant temps, pour aucuns drois
20que il y demandoit à avoir. Si contraindi telement
par siège et par assaut chiaus d’Uttrec, qu’il les eut à
se volentet et les mist à raison. Assés tost après et
en celle propre saison, environ le Saint Remi, au
departement dou siège d’Utrec, il fist une grande
25cueilloite et assemblée de gens d’armes, chevaliers et
escuiers, de Haynau, de Flandres, de Braibant, de
Hollandes, de Guerles et de Jullers. Et se partirent li
contes et ces gens d’armes de le ville de Dourdresch
en Hollandes, à grant fuison de naves et de vaissiaus,
30et singlèrent devers Frise, car li contes de Haynau
s’en disoit estre sires. Toutes fois, de droit, se ce
[106] fuissent gens Frison que on peuist mettre à raison, li
conte de Haynau y ont grant signourie. Et encores
li dessus dis contes, qui fu moult entreprendans et
hardis chevaliers durement, en fist adonc une partie
5de son pooir dou calengier et requerre; mès il ne
l’en chei mies bien ne à chiaus qui furent en che
voiage avoecques lui. Dont ce fu damages, car il y
demora, et grant fuison de bons chevaliers, Diex en
ait les ames!
10Et y fu priès demorés messires Jehans de Haynau,
oncles au dit conte; et se parti trop envis dou lieu
où il estoit arivés, car il n’arriva mies ou pays
avoecques son neveu, mès d’autre part. Et ensi que
tous foursenés, il se voloit aler combatre et [vengier[320]]
15as Frisons, quant ses gens le prisent, qui veirent le
desconfiture. Et le jettèrent, vosist ou non, en une
nef, et especialment messires Robers de Glennes qui
estoit adonc escuiers pour son corps, fors et legiers.
Et fu li dis Robers priès mors et noiiés pour lui sauver.
20Toutes fois, il retourna à petite mesnie tous
desbaretés, et revint au Mont Sainte Gertrud en Hollande,
où madame sa [nièche[321]] l’attendoit, femme
qui fu au dessus dit conte, madame Jehane, ainsnée
fille au duc Jehan de Braibant. La quèle dame fu
25moult desolée et destourbée de le mort le conte son
mari, ce fu bien raisons. Si se traist la ditte dame à
la terre de Binch dont elle estoit doée. Ensi vaca la
conté de Haynau un temps. Et le gouvrena messires
[107] Jehans de Haynau, jusques à tant que madame Margherite
de Haynau, mère à monsigneur le duch Aubert,
se traist celle part et en prist le possession et
l’iretage, comme droiturière hiretière. Et l’en fisent
5li signeur, baron, prelat, chevalier et bonnes villes,
feaulté et hommage. Ceste dame Margherite, contesse
de Haynau, avoit à marit monsigneur Loeis de Baivière,
empereur de Romme et roy d’Alemagne, si
com il est devisé ou commencement de che livre.
10§ 240. Assés tost apriès traitta li rois Phelippes
de France et fist trettier par le conte de Blois envers
monsigneur Jehan de Haynau, que il vosist estre
François, et il li transporteroit sa revenue qu’il avoit
en Engleterre, en France, et li assigneroit si souffissamment
15comme il plairoit à son conseil. Li dis
messires Jehans de Haynau à ce trettiet ne s’acorda
mies legierement, car il avoit le fleur de se jonèce
usé ou service le roy d’Engleterre, et se l’avoit toutdis
li rois moult amet. Quant li contes Loeis de Blois,
20qui avoit sa fille pour moullier et avoit trois filz,
Loeis, Jehan et Gui, vei et considera qu’il n’i poroit
entrer par celle voie, si trouva moiien le signeur de
Fagnuelles, qui estoit compains au dit monsigneur
Jehan de Haynau et li plus grans de son conseil. Si
25fu avisé, pour retraire le dessus dit de l’oppinion des
Englès, que on li fist entendant un grant temps que
on ne li voloit paiier sa revenue en Engleterre. De
ce se merancolia li dis messires Jehans de Haynau
telement qu’il renonça as fiés, as couvenences et as
30seelés qu’il avoit au roy d’Engleterre. Et tantost que
li rois de France le sceut, il envoia devers lui souffissans
[108] hommes et le retint à lui et à son conseil à certains
gages, et le recompensa en son royalme de tant
de revenue et plus qu’il ne tenist en Engleterre. Ensi
demora li dis messires Jehans de Haynau, sires de
5Byaumont, François tout son vivant; et le trouverons
en avant en ceste hystore ens ès armées et chevaucies
que li rois de France fist, loist à savoir li rois
Phelippes et li rois Jehans ses filz. Or retourrons
nous à le matère des guerres de Gascongne et de le
10langue d’och.
§ 241. Bien estoit infourmés li rois Phelippes des
chevaucies et des conquès que li contes Derbi avoit
fait ou dessus nommet pays de Gascongne, et comment
il avoit pris villes, chités et chastiaus, et le pays
15durement foulé et apovri: si en estoit moult courouciés.
Et avoit fait un très grant et très especial mandement,
que tout noble et non noble, dont on se
pooit aidier au fait de bataille, fuissent en le cité
d’Orliens et de Bourges, ou là environ, dedens certains
20jours qui y furent mis, car il voloit le duch de
Normendie son ainsné fil envoiier ens ès marces de
Gascongne, pour resister contre le puissance des Englès.
Si s’esmurent au mandement dou roy grant
fuison de dus, de contes, de barons et de chevaliers
25dou royalme, et par especial de Bourgongne et de
Normendie. Et vint à Paris li dus Oedes de Bourgongne,
oncles germains dou duc de Normendie, et
messires Phelippes de Bourgongne ses filz, contes
d’Artois et de Boulongne. Si se representèrent au dit
30roy et en son service à mil lances. Li rois les rechut
et leur sceut grant gré de ce service. Si fisent cil doy
[109] signeur passer leurs gens oultre. Apriès vinrent li dus
de Bourbon, messires Jakemes de Bourbon, contes
de Pontieu, ses frères, ossi à grant fuison de gens d’armes.
Si revint li contes d’Eu et de Ghines, connestables
5de France, en très grant arroi, ossi li contes
de Tankarville, li daufins d’Auvergne, li contes de
Forès, li contes de Dammartin, li contes de Vendome,
li sires de Couci, li sires de Cran, li sires de
Sulli, li evesques de Beauvais, li sires de Fiennes, li
10sires de Biaugeu, messires Jehans de Chalon, li sires
de Roie, et tant de barons et de chevaliers que je ne
les aroie jamais tous nommés. Si se assamblèrent cil
signeur et leurs gens en le cité d’Orliens et là environ,
voires cil de par de deça le Loire; et cil de delà,
15de Poito, de Saintonge, de le Rocelle, de Quersin,
de Limozin, d’Auvergne et des marces environ, ens
ès marces de Thoulouse. Si passèrent toutes ces gens
oultre à grant esploit par devers Roerge, et en trouvèrent
grant fuison encores venus et assamblés en le
20cité de Rodais, des marces d’Auvergne et de Prouvence.
Tant fisent cil signeur et ces gens d’armes
qu’il vinrent en le cité de Thoulouse ou environ.
Si se logièrent, cescuns au mieulz qu’il peut, à
Thoulouse et ens ès villages d’environ; car tout
25ne se peuissent mies logier en le cité, tant estoient
grant nombre, cent mille tiestes armées et plus.
Che fu environ le Noel, l’an mil trois cens quarante
cinq.
§ 242. Tantost apriès le feste dou Noel, li dus de
30Normendie se parti de Thoulouse o toutes ses hos, et
fist devant chevaucier ses mareschaus, le signeur de
[110] Montmorensi et [le seigneur[322]] de Saint Venant. Si se
traisent tantost et premierement devant le chastiel de
Miremont, que li Englès avoient conquis en celle saison.
Si le assallirent cil de le bataille des mareschaus
5fortement et durement. A ce jour avoit il dedens
environ cent Englès qui le gardoient, avoecques le
chapitainne, un très bon escuier, qui s’appelloit Jehan
de Bristo. Chilz [et] avoecques ses compagnons le deffendirent
tant qu’il peurent; mais il y eut si dur assaut
10et si fort, car messires Loeis d’Espagne estoit là avoecques
grant fuison d’arbalestriers geneuois qui point ne
s’espargnoient, si que cil dou chastiel ne se seurent
ne peurent onques si bien deffendre que de force il
ne fuissent pris, et li chastiaus conquis, et mors li
15plus grant partie de chiaus qui dedens estoient, et
meismement li chapitainne. Si le rafreschirent li doi
mareschal de nouvelle gent, et puis passèrent oultre,
et vinrent devant Villefrance en Aginois. Là s’arresta
li hos, et l’environnèrent, et puis l’assallirent fortement.
20A ce donc n’i estoit point li chapitainne messires
Thumas Kok, mès estoit à Bourdiaus devers le
conte Derbi qui l’avoit mandé. Mès toutes fois chil
qui estoient dedens Villefrance à ce jour se deffendirent
vaillamment, mès finablement il furent pris
25de force, et toute li ville courute et arse sans deport,
et occis li plus grant partie des saudoiiers qui le gardoient.
Et quant il eurent ensi esploitié, il passèrent
oultre et laissièrent le chastiel tout entier, sans garde
et sans abatre: dont depuis il se repentirent. Puis
30se traisent par devant le chité de Angouloime, et le
[111] assegièrent tout au tour, car il estoient tant de gens
que bien le pooient faire. Dedens avoit grant fuison
de bons compagnons, de par les Englès, et un escuier
à chapitainne, qui s’appelloit Jehan de Norvich.
5§ 243. Quant li contes Derbi, qui se tenoit en le
cité de Bourdiaus, entendi que li dus de Normendie
et chil signeur de France estoient venu à host si
grant pour reconquerre villes, cités et chastiaus que
conquis avoit, et jà avoient reconquis Miremont, Villefrance,
10et toute robée et arse, hors mis le chastiel,
il s’avisa d’une cose qui bonne li sambla. Il envoia
tantos quatre chevaliers des siens [ès quels moult
s’affioit[323],] et leur dist que il presissent jusques à
soixante ou quatre vingt armeures de fier et trois
15cens arciers, et s’en alaissent par devers Villefrance,
et presissent le chastiel qui estoit demorés vuis et
entiers, et le mesissent à point et les portes de le
ville ossi; et se li Francois le venoient encores assallir,
que il se deffendesissent bien, car il les secourroit,
20à quel meschief que ce fust. Li chevalier li acordèrent
volentiers, et se partirent de le cité de Bourdiaus,
si com cargiet leur fu. Or vous nommerai les
dis chevaliers: messires Estievenes de Tombi, messires
Richars de Hebedon, messires Raoulz de Hastinges
25et messires Normans de Finefrode.
Apriès ce, li contes Derbi pria au conte de Pennebruch,
à monsigneur Gautier de Mauni, à messire
Franke de Halle, à monsigneur Thomas Kok, à monsigneur
Jehan de Lille, à monsigneur Robert de
[112] Nuefville, à monsigneur Thumas Biset, à monsigneur
Jehan de la Souce, à monsigneur Phelippe de Biauvers,
à monsigneur Richart de Roclève et à pluiseurs
aultres, chevaliers et escuiers, que il volsissent aler à
5Aguillon et garder le forterèce, car trop fort seroit
courouciés, se il le reperdoient. Chil se partirent, qui
estoient bien quarante chevaliers et escuiers et trois
cens armeures de fier, parmi les archiers; et s’en vinrent
bouter ou fort chastiel d’Aguillon. Si y trouvèrent
10encores bien six vingt compagnons que li contes
Derbi y avoit laissiés par de devant. Si pourveirent
le dit chastiel de vins, de farines, de chars et de
toutes aultres pourveances bien et largement.
Ossi li quatre chevalier dessus nommet, ordonnet
15pour aler à Villefrance, chevaucièrent parmi le pays,
en alant celle part. Et cueillièrent grant fuison de
bues, de vaches, de pors, de brebis et de moutons,
de blés, d’avainnes et de farines et de toutes aultres
pourveances pour vivre; et fisent tout amener devant
20yaus et achariier dedens Villefrance. Et reprisent
le chastiel et le remparèrent bien et à point,
et relevèrent les murs et les portes de le ville. Et
fisent tant qu’il furent plus de quinze cens hommes
tous aidables, et pourveus de vivres pour vivre six
25mois tous entiers.
§ 244. Ces nouvelles vinrent en l’ost devant le
cité d’Angouloime, comment li Englès avoient repris
Villefrance, pour le cause dou chastiel qu’il avoient
laissiet sans abatre. Si se repentoit trop grandement
30li dus de che que si simplement s’en estoient parti,
quant il n’avoient ars ne abatu le chastiel; mès
[113] amender ne le pooit. Si se tint à siège devant le cité
d’Angouloime un grant temps, et y fist par pluiseurs
fois assallir; mès peu y conquist, car elle estoit bien
deffendue. Quant li dus de Normendie et ses consaulz
5veirent que par assaut il ne le poroient gaegnier,
et qu’il perdoient cescun jour de leurs gens à l’assallir,
il fisent commander et crier que nulz n’alast
plus assallir; ançois se deslogassent et alaissent logier
plus priés de le cité. Tout obeirent au commandement
10de leur signeur, ce fu raisons.
Che siège durant devant le cité de Angouloime,
vint un jour au duch de Normendie li seneschaus de
Biaukaire, uns vaillans chevaliers, et li dist: «Sire, je
sai bien toutes les marces de ce pays. Se il vous plaisoit,
15et vous me volsissiés prester six cens ou sept cens
armeures de fier, jou iroie enventurer aval ce pays
pour querre bestes et vitailles, car assés tost en arons
nous deffaute.» Tout ce pleut bien au duch et à son
conseil. Si prist l’endemain li dis seneschaus pluiseurs
20chevaliers et escuiers qui se desiroient à avancier
et se boutèrent desous lui: li dus de Bourbon,
li contes de Pontieu ses frères, li contes de Tankarville,
li contes de Ghines, li contes de Forès, li
dauffins d’Auvergne, li sires de Couci, li sires d’Aubegni,
25li sires d’Aufemont, li sires de Biaugeu, li sires
de Pons, li sires de Partenai, messires Guiçars d’Angles,
messires Saintré, et pluiseurs aultres chevaliers
et escuiers, tant qu’il furent bien entre mil et neuf
cens lances. Si montèrent à cheval sus une vesprée,
30et chevaucièrent toute le nuit jusques au point dou
jour que li aube crevoit. Et tant s’esploitièrent que
il vinrent assés priès d’une grosse ville, qui estoit
[114] nouvellement rendue as Englès, et l’appelloit on Anchenis.
Là endroit vint une espie au dit seneschal, et
li dist que dedens Anchenis avoit bien six vingt armeures
de fier, Gascons que Englès, et trois cens
5arciers qui bien deffenderoient le ville, se on les assalloit.
«Mais jou ay veu, dist li espie, issir le proie
hors de le ville, et y a bien sept cens ou huit cens
grosses biestes, et sont par desous le ville dedens les
prés.»
10Quant li senescaus de Biaukaire oy ce, il dist as
signeurs qui là estoient: «Mi signeur, je conseille
que vous demorés en ceste valée couvertement, et
je m’en irai à tout soixante compagnons acueillier
ceste grande proie, et le vous amenrai chi endroit.
15Et se cil Englès issent hors pour rescourre leur proie,
ensi que je pense bien qu’il le feront, je les amenrai
jusques à vous tout fuiant. Car, je sçai bien qu’il me
caceront folement, et vous lor irés au devant hardiement:
ce seront tout vostre par raison.» Cescuns
20s’asenti à ce conseil. Adonc se parti li dessus dis seneschaus
à tout soixante compagnons bien montés,
et chevaucièrent par voies couvertes autour de le
ville, ensi que li espie les menoit, et tant que il vinrent
en ces biaus prés et larges où ces bestes paissoient.
25Il se vont tantost espardre et remettent ces
bestes ensamble, et puis cachent tout devant yaus
au desous de le ville, par une aultre voie qu’il n’estoient
venu. Les gardes de le porte et li gette dou
chastiel, qui tout ce veoient, commencièrent à faire
30friente, et à corner, et à esmouvoir chiaus de le ville,
et les compagnons qui espoir dormoient encores,
car il estoit moult matin. Sitost qu’il furent en
[115] friente, il sallirent sus vistement et ensellèrent
leurs chevaus, et s’assamblèrent, tout en le place.
Sitost qu’il se furent recueilliet et leur chapitainne
venus, uns moult appers chevaliers englès, qui s’appelloit
5messires Estievenes de Lussi, il vuidièrent
cescuns que mieus mieus; et ne demorèrent en le
ville, fors que li villain, dont il fisent folie. Li Englès,
qui s’estoient mis as camps pour rescourre leur
proie, se hastèrent durement, en escriant as François:
10«Vous n’en irés mies ensi.»
Li senescaus et se route [commenchèrent[324]] à haster
leur proie, pour venir à leur embusche; et tant fisent
qu’il en furent assés priès. Quant cil signeur de
France, où moult avoit de grans signeurs et de vaillans
15hommes, qui tout estoient là venu pour querre
les armes, veirent le proie approcier et leur bon seneschal
cachier, cescuns sires escria son cri et fist se
banière haster et passer avant. Et s’en viennent ferir
de plains eslais en ces Englès qui caçoient et qui furent
20tout esmervilliet, quant il les veirent. Et moult
volentiers fuissent retourné, se il peuissent; mès il
n’en eurent mies loisir, car il furent telement espars
que en brief heure tout [furent[325]] ruet jus, pris et
mors. Là fu pris li chapitainne et tout cil d’onneur
25qui dalés lui estoient, et li demorans tous mors. Et
puis chevaucièrent li François vistement devers le
ville et entrèrent ens de saut, car elle estoit sans
garde. Et la première banière qui y entra, ce fu celle
dou duch de Bourbon. Si se saisirent li signeur de
[116] le ville, et le rafreschirent de nouvelles gens et de
chapitainne. Et puis chevaucièrent à tout leur proie
et leurs prisonniers, et s’en revinrent à l’endemain
devant le cité d’Angouloime où li sièges se tenoit, où
5il furent receu à grant joie. En ceste chevaucie acquist
grant grasce li seneschaus de Biaukaire, pour
tant que il l’avoit mis sus, comment que il y euist
eu plus grans signeurs assés qu’il ne fust.
§ 245. Ensi se tint des signeurs de France un
10grant temps li sièges devant Angouloime. Et couroient
li François sus le pays que li Englès avoient
conquis, et y faisoient tamaint destourbier, et ramenoient
souvent en leur host des prisonniers et grans
proies, quant il les trouvoient à point. Et moult y
15acquisent li doi frère de Bourbon grant grasce, car
il estoient toutdis des premiers chevauçans. Quant
Jehans de Norvich, chapitainne et souverains d’Angouloime,
vei et [considera[326]] que li dus de Normendie
n’avoit talent de deslogier, se il n’avoit le cité à
20se volenté, et sentoit que les pourveances de laiens
amenrissoient, et que li contes Derbi ne faisoit nul
apparant de lever le siège, et ossi que cil de le ville
s’enclinoient trop plus as François que d’autre part,
et volentiers se fuissent il pieçà tourné, se il osassent;
25si se doubta de trahison et que mauls ne l’en
presist et ses compagnons. Si s’avisa que à toutes ces
coses il pourveroit de remède, et se pourpensa d’une
grant soutilleté.
Droitement le nuit de le Purification Nostre Dame,
[117] à l’entrée de fevrier, il vint as crestiaus de le cité
tous seulz, sans soi descouvrir de cose qu’il volsist
faire ne dire, à nul homme, et fist signe de son caperon
que il voloit parler à qui que fust de l’host.
5Chil qui perchurent ce signe vinrent celle part, et li
demandèrent qu’il voloit. Il respondi qu’il parleroit
volentiers à monsigneur le duch de Normendie, ou à
l’un de ses mareschaus. Chil qui là estoient respondirent:
«Demorés là un petit, et nous irons devers
10lui, et le vous ferons venir sans faute.» Adonc se
partirent il de Jehan de Norvich, et vinrent au logeis
dou dit duch. Et li recordèrent que li chapitainne
de Angouloime parleroit volentiers à lui ou à l’un de
ses mareschaus. «Savés vous de quoi?» dist li dus.
15Chil respondirent: «Monsigneur, nennil.» Lors
s’avisa li dus et dist que il meismes il iroit. Si monta
à cheval, et aucun chevalier de son hostel. Et chevaucièrent
jusques as murs de le cité; si trouvèrent
Jehan de Norvich qui s’apoioit as creniaus. Si tost
20qu’il vei le duch, il osta son chaperon et le salua. Li
dus adonc li demanda: «Jehan, comment va? Vous
volés vous rendre?» Il respondi: «Sire, je ne sui
mies de ce consilliés à faire. Mais je vous vorroie
priier que, pour le reverense dou jour Nostre Dame
25que il sera demain, vous nous acordissiés un respit
à durer le jour de demain tant seulement: par quoi
li nostre ne li vostre ne peuissent grever l’un l’autre,
mès demorassent en pais.» Li dus, qui ne pensa que
tout bien, li acorda liement et dist: «Je le voeil.»
30Ensi demora li cité d’Angouloime en pais.
Quant ce vint le jour de le Candeler au matin, Jehans
de Norvich s’arma et fist armer tous ses compagnons,
[118] uns et aultres, et enseller leurs chevaus, et
tourser tous leurs harnois, et puis fist ouvrir le porte,
et se mist dehors le cité. Quant cil de l’host veirent
ces gens d’armes issir, si furent tout esmervilliet et
5effraet. Et se commença li hos à estourmir, car il
cuidièrent que li Englès les venissent courir seure.
Adonc s’avança Jehans de Norvich, qui chevauçoit
tout devant, et dist: «Signeur, signeur, souffrés vous.
Ne faites nul mal as nostres, car nous avons triewes
10ce jour d’ui tout entier, ensi que vous savés, acordées
de par monsigneur le duch de Normendie et de
nous ossi. Se vous ne le savés, si l’alés savoir, car
nous poons bien aler et chevaucier sus celle triewe,
quel part que nous volons.» Ces nouvelles vinrent
15au duch, pour savoir qu’il en voloit dire et faire. Il
en respondi: «Laissiés les aler de par Nostre Signeur,
de quel part qu’il voelent. Nous ne les poons
par raison constraindre à demorer, par bataille ne
aultrement. Je leur tenrai ce que je lor ay prommis.»
20Ensi s’en ala Jehans de Norvich et se route. Et passèrent
tout parmi l’ost dou duc de Normendie, sans
nul damage, et vinrent dedens Aguillon où il furent
recheu à [grant[327]] joie. Si leur recorda Jehans comment
il estoit partis de le cité de Angouloime et
25avoit sauvé tout le sien et ce ossi de ses compagnons.
Si disent li chevalier, qui là estoient, qu’il
avoit trop bien ouvré, et qu’il s’estoit avisés d’une
grant soutilleté.
§ 246. Quant ce vint à l’endemain dou jour de
[119] le Purification, li bourgois d’Angouloime se traisent
ensamble, pour savoir comment il se maintenroient.
Tout considéré, il eurent avis qu’il se renderoient
et metteroient en l’obeissance dou duch de Normendie,
5ensi qu’en devant. Si envoiièrent en l’ost, devers
le dit duch, certains messages, qui esploitièrent si
bien que li dus les prist à merci et leur pardonna
son mautalent. Et entra dedens le cité et ou chastiel,
et rechut le foy et l’ommage de chiaus d’Angouloime.
10Si y establi li dus un chevalier des siens à chapitainne,
qui se nommoit Anthones de Villers et cent saudoiiers
avoecques lui, pour mieus garder le chité et
le chastiel que dou temps passet elle n’euist esté.
Apriès ces ordenances, se desloga li dus, et se trest
15devers le chastiel de Damassen; et y sist li dus quinze
jours par devant, anchois qu’il le peuist avoir. Et
ne fu onques jour qu’il n’i euist assaut. Finablement,
il fu conquis par force, et tout cil qui dedens estoient,
Englès et Gascons, mors. Si le donna li dus et toute
20le chastelerie à un escuier de Biausse, appert homme
d’armes malement, qui s’appelloit le Borgne de Milli.
En apriès, vint li dus de Normendie devant
Thoni[n]s, qui siet sus le rivière de Garone. Si le
trouvèrent bien pourveue d’Englès et de Gascons, qui
25le gardèrent et deffendirent vassaument un grant
temps. Et y avoit priès que tous les jours assaut ou
escarmuce. Tant y fu li dus et si contraindi chiaus
de dedens qu’il se rendirent par composition, salve
leurs corps et leurs biens. Et les devoit li dus faire
30conduire jusques à Bourdiaus, sus son peril. Ensi se
partirent li compagnon estragne, mès cil de le ville
demorèrent en l’obeissance dou duch de Normendie.
[120] Et se tint là li dus et toute son host sus le rivière
de Garonne jusques apriès Paskes, que il se deslogièrent
et se traisent devers le Port Sainte Marie, sus
ceste meisme rivière. Et là avoit environ deux cens
5Englès et Gascons qui gardoient le ville et le passage;
et l’avoient fortefiie grandement, mès il furent
telement assalli que [ilz furent[328]] pris de force, et tout
cil qui dedens estoient occis. Si le remparèrent de
nouviel, et rafreschirent de gens d’armes. Et puis
10s’en partirent li François, et chevaucièrent devers
Aguillon.
§ 247. Tant esploitièrent cil signeur de France,
dont li dus de Normendie estoit chiés, qu’il vinrent
par devant le chastiel d’Aguillon. Si se logièrent et
15espardirent contreval ces biaus prés et larges, selonch
le rivière qui porte grant navie, cescuns sires entre
ses gens et çascune connestablie par lui, ensi que ordonné
estoient par les mareschaus de l’host. Et
devés savoir que par devant le fort chastiel d’Aguillon
20eut le plus biel host et le plus biau siège que on
ewist, grant temps avoit, veu ou dit royalme de France
ne ailleurs, et dura parmi cel estet tout jusques à le
Saint Remi. Et y avoit à siège bien cent mil hommes
armés à cheval et à piet. Et si ne poroit on raconter,
25par nulle hystore, à siège fait, tant de biaus
fais d’armes et de grandes apertises, qu’il avinrent là
d’une part et d’autre. Car onques gens assegiés ne
souffrirent tant, ne ne se deffendirent si vassaument,
comme cil qui furent enclos devant Aguillon, si com
[121] vous orés ci après recorder. Car tous les jours les
couvenoit combatre deux fois ou trois à chiaus de
l’host, et le plus souvent dou matin jusques à le nuit,
sans cesser. Car toutdis leur sourvenoient nouvelles
5gens, Geneuois et aultres, qui ne les laissoient reposer.
Les ordenances et manières des assaus, comment
et de quoi, je les vous voel declarer et plainnement
deviser.
§ 248. Quant li signeur et li baron de France
10furent venu devant Aguillon, il regardèrent premierement
et considerèrent qu’il ne pooient parvenir
jusques à le forterèce, se il ne passoient le rivière
qui est large, longe et parfonde. Or leur couvenoit
faire un pont pour le passer. Si commanda li dus
15que li pons fust fais, quoi qu’il coustast. Si y vinrent,
pour ce pont ouvrer, plus de trois cens carpentiers,
qui y ouvroient jour et nuit. Quant li chevalier
qui dedens Aguillon estoient veirent que cilz pons
estoit fais oultre le moiienné de le rivière, il fisent
20apparillier trois naves et entrèrent ens, et puis cacièrent
tous ces ouvriers envoiés et les gardes ossi,
et puis deffisent, tantos et sans delay, tout ce qu’il
avoient fait et carpenté à grant painne un temps[329].
Quant li signeur de France veirent ce, il furent durement
25courouciet, et fisent apparillier aultres naves
à l’encontre d’eulz, et misent ens grant fuison de gens
d’armes, Geneuois, bidaus et arbalestriers; et commandèrent
les ouvriers à ouvrer, sus le fiance de
leurs gardes. Quant li ouvrier eurent ouvré un jour
[122] jusques à miedi, messires Gautiers de Mauni et aucun
de ses compagnons entrèrent en leurs nefs, et coururent
sus ces ouvriers et leurs gardes. Et en y eut
fuison de mors et de bleciés, et couvint les ouvriers
5laissier oevre et retourner arrière. Et fu adonc tout
deffait quanques fait avoient; et y laissièrent des
mors et des noiiés grant plenté. Cilz debas et ceste
rihote recommençoient cescun jour. Au pardaarrain,
li signeur de France y furent si estoffeement, et si
10bien gardèrent leurs ouvriers, que li pons fu fais bons
et fors. Si passèrent adonc li signeur et toute li hos
oultre, armé et ordonné par manière de bataille. Et
assallirent à ce donc le chastiel d’Aguillon fortement
et durement, sans yaus espargnier. Et y eut en ce
15jour très fort assaut et maint homme bleciet, car cil
de dedens se deffendoient si vassaument que merveilles
seroit à recorder. Et dura cilz assaus un jour
tout entier, mès riens n’i fisent. Si retournèrent au
soir en leurs logeis, pour yaus reposer et aisier. Il
20avoient bien de quoi, car leur host estoit bien pourveue
de tous biens. Chil dou chastiel se retraisent
ossi, et remisent à point ce qui brisiet et romput
estoit, car il avoient grant fuison d’ouvriers.
§ 249. Quant ce vint à l’endemain, cil signeur de
25France s’assamblèrent et regardèrent et avisèrent entre
yaus comment il poroient le mieus et le plus apertement
grever chiaus dou chastiel. Si ordonnèrent,
pour plus travillier leurs ennemis, que il partiroient
leur host en quatre parties: des quèles li première
30partie assaurroit dou matin jusques à prime, la seconde
de prime jusques à miedi, la tierce de miedi
[123] jusques à vespres, et la quarte de vespres jusques à
le nuit; car, il pensoient que li deffendant ne poroient
tant durer: si le fisent ensi par grant avis. Et
assallirent par tèle ordenance cinq jours ou six, mais
5ce ne leur valli riens; ains y pardirent grossement
de leurs gens. Car cil dou chastiel ne furent onques
si recreant, comment qu’il fuissent travaillet oultre
mesure, qu’il ne s’abandonnassent au deffendre si
vassaument, par quoi cil de l’host peuissent riens
10gaegnier sus yaus, nes tant seulement le pont que estoit
devant le chastiel. Et quant il veirent ce que assaut
que il feissent ne leur pourfitoit riens, si en furent
tout confus, et eurent aultre conseil. Car il envoiièrent
querre à Thoulouse huit les plus grans engiens qui y
15fuissent, et encores en fisent il faire et carpenter
quatre plus grans assés. Et fisent sans cesser ces douze
engiens getter jour et nuit par dedens le chastiel;
mais cil de le forterèce estoient si bien garitet que
onques pière d’engien ne les greva, fors as thois des
20manandies. Et avoient chil dou chastiel bons engiens
qui debrisoient tous les engiens de dehors; et en peu
d’eure en debrisièrent jusques à six, dont cil de l’host
furent moult courouciet. Et toutdis avisoient et soutilloient
comment il les poroient le mieuls grever.
25§ 250. Ensi estoit li chastiaus d’Aguillon et cil qui
le deffendoient assalli par plusieurs manières, car
priès que toutes les sepmainnes on y trouvoit et avisoit
aucune cose de nouviel. Et ossi cil dou chastiel
revisoient à l’encontre, pour eulz deffendre. Le siège
30durant devant Aguillon, il avint par pluiseurs fois que
messires Gautiers de Mauni s’en issi hors à tout cent
[124] ou six vingt compagnons, et en aloient par oultre le
rivière de leur costé fourer, et ramenoient, voiant
ceulz de l’host, souvent grant proie, dont li François
avoient grant anoi.
5Et avint un jour que messires Charles de Montmorensi,
mareschaus de l’host, chevauçoit et avoit bien
cinq cens compagnons tout à cheval, et ramenoit grant
proie en leur host, qu’il avoit fait recueillier sus le
pays, pour avitaillier l’ost. Si s’encontrèrent desous
10Aguillon ces deux chevaucies. Messires Gautiers de
Mauni ne volt mies refuser, comment qu’il euist le
mains de gens, mès se feri tantost en ces François, et
cil entre eulz. Là eut dur hustin et fort, et maint
homme reversé par terre, mort et bleciet. Et y fisent
15les deux chapitainnes grans apertises d’armes, et vaillamment
se combatirent. Toutes fois, li Englès en
euissent eu le pieur, car li François estoient bien
cinq contre un. Mès les nouvelles vinrent dedens
Aguillon que leur compagnon se combatoient, et qu’il
20n’estoient mies bien parti as François. Adonc issirent
il, cescuns qui mieulz mieulz, et le conte de Pennebruch
tout devant. Si vinrent tout à point à le meslée,
et trouvèrent monsigneur Gautier de Mauni qui estoit
à terre, enclos de ses ennemis, et là y faisoit merveilles
25d’armes. Si fu tantost rescous et remontés,
que li contes de Pennebruch fu venus.
Or vous dirai que li François avoient fait. Entroes
que leurs gens se combatoient et ensonnioient les Englès,
il cacièrent leur proie oultre, et le misent à sauveté;
30autrement il l’euissent perdu. Car li Englès qui
issirent hors d’Aguillon, pour secourir leurs compagnons,
li contes de Pennebruch, messires Franke de
[125] Halle, messires Hues de Hastinges, messires Robers de
Nuefville et li aultre s’i portèrent si vassaument, que
tantost il espardirent ces François, et rescousent tous
leurs compagnons, et prisent plusieurs prisonniers. Et
5à grant meschief se sauva messires Charles de Montmorensi,
qui s’en revint arrière, ensi que tous desconfis.
Et li Englès retournèrent dedens Aguillon.
§ 251. De telz rencontres et de tels hustins y avoit
souvent, sans les assaus et les escarmuces, qui estoient
10priès que tous les jours à chiaus dou chastiel. Et che
arguoit durement le duch de Normendie, pour tant
que cil d’Aguillon se tenoient si vaillamment. Et estoit
tèle li intention dou duch qu’il ne s’en partiroit
par nulle condition, si li rois de France ses pères ne
15le remandoit, se l’aroit conquis, et les Englès, qui dedens
estoient, mis à volenté. Or avisèrent li François
une aultre manière d’assaut, et fist on un jour armer
tous chiaus de l’host. Et commandèrent li signeur
que cil de Thoulouse, de Carcassonne et cil de Biaukaire
20et leurs seneschaudies assausissent dou matin
jusques à miedi; et chil de Roerge, de Chaours et
d’Aginois, à leur retrette, jusques à vespres. Et cilz
qui poroit gaegnier premiers le pont de le porte dou
chastiel, on li donroit tantost cent escus. Li dus de
25Normendie, pour mieulz furnir cest assaut, fist venir
et assambler sus le rivière grant planté de nefs et de
chalans. Li pluiseur entrèrent ens pour passer le ditte
rivière, et li aucun passèrent au pont. Chil dou chastiel,
qui veirent l’ordenance de l’assaut, furent tout
30apparilliet pour deffendre. Lors commença uns trop
plus fors assaus qu’il n’i euist encores eu. Qui là veist
[126] gens abandonner vies et corps, et approcier le pont,
pour le convoitise de gaegnier les cent escus, et
presser l’un sus l’autre, si com par envie; et qui regardast
ossi chiaus dou chastiel yaus deffendre vassaument,
5il se peuist bien esmervillier.
Finablement, au fort de le besongne, aucun se
misent par une nacielle en l’aigue par desous le
pont. Et jettèrent grans gros kros et havés au dit
pont leveis; et puis tirèrent si fort qu’il rompirent
10les chainnes qui le pont tenoient, et l’avalèrent jus
par force. Qui donc veist gens lancier sus ce pont,
et tresbucier li uns sus l’autre, dix ou douze ens
un mont, et veist chiaus d’amont en le porte jetter
grans pières, pos plains de cauch et grans mairiens,
15bien peuist veoir grant merveille, et gens mehagnier
et morir et tresbuchier en l’aigue. Toutes fois, fu li
pons conquis par force, mès il cousta grandement
de leurs gens plus qu’il ne vaulsist. Quant li pons fu
gaegniés, chil de l’host eurent otant ou plus à faire
20que devant, car il ne peurent aviser voie comment
il peuissent gaegnier le porte. Si se retraisent à leur
logeis, car jà estoit tart, et avoient mestier de reposer.
Quant il furent retrait, chil dou chastiel issirent
hors et refisent le pont plus fort que devant.
25§ 252. A l’endemain, vinrent doi mestre engigneour
au duch de Normendie et as signeurs de son conseil,
et dirent, se on les voloit croire et livrer bois et ouvriers
à fuison, il feroient quatre grans kas fors et
haus sus quatre grandes fortes nefs, que on menroit
30jusques as murs dou chastiel. Et seroient si hault
qu’il sourmonteroient les murs: par quoi cil qui dedens
[127] les dis chas se tenroient, se combateroient main
à main à chiaus qui seroient sus les murs dou chastiel.
A ces paroles entendi li dus volentiers, et commanda
que cil quatre chat fuissent fait, quoi qu’il
5deuissent couster, et que on mesist en oevre tous les
carpentiers dou pays, et que on lor paiast largement
leur journée, par quoi il ouvrassent plus volentiers
et mieulz apertement. Chil quatre kat furent fait, à
le devise et ordenance des deux maistres, en quatre
10fortes nefs. On y mist longement, et coustèrent grans
deniers. Quant il furent parfait, et les gens d’armes
dedens entré, qui à chiaus dou chastiel devoient combattre,
et il eurent passet le moitié de le rivière, chil
dou chastiel fisent desclichier quatre martinés que il
15avoient nouvellement fais faire, pour remediier contre
les quatre kas dessus dis. Chil quatre martinet jettèrent
si grosses pières, et si souvent sur ces chas qu’il
furent bien tos debrisiés, et si confroissiés que les gens
d’armes et cil qui les conduisoient ne se peurent dedens
20garandir. Si les couvint retraire arrière, ançois
qu’il fuissent oultre le rivière. Et en fu li uns effondrés
au fons de l’aigue, et la plus grant partie de
chiaus qui dedens estoient noiiet, dont ce fu pités et
damages; car il y avoit des bons chevaliers et escuiers,
25qui grant desir avoient de leurs corps, pour leur honneur,
avancier.
§ 253. Quant li dus de Normendie et li signeur
de France veirent le grant meschief, et que par ce il
ne pooient parvenir à leur entention, il furent moult
30courouciet. Et fisent les aultres trois nefs et les kas
cesser et retraire, et issir hors tous ceulz qui dedens
[128] estoient. Si ne pooient li signeur plus aviser voie,
manière ne engien comment il peuissent le fort chastiel
d’Aghillon prendre ne avoir. Et se n’i avoit prince
ne baron, tant fust grans sires ne proçains de linage
5au duch de Normendie, qui osast parler dou deslogier
ne traire aultre part, car li dis dus en avoit parlé
moult avant qu’il ne s’en partiroit, si aroit le chastiel à
se volenté et chiaus qui dedens estoient, non se li
rois ses pères ne le remandoit.
10Si avisèrent li signeur que li contes de Ghines,
connestables de France, et li contes de Tankarville se
departiroient dou siège et s’en retourneroient en
France, pour remoustrer et conter au dit roy l’ordenance
et l’estat dou siège d’Aguillon. Si se partirent
15de l’host chil doi conte dessus dit, assés par le congiet
dou duch, et chevaucièrent tant par leurs journées
qu’il vinrent à Paris, où il trouvèrent le roy Phelippe.
Se li recordèrent le manière et l’estat dou siège d’Aguillon,
et comment li dus ses filz l’avoit fait assallir
20par pluiseurs assaus, et riens n’i conqueroit. Li rois
en fu tous esmervilliés, et ne remanda point adonc le
duch son fil, mès voloit bien qu’il se tenist encores
devant Aguillon, jusques à tant qu’il les euist constrains
et conquis par famine, puis que par assaut ne
25les pooit avoir. Or nous soufferons à parler dou duch
de Normendie et dou siège d’Aguillon, et parlerons
dou roy Edouwart d’Engleterre et d’une grosse chevaucie
qu’il fist en celle saison par deça le mer.
§ 254. Bien avoit oy recorder li dessus dis rois
30d’Engleterre que ses gens estoient durement astrains
et fort assegiet dedens le chastiel d’Aguillon, et que
[129] li contes Derbi ses cousins, qui se tenoit à Bourdiaus,
n’estoit mies fors pour le temps de tenir les camps et
lever le siège dou duch de Normendie devant Aguillon.
Si s’apensa qu’il metteroit sus une grosse armée de
5gens d’armes, et les amenroit en Gascongne. Si commença
à faire ses pourveances tout bellement, et à
mander gens parmi son royaume, et ailleurs ossi où
il les esperoit à avoir, parmi ses denierz paians.
En ce temps arriva en Engleterre messires Godefrois
10de Harcourt, qui estoit banis de France, ensi que
vous avés oy. Si se traist tantost devers le roy et le
royne, qui se tenoient adonc à Cartesée, à quatorze
liewes de le cité de Londres, sus le rivière de le Tamise,
qui rechurent ledit monsigneur Godefroi moult
15liement. Et le retint tantost li rois de son hostel et
de son conseil, et li assigna belle terre et grande en
Engleterre, pour lui et pour son estat tenir et parmaintenir
bien et estoffeement.
Assés tost apriès, eut li rois d’Engleterre ordonné
20et appareilliet une partie de ses besongnes, et avoit
fait venir et assambler ou havene de Hantonne grant
quantité de naves et de vaissiaus, et faisoit celle part
traire toutes manières de gens d’armes et d’arciers.
Environ le jour Saint Jehan Baptiste, l’an mil trois
25cens quarante six, se parti li rois de madame la
royne sa femme, et prist congiet à lui, et le recommenda
en le garde dou conte de Kent son cousin. Et
establi le signeur de Persi et le signeur de Nuefville
à estre gardiien de tout son royalme, avoecques quatre
30prelas, loist à savoir, l’arcevesque de Cantorbie,
l’archevesque d’Iorch, l’evesque de Lincolle et l’evesque
de Durem. Et ne vuida mies son royalme telement
[130] qu’il ne demorast assés de bonne gent pour le garder,
se mestier faisoit, et bien deffendre. Puis vint et chevauça
li rois sus les marces de Hantonne; et là se tint
tant qu’il eut vent pour lui et pour toutes ses gens.
5Si entra en son vaissiel et li princes de Galles ses filz,
et messires Godefrois de Harcourt, et cescuns aultres
sires, contes et barons entre ses gens, ensi que ordonnés
estoit. Si pooient estre en nombre sept mil
hommes d’armes et dix mil arciers, sans les Irois
10et aucuns Galois qui sievoient son host tout à piet.
Or vous nommerai aucuns grans signeurs qui estoient
avoecques le dit roy: et premiers Edowart
son ainsnet fil, prince de Galles, qui lors estoit en
l’eage de treize ans ou environ, li contes de Herfort,
15li contes de Norenton, li contes d’Arondiel, li contes
de Cornuaille, li contes de Warvich, li contes de
Hostidonne, li contes de Sufforch et li contes d’Askesuffore;
et de barons, messires Jehans de Mortemer,
qui puis fu contes de le Marce, messires Jehans, messires
20Loeis et messires Rogiers de Biaucamp, messires
Renaulz de Gobehen, li sires de Montbray, li
sires de Ros, li sires de Lussi, li sires de Felleton, li
sires de Brasseton, li sires de Multon, li sires de le
Ware, li sires de Manne, li sires de Basset, li sires
25de Sulli, li sires de Bercler, li sires de Willebi et
pluiseurs aultres; et de bachelers, messires Jehans
Chandos, messires Guillaumes Filz Warine, messires
Pières et messires James d’Audelée, messires Rogiers
de Wettevale, messires Bietremieus de Brues, messires
30Richars de Pennebruge, et moult d’autres que je
ne puis mies tous nommer. Peu d’estragniers y avoit.
Si y estoient le conte de Haynau, messires Oulphars
[131] de Ghistelles et cinq ou six chevaliers d’Alemagne
que je ne sçai mies nommer. Si singlèrent ce premier
jour à l’ordenance de Dieu et dou vent et des
maronniers, et eurent assés bon esploit pour aller
5devers Gascongne, où li rois tendoit à aller. Au tierch
jour qu’il se furent mis sus mer, li vens leur fu tous
contraires et les rebouta sus les marces de Cornuaille;
si jeurent là à l’ancre six jours.
En ce terme, eut li rois aultre conseil par l’enort
10et information de monsigneur Godefroy de Harcourt,
qui li consilla, pour le mieulz et faire plus
grant esploit, qu’il presist terre en Normendie. Et
dist bien adonc au roy li dis messires Godefrois:
«Sire, li pays de Normendie est li uns des plus gras
15dou monde. Et vous prommech, sus l’abandon de
ma teste, que, se vous arrivés là, vous y prenderés
terre à vostre volenté; ne jà nulz ne vous venra au
devant qui rien vous dure, car ce sont gens en Normendie
qui onques ne furent armé. Et toute la fleur
20de le chevalerie, qui y poet estre, gist maintenant devant
Aguillon avoech le duch. Et trouverés en Normendie
grosses villes batices, qui point ne sont fremées,
où vos gens aront si grant pourfit qu’il en
vauront mieulz vingt ans ensievant. Et vous pora
25vostre navie sievir jusques bien priés de Ken en
Normendie. Si vous pri que je soie oys et creus de
ce voiage.»
§ 255. Li rois d’Engleterre, qui pour le temps de
lors estoit en le fleur de se jonèce, et qui ne desiroit
30fors à trouver les armes et ses ennemis, s’enclina de
grant volenté as parolles de monsigneur Godefroy
[132] de Harcourt qu’il appelloit son cousin. Si commanda
à ses maronniers qu’il tournaissent viers Normendie.
Et il meismes prist l’ensengne de l’amiral le conte de
Warvich, et volt estre amiraus pour ce voiage, et se
5mist tout devant, comme patrons et gouvrenères de
toute le navie. Et singlèrent avoech le vent qu’il
avoient à volenté. Si arriva la navie dou roy d’Engleterre
en l’ille de Constentin, et sus un certain port
que on appelle le Hoghe Saint Vast. Ces nouvelles
10s’espardirent tantost sus le pays, que li Englès avoient
là pris terre. Et vinrent messagier acourant jusques
à Paris devers le roy de France, envoiiés de par les
villes de Constentin.
Bien avoit oy recorder li rois de France en celle
15saison, que li rois d’Engleterre metoit sus une grant
armée de gens d’armes. Et plus avant on les avoit
veus sus mer des bendes de Normendie et de Bretagne,
mais on ne savoit encores quel part il voloient
traire. Dont si tretost que li dis rois entendi que li
20Englès avoient pris terre en Normendie, il fist haster
son connestable le conte de Ghines, et le conte de
Tankarville, qui nouvellement estoient revenu d’Aguillon;
et leur dist qu’il se traissent devers Ken et se
tenissent là, et gardassent le ville et le marce contre
25les Englès. Chil respondirent: «Volentiers», et qu’il
en feroient leur pooir. Si se partirent, dou roy et de
Paris à tout grant fuison de gens d’armes, et tous les
jours leur en venoit. Et chevaucièrent tant qu’il vinrent
en le bonne ville de Kem, où il furent receu à
30grant joie des bourgois et des bonnes gens d’environ
qui là s’estoient retrait. Si entendirent li dessus dit
signeur as ordenances de le ville, qui pour le temps
[133] n’estoit point fremée, et aussi à faire armer et appareillier
et pourveir d’armeures, cescun selonch son
estat. Or revenrons au roy d’Engleterre, qui estoit arrivés
en le Hoge Saint Vast, assés priés de Saint Salveur
5le Visconte, l’iretage à monsigneur Godefroi de
Harcourt.
§ 256. Quant la navie dou roy d’Engleterre eut
pris terre en la Hoge, et elle fu toute arestée et ancrée
sus le sablon, li dis rois issi de son vaissiel; et,
10dou premier piet qu’il mist sus terre, il chei si roidement
que li sans li vola hors dou nés. Adonc le
prisent si chevalier, qui dalés lui estoient, et li disent:
«Chiers sires, retraiiés vous en vostre nef et ne venés
meshui à terre, car veci un petit signe pour
15vous.» Donc respondi li rois tout pourveuement et
sans delay: «Pour quoi? mès uns très bons signes
pour mi, car la terre me desire.» De ceste response
furent ses gens tout resjoy.
Ensi se loga li rois ce jour et le nuit, et encores
20l’endemain tout le jour et toute le nuit, sus le sabelon.
Entrues descarga on le navie des chevaus et
de tout leur harnois. Et eurent conseil là en dedens
comment il se poroient maintenir. Si fist li rois deux
mareschaus en son host, l’un monsigneur Godefroi
25de Harcourt et l’autre le conte de Warvich, et connestable
le conte d’Arondiel; et ordonna le conte de
Hostidonne à demorer sus leur navie, à cent hommes
d’armes et quatre cens archiers. Et puis eurent
aultre conseil comment il chevauceroient. Il ordonnèrent
30leur gens en trois batailles: li une iroit d’un
lés tout serrant le marine à destre, et li aultre à
[134] senestre; et li rois et li princes ses filz iroient par
terre. Et devoit toutes les nuis la bataille des mareschaus
retraire ou logeis dou roy.
Si commencièrent à chevaucier et aler ces gens
5d’armes, ensi que ordonné estoit. Chil qui s’en
aloient par mer, selonch le marine, prendoient toutes
les navies, petites et grandes, qu’il trouvoient, et les
emmenoient avoecques yaus. Arcier et gens de piet
aloient de costet selonch le marine, et reuboient,
10pilloient et prendoient tout che qu’il trouvoient. Et
tant alèrent et cil de mer et cil de terre qu’il vinrent
à un port de mer et une forte ville que on claime
Barflues; et le conquisent tantost, car li bourgois se
rendirent pour le doubtance de mort. Mès pour ce,
15ne demora mies que toute la ville ne fust reubée, et
pris or et argent et chiers jeuiaulz, car il en trouvèrent
si grant fuison, que garçon n’avoient cure de
draps fourés de vair. Et fisent tous les hommes de le
ville issir hors de leur ville, et entrer ens ès vaissiaus
20avoecques yaus, et aler ent ossi avoech yaus, pour ce
qu’il ne voloient mies que ces gens se peuissent
rassambler, pour yaus grever, quant il seroient oultre
passet.
§ 257. Apriès ce que la ville de Barflues fu prise
25et reubée sans ardoir, il s’espardirent parmi le pays,
selonch le marine. Si y fisent une grant part de leurs
volentés, car il ne trouvèrent homme qui leur deveast.
Et alèrent tant qu’il vinrent jusques à une
bonne ville grosse et riche et port de mer, qui s’appelle
30Chierebourch. Si en ardirent et reubèrent une
partie, mès dedens le chastiel ne peurent il entrer,
[135] car il le trouvèrent trop fort et bien garni de gens
d’armes. Et puis passèrent oultre, et vinrent viers
Montebourch et Valoigne[330]. Si le prisent et reubèrent
toute, et puis l’ardirent, et en tel manière grant fuison
5de villes en celle contrée. Et conquisent si fier
et si grant avoir que merveilles seroit à penser et à
nombrer.
En apriès, il vinrent à une moult grosse ville
et bien fremée, que on appelle Quarentin, et ossi il
10y a moult bon chastiel. Et adonc y avoit grant
fuison de saudoiiers qui le gardoient. Adonc descendirent
li signeur et les gens d’armes de leurs naves,
et vinrent devant le ville de Quarentin, et l’assallirent
vistement et fortement. Quant li bourgois veirent
15chou, il eurent grant paour de perdre corps et
avoir; si se rendirent, salves leurs corps, leurs femmes
et leurs enfans, maugret les gens d’armes qui
avoecques yaus estoient, et misent leur avoir à volenté,
car il savoient bien qu’il estoit perdus davantage.
20Quant li saudoiier veirent ce, il se traisent par
devers le chastiel qui estoit moult fors, et cil signeur
d’Engleterre ne veurent mies laissier le chastiel ensi.
Si se traisent en le ville, puis fisent assallir au dit
chastiel par deux jours, si fortement qui cil qui dedens
25estoient et qui nul secours ne veoient, le rendirent,
salve leur corps et leur avoir; si s’en partirent
et alèrent aultre part. Et li Englès fisent leur volenté
de celle bonne ville et dou fort chastiel. Et regardèrent
qu’il ne le poroient tenir; si l’ardirent tout et
[136] abatirent, et fisent les bourgois de Quarentin entrer
en leur navie. Et alèrent avoecques yaus, tout ensi
que il avoient fait chiaux de Barflues, de Chierebourch
et des villes voisines, qu’il avoient pris et pilliés
5sus le marine. Or parlerons nous un petit otant
bien de le chevaucie le roy d’Engleterre, que nous
avons parlé de ceste.
§ 258. Quant li rois d’Engleterre eut envoiiet ses
gens selonch le marine, l’un de ses mareschaus le
10conte de Warvich et monsigneur Renault de Gobehen,
ensi que vous avés oy, assés tost apriès il se
parti de le Hoghe Saint Vast, là où il estoit arrivés.
Et fist monsigneur Godefroy de Harcourt conduiseur
de toute son host, pour tant qu’il savoit les entrées
15et les issues en Normendie. Li quels messires Godefrois
se parti de le route dou roy, à cinq cens armeures
et deux mil arciers, et chevauça bien six ou sept
liewes loing en sus de l’host le roi, ardant et essillant
le pays. Si trouvèrent le pays gras et plentiveus
20de toutes coses, les gragnes plainnes de blés, les maisons
plainnes de toutes rikèces, riches bourgois, chars,
charètes, et chevaus, pourciaus, brebis et moutons et
les plus biaus bues dou monde que on nourist ens
ou pays. Si en prisent à leur volenté, des quelz qu’il
25veurent, et amenerent en l’ost le roy. Mais li varlet.
ne donnoient point, ne rendoient as gens le roy l’or
et l’argent qu’il trouvoient; ançois le retenoient pour
yaus. Ensi chevauçoit messires Godefrois de Harcourt
cescun jour d’encoste le grant host le roy, au
30destre costet, et revenoit le soir o toute sa compagnie
là où il savoit que li rois devoit logier; et telz
[137] fois estoit qu’il demoroit deux jours, quant il trouvoit
gras pays et assés à fourer.
Si prist li dis rois son chemin et son charoi devers
Saint Leu en Constentin. Mès, ançois qu’il y parvenist,
5il se loga sus une rivière trois jours, attendans
ses gens qui avoient fait le chevaucie sus le marine,
ensi que vous avés oy. Quant il furent revenu et il
eurent tout leur avoir mis à voiture, li contes de
Warvich et li contes de Sufforch et messires Thumas
10de Hollandes et messires Renaulz de Gobehen et leur
route reprisent le chemin à senestre, ardant et exiliant
le pays ensi que messires Godefrois de Harcourt
faisoit. Et li rois chevauçoit entre ces batailles; et
tous les jours se trouvoient il ensamble.
15§ 259. Ensi par les Englès estoit ars et exilliés,
robés, gastés et pilliés li bons pays et li gras de Normendie.
Dont les plaintes et les nouvelles vinrent au
roy de France, qui se tenoit en le cité de Paris, comment
li rois d’Engleterre estoit arrivés en Constentin
20et gastoit tout devant lui, à destre et à senestre. Dont
dist li rois Phelippes et jura que jamais ne retourroient
li Englès si aroient esté combatu, et les destourbiers
et anois qu’il faisoient à [ses[331]] gens leur
seroient chier vendu. Si fist tantost et sans delay li
25dis roys lettres escrire à grant fuison. Et envoia
premierement devers ses bons amis de l’Empire, pour
tant qu’il li estoient plus lontain: premierement au
gentil roy de Behagne que moult amoit, et ossi à
[138] monsigneur Charle de Behagne son fil, qui dès lors
s’appeloit rois d’Alemagne, et en estoit rois notorement,
par l’ayde et pourcach de monsigneur Charle
son père et dou roy de France, et avoit jà encargiet
5les armes de l’Empire. Si les pria li rois de France,
si acertes comme il peut, que il venissent o tout leur
effort, car il voloit chevaucier contre les Englès qui
li ardoient et gastoient son pays. Li dessus nommet
signeur ne se veurent mies escuser, mès fisent leur
10amas de gens d’armes, d’Alemans et de Behagnons
et de Lussemboursins, et s’en vinrent en France devers
le roy efforciement. Ossi escrisi li dis rois au
duch de Loeraingne, qui le vint servir à plus de quatre
cens lances. Si y vint li contes de Saumes en
15Saumois, li contes de Salebruges, li contes de Flandres,
li contes Guillaumes de Namur, cescuns à moult
belle route. Encores escrisi li rois et manda especialement
monsigneur Jehan de Haynau, qui nouvellement
s’estoit alliés à lui, par le pourcach dou conte
20Loeis de Blois son fil, et dou signeur de Fagnuelles.
Si vint li gentilz sires de Byaumont, messires Jehans
de Haynau, servir le roy de France moult estoffeement
et à grant fuison de bonne bacelerie de le
conté de Haynau et d’ailleurs: dont li rois eut grant
25joie de sa venue, et le retint pour son corps et de
son plus privet et especial conseil. Ensi manda li
rois de France par tout gens d’armes, là où il les pensoit
à avoir. Et fist une des grosses assamblées de
grans signeurs, dus, contes, barons et chevaliers,
30que on ewist veu en France cent ans en devant. Et
pour tant que il mandoit ensi gens par tout en lontains
pays, il ne furent mies sitost venu ne assamblé.
[139] Ançois eut li rois d’Engleterre moult malement
courut et arret le pays de Constentin et de Normendie,
ensi que vous orés recorder en sievant.
§ 260. Vous avez chi dessus bien oy compter
5l’ordenance des Englès, et comment il chevauçoient
en trois batailles, li mareschal à destre et à senestre,
et li rois et li princes de Galles ses filz en le moiiène.
Et vous di que li rois chevauçoit à petites journées.
Tout dis estoient il logiet entre tierce et miedi. Et trouvoient
10le pays si plentiveus et si garni de tous vivres
qu’il ne leur couvenoit faire nulles pourveances fors
que de vins: si en trouvoient il assés par raison. Si
n’estoit point de merveilles se cil dou pays estoient effraet
ne esbahi, car avant ce il n’avoient onques veu
15homme d’armes, et ne savoient que c’estoit de guerre
ne de bataille. Si fuioient devant les Englès de si
lonch qu’il en ooient parler, et laissoient leurs maisons,
leurs gragnes toutes plainnes; ne il n’avoient
mies art ne manière dou sauver ne dou garder. Li
20rois d’Engleterre et li princes de Galles ses filz avoient
en leur route environ trois mil hommes d’armes,
six mil arciers et dix mil sergans de piet, sans chiaus
qui chevauçoient avoech les mareschaus.
Si chevauça li dis rois en tel manière que je vous
25di, ardans et essillans le pays, et sans point brisier
sen ordenance. Et ne tourna point vers le cité de
Coustances, ains s’en alla par devers le grosse ville de
Saint Leu en Constentin, qui pour le temps estoit durement
riche et marchande, et valloit trois [fois[332]] tant
[140] que la cité de Coustances. En celle ville de Saint Leu
[en] Constentin avoit très grande draperie et grosse,
et grant fuison de riches bourgois. Et trouvast on
bien en le ditte ville de Saint Leu manans huit mil
5ou neuf mil, bourgois que gens de mestier. Quant li
rois d’Engleterre fu venus assés priès, il se loga dehors,
car il ne voet mies logier en le ville, pour le
doubtance dou feu. Si envoia ses gens par devant, et
fu la ville tantost conquise à peu de fait, courue et
10robée par tout; ne il n’est homs vivans qui poroit
croire ne penser le grant avoir qui là fu gaagniés
et robés, et le grant fuison de bons draps qu’il y
trouvèrent. Il en euissent donnet grant marciet, s’il
les seuissent à qui vendre. Et moult y eut d’avoir
15conquis qui point ne vint à cognissance.
§ 261. Quant li rois d’Engleterre et ses gens eurent
fait leurs volentés de le bonne ville de Saint Leu
[en] Constentin, il s’en partirent et prisent lor chemin
pour venir encores par devers plus grosse ville trois
20fois, qui s’appelle Kem, qui est priés ossi grande que
la cité de Roem. La ville de Kem est plainne de très
grant rikèce, de draperie, et de toutes marcheandises,
de riches bourgois, de nobles dames et de moult
belles eglises. Et par especial il y a deux, grosses abbeyes
25durement riches, seans l’une à l’un des cor[on]s
de le ville, et l’autre à l’autre; et appell’on l’une de
Saint Estievene, et l’autre de le Trinité. En celi des
dames doit avoir six vingt dames à plainne prouvende.
D’autre part, à l’un des lés de le ville, siet li chastiaus,
30qui est un des biaus et des fors de toute Normendie.
Si en estoit chapitainne adonc uns bons chevaliers
[141] preus [et hardis[333]] de Normendie, qui s’appelloit
messires Robers de Wargni. Et avoit dedens le
chastiel en garnison avoecques lui bien trois cens
Geneuois. Ou corps de le ville estoient li contes d’Eu
5et de Ghines, connestables pour le temps de France,
et li contes de Tankarville, et grant fuison de bonnes
gens d’armes que li rois de France y avoit envoiiés,
pour garder le ville et le passage contre les Englès.
Li rois d’Engleterre avoit bien entendu que la ville
10de Kem estoit durement grosse et riche, et bien
pourvue de bonnes gens d’armes. Si chevauça celle
part tout sagement, et remist ses batailles ensamble,
et se loga celle nuit sus les camps à [deux liewes
priès. Et tousjours le suivoit et costioit sa navire, et
15vint jusques[334]] à deux petites liewes priès de Kem, à
une ville et sus un havene que on appelle Austrehem;
jusques à là, et sus le rivière de Ourne, qui court
parmi Kem, [il fist venir le conte[335]] de Hostidonne,
qui en estoit conduisières et paterons.
20Li connestables de France et li aultre signeur, qui
là estoient assamblé, gettièrent moult souffisamment
le ville de Kem celle nuit, et ne fisent mies trop grant
compte des Englès. L’endemain au matin, li dit signeur,
baron et chevalier qui là estoient, s’armèrent
25et fisent armer leurs gens et tous les bourgois de le
ville, et puis se traisent en conseil ensamble pour savoir
comment il se mainte[n]roient. Si fu adonc li intention
et ordenance dou connestable de France et
[142] dou conte de Tankarville, que nulz ne vuidast le ville,
mais gardaissent les portes et le pont et le rivière, et
laissassent les premiers fausbours as Englès, pour tant
qu’il n’estoient point fremés; car encores seroient il
5bien ensonniiet de garder le corps de le ville, qui n’estoit
fremée fors de le rivière. Chil de le ville respondirent
qu’il ne feroient mies ensi, et qu’il se trairoient
sus les camps et attenderoient la poissance dou roy
d’Engleterre, car il estoient gens et fors assés pour le
10combatre. Quant li connestables oy leur bonne volenté,
si respondi: «Ce soit ou nom de Dieu, et vous
ne vous combaterés point sans mi et sans mes gens.»
Dont se traisent au dehors de le ville, et se misent à
ce commencement assés en bonne ordenance, et
15fisent grant semblant d’yaus bien deffendre et de
mettre leurs vies en aventure.
§ 262. En ce jour se levèrent li Englès moult
matin, et se apparillièrent d’aler celle part. Si oy li
dis rois messe devant soleil levant, et puis monta à
20cheval et li princes ses filz et messires Godefrois de
Harcourt, qui estoit mareschaus et gouvrenères de
l’host, et par quel conseil li rois ouvroit en partie. Si
se traisent tout bellement celle part leurs batailles
rengies, et chevauçoient les banières des mareschaus
25tout devant. Si approcièrent durement le grosse ville
de Kem et ces gens d’armes qui tout s’estoient trait
sus les camps, et par samblant assés en bon couvenant.
Si tretost que chil bourgois de le ville de Kem
veirent approcier ces Englès qui venoient en trois
30batailles drut et sieret, et perchurent ces banières et
ces pennons à grant fuison bauloiier et venteler, et
[143] oïrent ces arciers ruire qu’il n’avoient point acoustumé
de veir ne de sentir, si furent si effraet et si
desconfi d’yaus meismes, que tout cil dou monde ne
les euissent mies retenus qu’il ne se fuissent mis à la
5fuite. Si se retraisent cescuns viers leur ville, sans
arroi, vosist li connestables ou non. Adonc peuist on
veir gens fremir et esbahir, et celle bataille ensi rengie
desconfire à peu de fait, car cescuns se pena de rentrer
en le ville à sauveté. Là eut grant encauch et
10maint homme reversé et jetté par terre. Et cheoient
à mons l’un sus l’autre, tant estoient il fort enhidé. Li
connestables de France et li contes de Tankarville et
aucun chevalier se misent en une porte sus l’entrée
dou pont à sauveté; car bien veirent, puisque leurs
15gens fuioient, que de recouvrier n’i avoit point; car
cil Englès estoient jà entré et avalé entre yaus, et les
occioient sans merci à volenté. Aucun chevalier et
escuier et aultres gens, qui savoient le chemin viers
le chastiel, se traioient celle part. Et tous les recueilloit
20messires Robers de Wargni, car li chastiaus est
durement grans et plentiveus. Chil furent à sauveté
qui là peurent venir. Englès, gens d’armes et arciers,
qui encauçoient les fuians, faisoient grant occision,
car il ne prendoient nullui à merci.
25Dont il avint que li connestables de France et li
contes de Tankarville, qui estoient monté en celle
porte au piet dou pont à sauveté, regardoient au
lonch et amont le rue, et veoient si grant pestilence
et tribulation que grans hideurs estoit à considerer
30et imaginer. Si se doubtèrent d’eulz meismes que il
n’escheissent en ce parti et entre mains d’arciers, qui
point ne les cognuissent. Ensi que il regardoient aval
[144] en grant doubte ces gens tuer, il perçurent un gentil
chevalier englès, qui n’avoit c’un oel, que on clamoit
monsigneur Thumas de Hollandes, et cinq ou six bons
chevaliers avoecques lui: lequel monsigneur Thumas
5ravisèrent bien, car il s’estoient aultre fois veu et
compagniet l’un l’autre à Grenade et en Prusse et en
aultres voiages, ensi que chevalier se truevent. Si
furent tout reconforté quant il le veirent; si l’appellèrent
en passant, et li disent: «Monsigneur Thumas,
10monsigneur Thumas, parlés à nous!» Quant li chevaliers
se oy nommer, il s’arresta tous quois et demanda:
«Qui estes vous, signeur, qui me cognissiés?»
Li dessus dit signeur se nommèrent et disent: «Nous
sommes telz et telz. Venés parler à nous en ceste
15porte, et nous prendés à prisonniers.» Quant li dis
messires Thumas oy ceste parolle, si fu tous joians,
tant pour ce que il les pooit sauver que pour ce qu’il
avoit, en yaus prendre, une belle aventure de bons
prisonniers, pour avoir cent mil moutons. Si se traist
20au plus tost qu’il peut à toute se route celle part, et
descendirent li et seize des siens, et montèrent amont
en le porte; et trouvèrent les dessus dis signeurs et
bien vingt cinq chevaliers avoecques eulz, qui n’estoient
mies bien asseur de l’occision que il veoient
25que on faisoit sus les rues. Et se rendirent [tous[336]]
sans delay, pour yaus sauver, au dit monsigneur
Thumas, qui les prist et fiança prisonniers. Et puis
mist et laissa de ses gens assés pour yaus garder, et
monta à cheval et s’en vint sus les rues. Et destourna
30ce jour à faire mainte cruaulté et pluiseurs horribles
[145] fais qui euissent estet fait, se il ne [fust[337]] alés au devant:
dont il fist aumosne et gentillèce. Avoecques le
dit monsigneur Thumas de Hollandes avoit pluiseurs
gentilz chevaliers d’Engleterre qui gardèrent et esconsèrent
5tamaint meschief à faire, et mainte belle bourgoise
et tamainte dame d’enclostre à violer. Et chei
adonc si bien au roy d’Engleterre et à ses gens que la
rivière qui keurt parmi le ville de Kem, qui porte
grosse navie, estoit si basse et si morte qu’il le passoient
10et rapassoient à leur aise, sans le dangier dou
pont.
Ensi eut et conquist li dis rois le bonne ville de
Kem et en fu sires; mès trop li cousta aussi, au voir
dire, de ses gens. Car chil qui estoient monté en loges
15et en soliers sus ces estroites rues, jettoient pières
et baus et mortiers, et en occirent le premier jour
que mehagnièrent plus de cinq cens: dont li rois
d’Engleterre fu trop durement courouciés au soir,
quant on l’en dist le verité. Et ordonna et commanda
20que, à l’endemain, on parmesist tout à l’espée,
et le ditte ville en feu et en flame. Mès messires
Godefrois de Harcourt ala au devant de ceste ordenance
et dist: «Chiers sires, voelliés affrener un
petit vostre corage, et vous souffise ce que vous en
25avés fait. Vous avez encores à faire un moult grant
voiage, ançois que vous soiiés devant Calais, où vous
tirés à venir. Et si a encores dedens ceste ville grant
fuison de peuple qui se deffenderont en leurs hostelz
et leurs maisons, s’on leur keurt seure. Et vous poroit
[146] trop grandement couster de vos gens, ançois que la
ville fust essillie, par quoi vostres voiages se poroit
desrompre. Et se vous retournés sus l’emprise que
vous avés à faire, il vous tourroit à grant blasme. Si
5espargniés vos gens, et saciés qu’il vous venront très
bien à point dedens un mois. Car il ne poet estre
que vos adversaires li rois Phelippes ne doie chevaucier
contre vous à tout son effort, et combatre à quel
fin que soit. Et trouverés encores des destrois, des
10passages, des assaus et des rencontres pluiseurs, par
quoi les gens que vous avés et plus encores vous feront
bien mestier. Et, sans occire, nous serons bien
signeur et mestre de ceste ville. Et nous metteront
très volentiers hommes et femmes tout le leur en
15abandon.» Li rois d’Engleterre, qui oy et entendi
monsigneur Godefroy parler, cogneut assés qu’il disoit
vérité, et que tout ce li pooit avenir qu’il li moustroit;
si s’en passa atant et dist: «Messire Godefroi,
vous estes nos mareschaus. Ordonnés ent en avant
20ensi que bon vous samble, car dessus vous, tant c’à
ceste fois, ne voel je mettre point de regart.»
Adonc fist li dis messires Godefrois de Harcourt
chevaucier se banière de rue en rue, et commanda de
par le roy que nulz ne fust si hardis, dessus le hart,
25qui boutast feu ne occesist homme ne violast femme.
Quant cil de Kem entendirent ce ban, si furent plus
asseur, et recueillièrent aucuns des Englès dedens
leurs hostelz, sans riens fourfaire. Et li aucun ouvraient
leurs coffres et leurs escrins; et abandonnoient
30tout ce qu’il avoient, mais qu’il fuissent aseur
de leur vie. Nonobstant ce et le ban dou roy et dou
mareschal, si y eut dedens le ville de Kem moult de
[147] villains fais, de mourdres, de pillemens, de roberies,
d’arsins et de larecins, car il ne poet estre que, en
une tèle host que li rois d’Engleterre menoit, qu’il
n’i ait des villains, des garçons et des maufaiteurs
5assés et gens de petite conscience. Ensi furent li
Englès, de le bonne ville de Kem signeur, trois jours.
Et y conquisent et gaegnièrent si fier avoir que merveilles
seroit à penser. En ce sejour il entendirent à
ordonner leurs besongnes, et envoiièrent par barges
10et par batiaus tout leur avoir et leur gaaing, draps,
jeuiaus, vaisselemence d’or et d’argent, et toutes aultres
rikèces dont il avoient grant fuison, sus le rivière,
jusques à Austrehem, à deux liewes ensus de
là, où leur grosse navie estoit. Et eurent avis et conseil,
15par grant deliberation, que leur navie à tout leur
conquès et leurs prisonniers il envoieroient arrière
en Engleterre. Si fu ordonnés li contes de Hostidonne
à estre conduisières et souverains de ceste
navie, à tout deux cens hommes d’armes et quatre
20cens arciers. Et achata li dis rois d’Engleterre le conte
de Ghines, connestable de France, et le conte de
Tankarville, à monsigneur Thumas de Hollandes et
à ses compagnons, et en paia vingt mil nobles tous
appareilliés.
25§ 263. Ensi ordonna li rois d’Engleterre ses besongnes,
estans en le ville de Kem, et renvoia se navie
cargie d’or et d’avoir conquis et de bons prisonniers,
dont il y avoit jà plus de soissante chevaliers, et trois
cens riches bourgois, et avoech ce grant fuison de
30salus et d’amistés à sa femme, la gentilz royne d’Engleterre,
madame Phelippe.
[148] Or lairons nous à parler dou conte de Hostidonne
et de le navie qui s’en reva vers Engleterre, et parlerons
dou dit roy comment il persevera en ce voiage.
Quant il eut sejourné en le ville de Kem, ensi que
5vous avés oy, et que ses gens en eurent fait leurs
volentés, il s’en parti et fist chevaucier ses mareschaus
ensi comme en devant, l’un à l’un des lés et
l’autre à l’autre lés, ardant et essillant le plat pays.
Et prisent le chemin de Evrues, mès point n’i tournèrent,
10car elle est trop forte et trop bien fremée.
Mais il chevaucièrent devers une aultre grosse ville
que on claime Louviers. Louviers adonc estoit une
ville en Normendie où on faisoit le plus grant plenté
de draperie, et estoit grosse et riche et moult marcheande.
15Si entrèrent li Englès dedens et le conquisent
à peu de fait, car elle n’estoit point fremée. Si
fu toute courue, robée, pillie et gastée sans deport.
Et y conquisent li dit Englès très grant avoir. Quant
il en eurent fait leurs volentés, ils passèrent oultre,
20et entrèrent en le conté d’Evrues, et l’ardirent toute,
excepté les forterèces: mais onques n’i assallirent
ville fremée ne chastiel, car li rois voloit espargnier
ses gens et sen artillerie; car il pensoit bien qu’il en
aroit à faire, ensi que messires Godefrois de Harcourt
25li avoit dit et remoustré.
Si se mist li dis rois d’Engleterre et toute son host
sus le rivière de Sainne, en approchant Roem, où il
avoit grant fuison de gens d’armes de Normendie.
Et en estoient chapitainne li contes de Harcourt,
30frères à monsigneur Godefroi, et li contes de Dreus.
Point ne tournèrent li Englès vers Roem, mais il alèrent
à Vrenon, où il y a bon chastiel et fort: si ardirent
[149] le ville; mès au chastiel, ne portèrent il point
de damage. En apriès, il ardirent Vrenuel et tout
le pays d’environ Roem, et le Pont de l’Arce. Et vinrent
ensi à Mantes et à Meulent, et gastèrent le pays
5d’environ. Et passèrent dalés le fort chastiel de Roleboise,
mais point n’i assallirent. Et par tout trouvoient
il sus le rivière de Sainne les pons deffais. Et
tant alèrent qu’il vinrent jusques à Poissi: si trouvèrent
le pont romput et deffait, mais encores estoient
10les estaches et les gistes en le rivière. Si s’arresta là
li rois et y sejourna par cinq jours. Entrues fu li
pons refais bons et fors, pour passer son host aisiement
et sans peril. Si coururent si mareschal jusques
bien priès de Paris, et ardirent Saint Germain en Laie
15et le Monjoie, et Saint Clo et Boulongne dalés Paris,
et le Bourch le Royne. Dont cil de Paris n’estoient
mies bien assegur, car elle n’estoit adonc point fremée.
Si se doubtoient que li Englès ne venissent par
oultrage jusques à là.
20Adonc s’esmeut li rois Phelippes, et fist abatre tous
les apentis de Paris pour chevaucier plus aisiement
parmi Paris, et s’en vint à Saint Denis là où li rois
de Behagne, messires Jehans de Haynau, li dus de
Loeraingne, li contes de Flandres, li contes de Blois
25et très grant baronnie et chevalerie estoient. Quant
les gens de Paris veirent le roy leur signeur partir,
si furent plus effreet que devant, et vinrent à lui en
yaus gettant en genoulz et disant: «Ha! chiers sires
et nobles rois, que volés vous faire? Volés vous
30ensi laissier et guerpir vostre bonne cité de Paris?
lit se sont li ennemi à deux liewes priès: tantost
seront en ceste ville, quant il saront que vous en serés
[150] partis. Et nous n’avons ne n’arons qui nous deffendera
contre eulz. Sire, voelliés demorer et aidier
à garder vostre bonne cité.» Donc respondi li rois
et dist: «Ma bonne gent, ne vous doubtés de riens.
5Jà li Englès ne vous approceront de plus priès. Je
m’en vois jusques à Saint Denis devers mes gens
d’armes, car je voel chevaucier contre les Englès et
les combaterai, comment qu’il soit.» Ensi rapaisa li
rois de France le communalté de Paris, qui estoient
10en grant doubtance que li Englès les venissent assallir
et destruire, ensi qu’il [avoient[338]] fait chiaus de
Kem. Et li rois d’Engleterre se tenoit en l’abbeye de
Poissi les Dames. Et fu là le jour de le Nostre Dame
en mi aoust, et y tint sa solennité, et sist à table, en
15draps fourés d’ermine, de vermeille escarlatte, sans
mances.
§ 264. Ensi que li rois Edouwars d’Engleterre
chevauçoit et qu’il aloit sen host trainant, messires
Godefrois de Harcourt, li uns de ses mareschaus,
20chevauçoit d’autre part d’un costet, et faisoit
l’avant-garde à tout cinq cens hommes d’armes et douze
cens arciers. Si encontra li dis messires Godefrois
d’aventure grant fuison des bourgois d’Amiens, à
cheval et à piet, et en grant arroi et riche, qui s’en
25aloient, au mandement dou roy Phelippe, viers Paris.
Si furent assalli et combatu vistement de lui et de se
route. Et cil se deffendirent assés vassaument, car il
estoient grant plenté et de bonne gent, bien armé et
bien ordonné; et avoient quatre chevaliers dou pays
[151] d’Amienois à chapitainnes. Si dura ceste bataille assés
longement. Et en y eut de premières venues
pluiseurs rués jus, d’un lés et d’autre. Mès finablement
li Englès obtinrent le place, et furent li dit
5bourgois desconfit et priès que tout mort et pris. Et
conquisent li Englès tout leur charoi et leur harnas,
où il avoit grant fuison de bonnes coses, car il
aloient à ce mandement devers le roy moult estoffeement,
pour tant qu’il n’avoient esté, en grant
10temps avoit, hors de leur cité. Si en y eut bien mors
sus le place douze cens. Et retourna li dis messires
Godefrois sus le viespre devers le grosse host dou
roy, et li recorda sen aventure, dont il fu moult liés
quant il entendi que la besongne avoit esté pour ses
15gens.
Si chevauça li rois avant et entra ou pays de Biauvoisis,
ardans et exillans le plat pays, ensi qu’il avoit
fait en Normendie. Et chevauça tant en tèle manière
que il s’en vint logier en une moult belle et riche
20abbeye, que on claime Saint [Lusiien[339]]. Et siet assés
priés de le cité de Biauvais; si y jut li dis rois une
nuit. A l’endemain, sitos qu’il s’en fu partis, il regarda
derrière lui; si vei que li abbeye estoit toute
enflamée. De ce fu il moult courouciés, et s’arresta
25sus les camps, et dist que cil qui avoient fait cel oultrage
[oultre sa deffence, le comparroient[340]] chierement.
Car li rois avoit deffendu sus le hart que nulz
ne violast eglise, ne boutast feu en abbeye, ne en
moustier. Si en fist prendre juques à vingt de chiaus
[152] qui le feu y avoient boutet, et les fist tantost pendre
et sans delay, afin que li aultre y presissent exemple.
§ 265. Apriès chou que li rois d’Engleterre se fu
partis de Saint [Lusiien], il chevauça avant ou pays
5de Biauvoisis, et passa oultre par dalés le cité de
Biauvais, et n’i veult point arester pour assallir ne
assegier, car il ne voloit mies travillier ses gens ne
alewer sen artillerie sans raison; et s’en vint logier
ce jour de haute heure à une ville que on claime
10Milli en Biauvoisis. Li doi mareschal de l’host passèrent
si priès de le cité de Biauvais et des fourbours,
que il ne se peurent tenir que il n’alaissent assallir et
escarmucier à chiaus des barrières; et partirent leurs
gens en trois batailles, et assallirent à trois portes.
15Et dura cilz assaulz jusques à remontière, mès petit
y gaegnièrent, car la cité de Biauvais est forte et bien
fremée, et estoit adonc gardée de bonnes gens et de
bons arbalestriers. Et si y estoit li evesques, dont
la besongne valoit mieus. Quant li Englès perçurent
20qu’il ne pooient riens conquester, il s’en partirent,
mès il ardirent tous les fourbours rés à rés des portes,
et puis vinrent au soir là où li rois estoit logiés.
L’endemain, li rois et toute son host se deslogièrent:
si chevaucièrent parmi le pays, ardant et essillant
25tout derrière yaus; et s’en vinrent logier en un gros
village que on appelle Grantviller.
L’endemain, li rois se desloga et passa par devant
Argies. Si ne trouvèrent li coureur nullui qui [gardast[341]]
le chastiel; si l’assallirent, et le prisent à pau
[153] de fait, et l’ardirent. Et puis passèrent oultre, ardant
et essillant tout le pays d’environ; et vinrent ensi
jusques au chastiel de Pois, là où il trouvèrent bonne
ville et deux chastiaus. Mès nuls des seigneurs n’i
5estoient, ne nulles gardes n’i avoit, fors deux belles
damoiselles, filles au signeur de Pois, qui tantost
euissent esté violées, se n’euissent esté doi gentil
chevalier d’Engleterre qui les en deffendirent et les
menèrent au roy pour elles garder: ce furent messires
10Jehans Chandos et li sires de Basset. Li quelz
rois, pour honneur et gentillèce, leur fist bonne cière
et lie, et les recueilla doucement, et leur demanda où
elles vorroient estre. Elles respondirent: «A Corbie.»
Là les fist li rois mener et conduire sans peril. Si se
15loga [li rois[342]] celle nuit en le ditte ville de Pois, et
ses gens là environ, ensi qu’il peurent.
Celle nuit parlementèrent li bonhomme de Pois et
cil des chastiaus as mareschaus de l’host, à yaus sauver
et non ardoir. Si se rançonnèrent parmi une
20somme de florins qu’il deurent paiier à l’endemain,
mès que li rois fust partis. Quant ce vint à l’endemain
au matin, li rois se desloga et se mist au chemin
à tout son host. Et demorèrent aucun, de par les
mareschaus, pour attendre cel argent que on leur devoit
25delivrer. Quant cil de le ville de Pois furent
assamblet, et il veirent que li rois et toute l’ost s’en
estoient parti, et que li demoret derrière n’estoient
c’un petit de gent, il refusèrent à paiier, et disent
qu’il ne paieroient riens, et leur coururent sus pour
30occire. Chil Englès se misent à deffense, et envoiièrent
[154] apriès l’ost querre secours. Chil qui chevaucièrent
devers l’ost, s’esploitièrent et fisent tant qu’il trouvèrent
l’arrieregarde, dont messires Renaulz de Gobehen
et messires Thumas de Hollandes estoient conduiseur;
5si les retournèrent, et estourmirent durement
l’ost, en escriant: «Trahi! Trahi!» Si retournèrent
vers Pois cil qui les nouvelles entendirent, et trouvèrent
leurs compagnons qui encores se combatoient à
chiaus de le ville. Si furent cil de le ville de Pois
10fierement envay et priès que tout mort, et la ville
arse, et li doi chastiel abatu; et puis retournèrent arrière
devers l’ost le roy qui estoit venus à Arainnes.
Et avoit commandé toutes manières de gens à logier,
et de point passer avant, et deffendu sus le hart que
15nuls ne fourfesist riens à le ville, d’arsin ne d’autre
cose, car il se voloit là tenir un jour ou deux, et
avoir avis et conseil par quel pas il poroit le rivière
de Somme passer mieulz à sen aise. Et bien li besongnoit
qu’il y pensast, si com vous orés recorder
20ensievant.
§ 266. Or voel je retourner au roy Phelippe de
France, qui estoit à Saint Denis, et ses gens là environ.
Et tous les jours li venoient gens de tous lés, et
tant en [avoit[343]] que sans nombre. Si estoit jà li dis
25rois partis de Saint Denis o grant baronnie, en istance
de ce que de trouver le roy d’Engleterre et de combatre
à lui, car moult en avoit grant desir, pour contrevengier
l’arsin de son royaume et le grant destruction
[155] que li Englès y avoient fait. Si chevauça
tant li dis rois de France par ses journées qu’il vint
à Copegni l’Esquissiet, à trois liewes priès de le cité
d’Amiens; et là s’arresta pour attendre ses gens qui
5venoient de toutes pars, et pour aprendre le couvenant
des Englès.
Or parlerons dou roy d’Engleterre qui estoit arestés
à Arainnes, si com vous avés oy, et avoit moult
bien entendu que li rois de France le sievoit o tout
10son effort; et si ne savoit encores là où il poroit passer
le rivière de Somme, qui est grande, large et parfonde.
Et si estoient tout li pont deffait, ou si bien
gardet de bonnes gens d’armes, que li rivière estoit
impossible à passer. Si appella li rois ses deux mareschaus,
15le conte de Warvich et monsigneur Godefroi
de Harcourt, et leur dist que il presissent mil
hommes d’armes et deux mil arciers tous bien montés,
et s’en alaissent tastant et regardant, selonch le
rivière de Somme, se il poroient trouver passage là où
20il peuissent passer sauvement. Si se partirent li doi
mareschal dessus nommet, bien acompagniet de gens
d’armes et d’arciers, et passèrent parmi Loncpret et
vinrent au Pont à Remi; et le trouvèrent bien garni
de grant fuison de chevaliers et d’escuiers et de gens
25dou pays, qui là estoient assamblet, pour le pont garder
et le passage deffendre. Si vinrent là li Englès, et
se misent à piet et en bon couvenant, pour le pont et
le passage calengier, et les François assallir. Et y eut
très grant assaut et très fort, et qui dura dou matin
30jusques à prime. Mès li dis pons et la deffense estoient
si bien batilliet, et furent si bien deffendu, que onques
li Englès n’i peurent riens conquerre; ançois se partirent,
[156] çascuns sans riens faire. Et chevaucièrent d’autre
part, et vinrent jusques à une grosse ville que on
claime Fontainnes sus Somme; si l’ardirent toute et
reubèrent, car elle n’estoit point fremée. Et puis vinrent
5à une aultre ville, que on claime Lonch en Pontieu;
si ne peurent gaegnier le pont, car il estoit
bien garnis et fu bien deffendus. Si s’en partirent et
chevaucièrent devers Pikegni, et trouvèrent le ville,
le pont et le chastiel bien garni; par quoi jamais ne
10l’euissent gaegniet ne pris. Ensi avoit fait li rois de
France pourveir et garder les destrois et les passages
sus le rivière de Somme, afin que li rois d’Engleterre
ne sen host ne peuissent passer, car il les voloit
combatre à sa volenté, ou afamer par delà le rivière
15de Somme.
§ 267. Quant li doi mareschal dou roy d’Engleterre
eurent ensi, un jour entier, tastet et chevauciet
et costiiet le rivière de Somme, et il veirent que de
nul lés il ne trouveroient point de passage, si retournèrent
20arrière à Arainnes, devers le roy leur signeur,
et li recordèrent leur chevaucie et tout ce que trouvet
avoient. Che meismes soir, vint li rois de France
jesir à Amiens à plus de cent mil hommes, et estoit
li pays d’environ tous couvers de gens d’armes.
25Quant li rois Edouwars eut oy le relation de ses deux
mareschaus, si n’en fu mies plus liés ne mains
anoieus. Et commença fort à muser et à merancoliier,
et commanda que l’endemain au plus matin il
fuissent tout, parmi son host, appareilliet, et que on
30sievist les banières des mareschaus, quel part qu’il voloient
aler. Li commandemens dou roy fu fais. Quant
[157] ce vint au matin, [et] li rois eut oy messe devant
soleil levant, si sonnèrent les trompètes de deslogement.
Et se partirent toutes manières de gens, en
siewant les banières des mareschaus, qui chevauçoient
5tout devant, si com ordonné estoit. Et chevaucièrent
tant en cel estat parmi le pays de Vismeu, en approçant
le bonne ville de Abbeville, qu’il vinrent à Oizemont,
où grant plenté des gens dou pays estoient recueilliet
sus le fiance d’un peu de deffense qu’il y
10avoit; et le cuidoient bien tenir et deffendre contre
les Englès, mais il fallirent à leur cuidier, car, en venant,
il furent assalli et envaï si durement qu’il perdirent
le place. Et conquisent li Englès le ville et tout
ce que dedens avoit. Et y eut mors et pris grant fuison
15d’hommes de le ville et dou pays d’environ. Si
se loga li dis rois d’Engleterre ou grant hospital.
Adonc estoit li rois de France à Amiens, et avoit
ses espies et ses coureurs qui couroient sus le pays
et li raportoient le couvenant des Englès. Si entendi
20li dis rois de France, ce soir, par ses coureurs, que li
rois d’Engleterre se deslogeroit le matin, si com il
fist, d’Arainnes, et chevauceroit viers Abbeville; car
si mareschal avoient tastet et chevauciet tout contremont
le rivière de Somme, et n’avoient nulle part
25point [trouvé[344]] de passage. De ces nouvelles fu li rois
de France moult liés, et pensa bien que il encloroit le
roy d’Engleterre entre Abbeville et le rivière de
Somme, et le prenderoit, ou combateroit à se volenté.
Si ordonna tantost li dis rois un grant baron
30de Normendie, qui s’appelloit messire Godemar de
[158] Fay, à aler garder le passage de le Blanke Take, qui
siet desous Abbeville, par où il couvenoit que li Englès
passassent, et non par ailleurs.
Si se parti li dis messires Godemars dou roy, à
5tout mil hommes d’armes et cinq mil de piet, parmi
les Geneuois. Si s’esploita tant qu’il vint à Saint Rikier,
en Pontieu, et de là au Crotoi, où li dis passages
siet. Et encores emmena il, ensi qu’il chevauçoit
celle part, grant fuison des gens dou pays; et
10manda les bourgois de Abbeville qu’il venissent là
avoecques lui, pour aidier à garder le passage. Si y
vinrent moult estoffeement, et en grant arroy. Et
furent audit passage au devant des Englès bien douze
mil hommes, uns c’autres, dont il y avoit bien deux
15mil combatans à tournikiaus.
§ 268. Apriès ceste ordonance, li rois Phelippes,
qui durement desiroit à trouver les Englès et yaus
combatre, se departi d’Amiens o tout son effort, et
chevauça vers Arainnes, et vint là à heure de miedi
20ou environ; et li rois d’Engleterre s’en estoit partis
à petite prime. Et encores trouvèrent li François
grant fuison de pourveances, chars en hastiers, pains
et pastes en fours, vins en tonniaus et en barilz, et
moult de tables mises, que li Englès avoient laissiet,
25car il s’estoient de là parti en grant haste. Si tretos
que li rois de France fu à Arainnes, il eut conseil de
lui logier. Et li dist on: «Sire, logiés vous, et attendés
chi vostre baronnie. Il est vrai que li Englès ne
vous poeent escaper.» Donc se loga li rois en le ville
30meismement; et tout ensi que li signeur venoient,
il se logoient.
[159] Or parlerons dou roy d’Engleterre, qui estoit en
le ville de Oisemont, et savoit bien que li rois de
France le sievoit o tout son effort, et en grant desir
de lui combatre. Si euist volentiers veu li rois d’Engleterre
5que il et ses gens euissent passet le rivière
de Somme. Quant ce vint au soir, et si doi mareschal
furent revenu, qui avoient couru tout le pays
jusques ès portes d’Abbeville, et esté devant Saint
Waleri, et là fait une grande escarmuce, il mist son
10conseil ensamble, et fist venir devant li pluiseurs
prisonniers dou pays de Pontieu et de Vismeu, que ses
gens avoient pris. Et leur demanda li rois moult
courtoisement se il y avoit entre yaus homme nul
qui sewist un passage, qui seoit desous Abbeville, où
15nous porions et nostre host passer sans peril. «Se il
en y a nul qui le nous voelle ensengnier, nous le
quitterons de sa prison, et vingt de ses compagnons,
pour l’amour de lui.»
Là eut un varlet, que on clamoit Gobin Agace,
20qui s’avança de parler, car il cognissoit le passage de
le Blanke Take mieulz que nulz aultres, car il estoit
nés et nouris de là priés, et l’avoit passet et rapasset
en ceste anée par pluiseurs fois. Si dist au roy: «Oil,
en nom Dieu. Je vous prommeth, sus l’abandon de
25ma tieste, que je vous menrai bien à tel pas, où vous
passerés le rivière de Somme, et vostre host, sans
peril. Et y a certainnes mètes de passage, où douze
hommes le passeroient bien de front, deux fois entre
nuit et jour, et n’aroient de l’aigue plus avant que
30jusques as genoulz. Car quant li fluns de le mer est
en venant, il regorge le rivière si contremont que
nuls ne le poroit passer. Mais quant cilz fluns, qui
[160] vient deux fois entre nuit et jour, s’en est tous ralés,
la rivière demeure là endroit si petite que on y passe
bien aise, à piet et à cheval. Ce ne poet on faire
aultre part que là, fors au pont à Abbeville, qui est
5forte ville et grande, et bien garnie de gens d’armes.
Et au dit passage, monsigneur, que je vous nomme,
a gravier de blanke marle, forte et dure, sur quoi on
poet seurement chariier, et pour ce appelle on ce
pas le Blanke Take.»
10Quant li rois d’Engleterre oy les parolles dou varlet,
il n’euist mies estet si liés qui li euist donné vingt
mil escus, et li dist: «Compains, si je trueve en
vrai ce que tu nous dis, je te quitterai ta prison
et tous tes compagnons, pour l’amour de ti, et te ferai
15delivrer cent nobles.» Et Gobins Agace respondi:
«Sire, oil, en peril de ma tieste. Mais ordenés
vous sur ce, pour estre là sur la rive devant
soleil levant.» Dist li rois: «Volentiers.» Puis fist
savoir par tout son host que cescuns fust armés et
20appareilliés au son de le trompète, pour mouvoir et
partir de là pour aler ailleurs.
§ 269. Li rois d’Engleterre ne dormi mies gramment
celle nuit; ains se leva à mienuit, et fist sonner
le trompette, en signe de deslogier. Cescuns fu
25tantost appareilliés, sommier toursés, chars chargiés.
Si se partirent, sour le point dou jour, de le ville de
Oisemont; et chevaucièrent sur le conduit de ce varlet
qui les menoit. Et fisent tant et si bien s’esploitièrent
qu’il vinrent, environ soleil levant, assés
30priès de ce gué que on claime le Blanche Take;
mès li fluns de le mer estoit adonc si plains qu’il ne
[161] peurent passer. Ossi bien couvenoit il au roy attendre
ses gens, qui venoient apriès lui. Si demora là
endroit jusques apriès prime, que li fluns s’en fu tous
ralés.
5Et ançois que li fluns s’en fust tous ralés, vint d’autre
part messires Godemars dou Fay sus le pas de le
Blanke Take, à grant fuison de gens d’armes envoiiés
de par le roy de France, si com vous avés oy
recorder chi dessus. Si avoit li dis messires Godemars,
10en venant à le Blanke Take, rassamblé grant
fuison des gens dou pays, tant qu’il estoient bien
douze mil, uns c’autres, qui tantos se rengièrent sus
le pas de le rivière, pour garder et deffendre le passage.
Mais li rois Edowars d’Engleterre ne laissa mies
15à passer pour ce; ains commanda à ses mareschaus
tantost ferir en l’aigue, et ses arciers traire fortement
as François, qui estoient en l’aigue et sus le rivage.
Lors fisent li doi mareschal d’Engleterre chevaucier
leurs banières, ou nom de Dieu et de saint Gorge,
20et yaus apriès; si se ferirent [en[345]] l’aigue de plains eslais,
li plus bacelereus et li mieulz monté devant. Là
eut en le meisme rivière fait mainte jouste, et maint
homme reversé d’une part et d’aultre. Là commença
uns fors hustins, car messires Godemars et li sien
25deffendoient vassaument le passage. Là y eut aucuns
chevaliers et escuiers françois, d’Artois et de Pikardie
et de le carge monsigneur Godemar, qui pour
leur honneur avancier se feroient ou dit gués, et ne
voloient mies estre trouvé sus les camps, mès avoient
30plus chier à jouster en l’aigue que sus terre. Si y eut,
[162] je vous di, là fait mainte jouste et mainte belle apertise
d’armes.
Et eurent là li Englès, de premiers, un moult dur
rencontre. Car tout cil, qui estoient avoecques monsigneur
5Godemar là envoiiet pour deffendre et garder
le passage, estoient gens d’eslitte; et se tenoient
tout bien rengiet sus le destroit dou passage de le
rivière: dont li Englès estoient dur rencontré, quant
il venoient à l’issue de l’aigue, pour prendre terre.
10Et y avoit Geneuois qui dou tret leur faisoient moult
de maulz. Mais li arcier d’Engleterre traioient si fort
et si ouniement c’à merveilles; et toutdis, entrues
qu’il ensonnioient les François, gens d’armes passoient.
Et sachiés que li Englès se prendoient bien
15priés d’yaus combatre, car il leur estoit dit notorement
que li rois de France les sievoit à plus de cent
mil hommes. Et jà estoient aucun compagnon coureur,
de le partie des François, venu jusques as Englès,
li quel en reportèrent vraies ensengnes au roy
20de France, si com vous orés dire.
§ 270. Sus le pas de le Blanke Take fu la bataille
dure et forte, et assés bien gardée et deffendue des
François. Et mainte belle apertise d’armes y eut ce
jour fait, d’un lés et d’aultre; mès finablement li Englès
25passèrent oultre, à quel meschief que ce fust, et
se traisent, ensi qu’il passoient, tout sus les camps.
Si passa li rois et li princes de Galles ses filz, et tout
li signeur. Depuis ne tinrent li François gaires de
conroy et se partirent, qui partir s’en peut, dou dit
30passage, comme desconfit. Quant messires Godemars
vey le meschief, il se sauva au plus tost qu’il peut,
[163] et ossi fisent tamaint de se route. Et prisent li aucun
le chemin de Abbeville, et li aultre celui de Saint
Rikier. Là eut grant occision et maint homme mort,
car cil qui estoient à piet ne pooient fuir. Si en y
5eut grant plenté de chiaus de Abbeville, de Moustruel,
de Rue et de Saint Rikier, mort et pris; et dura
la cace plus d’une grosse liewe. Encores n’estoient
mies li Englès tout oultre sus le rivage, quant aucun
escuier as signeurs de France, qui enventurer se voloient,
10especialement des chiaus de l’Empire, dou
roy de Behagne et de monsigneur Jehan de Haynau,
vinrent sus yaus, et conquisent sus les darrainniers
aucuns chevaus et harnas, et en tuèrent et blecièrent
pluiseurs sus le rivage, qui mettoient painne à passer,
15afin qu’il fuissent tout oultre.
Les nouvelles vinrent au roy Phelippe de France,
qui chevauçoit fortement celle matinée, et estoit partis
d’Arainnes. Et li fu dit que li Englès avoient passet
le Blanke Take, et desconfit monsigneur Godemar
20dou Fay et se route. De ces nouvelles fu li rois de
France moult courouciés, car il cuidoit bien trouver
les Englès sus le rivage de Somme, et là combatre.
Si s’arresta sus les camps, et demanda à ses mareschaus
qu’il en estoit bon à faire, et qu’il le desissent.
25Il respondirent: «Sire, vous ne poés passer, fors
au pont à Abbeville, car li fluns de le mer est jà tous
revenus.» Donc retourna li rois de France tous courouciés,
et s’en vint ce joedi jesir à Abbeville. Et
toutes ses gens sievirent son train, et vinrent li
30prince et li corps des grans signeurs logier en le ditte
ville, et leurs gens ens ès villiaus d’environ; car tout
n’i peuissent mies estre logiet, tant en y avoit grant
[164] fuison. Or parlerons dou roy d’Engleterre, comment
il persevera, depuis qu’il eut conquis sus monsigneur
Godemar dou Fay le passage de Blanke
Take.
5§ 271. Quant li rois d’Engleterre et ses gens furent
oultre, et qu’il eurent mis en cace leurs ennemis
et delivré le place, il se traisent bellement et ordonneement
ensamble. Et aroutèrent leur charoi et chevaucièrent,
ensi qu’il avoient fait ou pays de Vexin
10et de Vismeu, et en devant jusques à là; et ne s’effreèrent
de riens, puis qu’il sentoient le rivière de
Somme à leur dos. Et regratia et loa Dieu li rois
d’Engleterre ce jour pluiseurs fois, quant si grant
grace li avoit fait que trouvet passage bon et seur,
15et conquis sus ses ennemis, et desconfis par bataille.
Adonc fist là venir li rois d’Engleterre le varlet
avant, qui le passage li avoit ensegniet; se le quitta
de se prison et tous ses compagnons, pour l’amour
de lui, et li fist baillier cent nobles d’or et un bon
20roncin. De cesti ne sçai je plus avant.
Depuis chevaucièrent li rois et ses gens tout souef
et tout joiant; et eurent ce jour empensé de logier
en une bonne et grosse ville que on claime Noielle,
qui priés de là estoit. Mès quant il seurent que elle
25estoit à la contesse d’Aumarle, sereur à monsigneur
Robert d’Artois qui trespassés estoit, il assegurèrent
le ville et le pays appertenans à la dame, pour l’amour
de lui: de quoi elle remercia moult le roy et les mareschaus.
Si alèrent logier plus avant ens ou pays, en
30approçant La Broie; mès si mareschal chevaucièrent
jusques au Crotoi, qui siet sus mer, et prisent le ville
[165] et ardirent toute. Et trouvèrent sus le port grant garnison
de barges, de nefs et de vaissiaus, cargiés de
vins de Poito, qui estoient à marcheans de Saintonge
et de le Rocelle, mais il eurent tantost tout vendu.
5Et en fisent li dit marescal amener et achariier des
milleurs en l’ost dou roy d’Engleterre, qui estoit logiés
à deux petites liewes de là.
L’endemain, bien matin, se deslogea li dis rois
d’Engleterre, et chevauça devers Creci en Pontieu.
10Et si doi mareschal chevaucièrent en deux routes, li
uns à destre, et li aultres à senestre. Et vinrent, li uns
courir jusques as portes d’Abbeville, et puis s’en retourna
vers Saint Rikier, ardant et exillant le pays;
et li aultres, au desous sus le marine; et vint courir
15jusques à le ville de Saint Esperit de Rue. Si chevaucièrent
ensi, ce venredi, jusques à heure de miedi,
que leurs trois batailles se remisent ensamble. Si se
loga li dis rois Edowars, et toute son host, assés près
de Creci en Pontieu.
20§ 272. Bien estoit infourmés li rois d’Engleterre
que ses adversaires, li rois de France, le sievoit à
tout son grant effort, et avoit grant desir de combatre
à lui, si comme il apparoit, car il l’avoit vistement
poursievi jusques bien priès dou passage de le Blanke
25Take, et estoit retournés arrière à Abbeville. Si dist
adonc li rois d’Engleterre à ses gens: «Prendons chi
place de terre, car je n’irai plus avant si arons veus
nos anemis. Et bien y a cause que je les attende, car
je sui sus le droit hiretage de madame ma mère, qui
30li fu donnés en mariage. Si le vorrai deffendre et calengier
contre mon adversaire Phelippe de Vallois.»
[166] Ses gens obeirent tout à se intention, et n’alèrent
adonc plus avant.
Si se loga li rois à plains camps, et toutes ses gens
ossi. Et pour ce que il savoit bien que il n’avoit pas
5tant de gens de le huitime partie que li rois de France
avoit, et si voloit attendre l’aventure et le fortune et
combatre, il avoit mestier que il entendesist à ses besongnes.
Si fist aviser et regarder par ses deux mareschaus,
le conte de Warvic et monsigneur Godefroi
10de Harcourt, et monsigneur Renault de Gobehen
avoech eulz, vaillant chevalier durement, le lieu et
le place de terre où il ordonneroient leurs batailles.
Li dessus dit chevaucièrent autour des camps, et imaginèrent
et considerèrent bien le pays et leur avantage.
15Si fisent le roy traire de celle part et toutes
manières de gens. Et avoient envoiiés leurs coureurs
par devers Abbeville, pour ce que il [savoient[346]] bien
que li rois de France y estoit et passeroit là le Somme,
à savoir se ce venredi il se trairoit point sus les camps,
20et [ystroit[347]] de Abbeville. Il raportèrent qu’il n’en estoit
nul apparant.
Adonc donna li rois congiet à toutes ses gens d’yaus
traire à leurs logeis pour ce jour, et l’endemain, bien
matin, au son des trompètes, estre tout apparilliet,
25ensi que pour tantost combatre, en la ditte place.
Si se retraist cescuns sus ceste ordenance à son logeis;
et entendirent à remettre à point et à refourbir
leurs armeures. Or, parlerons nous un petit dou roy
[167] Phelippe, qui estoit le joedi au soir venus en
Abbeville.
§ 273. Le venredi tout le jour, se tint li rois de
France dedens la bonne ville d’Abbeville, attendans
5ses gens qui toutdis li venoient de tous costés. Et
faisoit ossi passer les aucuns oultre le ditte ville, et
traire as camps, pour estre plus apparilliés à lendemain,
car c’estoit sen entention que de issir hors et
combatre ses ennemis, comment qu’il fust. Et envoia
10li dis rois che venredi ses mareschaus, le signeur de
Saint Venant et monsigneur Charle de Montmorensi,
hors de Abbeville descouvrir sus le pays, pour aprendre
et savoir le vérité des Englès. Si raportèrent li
dessus dit au roy, à heure de viespres, que li Englès
15estoient logiet sus les camps, assés priès de Creci en
Pontieu, et moustroient, selonch leur ordenance et
leur couvenant, qu’il attenderoient là leurs ennemis.
De ce raport fu li rois de France moult liés et dist,
se il plaisoit à Dieu, que l’endemain il seroient combatu.
20Si pria li dis rois au souper, ce venredi, dalés
lui tous les haus princes, qui adonc estoient dalés lui
dedens Abbeville, le roy de Behagne premierement,
le conte d’Alençon son frère, le conte de Blois son
neveu, le conte de Flandres, le duch de Loeraingne,
25le conte d’Auçoirre, le conte de Sanssoire, le conte
de Harcourt, monsigneur Jehan de Haynau, et fuison
d’autres. Et fu ce soir en grant recreation et en grant
parlement d’armes. Et pria apriès souper à tous les
signeurs que il fuissent li uns à l’autre amit et courtois,
30sans envie, sans hayne et sans orgueil; et cescuns
li eut en couvent. Encores attendoit li dis rois
[168] le conte de Savoie et monsigneur Loeis de Savoie
son frère, qui devoient venir à bien mil lances de
Savoiiens et de le Dauffinet, car ensi estoient il mandet
et retenu et paiiet de leurs gages, à Troies en
5Campagne, pour trois mois. Or retourrons nous au
roy d’Engleterre, et vous compterons une partie de
son convenant.
§ 274. Ce venredi, si com je vous ay dit, se loga
li dis rois d’Engleterre à plains camps o toute son
10host. Et se aisièrent de ce qu’il eurent: il avoient
bien de quoi, car il trouvèrent le pays gras et plentiveus
de tous vivres, de vins et de viandes. Et ossi
pour les fautes qui pooient venir, grans pourveances
à charoi les sievoient. Si donna li dis rois à souper
15les contes et les barons de son host, et leur fist moult
grant cière; et puis leur donna congiet d’aler reposer,
si com il fisent.
Ceste meisme nuit, si com je l’ay depuis oy recorder,
quant toutes ses gens se furent partis de lui,
20et qu’il fu demorés dalés les chevaliers de son corps
et de sa cambre, il entra en son oratore. Et fu là en
geroulz et en orisons devant son autel, en priant
devotement à Dieu que il le laiast à l’endemain, se
il se combatoit, issir de le besongne à son honneur.
25Apriès ces orisons, environ mienuit, il ala coucier;
et se leva l’endemain assés matin par raison, et oy
messe, et li princes de Galles ses filz; et se acumeniièrent,
et en tel manière la plus grant partie de ses
sens: si se confessèrent et misent en bon estat.
30Apriès les messes, li rois commanda à toutes ses
gens armer, et issir hors de leurs logeis, et à traire
[169] sus les camps en le propre place que il avoient le
jour devant aviset. Et fist faire li dis rois un grant
parch [près[348]] d’un bois, derrière son host, et là mettre
et retraire tous chars et charettes; et fist entrer
5dedens ce parch tous les chevaus, et demora cescuns
homs d’armes et arciers à piet; et n’i avoit en ce dit
parch que une seule entrée. En apriès, il fist faire et
ordonner par son connestable et ses mareschaus jusques
à trois batailles. Si fu mis et ordonnés en le première
10ses jones filz li princes de Galles. Et dalés le
dit prince furent esleu pour demorer, [li contes de
Warvich,[349]] li contes de Kenfort, messires Godefrois
de Harcourt, messires Renaulz de Gobehen, messires
Thumas de Hollandes, messires Richars de Stanfort,
15li sires de Manne, li sires de le Ware, messires
Jehans Chandos, messires Bietremieus de Broues,
messires Robers de Nuefville, messires Thumas Cliffors,
li sires de Boursier, li sires Latimiers, et pluiseur
aultre bon chevalier et escuier, les quelz je ne
20puis mies tous nommer. Si pooient estre en le bataille
dou prince environ huit cens hommes d’armes
et deux mil arciers et mil brigans, parmi les Galois.
Si se traist moult ordonneement ceste bataille sus les
camps, cescuns sires desous se banière ou son pennon
25et entre ses gens. En le seconde bataille furent li
contes de Norhantonne, li contes d’Arondiel, li sires
de Ros, li sires de Luzi, li sires de Willebi, li sires
de Basset, li sires [de[350]] Saint Aubin, messires Loeis
Tueton, li sires de Multonne, li sires Alassellé[e] et
[170] pluiseur aultre. Et estoient en ceste bataille environ
cinq cens hommes d’armes et douze cens arciers. La
tierce bataille eut li rois pour son corps et grant
fuison, selonch l’aisement où il estoit, de bons chevaliers
5et escuiers. Si pooient estre en se route et arroy
environ sept cens hommes d’armes et deux mil arciers.
Quant ces trois batailles furent ordonnées et que
cescuns sires, barons, contes et chevaliers, sceurent
10quel cose il devoient faire et retraire, li dis rois
d’Engleterre monta sus un petit palefroi blanch, un blanc
baston en sa main, adestrés de ses deux mareschaus;
et puis ala tout le pas, de rench en rench, en amonnestant
et priant les contes, les barons et les chevaliers,
15que il volsissent entendre et penser pour se
honneur garder, et à deffendre son droit. Et leur disoit
ces langages en riant, si doucement et de si lie
cière, que, qui fust tous desconfortés, se se peuist il
reconforter, en lui oant et regardant. Et quant il ot
20ensi viseté toutes ses batailles et ses gens, et amonnestés
et priiés de bien faire le besongne, il fu heure
de haute tierce. Si se retraist en sa bataille, et ordonna
que toutes ses gens mengassent à leur aise et
buissent un cop. Ensi fu fait comme il l’ordonna. Et
25mengièrent et burent tout à loisir, et puis retoursèrent
pos, barilz et pourveances sus leurs chars, et
revinrent en leurs batailles, ensi que ordonné estoient
par les mareschaus. Et se assisent tout à terre,
leurs bacinés et leurs ars devant yaus, en yaus reposant,
30pour estre plus fresch et plus nouvel, quant leur
ennemi venroient. Car tèle estoit li intension dou
roy d’Engleterre que là il attenderoit son aversaire le
[171] roy de France, et se combateroit à lui et à sa
poissance.
§ 275. Ce samedi au matin se leva li rois de
France assés matin et oy messe en son hostel, dedens
5Abbeville, en l’abbeye Saint Pière où il estoit logiés.
Et ossi fisent tout li signeur: li rois de Behagne, li
contes d’Alençon, li contes de Blois, li contes de
Flandres, li dus de Loeraingne et tout li chief des
grans signeurs qui dedens Abbeville estoient arresté.
10Et saciés que le dit venredi il ne logièrent mies tout
dedens Abbeville, car il ne peuissent, mès ens ès
villiaus d’environ. Et grant fuison en y eut à Saint
Rikier, qui est une bonne ville fremée. Apriès soleil
levant, ce samedi, se departi li rois de France d’Abbeville
15et issi des portes; et y avoit si grant fuison
de gens que merveilles seroit à penser. Si chevauça
li dis rois tout souef pour sourattendre ses gens, le
roy de Behagne et monsigneur Jehan de Haynau en
se compagnie.
20Quant li rois de France et se grosse route furent
eslongiet le ville de Abbeville, environ deux liewes,
en approçant les ennemis, se li fu dit: «Sire, ce seroit
bon que vous feissiés entendre à ordonner vos
batailles, et feissiés toutes manières de gens de piet
25passer devant, par quoi il ne soient point foulé de
chiaus à cheval, et que vous envoiiés trois ou quatre
de vos chevaliers devant chevaucier, pour aviser vos
ennemis, ne en quel estat il sont.» Ces parolles plaisirent
bien au dit roy, et y envoia quatre moult vaillans
30chevaliers, le Monne de Basèle, le signeur de
Noiiers, le signeur de Biaugeu et le signeur d’Aubegni.
[172] Cil quatre chevalier chevaucièrent si avant que
il approcièrent de moult priés les Englès, et que il
peurent bien aviser et imaginer une grant partie de
leur afaire. Et bien les veirent li Englès que il estoient
5là venu pour yaus veoir; mais il n’en fisent
nul samblant, et les laissièrent tout en pais bellement
retraire.
Or retournèrent cil quatre chevalier arrière devers
le roy de France et les signeurs de son conseil, qui
10chevauçoient le petit pas, en yaus sourattendant. Si
se arrestèrent sus les camps, si tost que il les veirent
venir. Li dessus dit rompirent le presse, et vinrent
jusques au roy. Adonc leur demanda li rois tout en
hault: «Signeur, quèles de vos nouvelles?» Il regardèrent
15tout l’un l’autre, sans mot sonner, car nulz
ne voloit parler devant son compagnon. Et disoient
li un à l’autre: «Sire, dittes, parlés au roy, je n’en
parlerai point devant vous.» Là furent il en estri
une espasse que nulz ne s’en voloit, par honneur,
20point avancier de parler. Finablement de le bouce
dou roy issi li ordenance que il commanda au
Monne de Basèle, que on tenoit à ce jour pour l’un
des plus chevalereus et vaillans chevaliers dou monde,
et qui plus avoit travilliet de son corps, que il
25en desist sen entente. Et estoit cilz chevaliers au
roy de Behagne monsigneur Charle, et s’en tenoit
pour bien parés, quant il l’avoit dalés lui.
§ 276. «Sire, ce dist li Monnes de Basèle, je
parlerai, puis que il vous plaist, par le correction de
30mes compagnons. Nous avons chevaucié si avant que
nous avons veu et considéré le couvenant des ennemis.
[173] Saciés que il se sont mis et arresté en trois batailles
bien et faiticement; et ne font nul samblant
que il doient fuir, mès vous attenderont, à ce qu’il
moustrent. Si conseille de ma partie, salve tout dis
5le milleur conseil, que vous faites toutes vos gens ci
arrester sus les camps et logier pour celle journée.
Car ançois que li darrainnier puissent venir jusques
à yaus, et que vos batailles soient ordonnées, il sera
tart. Si seront vos gens lassé et travillié et sans arroy.
10Et vous trouverés vos ennemis frès et nouviaus,
et tous pourveus de savoir quel cose il doient faire.
Si porés de matin vos batailles ordonner plus meurement
et mieulz, et par plus grant loisir aviser vos
ennemis par quel lieu on les pora combatre, car
15soiiés tous seurs que il vous attenderont.»
Chilz consaulz et avis plaisi grandement bien au
roy de France, et commanda que ensi fust fait que
li dis Monnes avoit parlé. Si chevaucièrent si doy
mareschal, li uns devant et li aultres derrière, en disant
20et commandant as banerès: «Arrestés, banières,
de par le roy, ou nom de Dieu et de monsigneur
saint Denis!» Cil qui estoient premier, à ceste ordenance
s’arrestèrent, et li darrainier point, mès chevauçoient
tout dis avant. Et disoient que il ne s’arresteroient
25point jusques adonc que il seroient ossi
avant que li premier estoient. Et quant li premier
veoient que il les approçoient, il chevauçoient avant.
Ensi et par grant orgueil fu demenée ceste cose, car
cescuns voloit fourpasser son compagnon. Et ne peut
30estre creue ne oye li parole dou vaillant chevalier,
dont il leur en meschei si grandement, com vous orés
recorder assés briefment. Ne ossi li rois ne si mareschal
[174] ne peurent adonc estre mestre de leurs gens;
car il y avoit si grant nombre de grans signeurs, que
cescuns par envie voloit là moustrer sa poissance. Si
chevaucièrent en cel estat, sans arroy et sans ordenance,
5si avant que il approcièrent les ennemis, et
que il les veirent en leur presence.
Or fu moult grans blasmes pour les premiers, et
mieulz leur vaulsist estre arresté à l’ordenance dou
vaillant chevalier, que ce qu’il fisent. Car sitretos
10qu’il veirent leurs ennemis, il reculèrent tout à un
fais si desordeneement que cil qui derrière estoient
s’en esbahirent, et cuidièrent que li premier se combatissent
et qu’il fuissent jà desconfi. Et eurent adonc
bien espace d’aler avant, se il veurent: de quoi aucun
15y alèrent, et li pluiseur se tinrent tout quoy.
Là y avoit sus les camps si grant peuple de communauté
que sans nombre. Et estoient li chemin tout
couvert de gens, entre Abbeville et Creci. Et quant
il deurent approcier les ennemis, à trois liewes près,
20il sachièrent leurs espées et escriièrent: «A le mort!
A le mort!» et si ne veoient nullui.
§ 277. Il n’est nulz homs, tant fust presens à
celle journée ne euist bon loisir d’aviser et ymaginer
toute la besongne ensi que elle ala, qui en seuist ne
25peuist imaginer le verité, especialment de le partie
des François, tant y eut povre arroy et ordenance en
leurs conrois. Et ce que j’en sçai, je le seuch le plus
par les Englès qui imaginèrent bien leur couvenant,
et ossi par les gens monsigneur Jehan de Haynau qui
30fu toutdis dalés le roy de France. Li Englès, qui ordonné
estoient en trois batailles, et qui seoient jus à
[175] terre tout bellement, si tos que il veirent les François
approcier, il se levèrent moult ordonneement, sans
nul effroy, et se rengièrent en leurs batailles, ceste
dou prince tout devant, mis leurs arciers à manière
5d’une herce, et les gens d’armes ou fons de leur bataille.
Li contes de Norhantonne et li contes d’Arondiel
et leur bataille, qui faisoient le seconde, se
tenoient sus èle bien ordonneement, et avisé et pourveu
pour conforter le prince, se il besongnoit. Vous
10devés savoir que cil seigneur, roy, duc, conte et baron
françois ne vinrent [mie jusques à là tous ensamble,
mais l’un devant et l’autre derrière, sans
arroy et ordonnance[351].
§ 278. Quant li rois Phelippes vint jusques sus
15la place où li Englès estoient priès de là arresté et
ordonné, et il les vei, se li mua li sans, car trop les
haioit. Et ne se fust à ce donc nullement refrenés ne
astrains d’yaus combatre, et dist à ses mareschaus:
«Faites passer nos Geneuois devant et commencier
20le bataille, ou nom de Dieu et de monsigneur
saint Denis!» Là avoit de ces dis Geneuois arbalestriers
environ quinze mil, qui euissent ossi chier
nient que commencier adonc le bataille, car il estoient
durement lassé et travillié d’aler à piet plus de six
25liewes tout armé, et de porter leurs arbalestres. Et
disent adonc à leurs connestables que il n’estoient mies
adonc ordonné pour nul grant esploit de bataille.
Ces parolles volèrent jusques au conte d’Alençon, qui
en fu durement courouciés, et dist: «On se doit
[176] bien cargier de tel ribaudaille qui fallent au plus
grant besoing!»
Entrues que ces parolles couroient, et que cil
Geneuois se recueilloient et se detrioient, descendi
5une plueve dou ciel, si grosse et si espesse que merveilles,
et uns tonnoires et uns esclistres moult grans
et moult horribles. En devant cette plueve, par dessus
les batailles, otant d’un lés comme de l’autre, avoient
volé si grant fuison de corbaus que sans nombre, et
10demené le plus grant tempès dou monde. Là disoient
li aucun sage chevalier que c’estoit uns signes de
grant bataille et de grant effusion de sanch. Apriès
toutes ces coses, li airs se commença à esclarcir, et
li solaus à luire biaus et clers: si l’avoient li François
15droit en l’oel, et li Englès par derrière.
Quant li Geneuois furent tout recueilliet et mis
ensamble, et il deurent approcier leurs ennemis, il
commencièrent à juper si très hault que ce fu merveilles;
et le fisent pour esbahir les Englès, mès li
20Englès se tinrent tout quoi et ne fisent nul samblant.
Secondement encores jupèrent ensi et puis alèrent un
petit avant, et li Englès [restoient] tout quoi sans yaus
mouvoir de leur pas. Tiercement encores juppèrent il
moult hault et moult cler, et passèrent avant, et tendirent
25leurs arbalestres, et commencièrent à traire. Et cil
arcier d’Engleterre, quant il veirent ceste ordenance,
passèrent un pas avant, et puis fisent voler ces saiettes
de grant façon, qui entrèrent et descendirent si ouniement
sus ces Geneuois que ce sambloit nège. Li
30Geneuois, qui n’avoient point apris à trouver telz
arciers que cil d’Engleterre, quant il sentirent ces
saiettes qui leur perçoient bras, tiestes et baulèvres,
[177] furent tantos desconfi. Et copèrent li pluiseur d’yaus
les cordes de leurs ars, et li aucun les jettoient jus;
si se misent ensi au retour.
Entre yaus et les Englès avoit une grande haie de
5gens d’armes, montés et parés moult richement, qui
regardoient le couvenant des Geneuois et comment
il assambloient: si ques, quant il cuidièrent retourner,
il ne peurent. Car, li rois de France, par grant
mautalent, quant il vei leur povre arroy, et que il
10se desconfisoient, ensi commanda et dist: «Or tos,
or tos tués toute ceste ribaudaille: il nous ensonnient
et tiennent le voie sans raison.» Là veissiés
gens d’armes entoueilliés entre yaus ferir et fraper
sus yaus, et les pluiseurs trebuchier et cheir parmi
15yaus, qui onques puis ne relevèrent. Et toutdis traioient
li Englès efforciement en le plus grant presse, qui
riens ne perdoient de leur tret, car il empalloient et
feroient parmi le corps ou parmi membres chevaus
et gens d’armes qui là cheoient et trebuchoient en
20grant meschief; et ne pooient estre relevé, se ce n’estoit
à force et par grant ayde de gens. Ensi se commença
li bataille entre la Broie et Creci en Pontieu,
ce samedi, à heure de vespres.
§ 279. Li vaillans et gentilz rois de Behagne,
25qui s’appelloit messires Charles de Lussembourch, car
il fu filz à l’empereour Henri de Lussembourch, entendi
par ses gens que la bataille estoit commencie; car
quoique il fust là armés et en grant arroy, il ne veoit,
goutes et estoit aveules: si demanda as chevaliers,
30qui dalés lui estoient, comment li ordenance de leurs
gens se portoit. Chil l’en recordèrent le verité, et
[178] li disent: «Ensi et ensi est. Tout premiers li Geneuois
sont desconfi, et a commandé li rois de France à
yaus tous tuer. Et toutes fois entre nos gens et eulz
a si grant tueil que merveilles, car il cheent et
5trebuchent l’un sus l’autre, et nos empeecent trop
grandement.»—«Ha! respondi li rois de Behagne,
c’est uns povres commencemens pour nous.» Lors
demanda il apriès le roy d’Alemagne son fil, et dist:
«Où est messires Charles mes filz?» Chil respondirent
10qui l’entendirent: «Monsigneur, nous ne
savons. Nous creons bien qu’il soit d’autre part et
qu’il se combate.»
Adonc dist li vaillans rois à ses gens une grant
vaillandise: «Signeur, vous estes mi homme et mi
15ami et mi compagnon. A le journée d’ui, je vous pri
et requier très especialment que vous me menés si
avant que je puisse ferir un cop d’espée.» Et cil qui
dalés lui estoient, et qui se honneur et leur avancement
amoient, li acordèrent. Là estoit li Monnes de Basèle
20à son frain, qui envis l’euist laissiet; et ossi eussent
pluiseur bon chevalier de le conté de Lussembourc, qui
estoient tout dalés lui: si ques, pour yaus acquitter,
et que il ne le perdesissent en le presse, il s’alloièrent
par les frains de leurs chevaus tous ensamble; et
25misent le roy leur signeur tout devant, pour mieulz
acomplir son desirier. Et ensi s’en alèrent il sus leurs
ennemis. Bien est verités que de si grant gent
d’armes et de si noble chevalerie et tel fuison que li
rois de France avoit là, il issirent trop peu de grans
30fais d’armes, car li bataille commença tart, et si
estoient li François fort lassé et travillié, ensi qu’il
venoient. Toutes fois, li vaillant homme et li bon
[179] chevalier, pour leur honneur, chevauçoient toutdis
avant, et avoient plus chier à morir, que fuite villainne
leur fust reprocie. Là estoient li contes d’Alençon, li
contes de Blois, li contes de Flandres, li dus de Lorraigne,
5li contes de Harcourt, li contes de Saint Pol,
li contes de Namur, li contes d’Auçoirre, li contes
d’Aubmale, li contes de Sanssoire, li contes de Salebruce,
et tant de contes, de barons et de chevaliers
que sans nombre. Là estoit messires Charles de
10Behagne, qui s’appeloit et escrisoit jà rois d’Alemagne
et en portoit les armes, qui vint moult ordonneement
jusques à le bataille. Mais quant il vei que la
cause aloit mal pour yaus, il s’en parti: je ne sçai
pas quel chemin il prist.
15Ce ne fist mies li bons rois ses pères, car il ala si
avant sus ses ennemis que il feri un cop d’espée,
voire trois, voire quatre, et se combati moult vaillamment.
Et ossi fisent tout cil qui avoecques lui
acompagniet estoient; et si bien le servirent, et si
20avant se boutèrent sus les Englès, que tout y demorèrent.
Ne onques nulz ne s’en parti, et furent trouvé
à l’endemain, sus le place, autour dou roy leur
signeur, et leurs chevaus tous alloiiés ensamble.
§ 280. Vous devez [sçavoir[352]] que li rois de France
25avoit grant angousse au coer, quant il veoit ses gens
ensi desconfire et fondre l’un sus l’autre, d’une puignie
de gens que li Englès estoient. Si en demanda
conseil à monsigneur Jehan de Haynau qui dalés lui
estoit. Li dis messires Jehan li respondi et dist:
[180] «Certes, sire, je ne vous saroie consillier. Le milleur
pour vous, ce seroit que vous vos retraissiés et
mesissiés à sauveté, car je n’i voi point de recouvrier.
Il sera tantost tart: si poriés ossi bien chevaucier
5sus vos [ennemis[353]] et estre perdus, que entre
vos [amis[354]].»
Li rois, qui tous fremissoit d’aïr et de mautalent,
ne respondi point adonc, mès chevauça un petit
plus avant; et li sambla que il se voloit radrecier
10devers le conte d’Alençon son frère, dont il veoit les
banières sus une petite montagne. Li quelz contes
d’Alençon descendi moult ordonneement sus les
Englès, et les vint combatre; et li contes de Flandres,
d’autre part. Si vous di que cil doi signeur et leurs
15routes, en costiant les arciers, s’en vinrent jusques à
le bataille dou prince, et là se combatirent moult
longement et moult vaillamment. Et volentiers y
fust venus li rois Phelippes, se il peuist; mais il y
avoit une si grande haie d’arciers et de gens d’armes
20au devant que jamès ne fust passés, car com plus
venoit, plus esclarcissoit ses conrois.
Che jour, au matin, avoit li rois Phelippes donné
à monsigneur Jehan de Haynau un noir coursier,
durement [grant[355]] et biel. Li dis messires Jehans
25l’avoit bailliet à un sien chevalier, monsigneur Thieri
de Senselles, qui portoit sus se banière. Dont il avint
que li chevaliers, sus ce coursier, le banière monsigneur
Jehan de Haynau dalés lui, tresperça tous les
[181] conrois des Englès. Et quant il fu hors et oultre au
prendre son retour, il trebucha parmi un fosset, car
il estoit bleciés dou tret des arciers, et là chey. Et y
euist esté mors et sans remède, mès ses pages, sus
5son coursier, autour des batailles, l’avoit poursievi,
et le trouva si à point qu’il gisoit là et ne se pooit
ravoir. Il n’avoit aultre empeecement que dou cheval,
car li Englès n’issoient point hors de leurs batailles,
pour nullui prendre ne grever. Lors descendi li
10pages, et fist tant que ses mestres fu relevés et
remontés: ce biel service li fist il. Et saciés que
li sires de Senselles ne revint mies arrière par le
chemin qu’il avoit fait; ossi, au voir dire, il ne
peuist.
15§ 281. Ceste bataille, ce samedi, entre la Broie et
Creci, fu moult felenesse et très horrible. Et y avinrent
pluiseur grant fait d’armes qui ne vinrent mies
tout à cognissance; car, quant la bataille commença,
il estoit jà moult tart: ce greva plus les François
20c’autre cose. Car pluiseurs gens d’armes, chevaliers et
escuiers, sus le nuit, perdoient leurs signeurs et leurs
mestres. Si waucroient par les camps, et s’embatoient
souvent à petite ordenance entre les Englès où tantost
il estoient envay et occis. Ne nulz n’estoit pris
25à raençon ne à merci, car entre yaux il l’avoient ensi
au matin ordonné, pour le grant nombre de peuple
dont il estoient enfourmé qui les sievoit.
Li contes Loeis de Blois, neveus dou roy Phelippe
et dou conte d’Alençon, s’en vint avoech ses gens et
30desous se banière combatre as Englès, et là se porta
moult vaillamment, et ossi fist li dus de Loeraingne.
[182] Et dient li pluiseur que, se la bataille fust ossi bien
commencie dou matin que elle fist sus le vespre, il y
euist eu entre les François pluiseurs grans recouvrances
et grans apertises d’armes qui point n’i furent.
5Si y eut aucuns signeurs, chevaliers et escuiers
françois et de leur costé, tant alemans que savoiiens,
qui par force d’armes rompirent les arciers de le bataille
dou Prince et vinrent jusques as gens d’armes
combatre as espées, main à main, moult vaillamment.
10Et là eut fait pluiseurs apertises d’armes.
Et y furent, dou costet des Englès, très bon chevalier
messires Renaulz de Gobehem et messires Jehans
Chandos. Et ossi furent pluiseur aultre, les quelz je
ne puis mies tous nommer, car là dalés le Prince estoit
15toute la fleur de chevalerie d’Engleterre. Et adonc
li contes de Norhantonne et li contes d’Arondiel, qui
gouvrenoient le seconde bataille, et qui se tenoient
sus èle, vinrent rafreschir la bataille dou dit Prince;
et bien besongnoit, car aultrement elle euist eu à
20faire. Et pour le peril ou cil qui gouvrenoient et servoient
le Prince, se veoient, il envoiièrent un chevalier
de leurs conrois devers le roy, qui se tenoit plus
amont, sus le mote d’un moulin à vent, en cause
que d’avoir aye. Si dist li chevaliers, quant il fu venus
25au roy: «Monsigneur, li contes de Warvich, li
contes de Kenfort et messires Renaulz de Gobehem,
qui sont dalés le Prince vostre fil, ont grandement à
faire, et les combatent li François aigrement. Pour
quoi il vous prient que vous et vostre bataille les
30venés conforter et aidier à oster de ce peril; car, se
cilz effors monteplie longement et s’efforce ensi, il
se doubtent que vostres filz n’ait à faire.»
[183] Lors respondi li rois et demanda au chevalier, qui
s’appelloit messires Thumas de Nordvich: «Messires
Thumas, mes filz est il ne mors ne atierés, ou si bleciés
qu’il ne se puist aidier?» Cilz respondi: «Nennil,
5monsigneur, se Dieu plaist, mais il est en dur
parti d’armes: si aroit bien mestier de vostre ayde.»
—«Messire Thumas, dist li rois, or retournés devers
lui et devers chiaus qui ci vous envoient; et
leur dittes de par moy qu’il ne m’envoient meshui
10requerre pour aventure qui leur aviegne, tant que
mes filz soit en vie. Et dittes leur que je leur mande
que il laissent à l’enfant gaegnier ses esporons; car
je voel, se Diex l’a ordonné, que la journée soit
sienne, et que li honneur l’en demeure et à chiaus
15en qui carge je l’ai bailliet.»
Sus ces parolles, retourna li chevaliers arrière, et
recorda à ses mestres tout ce que vous avés oy: laquèle
response les encoraga grandement, et se reprisent
en yaus meismes de ce que là avoient envoiiet.
20Si furent milleur chevalier que devant, et y fisent
pluiseurs apertises d’armes, ensi que il apparu, car
la place leur demora à leur honneur.
§ 282. On doit bien croire et supposer que là
où il avoit tant de vaillans hommes, et si grant multitude
25de peuple, et où tant et tel fuison de le partie
des François en demorèrent sus le place, que il y ot
fait ce soir pluiseurs grans apertises d’armes, qui ne
vinrent mies tout à cognissance. Il est bien voirs que
messires Godefrois de Harcourt, qui estoit dalés le
30Prince et en se bataille, euist volentiers mis painne
et entendu à ce que li contes de Harcourt fust sauvés,
[184] car jà avoit il oy recorder aucuns Englès que on
avoit veu sa banière, et qu’il estoit avoech ses gens
venus combatre as Englès; mès li dis messires Godefrois
n’i peut venir à temps. Et fu là mors li contes sus
5le place, et ossi fu li contes d’Aubmale ses neveus.
D’autre part, li contes d’Alençon et li contes de
Flandres, qui se combatoient moult vaillamment as
Englès, cescuns desous sa banière et entre ses gens,
ne peurent resister à le poissance des Englès; et furent
10là occis sus le place, et grant fuison de bons
chevaliers et escuiers dalés yaus, dont il estoient
servi et acompagniet.
Li contes Loeis de Blois et li dus de Loeraingne
ses serourges, avoecques leurs gens et leurs banières,
15se combatoient d’autre part moult vaillamment; et
estoient enclos d’une route d’Englès et de Gallois
qui nullui ne prendoient à merci. Là fisent il de
leurs corps pluiseurs grans apertises d’armes, car il
estoient moult vaillant chevalier et bien combatant.
20Mès toutes fois leur proèce ne valli riens, car li dessus
dit demorèrent sus le place, et tout cil qui dalés
yaus estoient. Ossi fist li contes d’Auçoirre, qui estoit
moult vaillans chevaliers, et li contes de Saint
Pol, et tant d’autres que merveilles seroit à recorder.
25§ 283. Sus le vespre tout tart, ensi c’à jour fallant,
se parti li rois Phelippes tous desconfortés, il y
avoit bien raison, lui cinquime de barons tant seulement:
c’estoit messires Jehans de Haynau li premiers
et li plus proçains de lui, li sires de Montmorensi,
30li sires de Biaugeu, li sires d’Aubegni et li sires
de Montsaut. Si chevauça li dis rois, tout lamentant
[185] et complaindant ses gens, jusques au chastiel de la
Broie. Quant il vint à le porte, il le trouva fremée
et le pont levet, car il estoit toute nuis, et faisoit
moult brun et moult espès. Adonc fist li rois appeller
5apriès le chastellain, car il voloit entrer dedens: si
fu appellés, et vint avant sus les garites, et demanda
tout en hault qui c’estoit qui buschoit à ceste heure.
Li rois Phelippes, qui entendi le vois, respondi et
dist: «Ouvrés, ouvrés, chastellain, c’est li infortunés
10rois de France.» Li chastelains salli tantost
avant, qui recogneut la parolle dou roy, et qui bien
savoit jà que li leur estoient desconfit, par aucuns
fuians qui estoient passet desous le chastiel; si
abaissa le pont et ouvri le porte. Lors entra li rois
15dedens et toute se route, qui n’estoit mies trop grande.
Si furent là jusques à mienuit. Et n’eut mies
li rois conseil que il y demorast ne s’ensierast là dedens:
si but un cop, et ossi fisent cil qui avoech lui
estoient. Et puis s’en partirent et issirent dou chastiel,
20et montèrent as chevaus, et prisent gides pour
yaus mener, qui cognissoient le pays. Si entrèrent
ou chemin environ mienuit, et chevaucièrent tant
que au point dou jour il entrèrent en le [bonne[356]] cité
d’Amiens. Là s’arresta li rois et se loga dedens une
25abbeye, et dist qu’il n’iroit plus avant si saroit le verité
de ses gens, liquel y estoient demoret et liquel
estoient escapet. Or revenons à le desconfiture de
Creci et à l’ordenance des Englès, et comment, ce
samedi que la bataille fu et le dimence au matin, il
30perseverèrent.
[186] § 284. Vous devés savoir que la desconfiture et la
perte pour les François fu moult grande et moult
horrible, et que trop y demorèrent sus les camps de
nobles et vaillans hommes, dus, contes, barons et
5chevaliers, par lesquelz li royaumes de France fu
moult depuis afoiblis d’onneur, de poissance et de
conseil. Et saciés que, se li Englès euissent caciet
ensi qu’il fisent à Poitiers, encores en fuissent trop
plus demoret, et li rois de France meismes, mès
10nennil; car le samedi onques ne se partirent de leurs
conrois pour cacier apriès homme. Et se tenoient
sus leurs pas, gardans leur place, et se deffendoient
à chiaus qui les assalloient. Et tout ce sauva le roy
de France de estre pris, car li dis rois demora tant
15sus le place assés priès de ses ennemis, si com chi
dessus est dit, qu’il fu moult tart, et qu’il n’avoit dalés
lui à son departement non plus de soixante hommes,
uns c’autres. Et adonc le prist messires Jehans
de Haynau par le frain, qui l’avoit à garder et à consillier,
20et qui jà l’avoit remonté une fois, car dou
tret on avoit occis le coursier dou roy, et li dist:
«Sire, venés vous ent, il est temps, ne vous perdés
mies ci si simplement. Se vous avés perdu à ceste
fois, vous recouverés une autre.» Et l’enmena li
25dessus dis messires Jehans, ensi que par force.
Si vous di que ce jour li arcier d’Engleterre portèrent
grant confort à leur partie, car par leur tret
li pluiseur dient que la besongne se fist, comment
que il y eut bien aucuns vaillans chevaliers de leur
30lés qui vaillamment se combatirent de le main, et
qui moult y fisent de belles apertises de le main et
de grandes recouvrances. Mais on doit bien sentir et
[187] cognoistre que li arcier y fisent un grant fait, car par
leur tret de commencement furent desconfi li Geneuois
qui estoient bien quinze mil, qui leur fu
uns grans avantages. Car trop grant fuison de gens
5d’armes richement armé et paré et bien monté, ensi
que on se montoit adonc, furent desconfi et perdu
par les Geneuois qui trebuchoient parmi yaux et
s’entoueilloient si que il ne se pooient lever ne ravoir.
Et là entre ces Englès avoit pillars et ribaus, Gallois
10et Cornillois, qui poursievoient gens d’armes et arciers,
qui portoient grandes coutilles, et venoient entre
leurs gens d’armes et leurs arciers qui leur faisoient
voie, et trouvoient ces gens d’armes en ce
dangier, contes, barons, chevaliers et escuiers; si les
15occioient sans merci, com grans sires qu’il fust. Par
cel estat en y eut ce soir pluiseurs perdus et murdris,
dont ce fu pités et damages, et dont li rois
d’Engleterre fu depuis courouciés que on ne les avoit
pris à raençon.
20§ 285. Quant la nuis ce samedi fu [toute[357]] venue,
et que on n’ooit mais criier ne jupper ne renommer
nulle ensengne ne nul signeur, si tinrent li Englès à
avoir la place pour yaus, et leurs ennemis desconfis.
Adonc alumèrent il en leur host grant fuison de fallos
25et de tortis, pour tant qu’il faisoit moult brun. Et lors
s’avala li rois Edowars, qui encores tout ce jour n’avoit
mis son bacinet; et s’en vint o toute sa bataille
moult ordonneement devers son fil le Prince: si
l’acola et baisa. Et li dist: «Biaus filz, Diex vous
[188] doinst bonne perseverance! Vous estes mes filz, car
loyaument vous vos estes hui acquittés: si estes
dignes de tenir terre.» Li Princes à ceste parolle
s’enclina tout bas et s’umelia, en honnourant le roi
5son père, ce fu raisons.
Vous devés savoir que grant lièce de coer et grant
joie fu là entre les Englès, quant il veirent et sentirent
que la place leur estoit demorée, et que la nuitie
avoit estet pour yaus; se tinrent ceste aventure à
10moult belle et à grant glore. Et en loèrent et regratiièrent
li signeur et li sage homme, moult grandement
et par pluiseurs fois celle nuit, Nostre Signeur qui
tel grasce leur avoit envoiie. Ensi passèrent il celle
nuit sans nul beubant, car li rois d’Engleterre ne voloit
15mies que nulz s’en fesist. Quant ce vint le dimence
au matin, il fist grant bruine et tèle que à
painnes pooit on veoir lonch un arpent de terre.
Dont se departirent de l’ost, par l’ordenance dou roy
et des mareschaus, environ cinq cens hommes d’armes
20et deux mil arciers, pour chevaucier à savoir
se il trouveroient nullui ne aucuns François qui se
fuissent recueilliet.
Ce dimence au matin, s’estoient parti de Abbeville
et de Saint Rikier en Pontieu les communautés de
25Roem et de Biauvais, qui riens ne savoient de le
desconfiture qui avoit esté faite le samedi. Si trouvèrent
à male estrine pour yaus en leur encontre ces Englès
qui chevauçoient, et se boutèrent entre yaus, et cuidièrent
de premiers que ce fuissent de leurs gens. Si
30tost que li Englès les ravisèrent, il leur coururent
sus, et là de recief eut grande bataille et dure. Et
furent cil François tantost desconfi et mis en cace, et
[189] ne tinrent nul conroy. Si en y eut mors sus les
camps, que par haies que par buissons, ensi qu’il
fuioient, plus de sept mil; et se il fesist cler, il n’en
fust jà piès escapés.
5Assés tost apriès, en une aultre route, furent rencontré
de ces Englès li arcevesques de Roem et li
grans prieus de France, qui riens ne savoient ossi de
le desconfiture. Et avoient entendu que li rois ne se
combateroit jusques à ce dimence, et cuidièrent des
10Englès que ce fuissent leurs gens: si s’adrecièrent
devers yaus; et tantost li Englès les envairent et assallirent
de grant volenté. Et là eut de rechief grant
bataille et dure. Car cil doy signeur estoient pourveu
de bonnes gens d’armes, mais il ne peurent durer
15longement as Englès; ançois furent tantost desconfi
et priès que tout mort, petit s’en sauvèrent. Et y
furent mort li doy chief qui les menoient; ne oncques
il n’i eut homme pris à raençon.
Ensi chevaucièrent ceste matinée cil Englès querant
20aventures, qui trouvèrent et rencontrèrent pluiseurs
François qui estoient mari et fourvoiiet le samedi,
et qui avoient celle nuit jeu sus les camps, et
qui ne savoient nulles nouvelles de leur roy ne de
leurs conduiseurs. Si entroient en povre estrine pour
25yaus, quant il se trouvoient entre les Englès, car il
n’en avoient nulle merci, et mettoient tout à l’espée
sans merci. Et me fu dit que, de communautés et de
gens de piet des cités et des bonnes villes, il en y
eut mors, ce dimence au matin, plus quatre tans que
30le samedi, que li grosse bataille fu.
§ 286. Ce dimence, ensi que li rois d’Engleterre
[190] issoit de messe, revinrent li chevauceur et li arcier,
qui envoiiet avoient esté pour descouvrir le pays, et
savoir se nulle rassamblée et recueilloite se faisoit
des François. Si recordèrent au roy tout ce que il
5avoient veu et trouvé, et li disent bien qu’il n’en estoit
nulz apparans.
Adonc eut conseil li rois qu’il envoieroit cercier
les mors, à savoir quel signeur estoient là demoret.
Si furent ordonné doi moult vaillant chevalier pour
10là aler, et en lor compagnie troi hiraut pour recognoistre
les armes, et doi clerch pour registrer et escrire
les noms de chiaus qu’il trouveroient. Li doi
chevalier, ce furent messires Renaulz de Gobehem
et messires Richars de Stanfort. Si se partirent dou
15roy et de son logeis, et se misent en painne de veoir
et viseter tous les occis. Si en trouvèrent si grant
fuison que il en furent tout esmervilliet, et cerchièrent
au plus justement qu’il peurent ce jour tous les
camps, et y misent jusques as vespres bien bas. Au
20soir, ensi que li rois d’Engleterre devoit aller au souper,
retournèrent li doi chevalier devers le roy, et
fisent juste raport de tout ce que il avoient veu et
trouvé. Si disent que onze chiés de princes estoient
demoret sus le place, quatre vingt banerés et douze
25cens chevaliers d’un escut, et environ trente mil
hommes d’autres gens. Si loèrent li rois d’Engleterre,
li Princes ses filz et tout li signeur grandement Dieu,
et de bon corage, de le belle journée que il leur avoit
envoiie, que une puignie de gens que il estoient, ens
30ou regart des François, avoient ensi desconfis leurs
ennemis. Et par especial li rois d’Engleterre et ses
filz complaindirent longement le mort dou vaillan
[191] roy de Behagne, et le recommendèrent grandement
et chiaus qui dalés lui estoient demoret. Si arrestèrent
encores là celle nuit, et le lundi au matin il ordonnèrent
dou partir.
5Et fist li dis rois d’Engleterre, en cause de pité
et de grasce, tous les corps des grans signeurs,
qui là estoient demoret, prendre et oster desus le
terre et porter en un monastère priés de là, qui
s’appelle Montenai, et ensepelir en sainte terre. Et
10fist à savoir sus chiaus dou pays que il donnoit
triewes trois jours pour cerchier le camp de Creci et
ensevelir les mors; et puis chevauça oultre par devers
Moustruel sus Mer. Et si mareschal coururent
devers Hedin, et ardirent Waubain et Serain; mès
15au chastiel ne peurent il riens fourfaire, car il est
trop fors, et si estoit bien gardés. Si se logièrent ce
lundi sus le rivière de Hedin, au lés devers Blangis.
Et l’endemain il passèrent oultre, et chevaucièrent
devers Boulongne; si ardirent en leur chemin le ville
20de Saint Josse et le Nuef Chastiel, et puis Estaples, le
Delue et tout le pays de Boulenois. Et passèrent entre
les bos de Boulongne et le forest de Hardelo, et vinrent
jusques à le grosse ville de Wissan. Là se loga
li dis rois et li princes et toute li hos, et s’i rafreschirent
25un jour; et le joedi s’en partirent, et s’en
vinrent devant le forte ville de Calais. Or, parlerons
un petit dou roy de France, et compterons comment
il persevera.
§ 287. Quant li rois Phelippes fu partis de la
30Broie, ensi que ci dessus est dit, à moult seule gent,
il chevauça celle nuit tant que le dimence il vint en
[192] le bonne cité d’Amiens, et se loga dehors en l’abbeye
dou Gart. Quant li rois fu là arrestés, li baron et li
signeur de France et de son conseil, qui demandoient
pour lui, y arrestèrent ossi, ensi que il venoient. Encores
5ne savoit li dis [rois[358]] le grant perte des nobles
et des proçains de son sanc que il avoit perdus. Ce dimence
au soir, on l’en dist le vérité. Si regreta grandement
monsigneur Charle son frère, conte d’Alençon,
son neveu le conte de Blois, son serourge le
10bon roi de Behagne, le conte de Flandres, le duch
de Loeraingne, et tous les barons et les signeurs, l’un
apriès l’autre.
Et vous di que messires Jehans de Haynau estoit
adonc dalés lui, et cils en qui il avoit le plus grant
15fiance. Et liquelz fist un moult biel service à monsigneur
Godemar dou Fay, car li rois estoit si fort courouciés
sus lui que il le voloit faire pendre; et l’euist
fait sans faute, se n’euist esté li dis messires Jehans
de Haynau, qui li brisa son aïr et escusa le dit monsigneur
20Godemar. Et estoit la cause que li rois disoit
que cilz s’estoit mauvaisement acquittés de garder le
Blanke Take, et que par sa mauvaise garde li Englès
estoient passet oultre en Pontieu: pour quoi il avoit
receu celle perte et ce grant damage. Au pourpos
25dou roy s’enclinoient bien li aucun de son conseil,
qui volsissent bien que li dis messires Godemars
l’euist comparet, et l’appelloient traitteur; mès li
genlilz chevaliers dessus nommés l’escusa, et de
raison par tout. Car comment peuist il avoir deffendu
30ne resisté à le poissance des Englès, quant toute
[193] li fleur de France mise ensamble n’i peurent riens
faire?
Si passa li rois son mautalent adonc, au plus biel
qu’il peut, et fist faire les obsèques, l’un après l’autre,
5de ses proçains. Et puis se parti d’Amiens, et donna
toutes manières de gens d’armes congiet, et retourna
devers Paris.
Et jà avoit li rois d’Engleterre assegiet le forte ville
de Calais.
FIN DU TEXTE DU TOME TROISIÈME.