ANTHENOR.
Mais quelle Histoire enfin peut servir de sujet
Et propre & convenable à ce rare projet?
ARISTIDE.
Celle d'Ardaleon, ou celle de Porphire,
Qui tous deux bien aymez des maistres de l'Empire,
Furent par les Chrestiens tellement abusez
Qu'ils suivirent des voeux qu'ils avoient mesprisez,
Et par une folie à nulle autre seconde
Se rendirent l'opprobre & la fable du monde.
LUCIANE.
Tous deux ont exercé nostre profession.