LE SIEUR DE LA FRANCHISE
AU DISCOURS
DU SIEUR CHAMPLAIN.
Muses, si vous chantez, vraiment je vous conseille
Que vous louiez Champlain, pour estre courageux:
Sans crainte des hasards, il a veu tant de lieux,
Que ses relations nous contentent l'oreille.
Il a veu le Pérou [1], Mexique & la Merveille
Du Vulcan infernal qui vomit tant de feux,
Et les saults Mocosans [2], qui offensent les yeux
De ceux qui osent voir leur cheute nonpareille.
Il nous promet encor de passer plus avant,
Réduire les Gentils, & trouver le Levant,
Par le Nort, ou le Su, pour aller à la Chine.
C'est charitablement tout pour l'amour de Dieu.
Sy des lasches poltrons qui ne bougent d'un lieu!
Leur vie, sans mentir, me paroist trop mesquine.
DE LA FRANCHISE.
Note 1:[ (retour) ] Champlain a bien été jusqu'à Mexico, comme on peut le voir dans son Voyage aux Indes Occidentales; mais il ne s'est pas rendu au Pérou, que nous sachions.
Note 2:[ (retour) ] Mocosa est le nom ancien de la Virginie. Cette expression, saults Mocosans, semble donner à entendre que, dès 1603 au moins, l'on avait quelque connaissance de la grande chute de Niagara.
EXTRAICT DU PRIVILEGE.
PAR privilege du Roy donné à Paris le 15 de novembre 1603, signé Brigard.
Il est permis au Sieur de Champlain de faire imprimer par tel imprimeur que bon luy semblera un livre par luy composé, intitulé. Des Sauvages, ou Voyage du Sieur de Champlain, fait en l'an 1603, & sont faictes deffenses à tous libraires & imprimeurs de ce Royaume, de n'imprimer, vendre & distribuer ledict livre, si ce n'est du consentement de celuy qu'il aura nommé & esleu, à peine de cinquante escus d'amende, de confiscation & de tous despens, ainsi qu'il est plus amplement contenu audit privilege.
Ledict Sieur de Champlain, suivant son dit privilege, a esleu & permis à Claude de Monstr'oeil, libraire en l'université de Paris, d'imprimer le susdict livre, & luy a cédé & transporté son dit privilege, sans que nul autre le puisse imprimer, ou faire imprimer, vendre & distribuer, durant le temps de cinq années, sinon du consentement dudict Monstr'oeil, sur les peines contenues audit privilege.