Item auf der langen prucken gegen Cristan Weissen haus h. u. l.
Item an der padstuben im Werde h. u. l.
Item an des Swoben müll auf dem Newenpaw h. u. l.
[94b] Von den lateren in der stat.
So hat ein erberger ratt im nechsten krieg furgenomen und bevalhe zu geben in die hernach geschriben eckhäuser groß latern, die man auß hencken solt und liecht dorein stecken, wenn fewer auß kem oder sust bei der nacht ein geleuft wurd. auch hat man an vill eckheusern, dovor nit eisen gewest sein, eisen von der stat wegen machen lassen; darzu hat man ettwan vill leuchten machen lassen, die man auch auß geben wolt in ettlich eckhäuser, das aber noch bißher nit gescheen ist, sunder sie sein noch auf der Peunt vorhanden etc.
[95a] [Von den laterren] in sant Sebolts pfarre.
Am ersten an des Laubingers haus am Heumarckt ein [lateyren].
Item an Nicklas Grossen haus am Heumarckt, hat selber ein latern.
Item an des jungen Plattenbergers haus gegen Hannsen Coler uber ein latern.