Item neben dem Luginslant zwen etc. (wie vorher).
Item neben dem innern Lauffer thore zwen etc.
Item im Marstall zwen etc.
Item auf der Peunt steen zwen karn mit feurschaffen.
Item neben dem innern Frawenthore zwen karn mit fewerschaffen in der hutten.
Item neben dem weissen thuren, dem innern Spitaler thore zwen karen mit feurschaffen in der hutten.
Item so steet auf der Peunt allewegen pei vier oder fünf karn, darauf wasser vaß gepunden und gantz berait sein, ob fewer außkem, das man pfert daran setzen und wasser darauf zufuren mocht.
[92b] Von den fewerleittern in sant Sebolts pfarre.
Mer hat man an den hernach geschriben enden und heusern hangent allewegen zwu lang fewer leittern und zwen fewer hocken an stangen, wo fewer auß kem, das man dan solich leittern und hocken dazu holen mag, damit man dester paß geretten und das fewer uberhochen müg. und sein die hernachgeschriben leittern in sant Sebolts pfarr also verhanden.