Das mag mir din trútelehter lip mit liebe buͤssen,
Und ir roter mund, der sol mich gruͤssen:
Tůnt dú zwei des niht, so klage ichs doch der reinen suͤssen.
Si mag mir wol minen kumber wenden
Und ir minnekliche helfe senden.
O we Minne, wenne wilt du troͤsten mich vil senden?
Wenne wilt du mir min truren swachen?
Wenne wiltu suͤsse froͤide machen,
Also, das ir roter mund mir lieplich wolte lachen?