Minne, du weist wol, es ist dú liebe, die ich da meine:
Hilf, das mir dú here troͤste min gemuͤte;
Ob des niht geschiht, so wirt mir sender sorgen niemer rat.
O we, Minne, sol ich niht den roten kus erwerben,
Und den suͤssen umbevank, darzů ir minneklichen lip, den losen?
Suͤssú Minne, maht du herzeliep an mir erzeigen,
Nu was treit dich fúr, ob ich nah der vil herzelieben in liebe stirbe?
Minne, ich můs verderben, ob ich niht die froͤide vinde.
Ach dur Got, vil selig wib, noch helfent helfeliche!