„Gukt, Kinner, der Boge im Bungert dort draus,
Er schteht mit eem Fuhs gar net weit vor’m Haus;
Geht hi’ wo er schteht, dort findet ihr liege
Viel goldene Leffel, ihr kennt sie leicht kriege —
Ja, goldene Leffel, un Gabeln, un Bole,
Un goldene Bense! — Wollt ihr se net hole?”
Nor’d sin m’r gedschumpt, un gerennt un geschprunge,
Gegaunscht un geschneppert, gekrische un g’sunge!
O wann ich dra’ denk, muss ich heit noch recht lache;
Der vedderscht, der krikt wol ’s meenscht vun de Sache!