den ûß erwelten degenen nam si beiden den lîp.
Si lie si ligen sunder durch ir ungemach, 2303
daß ir sît dewedere den andern nie gesach.
unz si ir bruder houbet hin vür Hagenen truoc.
der Kriemhilde râche wart an in beiden genuoc.
Dô gie diu küneginne, dâ si Hagnen sach; 2304
wie rehte vîntlîche si zuo dem recken sprach:
‚welt ir mir geben widere, daß ir mir habt genomen,
sô megt ir noch wol lebende heim zuo den Burgunden komen.‘
Dô sprach der grimme Hagene: ‚diu rede ist gar verlorn, 2305