er bat der sêre wunden   vil güetlîchen phlegen.

dô was ir übermüeten   vil harte ringe gelegen.

Die erzenîe kunden,   den bôt man rîchen solt, A.254

silber âne wâge,   dar zuo daß liehte golt,

daß si die helde nerten   nâch des strîtes nôt;

dar zuo der künec den gesten   gâbe grœßlîchen bôt.

Die wider heim ze hûse   heten reise muot, A.255

die bat man noch belîben,   sô man vriunden tuot.

der künic gie ze râte,   wie er lônde sînen man:

si heten sînen willen   nâch grôßen êren getân.