und vil der jungen recken ûß Burgunden lant.
si hieß ouch vil der vremden brüeven hêrlîch gewant.
Âventiure
wie Sîvrit Kriemhilt êrste gesach.
Man sach si tegelîchen nu rîten an den Rîn, III.264
die zer hôhgezîte gerne wolden sîn.
die durch der künege liebe kômen in daß lant,
den bôt man sumelîchen beidiu ros und gewant.
In was ir gesidele allen wol bereit, 265
den hôhsten und den besten, als uns daß ist geseit,
zwein und drîßec vürsten, dâ zer hôhgezît: