‚des vil hôhen gruoßes lît vil maneger wunt,
des ich dâ wol enphinde, von Sîvrides hant:
Got lâße in nimmer mêre ze Tenemarke in daß lant!‘
Man hieß dô allenthalben wîchen von den wegen 298
der schœnen Kriemhilde; manegen küenen degen
sach man zühteclîche ze kirche mit ir gân.
sît wart von ir gescheiden der vil wætlîche man.
Dô gie si zuo dem münster, ir volgete manec wîp. 299
dâ was ouch wol gezieret der küneginne lîp,
daß dô hôher wünsche maneger wart verlorn.