daß wil ich mit iu teilen: des hân ich willigen muot.‘
Die von Tenemarken sprâchen sâ zehant: 310
‚ê daß wir wider rîten heim in unser lant,
wir gern stæter suone: des ist uns recken nôt:
wir hân von iuwern degenen manegen lieben vriunt tôt.‘
Liudegast geheilet sîner wunden was: 311
der vogt von den Sahsen nâch strîte wol genas.
etelîche tôten si ließen dâ ze lant.
dô gie der künic Gunther, dâ er Sîvriden vant.
Er sprach zuo dem recken: ‚nu rât, wie ich tuo. 312