jâ wær er in den landen niender anderswâ
gewesen alse sanfte: dâ von daß geschach,
daß er nu tegelîche die schœnen Kriemhilde sach.
Durch ir unmâßen schœne der hêrre dâ beleip. A.323
mit maneger kurzwîle man nu die zît vertreip;
wan daß in twanc ir minne: diu gab im dicke nôt;
dar umbe sît der küene lac vil jæmerlîchen tôt.
Âventiure
wie Gunther gên Isenlande nâch Prünhilt vuor.
Iteniuwiu mære sich huoben über Rîn: A.324
man seite, daß dâ wære manec magedîn.