‚Daß lobe ich,‘ sprach Gunther, ‚Sîvrit, an dîne hant. 333
und kumet diu schœne Prünhilt her in ditze lant,
sô wil ich dir ze wîbe mîne swester geben:
sô mahtu mit ir immer vrœlîchen leben.‘
Des swuoren si dô eide, die recken vil hêr. 334
des wart ir arbeite verre dester mêr,
ê si die wolgetânen brâhten an den Rîn:
des muosen die küenen sît in grôßen nœten sîn.
Von wilden getwergen hân ich gehœret sagen, C.
si sîn in holen bergen und (daß si) ze scherme tragen