Alsô der starke Sîvrit die tarnkappen truoc, A.336
sô hete er dar inne krefte genuoc,
zwelf manne sterke, als uns ist geseit.
er gewan mit grôßen listen die vil hêrlîchen meit.
Ouch was diu tarnhût alsô getân, A.337
daß dar inne worhte ein ieslîcher man,
swaß er selbe wolde, daß in niemen sach.
dâ mit gewan er Prünhilt; dâ von im leide geschach.
‚Du solt mir sagen, Sîvrit, ê unser vart ergê, A.338
wie wir mit vollen êren komen an den sê?