die kôs man an ir wæte vil hêrlîchen wagen.
si ließen âne huote daß schiffel bî der vluot:
sus riten zuo der bürge die helde küene unde guot.
Sehs und ahzec türne si sâhen drinne stân, 388
drî palas wîte und einen sal wol getân
von edelem marmelsteine grüene alsam ein gras,
dar inne diu küneginne mit ir ingesinde was.
Diu burc was entsloßßen, vil wîte ûf getân. 389
dô liefen in enkegene die Prünhilde man
und enphiengen die geste in ir vrouwen lant.