der spile bat si gâhen,   als ir daß gezam.

si hieß ir ze strîte   bringen ir gewant,

ein brünne von golde   und einen guoten schildes rant.

Ein wâfenhemde sîdîn   leite an diu meit, A.408

daß in deheime strîte   wâfen nie versneit,

von phelle ûßer Libîâ;   eß was wol getân:

von borten lieht gewürhte   sach man schînen dar an.

Die zît wart den recken   in gelfe vil gedreut. A.409

Dancwart und Hagene   wâren ungevreut.

wie eß dem künege ergienge,   des sorget in der muot.